يمضي العمر فيها كما ليل الاحلام

الله يامقسى الليالي والأيـام=مكبر بلاويها ومكثر نكدها
إذا صفت لك يوم في بعض الأيام=تشوف منها مايكدر رغدها
تمضي سنين العمر كله كما عام=والعمر يمضي والسنه في مهدها
يمر يوم وشهر وتمر الأعوام=والجاهل اللي غافلٍ عن وعدها
يمضي العمر فيها كما ليل الأحلام=والشمس تشرق ثم يرعد رعدها
نمشي على الرمضاء وحافين الأقدام=ومرار نجلس ثم ننصى عمدها
الشخص يمشي ع القدر كيف ماقام= تركض وهو متحزماً في طردها
الله يعدلها من الشرق إلى الشام=والفتنه القشرى تموت بجسدها
أطلب عدد من قام صلى ومن صام=يبعد ديار الشرك واللي عبدها
يالله يامنشي الهبائب والأنسام=تغفر لعبدٍ زلته ماقصدها
يخطي الخطايا كلها وأنت علام=وتغفر له الزلات لآمن وردها
بعض العرب صقراً في الجو لاحام=يشوف غلطاته وهو ينتقدها
وإلا فبعض الناس زولاً وهندام=مايعرف الحيه وشنهو ولدها
وختامها صلوا عدد خط الأقلام=على نبياً ليلته مارقدها