أميره بني مالك
مجموعة حواء
اللي يلوم البنت غلطان غلطان
البنـت مـا تنـلام ينـلام ابوهـا
الرجل اساس البيت والام لركـان
والنسل أمانـه عندهـم يحتموهـا
والسفن وسط البحر تحتاج ربـان
من لطمة امواج البحـر ينقوذهـا
عشنا وشفنا يا علي شوف لعيـان
عاداتـنـا قدامـنـا دمـروهــا
البنت وسط السوق في لبس فتـان
مالوم من في السـوق لويلحقوهـا
الجنز يرسم رسم والوسط عريـان
تفتـح عبايتهـا لـمـن قابولـهـا
اغوت عبـاد الله شايـب وشبـان
والنفس تامر سوء لـو طاوعوهـا
مات الخجل فيها وصاير خبر كان
وايضا قويـة عيـن لوينصحوهـا
لا تحسبي يا بنت بيكون لك شـان
ترى الرخيصه كلهـم يكرهوهـا
واسباب هذي المشكله ضعف ليمان
والاهل خلـو التربيـه واهملوهـا
تلقى ابوها خارج البيـت سهـران
والام مشغولـه بمـن زاوروهـا
والبنـت خلـو تربيتهـا لشيطـان
شيطان وسط البيت لـه سلموهـا
من صنع عبّاد ابن مريـم ولوثـان
بفكـار غربيـه لنـا دبلجـوهـا
والله غزونا ياعرب دون فرسـان
بنت العروبه هالنصارى غزوهـا
خوفي على الاجيال مع مر لزمان
ان كان هذي المشكلـه محتووهـا
ياهل الشيم والعز في كل لوطـان
عوايـد اجـدادٍ لـنـا ((جـددوهـا))
مستخلصه من نور سنـه وقـرآن
لجيالكـم ياهـل الشيـم درسوهـا
وختامها صلوا على نسل عدنـان
يالي قريت القـاف او يسمعوهـا
:i5:
