[poem=font="simplified arabic,6,darkblue,bold,normal" bkcolor="transparent" bkimage="backgrounds/14.gif" border="none,4,gray" type=2 line=0 align=center use=ex num="0,black""]
مريت قبل امس يا الغالي وهذا اليوم مريت=ما شفت لك حوم يا سيدي ولا جاء عنك طاري
وان كان لاليت يا شبه القمر وان كان غنيت=ما هو عجب لكن الاشواق يا طير الحباري
حيّاك ربي تراعي من على قلبه توليت=حيّاك ربي ترد الروح يا سيد العذاري
يا زينها يا حبيب الروح لا منك تغليت=لكني ارجوك يالغالي على روحي تداري
المره الثالثه لو جيت لا عندك وصديت=شبيت روحي لقات الخلق في وضح النهاري
[/poem]
[poem=font="simplified arabic,6,darkblue,bold,normal" bkcolor="transparent" bkimage="backgrounds/14.gif" border="none,4,gray" type=1 line=0 align=center use=ex num="0,black""]
ابطيت يا زين وانا من بطاك اليوم زعلان=لا شفت رودك ولا جتني مراسيلك بالاخبار
بطاك حير فوادي والفكر خلاه حيران=من كثر ما انظر واناظر شب في قلبي كما النار
من كثر ما اقوم واقعد يا الغضي ونيت تعبان=المشكله قمت اهوجس واغلب الافكار وش سار
ايست من رودكم لكن يبقى النون سهران=مشغول بالي عليكم والفكر يلوي به افكار
اهم شيء لا يجينا يا الغضي شكا(ن) وتهمان=تبقى ونبقى على وضح النقا والحب مقدار
الله وانا الشيخ زايد ما بها لوكان لو كان= يا زين دونك حياتي والعمر والمال والدار
[/poem]
[poem=font="simplified arabic,6,darkblue,bold,normal" bkcolor="transparent" bkimage="backgrounds/14.gif" border="none,4,gray" type=1 line=0 align=center use=ex num="0,black""]
والله وانا المالكي لو كان عديت الثمانين=ما انسى حبيبًا على بالي مكمل فالوصافي
يا ليت يا ليت للعشاق بالدنيا محامين=وابذل حياتي وعمري ما تبي تغلى لوافي
يا بو خدودًا سواة الورد في وسط البساتين=والهرج حالي مثل ذوب العسل صافي وشافي
وابو جبيناً يشابه للقمر باللون والزين=نشيط مثل الغزاله لانطلق غصبا يشافي
والقد ممشوق مثل الخيزران اللي ملايين=والصدر زاهي عليه من الحلي والذوق كافي
انا وسيدي من الفرقا وقسوتها معانين=ولا بقي عندنا يا هل الهوى شيًا يضافي
الا نقل يا الله اجبر من ورى الفرقاء محازين=ما غير ما غير لقياهم لنار الشوق طافي
[/poem]
[poem=font="simplified arabic,6,darkblue,bold,normal" bkcolor="transparent" bkimage="backgrounds/14.gif" border="none,4,gray" type=1 line=0 align=center use=ex num="0,black""]
انا وسيدي وليل البارحه والغيم والسيل=الجو هـادي وذوقي ما تجي به كل الاذواق
بعيد عن ضجة العالم خوي الليل والهيل=مع الحبيب الذي ما خان في عهده ولا باق
عللت سيدي وعللني وهبت نسمة الليل=وارويت روحي وقلبي والكبد من طيب الارياق
[/poem]
[poem=font="simplified arabic,6,darkblue,bold,normal" bkcolor="transparent" bkimage="backgrounds/14.gif" border="none,4,gray" type=1 line=0 align=center use=ex num="0,black""]
مـريت بيت الحبيب ليتني ما مر واجـيـه =لقيت بابه عليه من السوافي غـير مـعـقـــول
وين الحبيب الذي لا زال في قلبي ومـغليـه=اناشد الحي والجيران ليش الباب مـقـفـول
من كثر مانشد عنه بان الذي فالقلب مخفيه=يا طير زين الخبر عن كامل الاوصاف مأمول
الزاد والماء في اغياب الغضي ما عاد نبغيه=ما عاد يرتاح بالي لين يصدر كل مرســـــول
يالله يالله يللي فالرخاء والضيق نرجـــــــــيه=تريح القلب لا يبقى على المزيون مـشغول
ياسيدي ان كان تبغى القلب ينعم في رفاهيه=ارجع وعود ويبقى الود يا راعيه مـوصول
يا عمري انته وياروحي على ايش القلب تشقيه=ترى وجودك يداوي قلبي اللي منك معلول
[/poem]
[poem=font="simplified arabic,6,blue,bold,normal" bkcolor="transparent" bkimage="backgrounds/14.gif" border="none,4,gray" type=1 line=0 align=center use=ex num="0,black""]
يا مغرس الورد ياللي ما تربا بينه الشار =ياليت عيني تخيل مغرسك والفي مالي
يا مغرس الورد ياللي في بجيله دونه اصوار =مجار ما يقطفه من قال انا طرقي وماضي
يا سيدي اللي نسيني ما ثقل حمله ولا جار =ادراك ما ابغي يهبك يالغضي غير العوالي
والله لو خيروني عن حبيب الروح ما اختار =ولو بيعطوني الدمام واقصور الرياضي
حلفت ما افارق اللي ضم عهد الله ولا بار =ما افارق اللي سواة البدر قسمي واختياري
[/poem]
