القلب في نار المحبه

عزوزي

مشرف سابق
إنضم
9 أبريل 2007
المشاركات
2,885
مستوى التفاعل
16
النقاط
38
الإقامة
مع حبيبتي
*·~-.¸¸,.-~*
السلام عليكم ورحمة الله وبركاته
بصراحه هذي قصيده اعجبتني وهي رائعه من روائع الشاعر الكبير
خلف بن هذال العتيبي وحبيت انقلها لكم واتمنى انها تعجبكم
القلب في نار المحبه فداوي .. .. اما احترق ولا انقطع فيه معلوق
قلبن كواه من المضانين كاوي .. .. بين الضلوع اللي على القلب من فوق
وانا اشهد ان الحب بلوى البلاوي .. .. كم واحدن قلبه من الحب محروق
يازين ماتعطف وترحم وتاوي .. .. في من فقد عقله بعد هزه الشوق
ماله مجيب ولا طبيبن يداوي .. .. مستوحشن كنه مقفل بصندوق
من عقب حين راح كنه خلاوي .. .. ماكن يمشي وسط الاسواق مخلوق
يازين والله ماتفيد الشكاوي .. .. الرابح اللي ماله اليوم معشوق
لو المناوي تنفع اهل المناوي .. .. ماصار في كبدي حزازات وفلوق
اليوم صرت من التفرق شقاوي .. .. حالي قضى والي بقى دم وعروق
اليا ذكرتك ياعيون النداوي .. .. اخذت لي مع هجعة الناس طاروق
على فراق الشمل ماني بقاوي .. .. غصبن علي وكل مطرود ملحوق
لابد بعد البعد جمعن تساوي .. .. ويصفي غرام اللي لهم بالهوى ذوق
وارعى الحياه حيث ان قلبي حياوي .. .. واخاف كرسي الحشا يلحقه عوق
ياعود ريحانن على الحوض راوي .. .. يزرق عليه من ازرق الجم زاروق
وانه هزه النسناس ريحه عذاوي .. .. واللي عليه ابواب ماهو بمسروق
والرمش فوق محيجر العين ضاوي .. .. ليلن سرى في جانبه رعد وبروق
وسلامتكم وصح لسان شاعرها خلف بن هذال العتيبي
 

&عبدالمجيد أحمد&

مشرف سابق
إنضم
2 أغسطس 2007
المشاركات
3,033
مستوى التفاعل
12
النقاط
38
الإقامة
دار ابو متعب
يعطيك العافية على المشاركة الرائعة والمجهود المبذول منك
وان شاء الله للأمام وننتظر جديدك
تقبل تحياتي وخالص شكري وتقديري

&عبدالمجيد أحمد&
 
أعلى