قصيدة بني مالك 50 بيت

D

DDC

New Member
إنضم
5 سبتمبر 2007
المشاركات
16
مستوى التفاعل
0
النقاط
1
السلام عليكم ورحمة الله وبركاتة

لله درك ياعبدالحميد على هذه القصيدة المميزه من شاعر مميز (ان وجد الدعم سيكون له شأن في قادم الايام)
صح لسانك مدد بلاعدد

ومشكور يابو ريان على نقل هذه القصيدة
 
نواف بن جارالله المالكي

نواف بن جارالله المالكي

شــــاعر وناقـد
إنضم
1 سبتمبر 2007
المشاركات
1,221
مستوى التفاعل
53
النقاط
48
بيض الله وجهك يبوريان وصح لسان كاتب القصيده ... قصيده رائعه جددداً جمعت وأوفت .. أبدع قائلها في الشعر ... وأحسن في طريقة العرض ... وهذا الكلام لايكتبه الا شاعر متمكن جداً.. ولايكتبه الا شاعر يحمل فكر وهم وصلابة رأس ومبدأ ... أستطاع أن يوصل الى قمة الفخر بدون مبالغه .. ​


وأحسن حين قال :

والله ان العز بالله والتفاخر في نبيه
مير ودي كل عله خافيه نحضر دواها

لاننا نجد كل من يتفاخر ويمدح ينسى هذه الجزئيه المهمه ...

سلم بنانك يبوريان وصح لسان الشاعر .
​
 
۞ أبوبـــدر ۞

۞ أبوبـــدر ۞

Active Member
إنضم
13 يوليو 2007
المشاركات
1,216
مستوى التفاعل
21
النقاط
38
الإقامة
جدة
قصيدة بني مالكمن حق كل شخص أن يفخر ويمتدح قبيلته وها هو عبد الحميد بن عبيد المالكي يمتدح قبيلته بقصيدة من 50 بيت ​


1_ياسلامي عد مايتعاقب الصبح وعشيه
وعد مبدا كل نجمه يوم تبدي في سماها​


٢_وعد مبدا كل خيالن على ظهر المطيه
وعد مافالارض من طلع النبات وماسواها​



٣_ياقبيله نبتديهم بالسلام وبالتحيه
السلام اللي يودا كل قريه من قراها​


٤_يابني مالك رجال العز ورجال الحميه
محتمين حدودهم بسيوفهم والله حماها​



٥_يارجالا ذكرهم وامداحهم واجب عليه
من هوى روحي بدعت القول وامشي في هواها​


٦_والله اني مانويت الجهل ولا العنصريه
من هجوسا زاورتني قلت ابمشي في رضاها​


٧_وان قلبي مايسير في دروب الجاهليه
مير واجب نمدح اهل الطيب ونكمل ثناها​


٨_والثنا موروث وامداح الاجاويد ابجديه
جدنا فاد المدايح يوم الامجاد اعتلاها​


٩_والتواريخ اثبتتنا في حروب القادسيه
لو بغى الجاهل يطوي كل حجه ماطواها​


١٠_انتقينا ساحة الميدان واحواض المنيه
يوم خلينا رحاة الحرب تطحن من بغاها​


١١_والمواقف ماتعد وعن قصايدنا غنيه
مايفيد العزه الا كل من سوا كماها​


١٢_جدنا قال الشجاعه في يديكم من يديه
والوصيه اللي كتبها ماخذله اللي قراها​


١٣_كلنا شلنا الحموله واقتدينا بالوصيه
والحكيم اللي يميز كل سلعه من غلاها ​


١٤_يشتري زين العلوم ولايدور للرديه
يوم ولد اللاش قد باع الرديه واشتراها​


١٥_والشجيع اللي يضد الخصم في شمسا وفيه
والسيوف الحدب من دم العدا يروي ظماها​


١٦_مثل صقرا مايداني دم بارد من ضحيه
مايداني غير من دم الفريسه اللي رماها​


١٧_ومثل نمرا ضاريا تنجح بكفه كل نيه
مايحسب للذياب ولو تسمع في عواها​


١٨_الكرم عنوان راعين اليدين اللي وفيه
والعطا طبع النفوس اللي يجملها عطاها​


١٩_الجمايل عندنا مثل الغمايم والنشيه
كل ديره ينعرف وافر مطرها من حياها​


٢٠_نكرم الضيفان ونشب الحطب والنار حيه
دار جود وماتخيب كل خاطر لاضواها​


٢١_جودنا من يسر في ظل الظروف الياسريه
والكرم والجود حاصل باليسر ولا بلاها​


٢٢_تشهد الروس وتظلي كلمة الراوي رويه
مير ماتوفي ولو كانت تكلم من قفاها​


٢٣_وتشهد اكفوفا تظلي بالدسم دايم نديه
مثل قمات الجبال اللي يسقيها نداها​


٢٤_وتشهد احدود الجنابي والدلال الشاذليه
الدلال اللي بغت تنبت غروس الهيل فيها من رواها​


٢٥_الكرم طبعا تربينا على مثله وزيه
ماتربينا البخاله لعنبو حيا رباها​


٢٦_ولدنا لاجاه ضيفه قال له يارب حيه
مايحسب للخساره والجمايل في مداها​


٢٧_ان تكلمنا نرحب وان سكتنا في خفيه
الكرامه واهلها ضيفاتها تطلق لحاها​


٢٨_الكرم شيخ المزايا والبخل شر البليه
للنفوس اللي ضعيفه والبخل زاد ابتلاها​


٢٩_ارتقينا فالجبال النايفات اللي عليه
موطن الاحرار وابعدنا المباني عن دناها​


٣٠_ماغرسنا الا غروس الطيبات المسقويه
طلعها خير الثمار وماتندم من سقاها​


٣١_في مزارع دونها احصونا منيعه وامحميه
لو بغاها كل جاني ماقدر يلحق جناها​


٣٢_لين تصبح كل غرسة طيب مثل المزهريه
كل غصنا في رواه وكل شجره في لحاها​


٣٣_الدناسه مالها عند النشاما قابليه
والفتن يلقى عواقبها الضعيف اللي ذراها​


٣٤_مانبادر بالخطا لاكن مانرضى الخطيه
كل روحا من على قدر الخطا تلقى جزاها​


٣٥_ان حربنا مثل ذيبا يوم يعدي فالرعيه
وان عفينا مايطيب فالنفوس الا عفاها​


٣٦_وان غضبنا تغضب الدنيا على راع المديه
وان رضينا كل كلمه ماتعدى عن مداها​


٣٧_وان بدينا مابدينا في دروب المنقديه
وان تعزوينا بنتعزوى في سيوفا تزاها​


٣٨_وان ظمينا مانرد فوق البيار اللي غبيه
وان شربنا من عدايد نرتوي من حلو ماها​


٣٩_وان وفينا مثل مايوفي الخوي حشمة خويه
نكرم الجيران والجيره نقدر محتواها​


٤٠_ندخل التاريخ من باب العزوم المقدريه
اجتمع مجد التراث مع الحضاره واحتواها​


٤١_عندنا نهج التطور والعقول العبقريه
والحكم والمعرفه صارت في اعلى مستواها​


٤٢_والله انا مانزحنا مالبحور الا شويه
لو بحور الشعر تكتب فالقبيله ماوفاها​


٤٣_المدايح في وفاها والوصوف الها بقيه
لو هجوسي تنكتب من دم قلبي ماكفاها​


٤٤_والله ان العز بالله والتفاخر في نبيه
مير ودي كل عله خافيه نحضر دواها​


٤٥_نجعل الارواح لاجل الدين والديره هديه
حتى لوكانت علينا غاليه نرخص غلاها​


٤٦_شرعنا نحيا بنهجه والوطن اغلى هويه
تحت حكم الله ثم ابن سعود اللي بناها​


٤٧_حكم ابو متعب رفيع الرايه وجزل العطيه
ولولي العهد تفرح كل ديره لاغداها​


٤٨_والثنا موصول لانايف وزير الداخليه
كل خيلا من رسنه وكل قمه من رساها​


٤٩_طاعه الله والامان من السنين الاوليه
وان حسدنا مالعين الحاسدين الا عماها​


٥٠_وختمها صلوا على سيد البشر خير البريه
عد ماهبت رياح وعد ماذعذع هواها​


​
الله يعطيك العافيه​
 
م

من الدشاما النشاما

Member
إنضم
8 أكتوبر 2007
المشاركات
694
مستوى التفاعل
1
النقاط
18
مشكور اخوي على الموضوع الراائع والمشاركه الراائعه

ننتظر جديد ابداعك وننتظر قلمك الالماسي والابداعي

وبارك الله فيك
 
فهد المخزومي

فهد المخزومي

.. ســــليل الأحـــــرار ..
إنضم
13 أغسطس 2007
المشاركات
1,652
مستوى التفاعل
20
النقاط
38
الموضوع قديم بتاريخ 10 / 8 .....

نتمنى من الاخ نواف بن جار الله والاخوان عدم رفع مواضيع قديمه.....

لاعطاء المواضيع الجديده حقها من الردود......

وشكرا..
 
نواف بن جارالله المالكي

نواف بن جارالله المالكي

شــــاعر وناقـد
إنضم
1 سبتمبر 2007
المشاركات
1,221
مستوى التفاعل
53
النقاط
48
الاخ فهد


المعلقات السبع عمرها اكثر من 1600سنه ولازالت حتى اليوم ترفع وتدرس وتتنتقد وتحفظ ...

والقصيده التي بهذا المستوى من المفروض أن تثبت ( عشان مانرفعها ولا نرخيها!!!!! ) ..

أشكرك على إهتمامك .واعذرني على الرفع !!!!!
 
ع

عائض العطاف

~ شــــاعر~
إنضم
15 سبتمبر 2007
المشاركات
1,491
مستوى التفاعل
13
النقاط
38
الشا عر عبد الحميد الما لكي شا عر كبير العقل صغير السن وهذا ما هوغريب عليه حيث جده ابرا هيم العطا ف شا عركبير رحمه الله كذاك جده عا بد رحمة الله عليه شا عر وعبد الحميد له قصا يد عصما كثير ه انا مستغرب لما ذا لا ينز لها الاخ ابوريان هنا فهي قصا يد تستحق الاحترام وسوف تجد اتا ييد ولقبول من المتذوقين اتقدم با الشكر ولتقدير لى ابو ريا ن حفظه الله وصح لسا ن شا عر بني مخزوم وبني ما لك كا فه وتمنى من الاستا ذ عبد الحميد المزيد والمزيد من امدا ح قبيلة بني ما لك العريقه
 
جبل بيضان

جبل بيضان

~ شاعر ومؤلف ~
إنضم
2 أغسطس 2007
المشاركات
201
مستوى التفاعل
7
النقاط
18
الموقع الالكتروني
janoobgate.com
والله اني مانويت الجهل ولا العنصريه
من هجوسا زاورتني قلت ابمشي في رضاها​


وان قلبي مايسير في دروب الجاهليه
مير واجب نمدح اهل الطيب ونكمل ثناها​


والثنا موروث وامداح الاجاويد ابجديه
جدنا فاد المدايح يوم الامجاد اعتلاها​

والتواريخ اثبتتنا في حروب القادسيه
لو بغى الجاهل يطوي كل حجه ماطواها​

انتقينا ساحة الميدان واحواض المنيه
يوم خلينا رحاة الحرب تطحن من بغاها​
أنقر للتوسيع...
:t3: :t3:
اخي عبدالحميد تستحق الشكر التقدير على هذه الملحمة التاريخية​
 
التعديل الأخير:
بن عطاف

بن عطاف

القلم الحر
إنضم
7 سبتمبر 2007
المشاركات
5,064
مستوى التفاعل
36
النقاط
48
الإقامة
فــ....ى قــلـ....العـــ..ا لــ.مـ..
ابوريان قصيدة رائعه شامله قبيلة بني مالك واقل ماقيل في كرمهم وعادتهم صح لسان لاستاذالشاعر عبدالحميدويعطيكالعافيه على النقل المميز وتستخق التوصيت ممتاز

يعطيك العافيةماقصرت
تقبل خالص
تحياتي​

اخوك بن عطاف
 
التعديل الأخير:
مستريح البال

مستريح البال

Active Member
إنضم
19 أبريل 2007
المشاركات
1,135
مستوى التفاعل
4
النقاط
38
الإقامة
جــــده
ابو ريان بيض الله وجهك على النقل


وصح لسان شاعر بني مالك القادم وبقوه

عبد الحميد بن عبيد بن عابد القرشي المالكي

انتظروا هذا الشاعر فهو قادم وسوف يكون له شان كبير
 
م

مالكيه وافتخر

Member
إنضم
30 يونيو 2007
المشاركات
167
مستوى التفاعل
2
النقاط
18
الرجا كل الرجا من الاخوان المشرفين تثبيت هذه القصيده و وضعها عنوان لهذا المنتدى فهي من افضل ماكتب في بني مالك زوشكرا لكم
 
م

مالكيه وافتخر

Member
إنضم
30 يونيو 2007
المشاركات
167
مستوى التفاعل
2
النقاط
18
الاخوان مشرفي ملتقي العرضه الرجا تثبيت هذه القصيده ووضعها عنوان للمنتدى فهي جديره بذالك
 
ابن فواز المطاعي

ابن فواز المطاعي

Active Member
إنضم
17 سبتمبر 2007
المشاركات
1,016
مستوى التفاعل
23
النقاط
38
الجمايل عندنا مثل الغمايم والنشية

كل ديره ينعرف وافر مطرها من حياها

أشهد أنك يا عبد الحميد بن عبيد المالكي شاعر كبير جداً جداً جداً والدليل البيت السابق

شكراً يا أبو ريان على المشاركة الرائعة



ابن فواز المطاعي
 
ح

حمدان المتعاني

Member
إنضم
29 أكتوبر 2007
المشاركات
38
مستوى التفاعل
0
النقاط
6
الجمايل عندنا مثل الغمايم والنشيه
كل ديره ينعرف وافر مطرها من حياها

.....................

ونعم حتى تلين الصخور الصم

نعم الشاعر ونعم القبيلة

صح لسان الشاعر الفذ
وسلمت يداك ايها المتميز


​
 
يجب تسجيل الدخول أو التسجيل كي تتمكن من الرد هنا.
أعلى