محاورة اعجبتني
بن طوير/بن شاطر/بن عقاب
البدع/بن طوير
كم توجدنا ولافاد صبري والوجود
المكان اللي تركته تقدم وانعمر
وانت الى قهويتني خل شغل البن سليّم
من يقابلني بوجهه ومن سمّاع لي
الرد/بن عقاب
ياعلي يابو سعد عندكم كرمة وجود
انت من بيتا ضري بالدسامة وانعمر
وانت راعي الموجبة والوفاء يابو سليم
بيض الله وجهك ووجه من سمّى علي
البدع/بن شاطر
بيننا يامالكي شرط مكتوب العقود
لاتفاتننا ولا ارميك في هول الخطر
واثرك الليلة مجبّر مع هذا الغليّم
بن عقاب اللي شبحته يحد العين لي
الرد/بن عقاب
ياصالح عمرك عليها مضي عدة عقود
مدري ويش اللي على خاطرك مني خطر
اهبط البندر والى ناسبك سعر الغليّ يم
ليش ياهذا المهندس لويت العين لي
البدع/بن طوير
كان ودي وقتك اللي تقدم مايعود
وانت ماترضى على اهل الديانة يآبـ.. شر
انحن اللي يوم نبدي نزم اهل اللوى زم
لاتقدمني لطلبة ولا تحتص لي
الرد/بن عقاب
جنب صالح خذت لي في ثيابي ماي عود
اثرها تعفي عليه الروايح يابشر
مدري وش كرهه في العود طيب اهل اللوازم
ونحن حنطنا به اللي غدا تحت الصلي
البدع/بن شاطر
عام الاول يوم سمعت الصواعق والرعود
اكترب قلبي على اهل البوادي والحضر
واثره الا العافية ماسمع الا رعد يرزم
لا غرق ثوبي ولا سار سيلا سايلي
الرد/بن عقاب
اما انا في ذا التلي زاد خوفي والرعود
مدري ويش الحاضر اللي على قلبي حضر
ياصالح ياصاحبي جعل عينك ماترى زم
لاترد الاجابة الا ان سألك السايلي
البدع/بن طوير
الخبوت اللي بجنب البحر عادو ثمود
وانا لو ودعت قرشين يجحدني المصر
ان تحدوك المحبين ياوجهي تشايم
ياحليل العاشق اللي من الناس إبتلي
الرد/بن عقاب
الطيور اشكال وانواع من عاد وثمود
وانت ياصالح تعلم وتنشد عن مصر
الغراب الى نعى كلها العالم تشايم
يانذير الشر والبين ماناسبت لي
البدع/بن شاطر
اشبح ياعبدالله الزير والعالم شهود
ان يساندك ابن منصور والا يعتذر
اعرف اللهجات مني وفي المعنى تحكم
والقوارع لو تحداك غيّر وابدلي
الرد/بن عقاب
مدري ياصالح تدور سمن والا شهود
سد وجه الله من بعض الامثال ذر
لو يضلي صالح اثنين والحاكم يحكم
مابقل ياعيظة افزع بجهدك وابد ..لي
البدع/بن طوير
العراق آساس الاشرار والنار الوقود
حيّر اصحاب التجارب بعيدين النظر
انتصرنا فيه يوم الحُد شربت من الدم
وسكن بالقادسية جرير البجلي
الرد/بن عقاب
كم لي مْع فاقدا شوفه آدلل واقود
لاتمثل وان بغينا نضر نعرف نضر
والله ما افارق ذي القصر والخاطر مندم
اما تغدي بآجل القوم والا بآجلي
البدع/بن شاطر
قاموا الشعار ضدي على كل الجهود
لكن ياربي لك الحمد انا عندي بُصر
انت ياعيظة على صحتك والا تُحلّم
والي الميت تعزيه وانت القاتلي
الرد/بن عقاب
ياصالح ماني رقيبا على فعل الزيود
اليمن قالوا مصارفه ماتعمل بصر
والله لو ماطيب قلب الحليم اللي تحلم
ماكان الاعناق تلوي غصون القات لي
البدع/بن طوير
لاتقرب خبت شداد من صحراء النفود
لاتزاورنا كما الزايرين ولا تمر
لو تحج البيت والا تشاهد ماي زمزم
تبصر الورّاد واللي صدر وترى ..الدلي
الرد/بن شاطر
الله اكبر ماتطراك ياصحراء النفود
ماتدور في زمانك لموز ولا تمر
والصديق اللي يراعي بحالي مايزمزم
اما خذ علمي على الباب والا ردّ لي
البدع/بن شاطر
رحت انا واولاد عمي على حد الحدود
نتعرف بالمناطق وننظر في الدير
وابتلانا جيش الاردن يباخذنا غنايم
مانزعنا الا الله حتين عدنا لآهلي
الرد/بن طوير
انت لاترمي ذراعك على حد الحدود
احذر احذر لايصيبك خلل والا دير
اي نمور العيس ماهي كما ذياب الغنايم
والتمر روس النخل من عذوقه ياهلي
البدع/بن عقاب
المثايل مثل قطف الخزامى والورود
والحمل مايركي الا على جنبا صبر
نبدي الاسرار والا نعممها عمايم
ضحكنا في الوجه وقلوبنا بالهم ملي
الرد/نفس الشاعر
القصور اوساع وبعد لنا خطرا ورود
واهل الامداد مايعبرون الا صُبر
والله ياما دامت الروس من تحت العمايم
انها تهدر هدير الجمال الهُملي
بعد ذلك اتى بن شاطر بقصيدة زمل مدح في اصحاب المناسبة
البدع/بن طوير
النمر في محرزه والآسد عند الآسود
والمرارة عقبت للكبد والحلق مُر
آه ياذا الصاحب اللي فوادي منك ظايم
تعطي الآصحاب حقانهم والجحد لي
الرد/نفس الشاعر
الليالي كلما غابت الانوار سود
الله ماكبر ظلمة الليل الى غاب القمر
والماي اللي في برًد كان يجري من كظايم
مابعده عن قبضة القارحي والجحدلي
البدع/بن شاطر
ايدوني ياهل الاعراف منكم نلقى ايود
والمعاني من ضميري يحكمها الصدر
وان هبطنا السوق فالجلب له بايع وسايم
جاملي يانية اهل الرشادة جاملي
الرد/نفس الشاعر
الجمل سمحان بين الصرايم والقيود
في يدي قفاله اما ورد والا صدر
والذهب ننشد عنه بالعلامة والوسايم
لا تتيهني وانا مابغي الا جملي
البدع/بن عقاب
البلد مامون والحكم عند آل السعود
مايريس الا اهل طاري ومدحا ينشهر
والرشد والشور ماهو مع شامت ولايم
آهل الميثاق ميثاقهم ماينصلي
الرد/نفس الشاعر
ياسلامي يالذي للخبر سعد السعود
مايمل الضيف يقعد سنة والا شهر
ضيفهم مايقلط الا على شحم الولايم
وان تنادوا للعدا نارهم ماتنصلي
البدع/بن طوير
لو تقدمنا لضرب النيامس والفرود
مابتوردني المنية وعمري ماقصر
الحناشة في حفرها ويامابعد مدى السم
واثرها ماتعشق الا ديار المقبلي
الرد/نفس الشاعر
ياعلي جبت النجادا وقلطت الف رود
ماتضايقتم ولا ضاقت اركان القصر
ذهب الماء وانت طول المدى صحنك مدسم
شرعت البيبان للي صدر والمقبلي
البدع/بن شاطر
بالله ياللي مقصدك في السماء تنفر تهود
رب تحداك المشاكل ويحداك العسر
والبلاد اللي لزراعها دوبا جرايم
يبدافع دونها من زرعها كابلي
الرد/نفس الشاعر
كنت اغيب سورة القارعة وايات هود
والا انا دوب الزلازل مع آيات العصر
مانسيت .. الا فجيعة من اصحاب الجرايم
اللي اخذوا منطقتنا هدف من كابلي
« آخـــر الـــمـــشـــاركــــات »
الإهداءات
05-02-2008, 01:13
لاتعاتبني وانا ما ابغي الاجملي (بن طوير وبن شاطر وبن عقاب)
