سالفتنا انا واخي

[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الله الله لو تدرون عن سالفتنا انا واخي=
سالفه سالفه ولا الخلف مادرو وش سالفتنا=
زوّرو في حقايقها وصارت تباع وتنشرى=
كان اخي في يميني كنت اعده على العاصي عصاتي=
لين صرنا من اصحاب التجاره وماصحاب العقار=
ونحن اللي حلفنا انا واخي ماتفرّقنا الدسايس=
ونّنا مانفرط في التجاره ولا في مالنا=
غير اخي بعد مده قام يرمي عليّه بالحجاره=
صرت محتار بين امرين ماشفت لي ثالث لها=
اما اقلل بقدري وانا لي فالعرب قدر(ن) وقيمه=
ولا ارد الحجر واشج راسك ياولد امي وابي=
غير مادام مابك عقل لا والله الا قم وفارق=
وابتعد عن عيوني بعد ماصرت لي مثل العدو=
واطّردته وهجّ وراح ماعد تجينا الا علومه=
قالو انّه لقي حنشل وماله عدو به وانهبوه=
طاح عشرين طيحه كل عمره غدى طيحه وقومه=
لين حصّل غريفه وامتلكها وقفّل بابها=
[/poem]

[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=3 line=0 align=center use=ex num="0,black""]
الرد : =
مره احدى قوافلنا وبعض المرار اناوخي =
مرت اعوام والحاضر يسجل علينا سالفتنا =
والقصص كل ما جاء وقت تحفظ تباع وتنشرى =
غير يا صاحبي جنّب عن اهل الخيانه والعصاتي =
ناس ما فاد معهم لا مناصح ولا فاد العقار =
سايس الناس بالحكمه وبالمعرفه بالود سايس =
للمستقبل توجهنا سعينا عقدنا آمالنا =
من يجاريك في سوق الغلا والصفا والربح جاره =
والخبوت الوسيعه وش لنا من سدرها واثلها =
تدري ان الجمال اللي عوادي لها قدراً وقيمه =
وانت جمال واتسوق القوافل لها حامي وابي =
بعض الاسواق يا تاجر ترى بينها ميزه وفارق =
بالدروب النشيبه ما يفيد التّسرع والعدو =
انتصرنا بميدان الحرايب ونصبّنا علومه =
انهى ولد الدني لايعترض في لقانا وانه ابوه =
كل سوقاً وله تاريخ معروف من ناسه وقومه =
بعض الاسواق ما شفنا تمرها وقفّى البابها =
[/poem]