ديوان زايد المالكي النبطي

صقر بجيلة · 30-07-2009, 02:14

يا محمد بن أحمد يا سعد من نصـاه=يا سموا تعلى فوق مبـدى النجـوم
جيت خدام مثلك واجب اعلـن وفـاه=عشت يا راعي النوماس يا راس قوم
جيت مثل السحاب اللي يغطي سماه=در مرسالها من خلف برق(ن) هموم
ماقف الجود نشهد و الحصيبي بـداه=والشكر يا عشيق الجود منا عمـوم
فيك بر الولد لاهله وكـلا(ن) يـراه=فالك البيرق المنصوب والخيـر دوم
حي من له مع ربعـه معـزه وجـاه=وان نصاه الخوي في مكربه ما يظوم
اعتنى صرح وافي بعـد جـده بنـاه=بالوفاء والعوايد والكـرم والسلـوم
كل درب(ن) يرى به خير ربعه سعاه=يجتهد لين يصدر في ثبـات العلـوم
قرم من قرم وافي ما زهى به غنـاه=والله ايمان ما جاء يوم شفته ظلـوم
الا رجـال متواضـع يزيـده حيـاه=يا عسى السعد فال ابو فهد كل يـوم

صقر بجيلة · 31-07-2009, 00:58

عيني بكيفـك تجـرح القلـب وتــروح=انا عطيتك يا اريش العيـن توكيـل
يقنعك دمعي فوق الاوجان مسفـوح=ورى سهومك قمـت ادوُر لتاهيـل
يا بو جعودا فوق الامتان مطـروح=ارفق بقلبي يا الغضي واعدل الميل
اون وازفر واسهر الليـل مجـروح=جرحي عطيب وظلمك اظلم من الليل
لو ان قربك قيمتـه قيمـة الـروح=لاشريه مير ان البلا يقصم الحيـل
انا وطبعي سر الاحباب مـا ابـوح=ولا من اسبابي يجي الهيـل تقليـل
يا زين مالك في عنا القلب مصلوح=ولا تسمع بي هـل القـال والقيـل

صقر بجيلة · 17-09-2009, 09:48

اهديك قلبًا فز صاحي لطاريك=يغليك دايم واحترامك يزيده
يا بدر ونجوم السماء ما تجاريك=راع القليب اللي تعمد تصيده
ريض وحذرى من عرب ما تداريك=قلبي يحبك وان ربي شهيده
من شوفتك لاشواق قلبي تحاريك=يا ويل قلبي كان تسعى لكيده
ارفق بقلب فز يبغي جباريك=ارجوك لا تبدي بروح عنيده
ايامنا بامرك تهاني تباريك=وايامنا بامرك لهايب وقيده
وش لك على اللي جاك صادق وشاريك=اطلب ويرخص كل غالي تريده

صقر بجيلة · 18-09-2009, 03:59

اليوم مريت العصـر سـوق ريمـان= من باب لي حاجه توصلنـي السـوق

يا ليتني ما رحت يا اطوال الايمـان=عوّدت وانـا فاقـد العقـل مسـروق

وامسيت طول الليل افكـر وحيـران=سهران واهي واشرب الكيف محروق

كم شفت من حـورًا بنيّـات وزْيـان=لكن في مـا شفتـه اليـوم محقـوق

الوجه مثـل البـدر والجسـم ريّـان=عجزت اوصف حالي الوصف والذوق

بالحيل بالحيل اشقـر اللـون فتـان=ما راح حتى خذ علي عهـد موثـوق

طعته وطاوعته على غيـر حسبـان=في ربع ساعة زاد له واهج الشـوق

صقر بجيلة · 21-09-2009, 04:36

ذكرتني بايام مرت غواني=وانا صحيح الجسم توي ولد شاب
اقنص وهاوي والصواعب ثواني=وذكريات القنص في كل مرقاب
اقنص ببندق والمحاجي بواني=واقص اثار الصيد في نوف واشعاب
القنص راحة بال لوّه عواني=مع خويا قرم للنار شباب
واليوم انا شيبي وشوفي لواني=قصرت عن صحبة قريبين واحباب

صقر بجيلة · 02-10-2009, 21:31

انا لا من سهرت الليل صاحبته وخاويته=لكن الله من سود الليالي يوم اخاويها
انين الروح داعبته وخاصمته ولاويته=ترى الونات سرت اطرب لها وشتاق الاويها
الا ياليل وش عندك على شاني وناويته=انا غصبًا عليّ اصبر على نيّات ناويها
انين الروح جرح القلب لملمته وداويته=تراك انته تثير جروح لكنك تداويها
انين الروح يهواني انين الروح هاويته=طبوعه ناسبت ذوقي وانا بالحيل هاويها
انا لو ما تون الروح يتعب حال ساويته=الا يا الله يا خلاق يا ربي تساويها

صقر بجيلة · 22-11-2009, 01:29

نشيد

الا يا الله دعيتك يا مجيب=دعيتك وانت من قلبي قريب
وروحي في مناجاتك تطيب=تسيرني على قول الثباتي
الا يا الله طلبتك يا كريم=طلبتك وانت رحمن رحيم
طلبتك وانت عن حالي عليم=ولا تخفى عليك الخافياتي
الا يا الله يا مبدي النجوم=الا يا الله يا مجلي الهموم
الا يا الله في حظ(ن) يقوم=ولا يشمت بنا راع الشماتي
الا يا الله في تقوى ودين=وتجعلنا هداة(ن) مهتدين
على سنة محمد مقتدين=وتجعلنا من اهل الحسناتي
تجمعنا عسى ذالجمع خير=عسى يشمل كبيره والصغير
وندعي الله فاولها واخير=يجنبنا الهروج المخطياتي
بعدها ودي اتمثل واقول=اقول اللي يبي الدنيا جهول
ترى الدنيا وما فيها يزول=ولا بعد الحياه الا المماتي
تفكر في جوابي يا مثيل=ومقل في كلامي يامقيل
وفكر فالنهايه والحصيل=وفكر فاللحود المظلماتي
ذكرت الله وانا عابر سبيل=ذكرت الله في عدل(ن) وميل
وبالله ما يبي يعمى الدليل= ولا يخطي العلوم الطيباتي
ترى الدنيا دوايرها تدور=ترى الدنيا وما فيها غرور
ومن يخلط حلاها بالمرور=يفكر فالقرون الماضياتي
ولا تسأل عن الدنيا طبيب=اسال اللي مجرب يا لبيب
ومن يسعى ويقنع بالنصيب=ويومن بالقضا والحاكماتي
تبون الصدق والعلم المفيد=بلا نقصا ولا علما يزيد
وجود الموت في حبل الوريد=من ايات الاله المحكماتي
انا شاعر وقاسيت الظروف=وعديت النوايب والصروف
لقيت الناس فالدنيا ضعوف=تشوف ازوال من تحت العباتي
نهار الخير يا كثر الحلول=وكلا قام في جنبك مثول
تقل ذولا يوفون الاصول=وانا جنب الرجال اللي ثقاتي
صحيح اللي تمثل يا رجال=تمثل من تجارب يوم قال
الى مالت ومال الدهر مال=محد حولك نهار النايباتي
في الدنيا ترانا وش نقول=تمعن في كلامي يا مثول
ترى الدنيا مقرتها تهول =سواة اللنش فوق الموج باتي
ان بنصحك يا زين الشباب=ترى الايام مجراها شباب
لكن احذر يجي للاش باب=صديق اللاش ما يهنا المباتي
لا بد المرء ما ياخذ صديق=لحيث انه من الوحده يضيق
لكنه يحتذر غدر الرفيق=ولو انه كريما بالصفاتي
ولا كذبتني شف وش يسير=شف العالم في الوضع الخطير
تناحر واشتباكات وغير=كبار القوم والنخبه جناتي
تعاهدنا وبالله ما نخون=مع قايد مسيرتنا نكون
وابو متعب تعداه الظنون=حزاة الخصم لطام العداتي
ودون المملكه يبدي رجال=رجالا ما يهابون القتال
وفاهم يوم يشتد النضال=يروون السيوف المرهفاتي
الا يا الله تحمينا وكان=وتكفيناى حواديث الزمان
تمكنا على دينك مكان=وجنبنا الدروب الموثماتي
ختام القول يا زين الختام=على اللي ناض من مكه وقام
صلاتي عالنبي سيد الانام=نبي الخير واتباعه هداتي

هلال بن حامد · 02-04-2010, 03:24

اشكرك على الطرح الجميل

أبو راكان · 13-04-2010, 12:50

ابو سالم رائع والحقيقه امتعتنا بحسن شاعريتك الفريده من نوعها .....دمت وعلى القوه

ابو يحي · 14-05-2010, 04:56

مبرووووووك من الاعماق والى الامام وبالتوفيق يارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ديوان الشاعر زايد المالكي في المحاورات وقصائد العرضة	صقر بجيلة	منتدى عموم رموز العرضة	255	09-05-2012 18:13
ديوان/الشاعر / حنش بن عايض المالكي	الجهلاني	منتدى عموم رموز العرضة	49	20-11-2011 12:47
زايد المالكي وحسين المالكي	حسين المالكي	منتدى الشعر والمحاوره الشعريه	10	30-07-2010 02:17
ديوان الشاعر زايد المالكي (صقر بجيله)	صقر بجيلة	منتدى عموم رموز العرضة	107	02-10-2009 00:04
ديوان الشاعر راجح بن عبدالهادي المالكي	صقر تهامه	منتدى عموم رموز العرضة	7	21-03-2008 12:40

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق

ديوان زايد المالكي النبطي

منتدى عموم رموز العرضة