بني مالك

ياسر ساعد المالكي

~ شــاعــر ~
إنضم
8 يونيو 2009
المشاركات
1,331
مستوى التفاعل
19
النقاط
38
...




(( بني مالك ))

على ابواب الشعر ناديت بالمصفوط والمفرود
ولا شد انتباهي الا مجاوبني سنى ناره

ومابين المهلي والمرحب غايه المقصود
مايقنع مبتغاها غير باب المدح واسواره

مادام المدح عند اهله ليا هبت هبوب النود
على راعي الجزاله فرض ينصى البيت بزياره

بني مالك كثر ونعم وكفو وماعليكم زود
ماجت مابين يوم وليل والاعوام دواره

هنا التاريخ يوقف والوقايع شاهد ومشهود
سندها ماانقطع راويه مهما طال مشواره

من ابناء انمار لابن انزار بن معد النسب معدود
الى عدنان ياحي الحسب ياحياها ادياره

تربع ياسمو المجد شامخ عرشك المعهود
جبالك مايزحزحه عجاج الوقت واعصاره

عصور الجاهليه لو يحك العود راس العود
صلاب الروس تقدح والسطى لعزومها شاره

طغينا ماعلينا سيلنا من عاليه جلمود
مايخطي في وقوعه بعد كيلوه على امتاره

توثمن واثمن طالبك ياالله يامعبود
تسامحنا بعد جانا البشير ودينك ابشاره

ابوالقاسم بعد مابايعه فينا جرير اوفود
على الطاعه تبايع مومنه للحق مختاره

مشى فيهم جرير وقومو بامر النبي احدود
بدوها حرق ذو الخصله بليا سابق انذراه

دعاة الدين سلم وحرب ماقد وفرو مجهود
ومنهوج العقيده رايه التوحيد واشعاره

مع الصديق عدو واستعدو بالبرى المردود
ومع الفاروق فتح الشام والنهرين وامصاره

ونهار القادسيه والشجاعه للجيوش اعدود
رجالك يابجيله هم يمين النصر وايساره

هزمنا الفرس يارستم وعمرك يومه الموعود
على يد البجيلي ازهير واعلن جيشك ادباره

معاركنا حقايق مستمره والخبر موكود
من الميدان ماهي مسرحية مسدل استراه

طعام اوحوش جيش الترك منا حظهم مقرود
عقب فلح وفلاحه الموت ذي تاره وذي تاره

ضروس الحرب تطحن من تعدى نابها مفقود
ليا امست ساريه غاره وتصبح سارحه غاره

مع صبح ومساء سيف ورماح وخنجر وعبرود
تسجلها صحايف كل جيل يوثق اخباره

لاجت بين العيون الخصم يامدفون ياملحود
ولاجت بين الشوارب واللحى للوجه معذاره

مواثيق العرب فوق السنع عن ناقد ومنقود
عوايد ساسها قاسي صخر ماهيب منهاره

على حلف وسلوم اللي وفانا بالوافاء موعود
طويل اشبار مايخلف عهد من طالت اشباره

من الطيب اطيبه من طيب خاطر طيب دهن العود
لرفقتنا وضيف وجار نشري غالي اجواره

موانينا مراسيها على بحر الكرم والجود
ومكاسبنا معرفة لرجال نعدها اتجاره

وبعد جانا معزي والحكم بعد الله لال اسعود
نبايع سمع طاعه من صميم القلب واصراره

أمن وامان يالعهد السعودي في سهود امهود
بعد ظلمه جهل حكم الشريعه شعت انواره

بني مالك من اكبر شيخ لين اللي بعد مولود
ولائها في عروق الدم ماينعد مقداره

جيوش ارواح فوق اكفوف دونك ياملكنا اجنود
نوردها حياض الموت رهن الامر بإشارة

وسلامتكم ،،،،

ابوساعد


..
 

أسيرالشوق

المراقب العام
إنضم
18 أكتوبر 2007
المشاركات
55,079
مستوى التفاعل
48
النقاط
48
صح لسانك شاعرنا القدير

أبدعت يالغالي وبيض الله وجهك
 

أريج الروح

مراقبة المنتديات العامة
إنضم
28 ديسمبر 2017
المشاركات
11,395
مستوى التفاعل
2
النقاط
38
فن وابداع متقن في الحروف والكلمات
سلمت يداااك على روعة طرحك
دمت ودام حبرك الراقي
تقبل مروري المتواضع
 
أعلى