المشاركة الأصلية كتبت بواسطة الجهلاني

وهذه قصيدة للشاعر حنش وقصدها بن طوير بصوته نقلتها لكم من مشاركة للاخ صقر تهامة بالمثقفين

تهيض خاطري عند الغـروب
وفي قلبي كما نـار الشبـوب
وانـا قـدام للطرقـه بصيـر
واحير كني اعمـى واستديـر
ولي (ف)الدرب ليه وعتكـار
وانا عارف مخاريـج الديـار
عسانا نسلـم الـدرب التعيـب
يكون ان الفـرج مـن قريـب
طوال الليـل طرفـي ماينـوم
ادرجـهـا فرنـجـيـا وروم
وصليت العشـا بعـد الهجـود
وانا ساهر وخلـق الله رقـود
عشر ساعات ماذقـت المنـام
وحالي باح من فـوق العظـام
وطال الليل وانا فـي عـذاب
وشابت لحيتـي ونـا شبـاب
سباع الليل ذربـات الكفـوف
مخاليبا تهاوى مـا تصـوف
احس انيابها تصرف صريـف
وفيها الي قوي واللي ضعيـف
تقاربنـي وانـا عنهـا بعيـد
وقلبي رايح اقسى (م) الحديـد
وفيها اللي عن الهقـوه يزيـد
وفيهـا اللـي يخسـر مايفيـد
وذاك اللي بدى لـي مايهـوش
ولا هو من صماريخ الوحوش
بدى قيسى كما زولـه وغـاب
وانا اعرف جرته وسط الجناب
ولا ياسبـع ياللـي مابـديـت
تراني محتزي لـك مادريـت
ولو كانـت مخالبيـك طـوال
وتحداني علـى جـرف الهيـا
ولايعجبـك ليلـك ياسـبـاع
تحوفيني طوى مادري شباع
ضريتي بالفرايس كـل عـام
ولا تعرف حـلال ولا حـرام
وانا لو كنت في الحزم البـراح
لحوشك لين اضويـك المـراح
مضى لي من مخالبيك جـروح
ومن يمهـل بدينـه مايـروح
بغيت ابدي واشوفك راس ريع
واشب النار واحتاشـك جميـع
ولكن اعجبـك حيـدا عسيـر
عسير ولا معي فيـه المسيـر
تراني ما معي غيـرك عويـن
وتهدينـي علـى دنيـا وديـن
واذا جاالبعث (ف) اليوم الطويل
يصف الحب والكايـل يكيـل
والايالله حـسـن الـخـتـام
واحج البيت حجـا كـل عـام
وصلوا ( ع) النبي ياحاضرين
صلاة اهل التقى واهل اليقيـن