[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الف لفاني بنت قامت على اسري=ما شفت منها اجمل على حد عمري
وقالت اسمع قبل ذا الليل يسري=اركب على اللي ياخذ الدرب مغوار
وحذرى تجادلني وحذرى تسالي=
والبا بغيت انشد وقالت تمهّل=بعدين تعرف كل شي لا تعجّل
يا الله بلا تاخير هيّا تفضّل=لا بد ما للعلم ورده ومصدار
شجيع العرب يبدي بسود الليالي=
والتاء ترافقنا على اسرع من البرق=امدربَا تدريب كافي على السبق
اخيّل البرّاق يلمع على الشرق=على ديارًا علّها غزر الامطار
ويا نار في قلبي ويا وجد حالي=
والثاء ثلث ليلي حموله ثقالي=لكن ما بيّنت له في مقالي
هادي وانا عارف لذا الليل تالي=اكمّل المشوار والله يختار
واواجه مناشير القدر بالقبالي=
والجيم جينا في ديارًا بعيده=قالت تفضل واطلب اللي تريده
وقلت اسال الزين وابغي قصيده=قالت نحبّك لا تودّيك الافكار
وقلت العفو ما ذم سيد الجمالي=
والحاء حداني لكن الله حماني=انا بغيت اغوى ولا الله غواني
وقلت ريّض وانت حبك حداني=واللي يخاوينا يبي يشعل النار
كما ناويًا تسري بروقه تلالي=
والخاء خبرهم شاقني غير لكن=اخاف من ليلًا شروره توالن
في ودّي اسري غير مدري مع من=ما عاد قبلي غير ما سار ما سار
بقيت احترق ما عاد قبلي مجالي=
والدال دار الكيف من بن خولان=واخذت من كف المحبين فنجان
وانشا الله ان الصدق راعيه سلطان=ما حد بنى بيته على درب الامطار
ولا تتركوني فوق جرف الهيالي=
والذال ذاع الزين مكنون الاسرار=وقال ما لي حيل في شرب الامرار
وقلت يا قطر الندى فوق الازهار=يا رمز حبًّا شاع في كل الامصار
وقمنا نغني باللحون الطوالي=
والراء رجاي اللي رجيته تحقق=واصبحت في حالَا من الله موفّق
في ذا الخبر ما قمت ارتّب وانسّق=ما نشرب الا من عذيّات الانهار
شجيع العرب ما يشرب الّا زلالي=
والزاء زفر قلبي بداية طريقه=زفر زفير اللي مفارق صديقه
والا زفير اللي سعى للحقيقه=والّا ونين اللي بكى قتل الابرار
لكن ارض ربي ثابته بالجبالي=
والسين سنّعنا المعاني ولامت=وقلت لا تبدي لحاقد وشامت
علومنا بالطيب والجود قامت=واللي يدوّر للنشب ما له اظهار
وربي مع اللي يحسنون العمالي=
والشين شفت الموت قدّام عيني=وشفت راس ابليس شرّه يبيني
لكن دون الحلق مزهب يميني=الموت خير امن الحياه الذي عار
وربي كفاني في كثير الهبالي=
والصاد صبحنا وزان الصياحي=باللي يصبحني بزين الصباحي
واقول من يوقف لهبّ الصبا,حي=يا الله لا تحرمني الجار والدار
وربي كفاني في عيال الظلالي=
والضاد ضد الخصم والعن ثويّه=وقابله بالحجه اللي قويّه
اوصيك لا تترك لشبّه ضويّه=رده على حوض المنيّه وينهار
وضده وحده للسباع الشوالي=
والطاء طلبت الله رب العبادي=اللي وجوده للخلايق وكادي
يجنّب المسلم دروب النّكادي=ويجعل الجنه منازيل الابرار
طلبنا اله الكون رب الجلالي=
والظاء ظماير خاطري شارعتني=وحلّفتني بعد ما حاكمتني
وقالت اعمالك من الله شرّهتني=احذر من اعمالك وتقليب الانظار
وتحت الصّلي ما عاد فيها مهالي=
والعين عيني سال ماها على الخد=كيف اني اسخى ما ورثنا من الجد
الجد يا اصحاب الغلا يلتقي الجد=الكل يفخر يوم يذكر له اديار
وانا في بني مالك خيار الرجالي=
والغين غبوني مثل نار الوريّه=والغاء غبوني رحت منها شويّه
والغاء غبوني قرّبتني المنيّه=واشوف داري تفقد الضيف والجار
طلبها غدى قبلي عسير المنالي=
والفا فراق الزين ما هو ببالي=لكن ذكّرني بشيُّا محالي
وقال غض الصوت يا ابن الحلالي=واركب على اللي كنه البرق لا سار
ولا تجعل اليمنى تقص الشمالي=
والقاف قالت لابن اخوها تعاله=هذا حبيب الروح راع الجزاله
وقف معه لا تتركونه لحاله=واحذر دخيلك من هزيلات الاشوار
وبيع الذهب غالي بسلم الريالي=
والكاف كني رايحا صوب قبري=عجزت الملم حزن قلبي وصدري
اواه يا عزي لحالي وصبري=يا ويل قلبي من عوازير الاقدار
سرى الليل يا ربعي وهو ما صفى لي=
واللام لاما سيّدي ما يوصّف=لا جيتهم ما اندم ولا ازعل ولا اقصف
بياض خده لمعة السيف الارهف=ولين عوده مثل غصنا فيه الازهار
لقينا من الدنيا مرورا وحالي=
والميم ماني عن هوى الزين غادي=اللي سواة البرق بالنور بادي
اقمت من شانه علم للجهادي=والهرج ما بيني وبينه بمقدار
غلاه انه اغلا من حياتي ومالي=[/poem]