طرف الهاجوس

.

(( طرف الهاجوس ))

طرف الهاجوس قاف المترفه جنب الجزيله
وعن جميع الخلق شد الهيض مكنونه وراحي
كنها ماعاد تاسعه الاراضي يا سهيله
حول نجمك فالسماء للفكر شارد نجم لاحي
يالرفاعي والوتر بصوت تعزفه وتشيله
بتل الالحان للمعنى بوقت الارتياحي
وجهز اغلى تذكره واحجز على ارقى وسيله
والجواز اختم على قافها وعجل بالمراحي
صوب برلين اتجه وان كانت الطرقه طويله
لاجل عين الكفو نقطع جمله ابعاد النواحي
وانصى ابوريان كساب المدايح والجميله
راعي الطالات ميراده على العد القراحي
ياسلام الله عدد عود(ن) يلامس في مليله
كل مااونس ازرقه قيض الجمر بالطيب فاحي
والف لاباس وسلامه والتعب قرب رحيله
وفالك الطيب يكلل رحلتك طيب ونجاحي
دلهم الليل وسرى ساريه وحموله ثقيله
ياشعاعك يالفرج يانور شمسك يالصباحي
ادري ان الجرح الاول محرق النفس العليله
وادري ان الوقت ماينسيك للعشق المباحي
من ثلاث شهور واكثر كل يوم وكل ليله
بين همك يالفراق وبين همك يالجراحي
راحت وهذا مقدر كيف ترجع مستحيله
لاتنادي واطلب الله في رضاه وفالسماحي
وفي ثنيان وعلى ريان مع بتال جيله
الثلاثه اللي غلاهم مايزال ولايزاحي
وكل الله واودعه ماخاب مودعه ودخيله
وقلهم لو الزمن جيشه حربنا بسلاحي
بكرة الايام ياروس الحظوظ المستميله
نطحنك ياحبها ونطيرك عرض الرياحي
وسلامتكم ،،،
((ابوساعد))


مشاهدة "شيلة مهداة ل
خالد حميد المالكي
كلمات ياسر ساعد المالكي
اداء عبدالملك المالكي

على YouTube - https://youtu.be/fYTn4UiL54c

بيض الله وجهك وصح لسانك

قصيدة رائعة

وجهك ابيض وصح بدنك الاروع تواصلك لاهنت