ديوان زايد المالكي النبطي

صقر بجيلة · #1 (**permalink**) 25-06-2008, 12:09

اضع بين يديكم ديواني النبطي ارجو ان ينال استحسانكم كما ارغب من ادارة المنتدى تثبيته شاكرا حسن التعاون

يالله يامطلـوب ياعالـي الـشـان=يا واحـداً بيـده تسيـر المقاديـر
اكتب لنـا يـارب جنـه وغفـران=لامالـت الدنيـا وجينـا مصاديـر
اجعل لنا في منهـج الخيـر بيبـان=واجعل لفعل الخير بارضك مناصير
طلبتـك قبـل ابيـن العلـم بيـان=لي فالبدايـة بالذكـر دايمـاً خيـر
حضرت خدمة روس قوماً وشيخان=دون القبيله في جميـع المحاضيـر
نايب عن الملّـك شبابـاً وشيبـان=شاعر واجيد القول في كـل تعبيـر
ربعي هل الفزعة بني عم واخـوان=مداتهم بالجود مـن غيـر تفكيـر
الملّك اهل المدح فـي كـل ميـدان=اللابـه اللـى يحكمـون الطوابيـر
اللي حصل يالربع من فعل شيطـان=شيـاً مقـدر مايغـيـر بتغيـيـر
مقدراً يمضي على الانس والجـان=بعض المرار يحير العقـل تحييـر
توجهو بالخيـر مـن كـل مكـان=راحو لبيته مـن بعيـد المشاويـر
يبغون من عنده صفوحه وسمحـان=طلابـة بالجـاه ماهـم مسايـيـر
لاكن ماراحـو بساعـات رحمـن=عادو ولا احداً قبل منهـم معاذيـر
حتى تدخل في المواضيع شجعـان=شيخان من قحطان ناسـاً مشاهيـر
يا مرحبا واهلين يا روس قحطـان=يا لابـة مـا تذبـح الا المغاتيـر
حدودكم من نجـد لاحـد ظهـران=افعالكم يدري بهـا حايـم الطيـر
في داعي العمعوم لو قلـت قيفـان=مدحت صفوة قوم من غير تزويـر
يابن النفيسه قـدرك اليـوم ديـوان=منسوج من خيط الذهب قدر ياميـر
قدامكم يا شيـخ قلـب القسـى لان=ممشاك لـه قـدراً كبيـراً وتأثيـر
والله ما ننساك يالصقـر حـوران=مبداك مثل البـدر نـوراً وتنويـر
على يديكم قام حـظ بـن سلطـان=واصبح لكم عنـده محبـه وتقديـر
واصبحت مديوناً لذربيـن الايمـان=دينـي كبيـراً ماتسـده قناطـيـر
الجاه يحسب للرجاجيـل الاعيـان=اهل الشرف واهل العلوم المثاميـر
صحيح لاجازيت الاحسان باحسـان=هذا الزمن فعل الرجـال المناعيـر
لا وهني وحظ مـن ينقـذ انسـان=يفوز. بالجنه.. وهـذي.. تياسيـر
ياجملة الحضار ياطـوال الايمـان=هبوا وعينوا من مساعيـه بالخيـر
والمعذره لاكـان فالعلـم نقصـان=لابد مايبقـى فـي العلـم تقصيـر
الكامـل الله يـوم للحـق ميـزان=سبحان من كبر لـه العبـد تكبيـر
وصـلاة ربـي عـد ماهـل ودان=على نبـي مسيـر الكـون تسييـر

صقر بجيلة · 25-06-2008, 12:14

يالله يامطلوب في كل الاحوال=يا منزل الفرقان والعصر والنور
يالله يسرنا على زين الاعمال=واجعل لنا في جمعنا علم مشكور
يارب حققت الاماني والامال=اجعل ربيع القلب بالدين معمور
جاني عزيمه والخبر عبر جوال=وامسيت بعده صافي البال مسرور
حضرت ابارك لابة تشرح البال=الشوقبي اللي على الجود مخبور
يا شوقبيا كنهم بحر الاهوال=جبراه في يوم الشقى يجزل الشور
شهادتي لله شجعان وابطال=بعيد كل البعد عالكذب والزور
قايد لواهم شهم للخير منوال=له بيننا ناسا تحبه وجمهور
الشيخ صالح للصعيبات حلال=عريف طبعه يقهر الزور والجور
يالهاجس اللي هاض في طيب الامثال=زدني مع ربعي مكانه ومقدور
من الذهب واللول ينصاغ سلسال= وانا هجوسي قافا اغلى من الدور
سلام ما يدرج على القوم فنجال=من دلة الرسلان للكيف مبهور
سلام ما ناضت بروقا وهمال=من مزنة سواقها غيث مدرور
سلام دام المذهب الزين وصال=والورد في درب المحبين منشور
سلام ما دام الحكم باشهب اللال=ودام البلد بالامن والعدل منصور
سلام ارده صادقا من هلج بال=والمعذره لو جيت في نقص وقصور
طلال يفدى روحك البيت والمال=جنبك وجالك قيف بالفعل مشهور
اسمع كلامي وافهمه وانت رجال=والادمي حاكم لنفسه ودكتور
سلامتك عند العرب نو مرسال=ناظر وشوف بعيد والكسر مجبور
حكم القدر يصرف عن القيل والقال=واللي صبر يبقى على الصبر ماجور
زهبت قولي في شيوخا وعقال=مرشوش من ورد طبيعي وكافور
ماني بناسي شيخ للمال بذال=سلطان بن زاحم على الخير مذكور
والخاتمه صلوا على صاحب الفضل=نبينا سيد البشرباهي النور

صقر بجيلة · 25-06-2008, 12:17

حنا هل العوجا عليها بني عم=والفهد قايد نا وهذا وطنا
واللي خرج عن طوع الاجواد يندم=لا هو بنا ينسب ولا هو بمنا
عبد العزيز اللي بناها ورسم=ارسى قواعدها بذ وق وفنا
شف ديرتي بعده من الخير تنعم=ولمنا من بعد كنا وكنا
يا الله لك صليت وادعيك ترحم=عبد العزيز اللي بحبه جمعنا
المملكه ما هي لواهم توهم=يا مسخف اللي في ذرانا تمنا
شد د يا بو متعب على من تجرم=في كلمة الحق يا بطل لا تونا
ابوك ربي يرحمه جامع اللم=في ريفنا في بد ونا في مد نا

صقر بجيلة · 25-06-2008, 12:19

ابوك ياحمدان قال الـذي قـال=سبع سنين مجاورين المقيطيـب
ماجوب يلقى جارنا خير منزال=راع الوفاء والطيب نلقاه بالطيب
ابو محمد جيرته تشـرح البـال=رجال كايد يكتمـل فالمواجيـب
شفنا نزول بجنبهم سبع طـوال=بعيد عن كل العذاريب والعيـب
يامجزي العالم على قدر الاعمال=ياواحدا يدري عن السر والغيب
تجعل محبتنا على كل الاحـوال=مع العريب اللي يعز الاصاحيب

صقر بجيلة · 25-06-2008, 12:21

حبيبي لو بعيد الدار اجي لـك=اجي لك يابعـد حيـي ومالـي
حبيبي كيف تحرمني وصالـك=وتتركني مـع سـود الليالـي
شبيه البدر من صور جمالـك=يجيبك لي وهو للكـون والـي
يشوقني علـى حبـك دلالـك=وروحي في رضاكم ما تبالـي
وانا قلبي صبى لك وانتحى لك=ما اشوف الا انت ياسيد الجمالي
وانا جالس مع حضره جلالـك=اشوف الوقت في جوه صفا لي

صقر بجيلة · 25-06-2008, 12:25

احس في وسط قلبي نار شبابه=من قبل يالعبدلي تعرض لنا الصوره
قلبي همومه تغدى به تعشى به=قضيت ليلي سهر والروح مقهوره
والبيت الاقصى رسول الله صلى به=وانا عليه ما صلي به ولا ازوره
شارون يعثي بصاروخ(ن) ودبابه=حتى وراحت بلاد القدس مدموره
قتالة اطفال وكهولا ونهابه=جنود صهيون مثل كلاب مسعوره
يالله ياواحدا ما خاب طلابه=يا من بيوته بخمس افروض معموره
لا تحرم الروح من نصرا تمنى به=يا عالم اسرار هذا الكون واجهوره
الزاد والشرب روحي ما تهنى به=حتى واشوف امة الاسلام منصوره
دموع عيني على الخدين صبابه=شبيه عصفور والجنحان مكسوره

صقر بجيلة · 25-06-2008, 12:26

يا مغرس الورد ياللي ما تربا بينه الشار=ياليت عيني تخيل مغرسك والفي مالي
يا مغرس الورد ياللي في بجيله دونه اصوار=مجار ما يقطفه من قال انا طرقي وماضي
يا سيدي اللي نسيني ما ثقل حمله ولا جار=ادراك ما ابغي يهبك يالغضي غير العوالي
والله لو خيروني عن حبيب الروح ما اختار=ولو بيعطوني الدمام واقصور الرياضي
حلفت ما افارق اللي ضم عهد الله ولا بار=ما افارق اللي سواة البدر قسمي واختياري

صقر بجيلة · 25-06-2008, 12:29

يالله يا مطلوب يا عالي الشاني=يا خالق الانسان والدم باعروقه
يسرلي الافكار واطلق بها لساني=وسوقها سوق الذهب لا غلي سوقه
في موطني لو قلت مليون ديواني=ما اوفيته الواجب ولا اعطيته حقوقه
يريع فيه الهيض ماني بحيراني=شاعر وازيد القاف لا قرت طروقه
الشعب والحاكم بني عم واخواني=من شافنا خلف الفهد كثرت ارهوقه
في موطني نهضه قويه وعمراني=نهضه وفي كل المجالات مرموقه
اهم ما في موطني الحق الانساني=بالعدل والانصاف واثبات موثوقه
دستورنا القران والنهج عدناني=والفهد قايدنا في القلب وخفوقه
يا حي عبد الله ويا حي سلطاني=افعالهم بالجود والخير مرفوقه
والحمد لله موطني امن وايماني=وانا حلفت ايمان بالله ما ابوقه

صقر بجيلة · 25-06-2008, 12:30

حمدان هيا اكتب الابيات منظومه=ابيات مضمونها ما يسعد القاري
لكنها ياحبيب الروح محكومه=الواقع اللي عليه ساقه اجباري
شاعر وروحي بما عبرت ملزومه=وكلمة الحق غابت ما لها طاري
عدو الاسلام بالشر وصلت سهومه=وانا كفيف البصر واليد محتاري
اي شلة الشر والارها ب معلومه=وبوش لو قال مهما قال غداري
سفيه شيطان مجرم مالي هدومه=ياناس هذي حقيقه سار ما ساري
الموت والشر والامراض بقدومه=اكدار واشجان وهدم اخلاق ودماري
يالله يالله تنصر نا س مظلومه=يا عالي الشان يا رحمن يا باري

صقر بجيلة · 25-06-2008, 12:32

يا لله يا مطلوب تحسـن عزانـا=يا واحدا حكمه على الناس ماضي
يا الله بعين العطـف يالله ترانـا=ادعيك وانا بالمقاسيـم راضـي
يارب ترحم مـن فراقـه زرانـا=لو فاض دمع العين تنشب اراضي
الحزن من بعد ابن حامد برانـا=بالافئده يسعـر بنـارا لضاضـي
الحزن والاشـواق بعـده قرانـا=باقلوبنا ما تنفرق فـي جراضـي
معتوق نطوي صفحته مـا طرانـا=هذي حقيقه ما عليها اعتراضـي
في طاعة الله في رضاه اصبر انا=ما دام حكـم الله نافـذ وقاضـي
الموت سنه لا محال انـذر انـا=ما عنه ينجينا الهرب والركاضي
صغارنـا واشيوخنـا وامـرانـا=عدوا ليوم(ن) بعـد الانقباضـي
اسبح الله واحمـده واشكـر انـا=في حكم قوله في نبيه لنا ضـي

5 آخر مواضيع بواسطة صقر بجيلة
الموضوع	المنتدى	آخر مشاركة بواسطة	الردود	المشاهدات	آخر مشاركة في
اعلان مهم جدا ابو منير	منتدى الشعر والمحاوره الشعريه	عبدالرحمن البقيلي	6	526	10-05-2012 00:54
دهيس بن نعيم	منتدى الشعر والمحاوره الشعريه	صقر بجيلة	13	644	07-05-2012 06:01
حُسَيْن الْعَيْشْ صُورَهْ مِنْ مُطَيرْ الْعَيْشْ	منتدى الشعر والمحاوره الشعريه	أحمد سالم	17	1021	06-05-2012 14:26

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ديوان الشاعر زايد المالكي في المحاورات وقصائد العرضة	صقر بجيلة	منتدى عموم رموز العرضة	255	09-05-2012 18:13
ديوان/الشاعر / حنش بن عايض المالكي	الجهلاني	منتدى عموم رموز العرضة	49	20-11-2011 12:47
زايد المالكي وحسين المالكي	حسين المالكي	منتدى الشعر والمحاوره الشعريه	10	30-07-2010 02:17
ديوان الشاعر زايد المالكي (صقر بجيله)	صقر بجيلة	منتدى عموم رموز العرضة	107	02-10-2009 00:04
ديوان الشاعر راجح بن عبدالهادي المالكي	صقر تهامه	منتدى عموم رموز العرضة	7	21-03-2008 12:40

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق

ديوان زايد المالكي النبطي

منتدى عموم رموز العرضة