ياسر ساعد المالكي
~ شــاعــر ~
- إنضم
- 8 يونيو 2009
- المشاركات
- 1,331
- مستوى التفاعل
- 19
- النقاط
- 38
السلام عليكم ورحمته الله وبركاته
البدع /سعد
صاحبي غايب وله مده ومده ****غاب والليله نبى ناخذ علومه
كان يعرف بالبحر جزره ومده**** قدمه البحر الحمر يقدر يعومه
الرد /ياسر
ماعلينا اخلاف والواجب نسده ****ومثلك وشرواك نقضيله لزومــه
المعاني كل ابوها مستعـده **** والخبر معروف ماتخفى وسومـــــــــــه
البدع /سعد
ياعميل الخير رد العلم رده ***** اختلف معنى القصيد وطال يومه
كل حين واقفن من دون عده ***** وليلك اسود ماتشوف الا نجومه
الرد /ياسر
كان تبغى العلم فالمخطي نضده ***** لويطول اليوم بدلنا سلومـــــــــه
وانت راسك ياولد فوق المخده ***** راقد وموهوم في سابع حلومــــــه
البدع /سعد
لاتقول القول وانته منت قده ***** انت ماتقدرعلى دفعة رسومه
لو احدالمالكي بيحت سده ***** مار اخاف يضيق ويشقق هدومه
الرد /ياسر
المعاني الكايده حيلك تهده ***** ثلثها ثلثه يخلي الصقر بومـــــــــــه
يالمطيري خاطرك مافيه بده ***** هاجسك ملهمه في كفي رجومه
البدع /سعد
طف نارك مامعك للحرب عده ***** الرجال افعال ماهيب معدومه
المطيري لونــواك الحبـل شده ***** فوق راسك رحت لابيعه وسومه
الرد/ياسر
نارنا تلهب لهيب ومستبـــــــده **** وخصمنا لو ينسحب مااحد يلومـه
ماانت نده يالمطيري ماانت نده **** سعر سوقه يطرحك لحظه قدومــه
البدع /سعد
كان ياسـر ماتوقف عند حـده ***** والله ان النار في ياسر وقومه
انقطع حبل الصداقه والموده ***** ونفسك الليله عن العيش امحرومه
الرد /ياسر
هد وضعك ياصبي مطــــــــير هده **** ربعنا ميقافهم تعجـز تقومـه
ولد طرفك في صفوف الجيش لده **** لا تغامر وانت ماتقــــوى هجومه
البدع /سعد
سيفك المجرود لونك تحده ***** مايسوي شي ياراعي تنـــــومه
مرجلتكم بس بالطايف وجده *****صل فرضك والشهر لاجاك صومه
الرد /ياسر
سيفنا البتار مايمزح وجده **** في نهار المعركه يفني خصومه
وكل عاصي لو بعد لازم نمده **** ونجلده حتى نثني من عزومه
وسلامتكم,,,,,
