آخر 10 مشاركات
كتاب انساب بني عدوان واخبارهم في الجاهلية والاسلام (الكاتـب : صقر تهامة - آخر مشاركة : حصن شريان - مشاركات : 5 - المشاهدات : 2780 )           »          لمحات مبسطة عن أسد من أسود جزيرة العرب --الامام محمد بن سعود --مؤسس الدولة السعودية الاولى (الكاتـب : صقر تهامة - آخر مشاركة : حصن شريان - مشاركات : 5 - المشاهدات : 2224 )           »          مـــكـــة المـــكرمة وموقعها (الكاتـب : ابو وسام الشولاني - آخر مشاركة : حصن شريان - مشاركات : 7 - المشاهدات : 4171 )           »          أشهر القبائل العربية التي هاجرت سبأ (الكاتـب : %القنصل% - آخر مشاركة : حصن شريان - مشاركات : 4 - المشاهدات : 13620 )           »          شاهدو الفلم الوثائقي لعام 1417 (الكاتـب : المالكي الخولاني - آخر مشاركة : حصن شريان - مشاركات : 7 - المشاهدات : 2276 )           »          بني مالك في المركز ( 3 ) في تعداد قبائل المملكة ؟! (الكاتـب : جبل عمد - آخر مشاركة : حصن شريان - مشاركات : 14 - المشاهدات : 3214 )           »          تنويه مهم يخص اخواننا بالنسب "خثعم" (الكاتـب : صقر تهامة - آخر مشاركة : حصن شريان - مشاركات : 3 - المشاهدات : 1428 )           »          معنى (بجاله) وطريقة جمعها (الكاتـب : بيرق بجيله - آخر مشاركة : حصن شريان - مشاركات : 15 - المشاهدات : 2109 )           »          من هو مؤلف كتاب قبيلة باهله المفترى عليها.؟ (الكاتـب : بيرق بجيله - آخر مشاركة : حصن شريان - مشاركات : 2 - المشاهدات : 3479 )           »          ايام منسية من تاريخ قبيلة خثعم الانمارية (الكاتـب : صقر تهامة - آخر مشاركة : حصن شريان - مشاركات : 5 - المشاهدات : 3327 )


العودة   بني مالك بجيلة > المنتديات الشعرية والأدبيه > منتدى الشعر والخواطر ( للمنقول )

الإهداءات

روائع الشاعر الكبير محمد حوقان المالكي

منتدى الشعر والخواطر ( للمنقول )


إضافة رد
 
أدوات الموضوع
  #1  
قديم 04-09-2014, 21:21
الصورة الرمزية أمير الشعراء
أمير الشعراء أمير الشعراء غير متواجد حالياً
مشرف العرضة والمحاورة
 




أمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond repute
B6 روائع الشاعر الكبير محمد حوقان المالكي


من همة الراس=
من همة الراس الحكيم النابه = شاعر عجز شعره ينال اعجابه
كتبت شعري قبلما يكتبني = من وحي فكري محزمه وزهابه
لو ما سقيته قطرة من دمي = ما كان لبسني جميل ثيابه
احيان اقول اني ملكت العالم = واعلى النجوم اطاوله وارقا به
واحيان اقول الفكر ما هو فكري = والشكله شكله والتراب ترابه
يا ابو فهد فعلك يطول راسي = اخوك منك وفيك وانت اولى به
ماهو لانك طابعٍ ديواني = المال يفنى والوجيه تشابه
لكني افخر بالكريم الونعم = شيخٍ الي العليا يسوق ركابه
ان كان من ربعي فهو نوماسي = مني وفيّه مرحبا واهلا به
والا فكم من تاجر قابلته = يتشرف اني واحد من اصحابه
يوعدك ويروغك مثيل الثعلب = واذا لقيته قام يدرج نابه
انا وانا وانا وانا وش عنده ؟= ما عنده الا النفخة الكذابة
من دون سبة للرجال الونعم =اللي ما يقوى شي لا يهقى به
ان كنت نشمي فالنشاما مثلك =وان كنت ذيبٍ فالرجال ذيابه
ماني براع الكلمة المنقودة = من دق باب الناس دقوا بابه
واذا اعتزا بعض الرجال بقومه = لي لابتة يا حيها من لابة
ربعي بني مالك ملوك الدنيا = سم الحريب وشوكة الحرابة
فيهم كرم ما شفته الا فيهم = وفيهم صفاتٍ من اسود الغابة
وفيهم كرامة لو يموت الواحد = يختار موته او فراق احبابه
ولا يمد يده لقاصر مدة =مخالف الهقوة قليل الثابة
اذا حضر ما واحدٍ يفرح به = واذا رحل ما يفقدون غيابه
لو كانوا الاجواد مثل محمد =تخالص المطلوب مع طلابه
فارس نذر نفسه لخدمة ربعه = مالٍ ما يخشر فيه ما يهنا به
تواضع وشيمة وجاه وسمعة = ودين وصلاح ومرجلة ومهابة
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
بسم المراكز =
بسم المراكز والمشايخ والقبائل قيف قيف =واسم الديار اللي يشرفها قدومك يا الامير
يامرحبا يا ضيف والله يشهد انك عز ضيف=والله يمين انّا نحبك وانت باقي في عسير
وانّا نشوفك مثل فيصل فارسٍ مالك وصيف =وانك لنا يا سيدي مضرب مثل في كل خير
نعم شبيه الفيصل اللي صارع الوقت المخيف= واسدل ستار الخوف واعلن مشرق البدر المنير
بالعقل والمنطق وبالحكمة وبالحد الرهيف =وسياسةٍ ميزانها عدل وشباها مستطير
الله يعزك يا سليل المجد والراي الحصيف =ماهو فقط نفرح – يحق لنا من الفرحة نطير
يا من على طاريك تعشب روضة المجد المنيف =في طبعك اخلاق الملوك وفي يدك فيّ وهجير
أمارة البيت الحرام وخدمة الدين الحنيف =وإدارة اكبر منطقة تعني لنا الشي الكثير
الربع من حداد الي ميسان الي ترعة ثقيف =مستبشرين بمقدمك صغيرهم قبل الكبير
يا سيدي والدار اذا شابت مفارقها كليف =على من اسقاها العرق والدم واخلاص الضمير
دار العنب واللوز والرمان والشعر العفيف =والورد واليشموم والكادي ونفحات العبير
بعيوني اجمل من هوى باريس واطلالة جنيف =وألذ واجمل من صباح العيد بعيون الصغير
لوحة بريشة عبقري يخلق من الصحراء مصيف = ومن الجبال ضلال وبنايات وحكايات غير
قامت هواجيسي تلاعب كنها المهر العسيف= وانا كما اللي يبني المحجا لضبيٍ مستذير
والشعر مافيه اختيار اما قوي والا ضعيف =ومخاطبك يمنحني السلطة على الشعر المثير
مرت لنا عشرين عام نجابه الوقت العنيف =واحنا نصيح وكل عام يمّر يوعدنا وزير
واليوم نبغى كلمة من راس شيخ ما يحيف =لا قالها تصبح مثيل الوسم في جنب البعير
يا دائم السيف التجاهل سيف والنسيان سيف= جعل الأمل والخير بيدك يا مجير المستجير
سلامة الإطراف تعني صحة القلب النظيف =وابسط سلامتها التساوي بين الاول والاخير
يا سيدي بعض المطالب لا صعيب ولا كليف=اصغر طموحات الغني واكبر قناعات الفقير
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
ربعي بني مالك=
ربعي بني مالك ملوك الدنيا = سم الحريب وشوكة الحرابة
فيهم كرم ما شفته الا فيهم = وفيهم صفات من اسود الغابة
ماني براع الكلمة المنقودة = من دق باب الناس دقوا بابه
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
يا بروق الغيم =
يا بروق الغيم يا قمة جبـال السـودة=يا سواد الرمش الي عانق بياض الغرة
يا شروق الشمس يا ريح النفل والعودة=يا مقاديم السحب يا الجوهرة يا الـدرة
بلغي عني زعيـم الرايـة المعقـودة=راية الشعر العظيم اللي لعينـي قـرة
فيصل بن خالد اللي جودنا من جـوده=من سنين ماضية ماهو بمـن هالمـرة
سيدي غيث تـرازم بارقـه ورعـوده=سيدي فارس تزهزه فـي ذراه الحـرة
فيصل اللي سخر امكانات لا محـدوده=لين سجل بصمـة التاريـخ بالمغتـرة
الامير ابن المليك ابن الملوك جـدوده=الذرا والعز في خيـر الزمـان وشـره
والله اني ما طمعت بجايزة مرصـودة=لو تجي كبر الجبل عندي بوزن الـذرة
الطموح اجّمل اهل الوقفـة المشهـودة=وارفع البيرق على بحر القصيد وبـره
وارتقي بالشعر عن نقص الكلام وزوده=لين احقق ما يطّيب خاطـره ويسـره
والا انا تاريخ شعري لو حسبت عقوده=ايتجاوز حية الـوادي وذيـب الحـرة
تحت حكم القائد اللي وقفتـه معهـوده=شامخ الراس ابيض النية نزيه الجـرة
خادم البيتين حنـا عزوتـه وجنـوده=ما تغيرنا السنيـن الحاليـة والمـرة
الحكيم الشهم راع الوقفـة المحمـوده=الظفر والعز فالـه مـا يعيـد الكـرة
دام ابو متعب يفكـر للوطـن ويقـوده=جعلها تبطي كبود اهل الردى محتـرة
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
يارب عفوك=
يارب عفوك يالكريم الهادي =ياجابر العثرات مبري العله
الفرق بين الموت والميلادي =دمع نهلل به ودمع نهله
والموت للاعمار بالمرصادي=يوفي بميعاده لمن يمهل له
كني دفنت اليوم اعز اولادي =والا خسرت اسمي ومالي كله
الحزن يسكن خافقي وفوادي =والبيت بيته والمحل محله
والحزن حزني والحداد حدادي =والصبر للمومن سمة وجبله
حزني على سلطان ماهو عادي =واكبر منه خوفي على عبدالله
واعظم من الاثنين حب بلادي =ارض الشريعة والحرم والمله
يا ال السعود السادة الاسيادي =يا البيرق اللي كلنا في ضله
دون الشريعة والبلاد نفادي =ومع القيادة كل سيف نسله
ماهمنا وجه العدو البادي =نعرف حسابه هو وباقي الشلة
الناس في وادي وهو في وادي =وان ما بلع شره ماهو بحسن له
والحرب ماهي لعب حادي بادي =كم من زعيم ترغمه وتذله
احيان صياد النمور يصادي =والنور كل يعرفه ويدله
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
ياسر اسكت=
ياسر اسكت واقضب ارضك جعل ابوك الجنة =القصايـد فـن ماهـي هرطقـة ورعـانـي
والتسلـق عالكبـار اكبـر دمـار لانــه =يفـقـد الـرجـال مصداقـيـة الشجعـانـي
هالقضيـة مـن زمـان وحبلهـا يلـونـه =مـا سمعنـا منـك راي ينـور الحيـرانـي
عنصريتـك البغيضـة واضحـة ومصنـة =كلمتـك مضمونهـا يغنـي عـن العنـوانـي
اولا كفـرت مسلـم كــل ذنـبـه انــه =جــا يـقـدم راي لازود ولا نقـصـانـي
ذنبـه انـه مالجنـوب وكلمـتـه منسـنـة =ـوم يسمعهـا الغشيـم يقـول ذا يعنـانـي
رح ودور غيرهـا مالـك بـهـذي حـنـه =منت لاعبهـا علـى فرعـون يـا هامانـي
السعودييـن اصـل وفصـل تـدري عنـه =فيهـم النخـوة وفعـل الطيـب والسمحانـي
قـال عنـا مجرميـن الله يخيـب ضـنـه =والله انـا احفـاد ابوبكـر وعلـي وعثمانـي
والسعـودي ينقتـل دون الشـرف لكـنـه =مـا يخـون الامنيـن ويفـجـع الجيـرانـي
والذي مجنـون جبنـا مـن يـداوي جنـه =والمهبـل بـي نواجهـهـم بعـلـم ثـانـي
وانـت مثلـك لا يمثلنـا ولا لــه مـنـه =ما يفـرق بيـن نصـراوي مـن النصرانـي
مملكتنـا شامخـة بالعـز يـابـن هـنـه =ليتك تعض شحمة يافـلان يـا ابـن فلانـي
رح لـدراك قبلمـا مـوج البحـر ياطنـه =تدري انـه فـي مهـب الريـح والخسرانـي
دارنا فـي ضـل شيـخ يـوم ياقـف كنـه =مـن جبـال طويـق والا هضبـة الصمانـي
دار ابـو متعـب وهـو منـا وحنـا منـه =وش لنـا بالجاهـل المتغطـرس الغلطـانـي
وانـت واشكالـك دعـاة الانحـلال وفنـه =شعركـم ماجـن وظاهـر قولكـم عصيانـي
اللـي يشوفـك تطامـر قـال ذا وش كنـه =مطلقينـه مـن شهـار ولا يـزال يعـانـي
لا تغـش النـاس ثـم تحسبـهـا ممتـنـه =وانـت حلـو لسـان لكنـك قليـل احسانـي
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
مثل الاسير=
مثل الاسير اللي من اول كان فـي منصـب كبيـر=يـا مـر وينـهـى والامــور مـجـوده فــي قبضـتـه
نـظـره بعينـيـه امــر نـافـذ للكـبـيـر وللصـغـيـر = وبـــلا مـبــرر جـــاه قـــوة غـاشـمـه واحـتـلـتـه
حـارب ولكـن انهـزم وخــذوه مــن بيـتـه اسـيـر= رمــوه بـيـن المجرمـيـن وصــادروا لــه دولـتـه
تحت امر جندي مـا يخـاف الله ولا عنـده ضميـر=اذا رفــــع راســــه بيـتـكـلـم عــطــاه بـجـزمـتـه
وقت انمسك كان اصغر اولاده مع ابيه الضرير = علـى رصـيـف الـشـارع الثـانـي تـحـزن وقفـتـه
شـدوا وثاقـه ودفعـوه وطـاح وسحـبـه الخفـيـر =وبرجـلـه اليمـنـى عـطــاه عـلــى قـفــاه بـقـوتـه
نظـر بعيـن الفـارس المهـزوم والرجـل الكسيـر =وتــذكــر الـدنـيــا وكــيـــف اعــزتـــه واذلــتـــه
رفـع يديـه بيعتـذر للشعـب مــن ســو المصـيـر =وده يـقـول امـــر الله الـقـاضـي وهـــذي سـنـتـه
وجاله من اعقاب البنادق ضرب منقطع النضير =الـكـل يـضــرب فـيــه ويـبـالـغ بـقـصـد اهـانـتـه
والشعب من حوله يصيح الله علـى الظالـم قديـر=وهــذي نهـايـة مــن دمــا الابـريـاء فــي ذمـتــه
تخيلـوا يالربـع لحظتـهـا حـصـل مـوقـف مثـيـر = يقـطـع انـيـاط القـلـوب القاسـيـة مـــن قـسـوتـه
شاهـد بناتـه لابسيـن اسمـال مـن بـعـد الحـريـر=اصغرهـم انهـارت لهـول المنضـر الـلـي شافـتـه
حاول يكون اقوى من الواقـع برغـم انـه مريـر =وقــف يطمنـهـم عـلـى حـالـه ويـخـفـي دمـعـتـه
خذوهم العسكر تحـت وخـز الحـراب المستطيـر = الـي المصيـر المظلـم اللـي مـا تـوصـف ظلمـتـه
وخذوه الي سجن انفرادي لا صحيب ولا ظهير = الا جـحـيـم الـذكـريـات الـمــرّ وهــمــوم امــتــه
شعـور هالرجـال تحـت البـرد وسمـوم الهجـيـر= وهـــو يـقـلـب دفـتــر الـتـاريـخ فـــي زنـزانـتــه
يـتـذكـر ايـــام الـغــلا والـعــز والـدنـيـا بـخـيــر= وده يـعــود وينـتـقـم مـــن كـــل ذمـــه خـانـتــه
ماخـذ مـن شعـوري عليـك الا قليـل مــن كثـيـر = مـن يـوم مـا غبتـي عـن عيونـي وحالـي حالتـه
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
يـا مرحبـا =
يـا مرحبـا فــي كـتـاب الشـاعـر الامـجـد=جـانـي وحـــرّك خـفـايـا فـكــري الـوقــاد
وافردت لـه فـي مساحـة فكـري الاوحـد=بــحــور الاوزان والالــقــاء والانــشــاد
مـواهـب الشـعـر وارثـهـا ابٍ عــن جــد=سـلالـة ابـنـاء يـعـرب ناطـقـيـن الـضــاد
نـظـمـت مـــن عـبـقـريـة فــكــر يـتـوقــد=كالـنـور فـــي قـمــة الـريــان والـتـوبـاد
هاجـس عـلـى صـولـة ابداعـاتـه اتـعـوّد=شــوارد الشـعـر يطلقـهـا مــن الأصـفـاد
كـنـه يـلـحـن بـحــور الـشـعـر اذا غـــرّد=ويداعـب المـوج بيـن الـجـزر والامــداد
اجـــاد فـيـمـا نـظــم والـمـطـلـع اتـعـمــدّ=مـــن بــعــد مــــا ردد الايــــات والاوراد
قال ابن حوقان وقتك يـا الرسـول اشتّـد=وسـالــف الـعــرب دائــــم بـالـوفــا رداد
غبش لمن هو سرى لك لا تخف من حد=واعلـى جبـل حيـد حـط الرحـل والـشـدّاد
فـي سـرو حمـيـر وقلـعـة شـمـرّ تنـشـد=أنشـد عــن الشـاعـر المتمـكـن الــوراد
يـا نـسـل قحـطـان نـعـم الاب نـعـم الـجـد=الاصـل واحـد وكـم للطـيـب مــن حـسـاد
رسالـتـك واضـحــه معـلـومـة المـقـصـد=والفـرصـة السانـحـة مــرة ومــا تـنـعـاد
وان جيـت للنقـد مـا بــه شــي مــا ينـقـد=لـكـل عـالـي وطــا ولـكــل حـاضــر بـــاد
مـن واقـع الحـال نثبـت صـادق المشهـد=ونشيـد فـي قـوم نحسبهـم رجـال اجــواد
الاولــة كــان بـابـي عـنــك مـــا يـؤصــد=فضلـتـك انـتـه وأرضـــك دون أي بـــلاد
وقـلــت حـيــاك يــــا جــــاري لا تــتــردد=اقلـط و شاركنـي المـاء والكـلا والــزاد
ويـوم جـت سـاعـة الـشـدة وبــان الـجـد=كنـت المطالـب وكنـت الخـصـم والـجـلاد
كنـت اعتبـرك المـدد والعـون والمسـنـد=تركتـنـي يـــوم حـافــوا بـيـتـي الاوغـــاد
وكـلـمــا قــلــت بــقــرب مــنــك تـتـبـعــد=وكـلـمـا قــلــت بــدمــح زلــتــك تــــزداد
والثانـيـة خـــذ كـــلام الـصــدق وأتـأكــد=ان كان كـل الكـلام اللـي مضـى مـا فـاد
(اغلـق دروبـك) وحـارب كـل مـن افسـد=حـتـى تـعـود الامــور لوضعـهـا المعـتـاد
واخمـد لظـى مـن عليـنـا معـتـدي مـرتـد=واقطـع عليـه المـدد والـعـون والانـجـاد
اكــســح ويــــرزح ويـتـوعــد ويـتــهــدد=الله يـعـيـنـه عــلــى الــحــدّار والـسـنّــاد
يسمـع لمـرشـد مشـعـوذ داخــل المعـبـد=يـقـول للـنـاس انــا القـائـد وهــو منـقـاد
والثالثـة يـا الصـديـق المتـعـب المجـهـد=حسيـبـه الله مــن سـبــب لـــك الاجـهــاد
الله بــلاكــم بــمـــن يــرعـــد ويـتــوعــد=اعنف من القاعدة واخبث من الموسـاد
يــركــع ويـســجــد ويـتـحـنــث ويـتـعـبــد=محـسـوب فــي زمــرة الـزهّـاد والعـبّـاد
يتحـيـن الـوقـت لــو بــان الـهـدف ســدد=بـــأي ثـغــرة يـحــاول يـنـفــث الاحــقــاد
يـحـلــف ويـخـلــف ويـتـعـهــد ويـتــمــرد=مخطي ومخروق ذمّة ان نقص وان زاد
وصــلاة ربـــي صـــلاة تـبـلـغ المـقـصـد=وتـبــدد الـشــرك والتشـكـيـك والالـحــاد
صـــلاة مـــا كـبــر الـمـسـلـم ومــــا ردد=مـــــن الـتـسـابـيـح والايـــــات والاوراد
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
داهمني الشيب=
داهمني الشيب والصمت استباح الكلام=واخر قبيلة من احلامي تشد الرحال
العمر لحظة وتمضي لو نعيش الف عام=نبني ونهدم ونسبح في بحور الخيال
اغصان فكري قصائد والقوافي حمام=واكبر طموحاتي اكسر هيبة الارتجال
انا كذا كلما شقيت صدر الظلام =ارسم لعشقي هدف واصنع لشمسي ظلال
ربيع عمري بدا والا انتهى ما يلام=مسافة الصمت يدنيها حدود الزوال
سلام والا بلاش من الحكي والسلام =احاول اجسد الواقع بدون انفعال
يا تجربة فكري المسكون بالانتقام =تجاوز الواقع افضل من وقوع الجدال
احيان الانسان يعشق فكرة الانهزام =واحيان يكسر صراخ القيد صوت القتال
واحيان خف القلم ينزع شداد الحسام =واحيان يسبق جمال العشق عشق الجمال
تعبت اشد الحزام بضرب تحت الحزام =في ساحة اسوارها صفق وصراخ وهبال
تعبت اراجع حكاياتي قبل لانام =تعبت من جلد ذاتي في بعض ما يقال
كذبت من قالوا ان الغيث دمع الغمام =وصدقت من قالوا ان الكذب ملح الرجال
الفقر والهم تقتل كثرة الاهتمام =والمال ما يخدم اللي شيمته راس مال
متناقضات وشتات وفوضوية ظلام=تشعرني اني لحالي والبقية لحال
ما كل كبوة جواد تعزز الاحترام=شوف السكاكين ما ترحم سقوط الجمال
يا راعي البكرة الوضحى ترى الدرب شام=خذني معك قبل تكسير النصال النصال
انا الذي ما تغطيني غصون الثمام=وانا الذي ما تفييني متون الجبال
يعني متى ما انكشف راسي وطاح اللثام =ما عاد لي حاجة اشي بشت والا عقال
كل الفتاوى تهون الا حالا الحرام =وكل المصايب تهون الا حرام الحلال
الواقع اكبر من الخذلان والاتهام =والصبر مقفول بابه بالضنون الثقال
نظام يقتل شعوب وشعب يقتل نظام =وما بين هذا وذاك الضن والاحتمال
لا تنحني للعواصف يا رفيع المقام =ما تكسر العاصفة غر الغصون الطوال
اصدع بما تعرف انه حق يا ابن الامام=في وجه من يخلط الارهاب بالاعتدال
لا خير في الحاكم اللي ما يصون الذمام =ولا خير في القايد اللي ما يجيد النزال
ما دام بيديك للاسلام ذروة سنام =الترك والصد يعطي للهلال اكتمال
فصل الامور العظيمة للرجال العظام =والتضحية واجبة قبل اكتمال الهلال
لعلها تنتهي وتصير مسك الختام =على يدين آل وايل دون ال وال
على يدين الكريم الشامخ ابن الكرام=اللي ليا ساقها انساقت على كل حال
الطرق يا قايد الامة يفك اللحام =الا التحام الصفوف اللي ما يترك مجال
وانا هنا بسم ربعي ربعي اهل المقام =ربعي هل المجد والشيمة وفصل المقال
ربعي بني مالك اللي مجدهم ما يرام =ما هو قريب المنال إلاّ بعيد المنال
أهل الكرم والشجاعة والرجال الكرام =رجال يضرب بهم في كل موقف مثال
من التهم للحجاز وما الحجز للتهام =ما فيهم إلاّ الرجال مجمّلين الرجال
وشيوخنا للوفاء والعزّ ذروة سنام =سادة وقادة للأبطال وجمال وكمال
يا سعود جينا وفود على وعد وإلتزام =بالوعد والوعد عهد لطيّبين الفعال
بني عفيف الرجال مطوّعين الخصام =والشيخ رحمان فارسهم ليوم النزال
شيخٌ ولد شيخ تسلم يا رفيع المقام =يا صقر سيهان يرقى فوق روس الجبال
وختامها مني ومن هالرجال الكرام =تحية إجلال وإكبار لوجيه الرجال
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
بديت بسم الله=
بديت بسم الله وبالله استعين =ولا اقول غير الله يحيي من لفا
البيض ومشرف وزين العابدين =حنا لهم منجا وملجا وحلفا
يا زين يا ضيف الرجال الغانمين = ابشر بعزك من رجاجيل الوفا
حكام نجد مزبن المستضعفين =واللي عليهم ستر ربي ما ضفا
طب وتخيّير وين تسكن وين وين = تبغى على الكورنيش والا على الشفا
والا خذ الثنتين مثل الاولين = مشتى ومصيف للربيع وللدفا
مارس حياتك وانت مرفوع الجبين =البيت بيتك وانت ضيف ومحتفى
حتى ولو تسكن جوار الحرمين = زوار مكة والمدينة حنفا
والا انت ما يعجبك صوت المذنين =يزعج منامك كلما طرفك غفا
العام عن مكة منعت المؤمنين = واليوم تسبقهم عليها بالخفا
مغير الاحوال رب العالمين =ومن شاهد الواقع ثبت والا نفا
وانا على اني مبتلش وعلىّ دين =واقساط سيارة وراتب ماكفا
والحال واقف والعمر فوق اربعين = واصغر طموحاتي تبخر واختفا
سوا والاسهم بهذلتنا من سنين = حالة تسميها فقر والا حفا
لو جيت سكنتك بشقة غرفتين =لاهي في الروضة ولا حي الصفا
في حي شعبي معظمه حجر وطين = من يسكنه يفنى وجوّه ما صفا
خلال عام ونصف طاحت مرتين = واكبر شوارعها غرق ثم اختفا
ان كانت الجنة مآل الصابرين =ان الصبور اللي يسامح ويعفا
مافيه ابلغ من صراخ الصامتين = ولا فيه اخطر مالشجيع اذا انكفا
ولا فيه اسوا من كلام الشامتين = ولا فيه اكلح مالحقود اذا هفا
ولا فيه اقوى من دموع الجائعين = انا اشهد انها تخترق صم الصفا
ولا فيه افضل مالرجال الصالحين = اذا اصبحوا سادة وقاده وخلفا
العلم ما يخفا على الرجل الذهين = واعرف معظمنا مشايخ وعرفا
العاطلين اكثر من المتوظفين =واهل النفوذ اللي يبذون الخفا
واهل المنح والسادة المتسلطين = متبلدين احساس والناس اضعفا
وضيوفنا لو زودوها حبتين = معززين مكرمين عن الجفا
يستاهلون الطيب اهل تقوى ودين =وسياسة عليا وحكام اشرفا
والله يحيي من يجي في كل حين = لا اليوم والفتنة لضاها ما طفا
والله يحيي زين لو ماهو بزين = جمع الحرامية في ارض المصطفى
والله يبيض وجه امام المسلمين = والله يسّود وجه هراج القفا
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
ايو الله =
ايو الله ابدي كل مافي خاطري مهما يكون =مشاعري حرّة ولا في بالي ارهنها لحد
احيان تجنح بي مجاديفي على بحر الضنون=واحيان تسندني ظهور جبال ما اهتزت ابد
صحيح في بالي سوالف والحديث ذو شجون=عن بثرة وعن عفف وعن حمى الشرق وعمد
سوالف التنسيق بين العبقرية والجنون =احيان كتلة من لهب واحيان حبل من مسد
احيان اقول ان الحصون اللي نسميها حصون =كانت ولا زالت حجر عثرة وفكر مستبد
واحيان اقول ان المثالية تعابير وفنون=والبرجوازية خسارة وقت وزيادة عدد
واحيان تشغلني عيون الشعر عن شعر العيون=واحيان يشغلني وميض البرق عن صوت الرعد
واحيان اشوف من ابسط حقوقي مناجاة السكون=واشوف يوم السبت نسخة طبق الاصل من الاحد
اثر الرجال اشكال فيهم راس قوم ودون دون =وفيهم ضعيف بلا ارداه لو تقول اهجد هجد
واثر المواقف تكشف عيال الظهور من البطون=البعض فكاكة نشب والبعض كرابة عقد
اصعب معاريف الرجال اللي تحملني ديون=حضوركم رغم المسافة من بلد الي بلد
رضاي ورضى ربعي انكم فالحقيقة تحضرون=ويزيدنا تشريفكم فخر ومكانة للابد
لو اكره العود المدخن كان حاربت الدخون= مشاكل العالم عقدت لحلها صبر وجلد
لا هنت يا راس تربى على الوفا ولا تهون =روس الرجال اللي وفاهم تاج وحماهم سند
ربعي مشاهيب الكرم والعز وسيوف المنون=ربعي محاديب السيوف الغرّ وصقور الهدد
ربعي جنود الدين والدولة ويخسى من يخون =لو لبسوه التاج يبقى خارجي خائن عهد
الحكم لله ثم لاال سعود وانتم تشهدون =نجدد البيعة على التوحيد من جدٍ لجد
نعلن ولانا من هنا لهناك والطارف يمون =الصف واحد والعلاقة بيننا اب وولد
بقي علي اقول شكرا للرجال وتسلمون=وعدتمونا ثم جيتونا على حسب الوعد
استاهل التكريم وانتم والله انكم تقدرون=ماهو غريب الطيب من راعيه يا مال السعد
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
ماني بمن يتبـع=
ماني بمن يتبـع المعـروف بالمنـة=ولاني بمن يلحق المقفـي سكاكينـه
من لا يراقب معاميلـه حـرق بنـه=واللي يطول لسانـه تقصـر يدينـه
ما هي على كيف من خطط ولا ضنه=بعض الهقاوي تطيح الراس وتهينـه
من يكسب المدح ما عني ولا عنـه=والفارس اسرج حصاني في ميادينه
اسمي مع اهل القصايد والادب كنـه=شيهان يفرد علـى العلـم جناحينـه
قولوا لمن يظهر الونـه ورى الونـة=الغبن قتال وابـواب الـردى شينـه
مـادام منهاجـي القـرآن والسنـة=والشعر عبدي وانا سيـد سلاطينـه
من حبني ما بنى لي بيـت فالجنـة=ومن كرهني عساني عود في عينـه
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
يــاحــادي الـركــبــان مـــــادون الــفـــلاة الا فـــــلاة=الـــى مـتــى وانـــت تْـحـديـنـا والـمـقـاديـر تْـحـديــك
خلـك كـذا واللـي يضيـق يطـق راسـه فـي حصـاه=وش لــه تلبسـنـا الامــان وثــوب خـوفـك يعتـريـك
مــادام لــك قـانـون واضــح لــو تسـيـر بْمقتـضـاه=يــجــوز يـتـنــازل لــــك الـتـاريــخ ويـقــبّــل يــديـــك
حـنـا مـثـل مــن ينـقـل الحـيـة تـحــت كـــم الـعـبـاه=يمشي كذا بين الرجاء والياس والموت الوشيـك
الوضـع لــو يسـمـح لــي اتـحـدث بـكـل الـلـي اراه=ثوبـي يضيـق علـى جنوبـي ثـم يصـرخ مـا ابـيـك
الفقـر غربـة.. والغنـاء.. موطـن. وحريـة. وجـاه=والـصـبـر طـيــب والـحـيـاة ايـــام لـــك والا عـلـيــك
بعض الرجال اذا نصحته يحسب انك من عـداه=واذا تـركـتــه مــــر مــــن جـنـبــك ولاســلّــم عـلـيــك
هـذاك لــن ترضـيـه فــي حـاجـة ولــن تسـلـم اذاه=الافــضــل انــــك تــرحــل وتـبـعــد عــنــه لايبـتـلـيـك
والبعض الى منك عطيتـه وجـه يغـدي لـك حـزاة=حـــزاة يـعـنـي ويـــن مـاتـشـرد عــنــه لازم يـجـيــك
احـيــان تتـحـمـل ثـقـيـل الـــدم مـــن اجـــل اقـربــاه=واحيان تخسر من تحبه في رضاء عمك واخيك
وانـــا بطـبـعـي والله انــــه لادخــــل عـيـنــي قــــذاه=أغمض عليها لو تجـي وتـروح مـن هـذي لذيـك
مـابـالـك لـيــا جـانــي الـرجــال مـكـسـور الـعـصـاه=افـــز لـقـدومـه واقـــول ابـشــر بمطـلـوبـك يـجـيــك
والكلمة اللي تحرج الصاحب وتبحـث فـي قصـاه=احـسـن لــي اتركـهـا واقــول الله يعيـنـك ويـهـديـك
واهـل المصالـح كـل منهـم لـه هـدف ولـه اتـجـاه=واحــد يبيـعـك بـارخـص الاثـمـان واحــد يشـتـريـك
والــعــزوة الــلــي تـسـنــد الــرجــال وتـلـبــي نـــــداه=بطـاقـة الـصـراف والا شـيـك مـاهــو بـــأي شـيــك
وظـيــفــة الــرجـــال وحـســابــه تـــحـــدد مــســتــواه=مهما يصير اسند علـى جاهـك ومالـك ويحميـك
الـطـبـع غـــلاب التـطـبـع والـحـيـاة هــــي الـحـيــاة=مهمـا تغيـر فـي حياتـك طبـعـك الـلـي فـيـك فـيـك
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
ســــلام=
ســــلام ورحــمــة الله وبـركـاتــه يــــا الامــيـــر ســعـــود=انــا اشـهـد لا ارتـفـع شــان القـصـيـد ونـــورت جـــدة
هــلا يــا راعـــي الـشـعـر العـفـيـف الـنــادر الـمـعـدود=يـعـدونـه لـيــا انـســل القـصـيـد الــجــزل مــــن غــمــده
هــلا يــا سـيـدي مــا تـشـرق الشـمـس وتـهـب الـنـود=ومـــــا تــقـــرا تـــبـــارك والــفــلــق والـــنـــور و الــســجــدة
صفق بحر القصيد وبحر جدة لجل بحـر الجـود=بــحـــر جـــــودٍ تــجـــاوز كـــــل بــحـــر بــجـــزره ومـــــده
كـريــم والله انـــه لا عـطــى مــــا يـحـســب الــمــردود=واذا مـــــنـــــك فـــقـــدتــــه بـــالـــرخــــا تـــلـــقــــاه بـــالــــشــــدة
كـريـم يــوم يعـطـي مــا يـجـي فـــي بـالــه الا الـــزود=ولا يـعــرف (يـعــد) يـشـيـل كــــل الــلــي تــحــت يــــده
عـطـاه الله تـواضـع فـــي شـمــوخ وكـبـريـا وصـمــود=تـــفــــرد بـالــصــفــات وجــمـــلـــه ربــــــــه بــــمــــا عــــنــــده
وبــــــره بــالــرجــال الـــلـــي نـسـمـيـهــم عـــيـــال الـــعـــود=مــوفــيـــن الـــوعــــود اذا حـــمــــى راع الـــوفــــا وعـــــــده
هــــل الــبـــاب الـمــشــرع لـلــرجــال الـقـادمـيــن وفـــــود=هــل الـوجـه البـشـوش الـلـي حجاجيـنـه بـــلا عـقــده
سلايـل مجـد نجـد اللـي لهـم فـي كـل بيـت شـهـود=عـلــى طـيــب السـجـايـا والـكــرم والــعــرف والـنـجــدة
ومن يستغرب الامداح في واحد من آل سعود ؟=مـصـابـيــح الــديـــار وكــــــل بــــــدّ يـــعـــود فــــــي بــــــدّه
سمو الطيب .. دونك شعـري المنظـوم والمنشـود=تــوارى كــل بـيــت وذاب مـــن فـــرط الـخـجـل خـــده
انــا يــا سـيــدي مـالــي هـــدف عـنــدك ولا مـقـصـود=انـا شـاعـر وشـاهـد عـصـري الحـاضـر ومــا بـعـده
؟؟؟؟؟؟؟؟؟=
؟؟؟؟؟؟=
؟؟؟؟=
؟؟؟=
؟=
يا ابوي=
يا ابوي وين انت غايب؟! عادتك ما تغيب=غريبة افقد حضورك . بين كل الرجال
العادة القاك في صدر المكان الرحيب=والعادة اسمع تراحيبك تهزّ الجبال
وين انت يا اللي فراقك لوعةٍ ما تطيب=يا عزوتي يا ظلال ما بعدها ظِلال
اذكر وانا طفل؟ كنت تقول خلك لبيب=وافهم علوم النشاما والليالي طوال
يا زينها من لسانك قولة( الذيب ذيب)=وترى العوج ما يعيّب في رقاب الجمال
اصحى وفي خافقي كلمة صداها رهيب=واسمعك تنده بصوتك يا محمد!! ؟ تعال
ترى الرخامة دنس والبخل والذل عيب=وترى المراجل ماهي في الثوب والا العقال
والرامي اللي يغمض لو رمى ما يصيب=ومن لا شرب من صفى الهداّج يروى حثال
وترى الاجاويد صحبتهم شهامة وطيب=ولايكسب الطايلات الا صدوق الفعال
للصبر عن شوفتك يا ابوي طعم عجيب=ياشين صبري على فرقا كريم السبال
يا جعل قبر يضم اكبر جبل ما يخيب=من نفح طيبك وجودك يا عظيم الجلال
دوب اعرف اليوم وش معنى الفراق الصعيب=توي تعلمت وش يعني تموت الامال
يا فزعة المستجير ولو على اقرب قريب=يا مرتكي للمهمات العضام الثقال
الله لو شفت ربعك في الوداع المهيب=افواج كنك تناديهم ليوم النزال
الهم يغمد سيوفه في جروح الصويب=والصبر في الخاطر المكسور ماله مجال
همّ مخاليبه اقوى من علاج الطبيب=كن الحنايا تناشط بين سمر الحبال
يا ابوي منتب على اصحاب المقابر غريب=كم زرتهم بالنهار وفي ظلام الليال
لو يستطيعون قالوا مرحبا بالحبيب=الغالي اللي غمرنا بالدعا والسؤال
دنيا بلا شوفتك يا جعلها للذهيب=عسى تراباً يضمكّ ما يجيه الزوال
صحيح اذا كان كلً له من اسمه نصيب=حوقان؟ حآق.. المراجل بالوفا والكمال

 


        

من مواضيع  أمير الشعراء  في المنتدى

0 بدع للشاعر حسن الدوسي وردود عدد من الشعراء عليه
0 وفاة اخي أحمد بن جنيدب البشراني المالكي (قرية البشرآن)
0 أضحك مع الناس عاقلها وطافوقها
0 ملخص القارعة التي جرت بين الشاعرين بن طالع والاكاديمي
0 اختصار المحاورة التي جرت بين الشاعر بن مستور والشاعر الاكاديمي

التوقيع:
رد مع اقتباس
قديم 08-09-2014, 00:35   رقم المشاركة : [3]
 

ريمآآ

~ عضو ماسي ~

 

قـائـمـة الأوسـمـة

عدد التقيمات : 14375


ريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond repute
افتراضي

صح لسان الشاعر /محمد ابن حوقان
وسلمت يداك/ امير الشعراء
على جميل طرحك وحسن الاختياار
يعطيك ربي ألف عافيه ولاا حرمناا الجديد
تقديري لسموك




Array

        

من مواضيع  ريمآآ  في المنتدى

0 فقدت عضو ؟؟ اسال عنه هنا .........
0 اعصر مخك وجيب كلمة بدون نقط
0 ارتاح لا مني تواصلت وياك​
0 تمخطر بالحشا ( لبّى ) ......
0 خ ـذטּـي ع ـلىّآ قد قلبّي وأفهّمْ إح ـسآسيّ

ريمآآ غير متواجد حالياً  

 

رد مع اقتباس
قديم 30-09-2014, 08:10   رقم المشاركة : [4]
 

بن سيار

~ عضو جديد ~





 

عدد التقيمات : 10


بن سيار is on a distinguished road
افتراضي

صح الله لسان قايلها



Array

        

من مواضيع  بن سيار  في المنتدى

0 باحثين من بني مالك

بن سيار غير متواجد حالياً  

 

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أمانة الطائف تدعو 1550 مواطناً ومواطنة لحضور قرعة منحهم ابو يوسف الشوقبي منتدى الموارد البشرية 4 19-03-2013 13:54
الخدمة المدنية تعلن 12000 معينات من جدارة أبومهند منتديات التعليم وتطوير الذات وتنمية الموارد البشرية 8 13-03-2013 15:24
أسماء المرشحات بالطائف .. 1433 هـ ابو يوسف الشوقبي منتديات التعليم وتطوير الذات وتنمية الموارد البشرية 6 29-05-2012 17:51
امانة الطائف تعلن عن اسماء 7104 متقدمين لبرنامج المنح بالطائف الطرقي منتدى المال والاعمال وسوق الاسهم 3 14-05-2012 15:07
أسماء المقبولين للمقابلة الشخصية لوظيفة ملحق رجال بوزارة الخارجية الذويبي منتدى الموارد البشرية 5 07-05-2012 16:23


الساعة الآن 23:08.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd

هام //ليس بالضرورة ان تعبر جميع المشاركات عن وجهة نظر المنتدى بل تعبر عن وجهة نظر صاحبها

مراسلة الأعضاء الغير النشيطين عبر البريد تعريب منتديات مازال