ديوان الشاعر أحمد بن حامد الأعفر المالكي

أمير الشعراء

مشرف العرضة والمحاورة
إنضم
13 سبتمبر 2010
المشاركات
2,507
مستوى التفاعل
14
النقاط
38
1410333013241.jpg

الشاعرالاديب الاريب أحمد حامد حسن الأعفر
‏‏‏مختص في العقيدة. ومهتم بالدعوة والخطابة.ومتذوق للشعر والأدب له نتاجٌ شعري رائع ٌ ماتع وله رباعيات
متميزة بالشعر النبطي نورد في هذا المتصفح بعضاً منها أتمنى أن تنال استحسانكم واعجابكم
[poem=font=",6,black,bold,normal" bkcolor="transparent" bkimage="http://albashir.eb2a.com/vb/mwaextraedit2/backgrounds/30.gif" border="none,4," type=0 line=0 align=center use=ex num="0,black""]
ياطاير الشوق=
ياطاير الشوق خذ منّي كلاماً كبير=مامون مضمون والنقّاد ماينقده



تنصى به الشاعر الفذ اللبيب الخطير=والى بدا لك ورّحب فيك قبّل يده



قل له ترا احمد يبلغك السلام الكثير=يذكرك بالعرف والمعروف مايجحده



سلام ياعيضه ابن طوير يابو منير=ياشاعر القاف والايقاع والمفرده



انا اشهد انك حكيماً للقوافي وامير=وانا اشهد ان المحافل بعدكم بارده



جمعت نحت الفرزدق مع عذوبة جرير=يامنهل العرف والميراد والقاعده



ياحدة إقبال ياعرّاب ادب شكسبير=يامعقل الشعر ياحاكمه يامارده



سجلت في صفحة التاريخ شعراً مثير=يوم اغلب الشعر لامتعه ولافايدة



قطعت مايقطع الراكب بظهر البعير=والماء في الساقيه والزاد في المزوده


سبعين حجه ينوشك بردها والهجير=حتى استوت لك صروح ابياتك الخالده



بيني وبينك صداقة عمر ماهو قصير=صداقة إخلاص ماهي صحبةً بايدة



وإن مُت ابوصي بها وافي يُتّم المسير=لان الوفاء دين بين الناس ومعاهدة

؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=


( آه مـــن قـلـبـاً )=
آه مـــن قـلـبـاً شـقــاوي مـــا هـــو مـثــل الـقـلـوب= كــــنّـــــه امـــكـــلـــف بـــحـــمـــل الــمــشــقـــه والـــعـــنــــا
جتني الأخبار من كل حدب وكل صـوب= قـالــوا ابـــن طــويــر قــــد مــــات وانــهــار الـبِـنــا
وارتـبـكـت وتـهــت وانـــا مـضــرّى بالـخـطـوب =مـبـهــلاً صــــدري لــضـــرب الـخـنـاجــر والـقــنــا
قلت لا ما انهار لو يلحقه بعـض النـدوب =مـــــن يـخــلّــف مـــثـــل زعـــكـــان يــبــشــر بـالـثــنــا
لا يــزال الـعـز فـــي مـحــرز الـلـيـث الـوثــوب= لا تـــطـــاول روس الأقـــــــزام ونـــفــــوس الـــدنــــا
شــامــخــاً مــــــا زعــزعــتــه الـــزوابــــع والــهــبـــوب= تـحـت ظـلــه يـنـضـج الـنـبـت ويـطـيـب الـجـنـا
جيـت يـا زعكـان والـحـال يطـويـه الشـحـوب =مــــــــا تــــــــدوم أيــــــــام الأحــــــــزان وايــــــــام الــهـــنـــا
جـيــت يـازعـكـان والـخـطـو تـخـنـقـه الــــدروب= مـن هنـاك أحفيـت وجـه الـدروب ومـن هنـا
جـيـتـك أعـزيــك فـــي شـيــخ شـعّــار الـجـنــوب= والـــــبــــــقــــــا لله وحـــده ولــــلــــخـــــلـــــق الــــــفــــــنــــــا
كــــان تـشـكــي فــقــد والــــدك عــدتــك الـعـيــوب =أنــــــــــــا فــــــاقــــــد خــوةً مـــا تــــــقـــــــدر بـــثـــمـــنــــا
خـــــــوةً مـــــــا خـالـطــتــهــا الــخــطــايــا والــــذنــــوب= يـنـعـكــس مـنــهــا عـــلـــى حـــالـــة الـــواقـــع ســـنـــا
يــوم صـكـات المنـاكـب ودحـمـات الـجـنـوب =يـعـتــزي لا قــلــت ويــــن الــخــوي ويــقــول أنـــــا
هل ترا وشلون من بعده استجدي الغيوب= بــعــد كــنّـــا فـــــي الــحـــوادث نـصّــبــر بـعـضـنــا
لـو يعـبّـر عـنَـي الصـمـت والـدمـع السـكـوب =مـــا يـصـافـح وجـهــي الـكــذب وعـلــوم الـخـنــا
وأكـثــر الـشُـعّـار لـــو جــــاك يتـبـيـكـى كــــذوب= بـعـــد ســـاعـــه يــنــقــع الـــزيـــر ويـــجـــر الــغــنــا


؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( يابشير )=
يابشير اقرب لي الكرسي وجيب الدلة=واعطني فنجال من شاهيك الخثراني
واقترب عندي وهات اللي براسك كله=ابغي اسولف معك وان كنت باكستاني
انا وانت اخوان يارجال باصل الملة=والله انك عندي ابرك من بعض صحباني
هات قلي وش بلا كشميركم محتلة=ماقدرتم تسحقون الهند في الميداني
يلعب الهندوس فيكم مثل لعب السلة=وانتم الواحد ثلاث امتار في متراني
يابشير نحن كماكم في هوان وذلة=ماتشوف القدس من جور اليهود يعاني
اه ياقلبي وعيني كن فيها ملة=لي شهر والنوم ما خالط رموش اجفاني
والحقيقة ما انتهت الا وحولي شلة=ما قدرت اخفي عليهم وجهي وعنواني
في ربوع الجايزة لاذلة ولا قلة=من يدورني على وضح النقا يلقاني
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( يالحيتي )=
يالحيتي يفداك مليون رجال=من الرجال اللي لحاهم حليقة
وايضاً فداك إرجالاً لحاهم طوال=لكنهم يجرون عكس الحقيقة
اللي مراجلهم تفاهات وهبال=واخلاقهم طاحت بهّوة سحيقة
مالي بهم حاجة على كل الاحوال=ولا التقي معهم على أية طريقة
روحوا وراكم يا رديين الافعال=أنا صديق اللي يثمن صديقه
اللي ليا ثقلت على المتن الاحمال=أشتالها مافيه شياً يعيقه
يرقى بروس جبال ويصادم جبال=يوم الجبان يغص حلقه بريقه
هذا له عندي مكاناً ومنزال=منزال لايق والمكانة تليقه
خلك بداخل خافقي روح وتعال=ياتوأم الخافق واخوه وشقيقه
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( يا وافي )=
يا وافي احضر لي قلم واعطني البوك=واقرب للي الثنتين قهوة وشاهي
بقعد بها راساً من الوقت معروك=تجري رياح الووقت عكس اتجاهي
والبارحة ما نام جفني وانا ابوك=ادفع داوهي واتحمل دواهي
وجدي لمن صاحب من الناس صعلوك=يضيعه بين الشلل والمقاهي
النذل لا يصحبك لو انه اخوك=يفضحك ويبيعك على شي واهي
والوقت فيه الشر والخير مشروك=ادري عن الايام ماني بساهي
انا مضرس من زماني ومعلوك=ماني من اصحاب الترف والرفاهي
واصحابي اللي وردهم مثمراً شوك=اسداً علي وعند غيري براهي
ابقدر ادبّر لهم كيد وآحوك=لكن ينهاني عن الشر ناهي
الصبر لي عادة وبي عزة املوك=لكن ما احب الفخر والتباهي
بابي عن الزلات والعيب مصكوك=تمنعني اخلاقي ووجهي وجاهي
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( افكار )=
افكار في راسي تدور وهواجيس=صدري لها موطن وقلبي مهاجر
تصدع براسي مثل صدع المهاريس=وتطعن بقلبي مثل طعن الخناجر
ماهي على شان البنات الموانيس=نجل العيون ولابسات البناجر
ولا نتوّخ للوجوه المفاليس=ولا تعطف النظرة على كل فاجر
ولاعرجت بأطراف لندن وباريس=ولا هوّمت بظهور عوج الحناجر
ماتلطم الا في وجوه السناعيس=ولا تطعن الا في النحر والمحاجر
ياهيه ياللي غربتك الكوابيس=في العصر مستشيخ وفي الصبح تاجر
المشيخة ماهي بلبس البرانيس=ولا هي بوجهٍ ما اسفعته الهواجر
الشيخة اللي ما تثبت بتاسيس=مثل الجدار اللي على راس حاجر
خل الشياخة لابن هدلان وجريس=وشايع الامسح وبرجس وساجر
اهل البيوت العامرة بالنواميس=واهل السيوف الحدب يوم المشاجر
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( على عادتك )=
على عادتك ياوسع صدرك يبو عواد=سعة تحرج الخصام وتهز ميقافه
ترد السيول على وراها وهي تعتاد=تفج الديار وتاخذ الارض مدلافة
يقولون اذا قابلت خصم اجل الميعاد=على شان تكسب وقت وتضيع اهدافه
وانا اقول اذا مالك عن المعركة مشراد=تخير لوجه الخصم ضربات خطافة
ولخبط له اوراقه ونغص عليه الزاد=وخله مع العالم حكاية وسولافة
اقوله وانا مالي مزارع ولا ميراد=ولكن كلمة حق بالصدق هتافة
لون ان البشوت تشيخ النذل والمرباد=غدى كل نذلاً شيخ اذا لبس اكتافه
واذا الشيخ تشري لحيته تحلية براد=فلا تعتب على تالي الحي واطرافه
وانا في الحقيقة ما اعتب الا على الاجواد=اذا غضوا الانظار واغضوا على التافه
نهاراً يصبحهم بناراً وقدح زناد=وليله يبيتهم على موعد القافه
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
0 يارب )=
ياربي لك الامر وبك الحول والتكلان=إذا امسيت في صدعاً من الارض وحداني
وهالوا علي التربة الربع والخلان=وراحوا على بيتي يعزون ورعاني
وجوني ملآيكتك يسالون عن ماكان=وطاح الغطا وامسيت في داري الثاني
فيا ذلة الموقف ويامعظم الخسران=إذا قلت وش قدمت لي قلت ما امداني
سهيت ولهيت وتهت في غاية الخذلان=واطعت الهوى واصغيت لابليس وارداني

؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
(ربا عيات )=
لي مدة امشي كني آطى على ماس=والارض من حولي بحوراً تصافق
صرحت حتى ضاق مني اقرب الناس=وجاملت حتى خفت اسمى منافق
ياموسع الدنيا على خالي الراس=اللي لها في كل حلة مرافق
ويامضيق الدنيا على طيب الساس=اللي لهزعات الخنا ما يوافق
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
(ربا عيات )=
الحظ ياوافي شريطه منّوع=أما طلع ممتاز وإلا مشوّه
وأنا على ماقيل حظي مكوع=لاهاضني برقه ولافاض نوّه
إن قلت لي بيتين قالوا مطوع=وش فيه داخل جوه ماهو بجوّه
مادام فعلك مثل مسكاً تضوع=اللي على بالك تسويه سوّه
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
(ربا عيات )=
بين المشالح وبين اصحاب بعض الكتوف=نبوةً قالها الشعار وتحققت
لوالملابس تبدل شاينات الظروف=كان القلوب اقتفاها خير وترققت
الله من كلمةً في الصدر عيّت تطوف=مافكرت في عواقبها ولا دققت
ولا المشالح لها قلباً وعيناً تشوف=طارت عن اكتاف بعض الناس وتشققت
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
(ربا عيات )=
دخلت القصور وشفت فيها ترف واسراف=وسكانها عن حاجة الناس ما تدري
وشفت العشاش اللي تنصب في الارياف=تقول انها ما عام خمسة عشر هجري
وشفت النشاما ياكلون الرغيف الحاف=ولحم الغنم يشبع به الكلب والنسري
يولون نسمع بالغنا بس ما ينشاف=وهم في زمان العلم والعلم العصري
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
(ربا عيات )=

ياهيه ياللي ممتلي كبر وغرور=الطيب عادة والتواضع جبلة
دكتور وش يحصل لو أصبحت دكتور=تحتك تراب وفوقك أنجم مطلة
والله ولو كنت بنظر مقلتي نور=لو كنت مستحوذ على القلب كله
الشوف والله لاطمسه طمس ويغور=والقلب والله لاشلعه من محله
[/poem]
جمع القصائد وترتيبها وتنسيقها (جندب المالكي)
 

أمير الشعراء

مشرف العرضة والمحاورة
إنضم
13 سبتمبر 2010
المشاركات
2,507
مستوى التفاعل
14
النقاط
38
[poem=font=",6,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
البادي عيضة بن طوير=
الايا نديبي سير برعاية الرحمن=على موترا يطوي الفيافي والاريافي
صلاة الظهر ممشاك من دار ابو زعكان=وبعد العصر منصاك في دار ابو وافي
وقله سلام الله عليكم وانا عجلان=مودي خبر عاجل ومسرع بالانكافي
مودي خبر من شاعرٍ يبدع القيفان=نهل من بحور الشعر والمورد الصافي
يرد السلام ويذكر البر والاحسان=ونظم البيوت الفذة افراد واردافي
وبعد السلام يكرر الشكر والعرفان=من اخلاص واشواقاً ومن قلب ميلافي
من اهجاس يدفعني هواها خفى واعلان=اغني بها في المجتمع بين الاصفافي
إلى نامت الاحساس يدفعني الوجدان=واذا ثار وجدان الضمير اظهر الخافي
انا الشاعر المبدع وانا الشاعر الفنان=هوى الشعر يجذبني مع كل مشرافي



ارجح بيوت الشعر اذا خفت الاوزان=على شاعراً ما يتقن الوجه والقافي
انا كنت اضن ان العرب في البلاد اخوان=ومبنى صداقتهم على عدل وانصافي
وحدتني الحاجة وسندت للصحبان=وكانت مباديهم لنا ضحك وارجافي
جزاء مابذلت وجدت في سالف الازمان=وكنت اجعل الدنيا ربيعاً ومصيافي
وشفت الجفاء والغيض حتى من الخلان=وشفت الحسد والمكر حتى من اطرافي
جفونا وكافونا بما يفرح العدوان=وبالغدر والتزوير يرمون الاهدافي
يريدون طيحتنا من الذل والحقران=وانا شلتهم مالارض حتى على اكتافي
تحديت كبرتهم بالاصغار والنسيان=ووقفت حسبتهم وطبقت الاسلافي
ولكن دوبي مادريت اني الخسران=ولاعاد ينفعني التندم والاحسافي

انا ثابت الوقفة وعزمي على ماكان=حبالي ترد وآخذ شرابي من اكفافي
وحزمي وعزمي شامخ الجدر والاركان=على ساس ما قامت على جرف مهيافي
وانا كنت الومك عندما تقفل البيبان =وتحذف بهم تحت انهيارات الاجرافي

وانا كنت اقابل بعضهم عندكم ضيفان=واذا زارنا في بيتنا حيّه اللافي
يودي لي اخباراً تجي بالهموم الوان=وبكرة يودي عني اشكال واصنافي
واذا قلت لك يا احمد ورانا يدور فلان=تقول اتركه هذا غشيماً ومتعافي
تقول انتظر حتى يبين لك البرهان=تشوف التفرق والتشتت والاتلافي
يبيعك وياخذ من ضعاف النفوس اعوان=كما باعني قبلك وانا لبسه الصافي
ترانا يابو زعكان في مجتمع خربان=يقيم الوضيع ويهضم احساب الاشرافي
وانا ما ارجي الارحمة الرب والغفران=تكفيت واللي من زماني حصل كافي
سمعت الخبر وابصرت الاعداء بيان اعيان=ولكن غيري لا سمعهم ولا شافي
انا ما افخر الا في عتيبة وفي زهران=على نهضة الشاعر وحسن التصرافي
ولكن مادام الشعر للعرب ديوان=يقص الاماكن والاسامي والاوصافي
ابمشي على راضة وابمشي مع العجلان=وانا عندي الاحساس جاذب وخطافي







رد الشاعر احمد الاعفر=
هلا مرحبا ياسيد الشعر والاوزان=تحية وفاء نبدي بها روس الاشعافي
عدد ما صدح صوت البلابل على الاغصان=وماقام عند البيت مسلم وما طافي
اقوله وانا عارفك فارس من الفرسان=وصاحب نظر ثاقب ورامي وهدافي

على نصف قرن اثقلت كفتك بالرجحان=وغيرك من الشعار موقفه خفّافي
تسوق القوافي كنها اللول والمرجان=وتشفي بها قلب العناء والله الشافي
كما الشمس مايجحد سناها سوى العميان=من اهل الضغاين والدسايس والارجافي
لك الله يا ابن طوير في كل علم وشان=تصبر على ما جاك والوقت كشافي
وجدك رسول الله سيد ولد عدنان=يقول اعف وان الاجر موفور للعافي
انا شفت مثلك من صروف الزمان الوان=وحطمت في لجته سيفي ومجدّافي
تجيني سوالف من موالي ومن غلمان=ومرت وابيت افتح لها جفني الغافي
لكن والله اني محني الراس للخطلان=ولو عشت من جور الزمن جايعاً حافي
اسامح ولا اتطاول على الربع والجيران=وهرج الحسود ادفنه في صدري الدافي

ومن كان في نحري كما شوكة السعدان=ردعته بما يكفي وعقبته اخلافي
وكم صاحباً سوى كما طير بن برمان=حفظته وضيعني في المهمه العافي


خدعني بهندامه وزور لي العنوان=واذا اقبل تقل عراف من نسل عرافي

يشين المشالح والعمايم على الخبلان=مشالح وساع وهم مهازيل وعجافي
لو ان اللبوس الغالية ترفع الحقران=تشيخ علينا كل مايع ومترافي


وهذا زمان الرقص والنقص والخذلان=زماناً يساوي تبر الابريز بالسافي

تنمر به ام قرين واستنعج السرحان=ومن كان سابق نذل ذالحين مضيافي
وهو لا قرا ضيفاً ولا جندل العدوان=يغث القلوب ويحرق اشغاف الاشفافي


اقوله وانا يعجبني الصدق والاتقان=اذا راح موقف غيري اربع وانصافي

اصاحب وفي لوكان من شعب كردستان=واكب الردي لو كان من روس الاشرافي
تحطم على صدري رمايا وحد سنان=وانا مبهلاً صدري لرامي وحذافي


صحا حيفنا ياكثرهم كثر عد وكان=اذا كان في بغداد ما غير صحافي

وانا من بحور الشعر جبت البيوت سمان=وفرقت ما بين الجواهر والاصدافي
يبان اللسان اخطر من السيف والنيشان=ولو كنت ترزح بين رامي وسيافي
صحيح الذي ماله نصيباً من التبيان=يرك الخطاب ويعجن الهرج ويفافي
تكلم وقول وطول واقضب عصى سحبان=وذعذع بصوت الشعر في كل ميلافي
وحك القوافي بالقوافي عقود جمان=ولا انته بمحتاجاً لشاهد وحلافي

عسى عين تبغض شوفتك بالعمى تنهان=وجعل الذي يحسدك ينقل بالاسعافي

لو ان الحياة بحسب الاخلاق والايمان=لما عاش في الدنيا نجادي وقذافي
سمعنا رغى ناقة ونسمع صهيل حصان=ولا عاد لي عن بعض الاعلام مصرافي
من اجل الفرس ثارت بني عبس في ذبيان=ودقوا عطر منشم وراحت بالاحلافي
ومن شان ناقة قامت الحرب في شيبان=دماهم تسيل ودمع الايتام مذرافي
حقيقة ترد العاقل المفتهم حيران=ترا الموقف اكبر من بطاقة وصرافي[/poem]
 

أسيرالشوق

المراقب العام
إنضم
18 أكتوبر 2007
المشاركات
55,079
مستوى التفاعل
48
النقاط
48
بارك الله فيك مشرفنا القدير

شكراً لك على المتابعة
 
أعلى