بسم الله الرحمن الرحيم
هذه القصيدة أعجبتني كثيرا كلماتها جدا مؤثرة وذات معاني راقية لذا نقلتها لكم ،،
************
يآصاحبي لاتشكي الوقت و الحال
خل الذي في قلبك اليوم خافي
ما كل حكيٍ يا ابيض القلب ينقال
ولا كل عمرٍ من شقى الحال غافي
رح و اشتكي للي له الكل رحّال
و ارفع كفوفك له ترى الله كافي
و اعرف ترى كلٍ من همومها شال
و لاعاد شفت اللي من الهمّ صافي
ماانت الوحيد اللي شكى الوقت و الحال
وما انت الوحيد اللي له الوقت جافي
أكذب عليك ان قلت لك خالي البال
ياما مشيت الدرب و النور طافي
همي بقلبي يالخوي اتعب الحال
دمعي بعيني متصل يوم قافي
انت الرفيق اللي به الكون ما مال
لا ضاق صدري منهم القاك لافي
ترى غلاك اليوم ثابت و لا زال
و لا عاد ابي ربع القلوب المقافي
خذني يمينك وابشر بذرب الأفعال
لأمشي معك لو وين كان انجرافي
أقسم قسم انك على الراس تنشال
خذ من قصيدي وشوف جل اعترافي
//
((آمل ان ترتقي لذايقتكم الشعريه))
الإهداءات
08-05-2010, 22:33
يآصاحبي لاتشكي الوقت و الحال!!
للبحث داخل الموقع ينصح بقوقل
