جاني وانا في وسط ربعي وناسي=جاني نشلني مثل ما ينشل الناس
مني نشل روح تشيل المآسي=تشكي من ايام الشقى تشكي الياس
اثر الالم في سكره الموت قاسي=ماهالني مثله وانا انسان حساس
جابوا كفن ابيض مقاسه مقاسي=ولفوا به الجسم المحنط مع الراس
وشالوني اربع بالنعش ومتواسي=عليه ومغطى على جسمي الباس
وصلوا علي وكلهم في مآسي=ربعي ومعهم ناس من كل الاجناس
ياكيف سوا عقبنا تاج راسي=وامي الحبيبه وش سوى بها الياس
اسمع صدى صوت يهز الرواسي=قولو لها لاتلطم الخد ياناس
قـولولها حـق وتجـرعـت كاسي=لاتحترق كل يبي يجرع الكاس
اصبحت في قبري ولابه مواسي=واسمع قريع نعولهم يوم تنداس
من يوم قــفــوا حـل موثق لباسي=وعلى رد الروح صوت بالاجراس
هيكــل غــريب وقال ليه التناسي=صوته رهـيب وخلفه اثنين حراس
وقــف وقـال ان كنت يانمر ناسي=هاذي هي اعمالك تقــدم بكراس
ومن هول ماشفته وقف شعر راسي=وانهارت اعصابي ولاارد الانفاس
ياليتني فكــرت قبــل انغماسي=بالغفلـــــه اللي منتهاها للافلاس
وفزيت من نومي على صوت ناسي=واصرخ واقول الموت وأحذر الناس
توفي قائل القصيده بعدها بيوميـن فـي حـادث مـروري
والعهده على الراوي,,,