بجيلة يابجيلة ياقبيلة مالك إبن أنمار=ومالك جدنا وإنحن بني مالك نمثلها
سلام الله على ربعي عدد ماتزهر الأثمار=على أهل المنتدى الرواد والأعضاء نوصلها
أنا حبيت أشارك يوم شفت الركض بالمضمار=قصايدنا على ذا المنتدى ودي نحملها
بننشرها بالإنترنيت والجوال والأقمار=ومن يتذوق الأشعار أنا ودي يحللها
بنتقبل كثير النقد إذا جانا من الثمار=فهيمين العقول إلي قرايحها توهلها
ولا أتقبل قليل النقد إذا جاء من صغار أعمار=عطاها الله عقول إصغار تبقى في تجهلها
أنا من حبني مبغيه يعزف لي على المزمار=تكفيني مواقيف الرجال إلي تجملها

ياسيدي أنصحك لاتسمع لمن وداء لك أخبـار=إن كان وداء لكم هرجه نقل عنكم كـــماها
اللي يودي النميمة مقصده يدري بالأســــرار=روحي برية ومن هرج الردى ربي حماها
ترى النميمة تودي من مشاء فيها على النار=وأهل الحسد والنميمة ربنا الوالي رماها
واللي تمنا يفرق بيننا بالهرج غــــــــــــــدار=يامبعدك يانجوم العرش في عالي سماها

=*البدع*
=بن سعيّد يقل في كل رأسا وجد حكمه ومير
=يفهم العلم والمعنى ولا يطلع إبن اللاش ريعه
=والمواقف بداء فيها ومن شاوره ما من شور
=ضد راعي الخيانة لين عذر من أطماعه وأماله
=ما سمح للمخالف بالعبث في البلاد الطاهره
=كم مواقف بداها والقناء والرصاص إيحكمونه
=والهدف من ورى علمانها والعيون إترابها
=*الرد*
=عشت ياخادم البيتين والجيش له قائد وأمير
=وأسرةً مالكه ساروا على حسب منهاج الشريعة
=يا عسى حكمهم يبقى من اليوم إلى يوم النشور
=أمنوا كل واحد كان خائف على عرضه وماله
=بأمن من ربنا المعبود ثم العيون الساهره
=والعساكر حماية والقضاء له شيوخ إيحكمونه
=والمواطن يقل روحي فداء المملكة وإترابها

يالله يا منزل المصحف بتجويده =رباً تعالى له التوحيد سبحانه
يخلق ويرزق ويحيي والقدر بيده=والغيث يقدر على جلبه ومنعانه
وإنحن بشر كلنا نؤمن بتوحيده=الأمر بيديه والسلطان سلطانه
وإلي عصى ما حسب رب السماء كيده=ملعون لنه مشى في حكم شيطانه
يارب يطلبك مخلوق إنعقد قيده=تحل قيده وخلص دين ديانه
وأبعد عنه كل هماً جاه من فيده=لا يسكت القلب والدم جال شريانه
أدعوك جردني إمن الذنب تجريده=وأجعل للإيمان درباً يدخل إمكانه
توبه وياربي إمن الخير تزويده=يا واحداً يطمعون الناس بجنانه
والختم صلوا على من ساد تسديده=نبينا اللي طلع بالشرع وأبيانه

=*البدع*
=يا حليل الآدمي من حين ماله ينبني عُمر
=إن مشى في دربه الطيب يسرك وإن عدل وأنحى ضر
=وأنت لو تبغي تصخر قلب فيه اعواج ما أنصخر
=والذي زعلان لو تسقيه من ماي البحر وأمناهل
=ما رضي قلبه وكفه فوق موج العد مالكي
=وأنا أعّرف إن القضى وإن القدر من حين ياجي مصدر
=والذي عاقل بعد في هجرته يتذكر أونها
=*الرد*
=يا سلام الله على شيخاً وشاعر من بني عمر
=شاعر الأجيال عاصر بالزمان إلي مضى والحاضر
=و القصايد يوم يبدعها مثيل النحت من صخر
=عيظه إبن اطوير إذا قالوا برسفور الشعر يستاهل
=لن إبن منصور تاريخه يشرف كل مالكي
=ودنا تُطبع دواوينه وتبقى للخلايق مصدر
=والأجيال إلي تجي من بعدنا يتذكرونها

ألا يالله يالمعبود يلي خالق الإنسان=عليك الرزق والأرواح بين أيديك مرهونه
طلبتك في جنان الخلد يا غفار يا رحمان=جناناً تمتنيها النفس بالأنهار مزيونه
وفيها أنهار تجري ما يصدر دونها الضميان=وفيها اثياباً إستبرق وسندس وعد مضمونه
وحور العين فيها حشمتك يا راعي الإيمان=عباداً يتقون الله في الدنيا ويرجونه
وفيها فاكهه وأبا وفيها تذهب الأحزان=ولا تسمع بروحاً في جنان الخلد محزونه
وألا يالله ترحمنا وتبعدنا عن النيران=جهنم نارها تلهب وبالكفار ممنونه
تقل هل من مزيد أو هل بعد من واحداً غلطان=شررها كالقصر وإلي كفر لو تبكي أعيونه
يبدل جلده المحروق بالجلد الذي ريان=ويحرق من جديد أو هكذا والنفس مديونه
ولكن يابن آدم توب وأعبد وأنعل الشيطان=ترى الأيام تجري بالعمر ماهي بمضمونه
وختم القول صلوا على النبي المصطفى العدنان=نبياً في المدينه ينوجد قبره وعنوانه

صادفت لي ضبياً تجنن مزوحه=قلبي تولع فيه من حين أريته
يجرح ولا حياً يداوي جروحه=إلى هو إن صادفك وإلا لقيته
من يعرفه لو مات لازم ينوحه=ويقول ألا ياليتني قد فديته
إلى فرح نفرح بعد من فروحه=وإلى حزن فالقلب يكثر نهيته
ياليت روحي تنقبض هي وروحه=ولو كان ينباع المزين شريته
عائش مع ناساً يديهم شحوحه=ليته يفارقهم غزال إمتنيته
راعيه يصبر لو زمانه يلوحه=لو كان ما يملك شرابه وقيته
طيب يحب أهل الوفاء والسموحه=أغلى الجواهر لو بكفي هديته
الشار ريحه والزلالي صبوحه=واللول والمرجان حليه وبيته
وروحه على درب الموده طموحه=والخوف ما ياجيه يالي رميته
يسمع من أصحاب الرشد والنصوحه=ولا يكب النصح إلى ناصحيته
يا ناس بعض الهرج مبغي شروحه=لا تبعدوني عنه وأنا هويته
والسر يبقى دائماً ما نبوحه=ولو تطول أيامنا ما نسيته

=إذا مني ذكرتك فز قلبي يا خفيف الروح
=وإذا مني نسيتك كن قلبي فاقداً روحه
=أهوجس و أتلي الونات وأشغب صوتي المبحوح
=وقلب الشوق ما يسمح يجي بأسرار مبحوحه
=من أسبابك ومن شانك ترى قلبي غداء مجروح
=ولا غيرك ولا مخلوق يقدر يشفي أجروحه
=على الهجران يالغالي نقل لك دائماً مسموح
=ولو جاكم خطأ منا ترانا نطلب إسموحه

يا زين وش كرهك فينا وحنا لك محبـــــــــين=وأنت الذي شرعتي وأنت الذي غاية مناتي
والله لو يوزنونك يا حبيبي بالمــــــــــــوازين=بمجوهراتً كما ثقل الجبال الراســــــــياتي
مصخاك يا سيدي ما دمت أنا وياك حيــــــين=وان مت قدامنا منساك ما دامت حيــــــاتي
وان كان أنا مت قبلك فدع لي يا كامل الزين=صون العهود الذي ما بيننا قبل الوفـــــاتي

إن كانت أرعودك تهلهل مطـــــرها=فأنا رعودي باقية في سمــاها
وإن كان عينك سابحه في بحرها=فأنا عيوني سابحه في هواها
خل الزراعة لين تجمع صبـــرها=وإلي جناها يسترح من شقاها
وديرتي بالروح أبفدى مــــدرها=وبدمك الأحمر بروّي ضماها
وديرتك عازم بنقطف ثمـــــــرها=وإن طالعة عينك تراني عماها

=البدع
=سعد يقل بعد نامت في البلد كل عين
=في ليلةً من ليالي الصيف همي سرى
=سرى مساري الذيابه في عسير الجبال
=هماً يشابه جبل بيضان وجبال نيس
=وإلى سهى نون عيني بعد طول السهر
=أبصر تهاويل وأصحى من عميق المنام
=أتخيل أحلام مدري ويش تاويلها
=الرد
=يالله أنا طالبك يا ربنا يا معين
=مبغي كتابي يقابلني على ميسري
=أدعيك دائم وأنا صداق من علج بال
=يارب مقوى عذابك والجسم ينصهر
=افزع لعبدك وعينه وأنت سيد الأنام
=والروح بيديك ترحمها وتاويها

=البدع:
=يا بشام المناحي حسبي الله عليك
=منت من عتم ديرتنا ولا عود راك
=لو بتغرس في الشفيان والله لجيك
=والديار التعيبه لجلك أرقا بها
=الرد:
=يالغضي يوم طالت غيبتك وش عليك
=سرت لاعاد تبصرني ولى عود أراك
=وأنا فيما مضى أقرب من يمينك لجيبك
=والعقارب دعسناها على أرقابها

=البدع سعد بن سعيّد الشولاني :
=سعد يقول العفو يا الصاحب الغالي
=طال المدى وأبتعد واحد عن الثاني
=ما كنحن يا صديقي في وطن واحد
=ما نشكي إلا على الله عالم الغيبي
=يجمّع الشمل من بعد التفراقي
=وتستريح القلوب اللي شقاوية
=الرد من الشاعر عوض بن سلمان:
=كلاً من الناس بالمهجوس يلغالي
=عن سالف اللي يبث الشر بثاني
=ما ينوجد لو يجي فتنة وبلوى حد
=يقول يا شمس عن يوم الشقاء غيبي
=من بعد ما التف هين والتف الراقي
=ما عد بياجي في أيام الشقاء آوية

يالله يا عالم خفيات الأســــــــــــرار=أطلبك ترحمني وتلطف بحـــــــــالي
يا واحداً دائم للإنسان غفـــــــــــــار=ثبت لساني في القبر للســـــــــؤالي
لا تأمنون الموت والموت غــــــدار=لو يشرد المخلوق ماله مجــــــــالي
في يوم ما ينفع محائل ومعـــــــذار=إلا عفو من عند رب الجــــــــــــلالي
لا فارق إبن آدم صديقه من الــدار=وأصبح رهينة تحت رجف الهيـالي
ووادعوه أهله وفوق النغّش صـار=على كتوف أهل الحمية يشـــــــالي
وصار في منزال مافيه الأنـــــــوار=في دار ظلمى تنظر أول وتـــــــالي
وفارق أهل الديرة أكبار واصـــغار=ما ينفعه صاحب ولا كنز مــــــــالي
والجنّة إلي فيها من جمع الأنـــهار=فيها الهناء مزيونةٌ بالجمـــــــــالي
ربي بناء فيها منازل للأخــــــــــيار=أهل الديانة من عيال الحـــــــــلالي
يارب تعتق كل مسلم من النــــــــار=نار اللظى فيها جحيماً وصــــــــالي
توقد لراعي الشر وأهل التكـــــــبار=من بعد ماساروا بشين العمـــــالي
عاشوا على درب الرداء والتجبّـــار=عاثوا وباثوا في حقوق الرجــــالي
يوم القيامة مافي ايديهم أبصــــــار=تسلموا صحف العمل بالشمــــــالي
وأوصيك يإبن آدم في الليل وأنهــار=أد الفروض و فارق أهل الضــلالي
ترى العمل يجنى كما جني الأثمــار=أثمار فيها طعم مراً وحــــــــــــــالي
والختم صلى الله عدد طلع الأزهــار=على النبي في كل قولاً يقـــــــــــالي
عدد جموع الحج ومن طاف وإزتار=وإعداد مايبدي علينا الهــــــــــلالي

نحن بالإسم ندعى مالكــــــــينا=ودعوانا بني عمر العنــــــــاصي
اذا سرنا نخاوي الصالحــــــينا=ولا نمشي مع مخلوق عـــــاصي
وإذا جاء الضيف قاصدنا يبـينا=نرحب به ونعطية النـــــــــواصي
وإذا جانا العدو طمعان فـــــينا=نعبي له عباريد الرصــــــــــاصي
وإذا منا في الهية رمــــــــــينا=لزمنا الخصم وآخذنا القصـــاصي
وإذا جانا العسر والا حـــــدينا=قصدنا اصحابنا داني وقـــــــاصي
وإذا منا من الدولة دِعـــــــينا=حميناها ولا نبغي تـــــــــــــواصي
واذا كان العدو فالجو شـــبينا=وجوف البحر يجلب بالقنـــــــاصي
وإذا حن السماء بالحايمــــينا=ومن شرع الجيوش الحوت غاصي
يكون الخصم مالمستسلمــــينا=وقواته كما زرع النمـــــــــــاصي

عسى الله يسقي الديرة وإللي بها نــــزال=دياراً سقط راسي بها كيف أبنســـــــــاها
في الديرة وأهل الديرة ما نسمع العـــذال=بلاداً خلقها الرب وإجبالها أرســــــــــاها
لو أقضي حياتي كلها في الدَير جــــــوال=مثيل الغريب أو غربة الدار مقســــــــاها
لها ونةً تشبه كما راعد الهـــــــــــــــمال=ودمعي لو أذرف به على الأرض واساها
لها عشق في قلبي ولو عشقها ينشــــال=بتنشال روحي من جسدها وممســـــــاها

شلت القلم بالكف مدري وش أكــــتب=فوق الورق سار القلم وانشد أبيــــات
وأنا على المركاء من الهم منـــــــكب=هموم خلت لي عظامي ونــــــــــيّات
عودت أسوي ذا النشيد الـــــــــمرتب=اللي يساوي بالعدد عشرة أبــــــــيات
تعبان في الهجرة ويا كيف ما أتــــعب=كني مريّض علته سم حــــــــــــــيات
أسباب من حبه لقلبي تســــــــــــــبب=لطيف حبه بيّت القلب بـــــــــــــــيّات
من لآمني ليته من الود يشــــــــــرب=جرعه بكأس الحب تعمل وفــــــــيّات
وإن عاش قلب اللي شرب منه ينّشب=يصيبه الهوجاس والجمر كــــــــــيات
وإلي بداء من كل وادي ومـــــــرقب=شاف الصحارى والجبال العــــــــليّات
بعض العرب عندي تجاره ومكــسب=وأعد بعض الناس من عرض الأميات
ما قلت غير الصدق والصدق ينحب=ما هو كما التمثيل بالمسرحـــــــــــيّات

يا زهرة الورد يا اللي ريحها غــــــــــــــالي=ريح الشهادة لمن حياً ومن مــــــاتي
يا شجرةً طيبة ربي بها وآلـــــــــــــــــــي=لك في بلاد العرب مغرس ومنبـــــــاتي
مغروسه فوق الثرى تحت السماء العــالي=تستنشق من الهواء صافي المهبــاتي
حبك سكن جوف قلبي في أول أو تـــــــالي=مالي غنى عنك وأشكي قل حيـــــلاتي
بعض العرب يخلطون المر والحـــــــــــالي=وأنا من الورد حصلت الملــــــــــذاتي
مادام ساقي لدرب الود بتــــــــــــــــــــــالي=عزمت أطيعه ولو صادفت عــــــلاتي
باقي في الورد ما خابت بي آمـــــــــــــالي=أصبر وأعاتب ولي في الورد رجواتي
من شانه أجهد حياتي واجمع المــــــــالي=وأهديه لأغلى البشر قبل القدر يـــــأتي
وإن مت وأصبحت في جوف القبر بــالي=أموت وأحيا على ذكرى المـــــــــوداتي