يقول من لفى علم
من يمة وادينا والله هادينا مانروح ولانجي الا يم الله السما سله والوادي جله
وكلن على ما اعطاه الله . ابد والله مابتعدنا يم الديرة خذنالنا اجازة مرضيه بالكذاب والواسطة حيث انه ماينفع الا تيه الهروج مع العسكر واما الي بيظلي صداق فهم يبياكلونه وهوه حي يتفيغر .
قعدت بعدما طلعت من عمليه قهران تعبان لو واحد جا قاليه سلام تضاربت معه
وفكرت وخذنيه الشوق للديره واهلها وجديه وابيه وامهاتيه والا وحزت الراتب قربت قلت ياولد دبر علومك وهروجك واطلع ودقيتليه بذاك الطلاق انيه لطلع
والله واينيه دقيتها والا وانا عند رفيق ليه في الصحية والله واحيي عليه واتهرج معه شويه واقعد اتهيول عنده واعلمه انيه طربت لميه وامهاتيه قال انته وش تبغي يامخلوق قلت ابغيليه اجازه يكن اطلع الديرة قال ابشر ماطلبت الا شي مقدور عليه
والله واهوه اعطانيه ذيكه الورقه قال اغده اكشف وقلهم ان خوشك يوجعك والله واغدي اكشف ويشيعونيه ويهبوليه ذيكه الحبوب ويدقونيه بذيكه الشرنقه الي والله انيه ماحسبت لها حساب والا ماكان باغي افعل . واخذ علاجاتيه واعود على رفيقيه ولا جيته الا وهوه هرج للدكتور وهباليه اجازه سبوع .
والله وينيه بغت الاحيه تتشغر من الفرحه واعود صحيتيه وادقها نومه من الساعه ثمانيه العشا الين الصبح خمده واحده ليللك الله ما احتركت ذيكه الشرنقه صدق بغت تتبصر فيه
هااااه والله واقوم من جهمة الطير قلت ياااااااالله صباح خير
اصبحنا واصبح الملك لله واتوضى واخذ شمطيته الي جهزتها من الليله الوله
واندر عند عطايا الله بساط الريح حشرتيه والبناقه الكامري حقتيه الجديده الي يالله استخرجتها من الوكاله جديده وكرت بقراطيسها محد ركبها ولادق سلفها يكن انا واشغلها قلت يالله يارفيقة الدرب خلينا نطلع عند الرفاقه الديرة قالت ابشر والله بالسعد اكرمنيه واكرمك والله واخليها الين حميت والا الصبح اذن واغدي المسيد اصلي مع المسلمين واستلم دربيه وادقها والا وانا في مطعم المسيال والله واطلبليه صحن كبده وصحن تقاطيع وصحن شربه وادق في نعمة الله الين بغيت انفقع والله واتحمد ربيه على النعمه واغدي اخذليه حق بيرنده واستلم دربيه بعدما عبيت رفيقة الدرب والله واجيك مبتل على عطايا الله بساط الريح حشرتيه والبناقه الكامري حقتيه الجديده الي يالله استخرجتها
من الوكاله جديده وكرت بقراطيسها محد ركبها ولادق سلفها يكن انا وانطلق والا وانا سلام يا الحبوى والحمدلله ماعرضنا باس
والله واندر دكان الاحمدي واتقضاليه فراحه لخوتيه ضعيفين
لنيه ادري انهم شابرينيه الا جيتهم راس الشهر واخذليه بسكوت ابوميزان وبسكوت مداح وبسكوت ابوقشطه وبسكوت ابوتمر وبسكوت ابوسمسم وكرتون حليب وكرتون عصير فنتو والله وامضي على ذاك الافغاني والله واشتريليه كرتون برتكان ابوصره ذاكه الي ريحته تنشع وكرتون تفاح وكرتون موز واعود عند الافغاني الثاني والله واخذليه عشر حبات تميس وقرطاسين فول وعدس وانطلق على ديرتيه سقاها الله بالسيل والا وانا عند بيتنا والله واينيه ماجيت الا والغنم ملى الحجرة سارحبها اخيه الصغير وهوه مهلى شافنيه وانطلق على البيت يعلم اهليه انيه جيت والله واندر المقاضي والفرايح الي جيتبها معيه
واينيه جيت وجديه الله يحفظه مقتعس هوه وابيه وامهاتيه واحيي عليهم واينيه قلت اينيه مبغي التميس الي الله يديم النعمه وانا كذاب كل نهار اكل منه الين يظلي حلوه مر
لكنيه اتدلع عليهم علشان القرصان والله قالت اختيه ابشر والله بالقرصان والله وتنطلق وتسويليه ثلاث حنن كنها الشنع فوق الصاج وبراد شاهي واينيه دقيتها
في ذاكه السمن والعسل الين شبعت والله انيه من حلوها لخذت اللقمه من عند ايد جديه احسبنه شبع الشري واثره بعد مهلا سنونه توجعه ونصها متقلع وغصبى ياكل
انا فداه لنه كمايه مايحب التميس يقل انه يتعبه في سنونه
هاااااااه والله واينيه تحمدت الله على النعمه واعطيهم علوميه واخذ علومهم ولا دريت الا وابيه يوم نشدنيه عن معاشيه حيث انها عاده كل شهر استلم المعاش واخذ منه خمسميه والباقي اعطيه يكن ينهزه ليه علشان الى تجوزت مغدي اتدين قلت يا ابتيه والله اننا بعد ما استلمناه قال كيف ما استلمته وانته طلعت الديرة لنه هوه ظاريبيه انيه اجيهم كل راس شهر مع المعاش قلت يا ابتيه المعاش بقي عنه نهارين والا ثلاثه ونستلمه وابشر بالسعد
هاااااااااااه والله واينيه اندرت الى الوادي وتمشيت الين الظهر وعودت البيت والا الورعان عودو من مدارسهم واختباراتهم والله والا اميه يوم اقبلت بصحن المعجونه والله واينيه دنيت فوقه كما المهلوع ماتقل انيه يالله دقيت في القرصان وقدامها صحون الكبده والتقاطيع والله وكلت الين بغيت انفقع واما اخوتيه اهم ماعذبوها دقوها في ذاكه التميس تقل انهم مايعرفونه الا اليوم وهم والله انهم يشترونه ماعليهم خصه لكن الشي الي من الحبوى يشوفونه فاكهه
هااااااه والله واينيه قمت من فوق المعجونه وشويه والا وصحن الرز واللحم يوم اقبلوبه علينا وجونا بفاكهتيه ذيكه الي اشتريتها من الحبوى ودقينا في نعايم الله الين شبعنا
وتحمدنا الله على النعمه الله لايزيلها عنا والله واينحن قضينا باقي نهارنا ذاكه في مغدى وماجى الين قدام المغرب قال ابيه اينحن معزومين على العشى الليله عند اخوالك الشبان قلت الله مطربنيه عليهم لوتدري والله واخذ امهاتيه في عطايا الله بساط الريح حشرتيه والبناقه الكامري حقتيه الجديده الي يالله استخرجتها من الوكاله جديده وكرت بقراطيسها محد ركبها ولادق سلفها يكن انا وادقها ولا وانا سلام يا اخواليه الشبان ونزل على الرفاقه ونتقهوى ونعطيهم العلوم وناخذ العلوم ونتهرج وصلينا فرضنا وعودنا في هروج وقهوة وقدايم وعلوم زينه الين حزت العشى والا وذاكه الصحن يوم اقبلوبه فيه ذيكه المعجونه الي ما ودك الا تتشبح فيها واقتعس فوقها كما المهلوع ولقمه ورى لقمه الين ما دريت الا ونغزت معكاز جديه جوف شاكلتيه واينيه يوم التفت له والا وعينه حمر كنها جمر من الضيقه والا والله ان مافوق الصحن يكن انا لحاليه واينيه خجلت كذيه وقمت وهم دنو عليها باقي الرفاقه ودقو فيها الين سفوها والا وذاكه الصحن يقرى ويسبح ماعاد فيه لقمه ونردفها بذيكه الصحون ملي بالرز واللحم ونتقهوى ونكثر بالخير ونسري بيتنا ونتبايت الين الصبح
هااااااه ومع جهمت الطير والا صوت النجر وريحة القهوة والقرصان واينيه ما امدانيه انقلب على خوشيه الا وذاكه المعكاز في ظهريه من الكتف الى الكتف والا وهوه جديه صوته كما المنقلع قال قوموا الدنيا ظهيره وانتم بعد متسدحين والله ونقوم يااااااالله صباح خير والله يا الشمس ما اشرقت بعد ونفطر على نعايم الله وذيكه القرصان الي كما الشنع والسمن والعسل وسرحوا اخوتيه لمدارسهم قال جديه ابغيك تزرقبيه الى المندق
معيه تابعيه ابغي اجددها قلت ابشر والله بالسعد والله ونجيك مبتلين على عطايا الله بساط الريح حشرتيه والبناقه الكامري حقتيه الجديده الي يالله استخرجتها من الوكاله جديده وكرت بقراطيسها محد ركبها ولادق سلفها يكن انا والا وانحن سلام يا المندق والله قلت لجديه هيه اندر هنيه انا ابغدي قريب واعود والله وادقها والا وانا في محل الفول ذاكه الي مافيه احد مايعرفه واطلبليه صحن وتميسه وادقها مع ذيك الكاسه الشاهي واعود على جديه ويوم اجي وهوه قاعد يتحراليه في الشارع واهوه هباليه طلبه قدام الناس يقل انته وين غديت تدرسع وتكبنيه هنيه الشمس شوت عظاميه واينيه نشدته وش سوى قال يقولون تعال بكره والله واعود عليهم قلت ماعنيه وعنهم واينيه يوم جيت الموظف قال يارفيقيه التابعيه بقي عليها شهرين عودت اقفيت عنه واكتشفت ان جديه يتضحكبيه مهلا يبغي يركب في الكامري ويتمشى والله وينيه ختبه ليتين واعود على الديرة .
هااااه وابد والله في الديرة ماغدينا ولاجينا عند شيابتنا وورعاننا نذاكرلهم في الاختبارات ونراعي مصالح شيابتنا الين غلق السبوع الي اعطونيه من الصحية واستلمت المعاش واعطيته ابيه وعايدت امهاتيه هبيت لميه ميه وعمتيه ميه وجدتيه ميه وباقي امهاتيه درج من خمسين واخوتيه من عشره وخمسه كلن على كبره وسنه واينيه بسطتهم كلهم حتى جديه اندرتبه الحبوى وكسيته هبيتله معصب وقميص وقبعه وعقال ودقيته فوقها بخمسميه . والا ماكمايه عندهم .
هااااه وربعنا بخير صغيرهم وكبيرهم ماهناك خلّه الا من بعض الطلايب في دروب واراضي وبلاد وماشابهها وقارع ومقروع والله يصلح شان الجميع . واما حال جيراننا من القبايل وعربان طيبين في مجراهم ومن حكم نفسه ماعليه حاكم لاعلم ولاخبر ولامريض ولاعريض
اما من شان المطر فماشي ولا مطر الا من بعض الرشان الي ماينذكر وايد الله بالخير مليانه والروابض مغطيه الجبال لكن الجو اهوه كما العافيه في البدن والديره خضره ولا ودك الا تتشبح فيها والاسواق مثلما يقولون كل سلعه سوقها من فوقها ولا عليك الا عد الريال والغنم افرعها بمن عشر ميات حمر وفوق وحول والمقاني من ثمان ميات حمر وحول . والاسعار في باقي السوق تختلف كلن يزيد على راسه والله لاحسيب ولا رقيب ولا بين البايع والشاري الا يفتح الله
واما من شان المزارع والزراعه فلاعاد شي الا زراعة مصارية فجل وخس وماشابه يمشونها ملى ذيكه الكراتين ملى الدينات ويبيعونها من ريالين وثلاثه والا يكتونها في حلقة جده ويعودن بكراتينها
هااااه وينيه طربتلكم يارفاقتنا قلت خلنيه أمضي عليكم واحيي على رافقتيه الي في المنتدى واعطيهم علوميه واخذ علومهم .
هاااه وابد والله ماتعدينا يم وادينا والله هادينا والله ويوم غلقت الاجازة واجيك مبتل على عطايا الله بساط الريح حشرتيه والبناقه الكامري حقتيه الجديده الي يالله استخرجتها من الوكاله جديده وكرت بقراطيسها محد ركبها ولادق سلفها يكن انا واتجه يم الطايف والله والا وانا في صحيتيه شهار واحيي على رفاقتيه واغدي احظر في عمليه ويوم غلقت خفارتيه قلت خلنيه اغدي اتفقد كمبيوتريه وغديت قضيت بعض المشاغل الله لايشغلنا الا في طاعته . وعودت كتبتلكم تيه العلمه وقلت خلنيه اندرها للرفاقه تلقاهم ذلحينه قلقو عليه ليه حول الدور مامضيت عليهم ولا شافونيه واطمنهم عليه واخذ علومهم بعد اعطيهم علوميه
هااااه وهذا ماا نقفي به علمنا وزايدها بقاكم
« آخـــر الـــمـــشـــاركــــات »
الإهداءات
06-02-2008, 14:23
يقل من لفى علم
