ياسر ساعد المالكي
~ شــاعــر ~
- إنضم
- 8 يونيو 2009
- المشاركات
- 1,331
- مستوى التفاعل
- 19
- النقاط
- 38
بسم الله الرحمن الرحيم
السلام عليكم ورحمته الله وبركاته
هذه محاوره بيني وبين الشاعر نايف الشهراني
اتمنى ان تحوز على رضاكم وتنال استحسانكم
ياسر
ياسلام الله على اهل الطيب واهل المكرماتي
من هواجيسٍ على بالي تقدم لك تحيه
عقبها بنشدك يالمطنوخ هات العلم هاتي
وش حصللك من وعود اللي مواعيده قويه
نايف
مرحبا ياللي تسلم من هواجيسي وذاتي
وابشر ان الخير مقبل وابشر ان النار حيه
انت تعرفني ولا تجهل صحيبك ياغناتي
والقضيه عودت مع الوعود المهمهيه
ياسر
لاتشيل فخاطرك والله انا ماابغى السكاتي
ومثلك وشرواك لا يبعد ولا يزعل عليه
مير طال العلم والفرصه تهيا للفواتي
اغتنمها ياغنات الذيب لا تبعد شويه
نايف
ماطمعنا في نهر دجله ولا نهر الفراتي
ولا سكتنا دون حق ولا فعلنا فعل سيّه
انت مثل اللي مع اهل البل يرعى له بشاتي
لانفع شاته ولا شافت يكود العنجهيه
ياسر
ودي اتحقق مرامك فاليالي المقبلاتي
والخوي اللي نصى صاحبك لاينسى خويه
بندقه ترمي هدفها والمثايل بايناتي
كان ماصابت هدفها حطها وسط الخبيه
نايف
الرقيب الله وعارف سيتي امن احسناتي
وانت تعرف كل رجلٍ لا اعتزى حل القضيه
ماذبحني ماغبني ويتسبب في مماتي
غير زولٍ لا لمحته جاتني بقعا صبيه
ياسر
ودي اوّصيك لاتنسى ولاتهمل وصاتي
كان قلبك منفتح لي هاك مضمون الوصيه
راجع احسابك ولا تحسب على راعي العباتي
خير مامن خير لا تامنه واعلومه رديه
نايف
لاتوصيني وانا اللي مايضيعني مباتي
نفسك ابدا بالوصايا باقي اعظامك طريه
انت تعرف لاهقيت الشي من دون امنياتي
ماتنسيني القصايد واللحون السامريه
ياسر
الحقايق واضحه شفت الكتب والمسنداتي
ماقرينا له ولا فزعه ولا اعطى له عطيه
ليش تنقض سالفه مرت مع شقر البناتي
لاتذكرني بوقتٍ فات والدنيا دنيه
نايف
لو نشتدك عن زمانٍ فات قلت اليوم ياتي
كيف تعلب دور فارس عاشقٍ سرج العبيه
كيف تعلب دور فارس عاشقٍ سرج العبيه
والبنات اليا بغيت الجد هم طعم الحياتي
بختلاف اطباعهم مابين هاذيه وذيه
ياسر
بكرة الايام تعرض لك شريط الذكرياتي
سجل الابيات وافهم يحفظك رب البريه
لاتذكرته صحيبك ادع له بعد الصلاتي
وكان جاب العلم لا تنسى تقدم له هديه
نايف
ذكرياتك ياصحيبي فالسنين الماضياتي
رحبت بسمك صواديف اليالي السرمديه
وابشر اني في صلاتي مانسيته بدعاتي
اطلب الله يغفر ذنوبي بعد روح ضحيه
وسلامتكم,,,,