بعض المزوح
بعض المزوح تجعل من قلوبنا سـود
ومجلس اهل الشــــــــؤم يا كثر جِنّه
وبعض الكلام ياتي مثل هبة النــــود
طيّب ولا نشبــــــــــع ابد يـــوم منّه
والحكي ان ماله دلاله ولا فــــــــــود
يجب علينا بالضــــــــــــــــماير نكنّه
يا صــــــاحبي كل كلمة في لها اردود
وابلـــــــــيس امن اليــوم خلنا نصنّه
بلعنةٍ لا يوم شــــــــــــاهـد ومشهود
والعاذل المنبــــــــوذ لا ضحك سنّه
وبعض الكلام يقــودنا للعلا قـــــــود
وبعض الكلام يوصـل بيــوت المجنّه
امزح معي وامزح معك بس بحـدود
هرج المذلة نرفـع النفــــــــــس عنّه
وحنا كذا اصحاب والمــــزح محمود
لكن خــوفي نفتقد بعـــــــــــض فنّه
ما دام بالمجلــــــس منافق ونمرود
كلٍ يفســـــــــــــر مزحنا حسب ظنّه
الصمت خير والعود ما بعده قعـــود
قبل المعـارك والقنا والأســــــــــــنّه
هذا كلام الصدق والجــــــود موجود
وذا بخلــت بالهرج افـــــــــرح وغنّه
لنّك صنت النفـــــس والقول مولود
يكبر مثل ما يكبــــــــــــــرون الأجنّه
والختم صَل المعتلي خير معبـــــود
على الذي ترك لنا خيـــــــــــــر سنّه
من بعد قول الله بها ناخـــــــذ الزود
من العبـــــــادة ومطلب الناس جنّه
الشاعر / فهد عامر المالكي