آخر 10 مشاركات
بني صعب قبيلة بجيلة (الكاتـب : البجلي الكويتي - آخر مشاركة : الغريب - مشاركات : 6 - المشاهدات : 1216 )           »          ذكريات من الماضي معطره بعبق التاريخ (الكاتـب : احمد ابو ماجد - آخر مشاركة : احمد ابوماجد - مشاركات : 185 - المشاهدات : 16981 )           »          بالصور.. سوق عكاظ يمنحك "20 ألف ريال" في يوم واحد.. (الكاتـب : حصن شريان - مشاركات : 8 - المشاهدات : 530 )           »          محافظ ميسان الاستاذ عبدالله الفيفي يفتتح مهرجان العنب الرابع ببني سعد (الكاتـب : أسيرالشوق - مشاركات : 5 - المشاهدات : 119 )           »          تم اضافة صناعة منتج جديد يضاف الى صناعة المنتجات السابقة بمعرض اللوز البجلي (الكاتـب : أسيرالشوق - مشاركات : 4 - المشاهدات : 119 )           »          المجلس البلدي بمحافظة أضم يعقد جلسته رقم 53 (الكاتـب : أسيرالشوق - مشاركات : 4 - المشاهدات : 109 )           »          محافظ محافظة أضم يستقبل رئيس وأعضاء المجلس البلدي بالمحافظة . (الكاتـب : أسيرالشوق - مشاركات : 4 - المشاهدات : 73 )           »          رئيس بلدية محافظة أضم يستقبل رئيس واعضاء المجلس البلدي . (الكاتـب : أسيرالشوق - مشاركات : 4 - المشاهدات : 92 )           »          صور لبعض قرى بني مالك الاثرية (الكاتـب : أسيرالشوق - مشاركات : 4 - المشاهدات : 99 )           »          وصية المنذر بن مالك البجلي لبنيه (الكاتـب : أسيرالشوق - مشاركات : 4 - المشاهدات : 116 )


العودة   بني مالك بجيلة > المنتديات الشعرية والأدبيه > منتدى الشعر والخواطر ( للمنقول )

الإهداءات

روائع الشاعر المبدع نواف بن جار الله المالكي

منتدى الشعر والخواطر ( للمنقول )


إضافة رد
 
أدوات الموضوع
  #1  
قديم 12-09-2014, 15:43
الصورة الرمزية أمير الشعراء
أمير الشعراء أمير الشعراء غير متواجد حالياً
مشرف العرضة والمحاورة
 




أمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond repute
B6 روائع الشاعر المبدع نواف بن جار الله المالكي



نواف بن جارالله العبدلي المالكي البجلي احد شعراء قبيلتنا العريقة قبيلة بني مالك شاعرٌ متمكن له حظور
اعلامي مشرف واسهامات شعرية ومتميزة في مواقع التواصل الاجتماعي تميز بقصائده المطولة جزل العبارة واسع الثقافة عميق المعنى
اقدم لكم نماذج من نتاجه الشعري وقصائده الرائعة الماتعة أتمنى أن تنال استحسانكم واعجابكم
( قلت يابيضان )=
(قلت) يابيضان ياللي من عرفتك وانت واقف=منت لجبال العرب ياعالـي القامـة موالـف
جئت لجل أنشدك عن ماضيك عن كل المواقف=عن حروب وعن قلوب ومترفين وعن غلابـة
قال قدر !كم مضى خوفو وهو واقف محلـه ؟=وكم جلس عاشق وتايه واستراحوا تحت ظله
وكم حوى ملوك و كنوز وناس محداً قال يالله=استكنوا تحت ظله واحتواهـم فـي ترابـه
عمُر خوفو في حياتي خمسة أيـام ودقائـق=وأن عطا بعض الحقائق قلت لك كل الحقائـق
قامتي فيها شخوص وقمتـي فيهـا وثائـق=وانفتح صدره وسيل العلم حدّر مـن شعابـه
ياوجوهـا ماتكذبهـا العيـون ولا المـرايـا=ماخبرناكم تجـون الا علـى روس السرايـا
انتم اللي تنصرون الحق فـي يـوم العطأيـا=تعدلون الميل لاجـا وقـت شـده وانجذابـه
وأنا لو قد شفتكم في نقص ولا فـي تنـازل=كان غيرت المكـان وكـان هديـت المنـازل
واشتعل من قمتي بركان ولا صـرت عـازل=دونكم طيلة سنين العمر في عشـق وصبابـه
قام وثق لي مقدمـة القصيـده يـوم قراهـا=واندهش يوم ابتداها وانذهـل يـوم انتهاهـا
شاهد أعصورا احتمل كل المواقف واحتواهـا=وشاعرا قدر جبل شامخ ووقف واعتـزى بـه
صدّق أقوالي جبل بيضان واقفيـت وتركتـه=يتعصب بالسحاب ويرهـب العالـم بصمتـه
وكتب هذا الكلام أللـي مضـى لمـا سألتـه=والله اعلم كم عدد من مر به ومن احتجى بـه
دامي اكتب عن ديارا والشهود اكبر شواهـق=لاتجلت في حللها يصبـح الشايـب مراهـق
ينسى علات الكبر ويعود قلبه قلـب عاشـق=وارتجال الشعر يرقص به على ايقاع الكتابـه
استقـي الأشعـار يامـن لوزهـا ولاعنبهـا=من مناحل شهدها ولا مـن سنابـل قصبهـا
في تهامة جودها بالشـوق يتساقـط رطبهـا=واستهل الشعر دربه في رباها واعتنـى بـه
يادياراً عاش فيها الجود مثل الضلع الانصـب=شدوا بوسطه حزام وهامته تاجـاً ومعصـب
ماضياً يقرا وحاضر من يدين الجيـل يكتـب=والشعر ينساب من فكري وقـدرت انسيابـه
قلت بكتب بالمروبع سيّـد اشعـار الملاحـم=وأبشارك في مواقع ربعنـا واسهـم واساهـم
لاني أولهم ولا اخرهـم ولانـي فـي تلاهـم=شاعراً وامشي بدرباً مانقفـل بالوجـه بابـه
عبدلياً مـن هميـل اهـل المـروّه والعوايـد=وافتخر مادام ابـوي الشيـخ حـلال العقأيـد
اقتدي به في العسر واللين واوقـات الشدايـد=والقصيد يموت في نحر القلم لو ماشدى بـه
ياسلامي يابخور الشعر اشوف الجمر حامـي=قمت اشم ابداعكم من قبل ابـادر بالسلامـي
ثم وقفت احتـرام لهـذا الانجـاز العصامـي=افرحي يارض الشعر ياللي تباشر بالسحابـه
افتخر في منزلة ربعي وربعـي بنـي مالـك=لو سألني سائلاً و ش منزلـة ربعـك وآلـك
قلت للسائل بـلاش اتعيـد وتكـرر سوالـك=وابشـر اجاوبـك بالاشعـار ولا بالخطابـه
ماهي غريبـه وعمـر بـن شعتـور جـدي=كانت العُّراف من شعـره وعرفـه تستمـدي
لو مدحته كلهم قومي معـي مافيـه ضـدّي=ماتشوف ان الروافد تعشـق النهـر وتهابـه
من اول التاريخ ببدا مابـه افكـار امحظـوره=وابشر اسقي لك جذوره لين تجني من بـذوره
واكبح اجماح العواطف والفواد انهي غـروره=وابشر احمّل جمال الفكر واسرّج لـك ركابـه
اصلنا يعود في عز النسب فـي قسـر عبقـر=ابن انمار ابن كهلان وسبـاءُ الجـد الأكبـر
وتسمينـا بجيلـه وقتحمنـا كـل مصـدر=وانشدوا عنا أهل خندف وانشدوا عنا شبابه
وبجيلة بنت شيخـاً وهـو سعـد العشيـره=من رجال الازد ياقوم البصر واهل البصيره
الرجال اللي اسكنوا الجنوب من شبه الجزيره=جدنا شاهد سهيل اليمنـي ثـم اقتـدى بـه
ورحلنا (م) اليمن من بعد طيحة سـد مـأرب=وضربنا للمعالـي كـل بطـن وكـل غـارب
ثم عصّبنا العمايـم قبـل تفتيـل الشـوارب=لين حلينا وصار البيـت واثـق مـن طنابـه
وطـردنا ثابـراً مـن كل ضلع وكـل وادي=بالسيوف المرهفــات وبالرمـاح وبالعوادي
بعـدما كانـوا يسيدون الحواضـر والبوادي=مابقـي في قـوم ثابـر لاسـوال ولا إجابـه
وسكنا من جنـوب الطائـف لـوادي تبالـه=ونزلنا الخبت واستوطن بعضنا فـي مجالـه
وتكاثرنا سلاله مـن سلالـه فـي سلالـه=لين صرنا قوم ذو منعـه وذو عـز ومهابـه
والنسب يجمع معانا ف الجـدود اولاد خثعـم=نسباً يؤمن به الحاضر ويومـن فيـه الاقـدم
واصبحوا ذا الوقت شمراني وشهراني ولدهـم=والنعم ياخير لابه تنتسـب فـي خيـر لابـه
وتعـددنـا قبـائـل وفصـائل وعشـائـر=واقتتلنا ثم لاح الحـزن مـن بعـد البشائـر
تركوا خثعــم مواطنا وهـذا الامـر سايـر=وبقي قومـي يشـدَون المحـازم والعصابـه
وبجيله عدة ابطـون ومنازلهـم حصينـه=احمساً والغـوث وفتيان والــرابع عرينـه
ومالـكاً هو قسـر المذكور لوطالت سنينـه=وبجــاله وبنـو قيس بني عـم وقرابـه
لفتخر غيري بشخصاً واحـد وكـرر كلامـه=جبت له ميّة مثل لهـل الكرامـه والشهامـه
في سراة المجد نلقاهم وفـي ساحـل تهامـه=والذي يفخر بـزور وكـذب ماينفـع كذابـه
لو بدينا بك يااسد بن كرز ونعـم يالمسمـى=يازعيم القـوم باليـوم الرخـاوي والملمـى
كـان لامنّـه ذكِـر للخصـم يتـولاه حمـى=لاتلوم الشاعر اللي جاب ذكـره وابتـدى بـه
لان هذاك الاسد سموه اسد والنـاس تشهـد=حرم الخمر القبيحـه والعـرب فيهـا تعربـد
ثم وافق منهـج التحريـم فـي ملـة محمـد=قال خمراً يذهب اعقول البشر وش ينبغى بـه
ثـم سمـوه العـرب رب بجيلـه فالقصائـد=لجل نفيه بان كاس الخمـر جـلاب الفوائـد
وغـدت عـاده لقومـه ماتغيرهـا العوائـد=ثم ساروا خلف اسد ساعة سلامه واحترابـه
سالفه وحده تبيّـن كيـف وثـق هالجسـاره=يوم جوا (سحمه) وغاروا واخذوا ابلاً لجـاره
فزّ من وقته ورد الأبل فـي جيشـاً وغـاره=قال بالفزعه لنا دعـوه وبالسيـف استجابـه
وامتدحه السحمي القتّـال واعفـاه وتحمّـل=وتأبـط شـراً الفهمـي مـدح فيـه وجمّـل
قال اسد يقري الضيوف ويعتق اغلال المكبـل=والـذي ماجـت بمثلـه لا تفاخـر بالنجابـه
بعدها أو قبلها قامت حــروب ابطى دهرهـا=بين غوثٍ وأخيه احمس حضرها من حضرها
وتأذى البعض الاخـر ثـم سافـر وهجرهـا=ثم هجوا عندمـا صـارت مواطنهـم خرابـه
واستمرا الوقت واحنا فـي شتـات ومهميـة=جاهليه ويش ترجـي مـن ظـلام الجاهليـة
غيـر مـوت الادميـة وارتفـاع العنصريـة=والتنافـر والتشاتـم والتفاخـر والسبـابـه
واستكنوا فالقبايل مـن شتاتـاً فـي شتاتـي=يفزعون افي الصباح وينهضون في المـباتي
لين جا جرير واجمعهم على حسن الصفاتـي=يوم قال الكلبـي ان البجلـي ماينتخـى بـه
قام فاخر خالد الكلبي وسـوق عكـاظ عامـر=وافتخر في قومه الغُـر المياميـن الكواسـر
وفاز بالفخر الكبير وعـوّد المهـزوم خاسـر=واعترف كل العرب في فخر قومه وانتسابـه
ثم شع الفجر واقبلنـا علـى عصـر الهدايـه=واعترفنا بان سيد الخلـق جـا للنـاس آيـه
والنهايـه فالبـدايـه والبـدايـه فالنهـايـه=وتزهبـنـا لـديـن الله يانـعـم الـزهـابـه
ثم سـار الفخـر بالتقوي وتصفية العقيده=والدليـل أعظـم نبي والدرب دعوته المجيده
والهـدف مرضاة رب الكون في همه شديده=والطمـع في رحمته والخوف من شدة عقابه
وجرير اقبل يبايـع والنبـي فالنـاس يخطـب=قال في معـناه يأتيكم رجـل من عز منسـب
ونـزل مسجـد رسـول الله واسلـم وتقـرب=وكساه البـردة وشكّـر فـي الله يـوم جابـه
كـان سيد فـي سنين الجهـل والاسلام سـيد=لاوقـف بين القصـور الشامخه قصـراً مشـيد
يوسفـي الوجـه مؤمن والنسب والاصـل جـيد=واجتمـع نـوراً على نـوراً وقداه ومشـى به
وبجيله بايعـت والكـل منهـم صـار مسلـم=وناصروا الدين العظيم بعزمهـم والكـل يعلـم
شيّدوا فـي هامـة التاريـخ للنامـوس معلـم=جاوز احدود الوصوف وجاوز احدود التشابـه
وجمعهم سيدهم وانهى سنيـن مـن التجافـي=قال ياقومي كفـى هـذا الجفـا ياقـوم كافـي
وابتدا عهد التكاتف وانتهـى عهـد الخلافـي=مايعيب القـوم مـادام النمـر يجمـع ذيابـه
حاربوا المرتد في دور اليمـن وارض اليمامـه=قدمهم عوداً هدر واشتال حملـه فـي سنامـه
وصنم ذي الخلصـه هـدوه لا يـوم القيامـه=خلعوا عصر الظـلام ولبسـوه اجمـل ثيابـه
ودعـى نبينا سـيد الرسـل بالـيوم الاعمـس=لرجـال أحمس وخيل أحمس ومن سـار باحمس
يــوم هدوا ذا الخلص والظلم بالانوار يطمس=وأنتـهى وقتـاً يهد العـزم مـن صيحـة غرابه
وجريـراً قاتـل اجيـوش البـلاد القيصريـه=وهـزم رستـم بربعـه فـي نهـار القادسيـه
واقتحـم بـاب المدائـن ثـم قدمهـا هـديـه=لمـة الإسـلام قالـوا ياعساهـا مستجـابـه
ولهـم فيهـا بطـولات ومواقفهـم نظيـفـه=قادهم فارس يشوف ان الجهاد اعظـم وظيفـه
سجلوا تاريخهم بالـدم فـي وجـه الصحيفـه=والقلم سيفاً غرس بالخصم لين اخـر نصِابـه
يومنا الابيض يسمى عندهـم باليـوم الاغبـر=لارزم راعـد نهـار المعركـه نقبـل ويدبـر
مايوخرنـا يكـن سـرج الفـرس والله أكبـر=لانطقناها يفيـض البحـر وتضيـق الرحابـه
وزهيــر ابن سبيعًٍ صاحب السيف الصقيلا=قـال انا قومي بجـيله والذهب هالـوه هيلا
مابقـى للمـرزبان الفارسي جيشـاً وخيلا=اربعـة آلاف هـدوا عشــرة آلاف مجابه
واقـبل يبشـر عمـر بالنصـر في شعراً معبر=وكـبر الـفاروق والعالـم غدت بعده تكــبر
وزهيـر أعظــم منفذ وجــرير أدهى مـدبر=وعمــر يدعـي لقومــي وشكرهم في خطابه
وانتخب جرير مابين الصحابـه فـي جماعـه=يوم حرب امعاويه وابو الحسن سيد الشجاعة
مالقي حل وأتراجع وابتعـد واعلـن وداعـه=مارضي يدخل طرف في فتنه أخيار الصحابـه
وانتقل من بعدها وعـاش فـي ديـرة بجيلـه=وغمد سيفه عن الفتنه وشـدّ ارسـان خيلـه
في سنة واحد وخمسين اندفن بـارض القبيلـه=بعد ما جاهـد لديـن الله مـن زهـرة شبابـه
ويزيـد البجلـي انعـم بـهِ ذاك الصحـابـي=وانا سميّت الولد بسمـه سجـلاً فـي كتابـي
طلب المختار دعـوه قـال بمـي انـت وابـي=ادع لي ثمن دعا بالخيـر يبقـى فـي اعقابـه
وانحن اجداد سيـف الله ولـد ابـن المغيـره=جدته صخـره وهـي مابيـن اجـداده كبيـرة
والعنـوّة بيـن مخزومـي وقسريـاً شهيـره=وأبو صخره هو الحارث وخالـد لـه مشابـه
وحكمنـا بالعراقيـن الكبيـر أيــام خـالـد=والنعم به من حكيم ومن زعيم ومـن مجاهـد
خالـد القسـري ذاك القائـد الحـر المعـانـد=كان مضرب للمثـل لهـل العطايـا والذرابـه
يوم ضحى في نهار العيد بالجعـد ابـن درهـم=يـوم قـال الله ماخـذ لـه خليـل ولا تكلـم
طاب سيفك طاب عقلك طابت ايدك يابن العـم=وعسى الله يرحمك عنده ويجـزل لـك ثوابـه
وفتحـنا قرماسييــن وحــلوان المنيــعه=بعــد صبحـنا جلـولا بالصماصيـم البريعه
ودعينـــا للعقــيده ثم حكمـــنا الشريعه=نكســب العليــا بعز وناخــذ الدنـيا غلابه
رستم الاكبر غزيناه وضحينا بالاصغر=يوم عزربه زهير البجلي بالسيف الابتر
السيوف البارعه تنسف صغيّرهم والاكبر=واستدارت في لظى حلوان روساً تصطلى به
انتثر عقد بني ساسان لارحمو مجوسه=ونظمناه بعقد الدين واحسنا لبوسه
والمحارب ماخلع سيفه ولا همّل تروسه=رغم طيب العيش مابين الولايه والحجابه
وحكمنا في خراسان ارض فـارس وانتصرنـا=تحت رايات اسد القسـري غزينـا واجتمعنـا
ابن عبـدالله اخـو خالـد ولدنـا بـن ولدنـا=الأراضي تفتخر به والسمـاء قالـت هـلا بـه
وافتدينا بالملـك خاقـان واغرقنـا جحوشـه=في نهار الحج الاكبر صاح اسد واطلق جيوشه
والطيور الجارحه ياكيـف تعسرهـا الكدوشـه=قيِّد ابحلقـة حصانـه وانقتـل باقـي كلابـه
وانفتح بارض الخزر والترك وديـانً واماكـن=وانطلـق فيهـا عبـاد الله يبنـون المساكـن
ويشيـدون المسـاجـد ويعـلـون الـمـأذن=وكل من يسمع بدين الله سـارع واهتـدى بـه
وبديل البجلي قاد الجيوش اليعربيه=وغزى فيها بلاد السند في همه قويه
وقتل منهم ثمانين بكفيه النديه=وانتقل الى جوار الله في عزم ونجابه .
يوقف الابطال تقديراً لقيس ابن هبيره=ماخشي من جيش قيصر ونذيره وصفيره
اخذ الثار لأبن اخيه في عزماً وغيره=وقتل ستة عشر علج بسيفاً يرتقى به .
وتولــى مسلمــة البجــلي حكم ارض الكنانه=وسليمــان ابن غالب جـــا من بعـده وعانه
وغزى برقه وطوع كـــل عاصــي في زمانه=والنعـم بالجيـش واللـي جهزه واللي غزى به
ويزيد ابن جريراً قاد صنعا والمكلا=ساد في ارض اليمن حتى تمكن وتعلا
رشحه للمنصب - المامون - ساعة ماتولى=وتوجه لليمن وعاد كلاً في نصابه .
وانتشرنا في ركاب المجد في ظهـر البسيطـه=نبنـي التاريـخ والجغرافيـا فـوق الخريطـه
اصعب اصعاب الأمور تصير ميسوره بسيطـه=نتّبـع منهـج كتـاب الله وامـره واجتنـابـه
وظهر فينا رجـال اعلـوم وأفكـارا شـدادي=مثل أبو يوسف وقيس الحازم أصحاب المبادي
في دمشق وفي مصر وارض الجزيرة والسوادي=في علوم الدين وعلوم الفلـك وأهـل الطبابـه
تعتـرف بعلومهـم وآدابهـم كـل المـراجـع=الرجال إلي تريـح القلـب وتزيـل المواجـع
لو بغيت أعدهم بتعب وانـأ أصحـح وراجـع=من بحث عنهم لقاهم في ثنـا العلـم ورحابـه
ويمثلنـا فـي الأشعـار عمـر أبـو الخثـارم=والشمر دل ابن جابر كـانفالاشعـار صـارم
وذريحاً والضريـس البجلـي راعـي المكـارم=والفتيــاني محمـد شاعــراً يحسـب حسابه
وابن بطــوطه ذكـرنا في ميادين ارتحــاله=وذكــر عنا حقائــق ما اعتسفــها من خياله
في حــوادث قــرنه الثامن وفيـ سيرة رجاله=كـل مـن يقـراء كتابه كــن قاريه التقى به
وتحــدث عن بجيله وســراة أهل المحامد=وذكـر زهــران واوفى مدحـهم واوفى لغامد
والنعــم ياللي تطيح خصومهم من رأس صامد=الزمــان الصعب تكســـر من عزايمهم نيابه
وتحــدث عن ســراة الخيــر وانواع الزراعه=والديـار اللـي تجنبها تصــاريف المجــاعـه
سوقـها ماينكســر مـده ولا ينـكب صـــاعه=وكل مــزرع ينتهض بالخيــر من ماه وتــرابه
ووصــف فرسانهم واسلــوب تنظيم القوافــل=وكيف تخشــاهم لصوص الدرب لو كانــوا جحافل
ووصفهـم بالطــواف وبالسعـــي فرض ونوافل=قال يدعـون الـله بداعـي ياحظ اللـــي دعى به
وخصهـم ابوالـعلا عمـرو بمـــيدان الفصاحه=وبن بطــوطه ذكــر هذا بتوثيق وصـــراحه
والحقائــق واضحه والحــق يتجلــى اتضاحه=والـذي شكـك بقـولي يرجـع لدفـه كـــتابه
ونزلنــا المغرب العــربي قبل ياجـي ابن غانم=وقـبل يرحــل لها أبو زيد حــراب ومسالــم
ونزلنــا الاندلــس يالانــدلس يــم المـعالم=قــبل ماتمســي شــتات وقـبل ماتصبح نهابه
ونــزلنا في مصــر وفي قطــر دار ابـن ثاني=وبـلاد الشـام وأعلـى نجـد والضلــع اليمــاني
والعــراقين ودبـي الــى المــدينه لاعــماني=ونــزلنا سهــل جــده ثــم حقــقنا سرابـه
وآل ياسيــن انزلوا بارض الكــويت مــع آل راشد=والــفراهيد لهــم بالدوحـة أعـــلام ومــراشـد
وبجــاله فــي جنــوب الليث صــاروا جمع حاشد=والنقــيبي نــاخ فالســـبع الامـــــارات ركابه
وتسمـينا بنـي مالـك وصـار الاسـم شامـل=عام تسع اميه من الهجره حصل هذا التكامـل
هكذا الأنساب تتـوارث حسـب عـدة عوامـل=وبقي التاريخ يحكـي حاضـره فتـرة غيابـه
مــالك أبن أنمــار هو قســر غدا مجمـع نسبنا=اكبــر بطون بجيله حســب ماجـــــا في كتبنا
وتسمينــا بمــالك وافتخــرنا وأنتسبنـــــا=والنــعم ياللــي تسمى بافخم إسماً وأعتنــى به
وتشكلنـا بعدهـا خمسـة ابــدود وقبـائـل=بالنعيم وداعـي الحربـي رجاجيـل الحمايـل
والهلالي في عفف والعلـوي راعـي الجمايـل=وداعي العمري سكن بالخبت والشامخ رقى بـه
حــدنا مصيون من شامه وغـــربه وشرقه=وجنـــوبه جاوب شـــماله ليـامن لاح برقه
والـله انا عـزوه الشاعــر ليامن جـــر طرقه=والله انــا مزبــن الخايف ليا رجت عصـــابه
أنكســر بخروش دون احــدودنا وانهـــد حيله=يوم جــانا بالخيــول وبالمداقيــل المهـــيله
وقتلــناهم عن آخــرهم علــى ماي النجــيله=بعد ما جــاء في حــديد ابجيش عسفنا رقــابه
قال شـاعرهم( تمـور اضـم باكلـها بلاشــي)=قال شاعــرنا( تمهل لاتعــزوى بالدباشــي)
(ماشـرينا البندق الا لجـل تفقـيع الكــراشي )=وانحسم موقف وخاب الجيش واسم اللي غزى به
وفي شهر شعبان عام الالف بعد الميتينا=وثالث وخمسين يا حساب في عد السنينا
ربعنا جادوا وسادوا واحتموا داراً ودينا=يوم جيش الترك من ضرب اللضى ضاق الفضا به
شنعوا بالعسكر وجاء في رجولتهم هشاشه=وطيحوا (الصغقول)و(والجاويش) جنب اليوز باشه
نارهم جتب العدو مثل البعوضه والفراشة=والمخِطط وقت ما جاه الخبر غص ابشرابه
قاتلوا واهدوا لغازيهم من البندق حرايق =وحاول القايد يغير بالقلم بعض الحقايق
راسل اسياده وبين ضعفهم حبر الوثايق=وانكسر جيش العدو واخذوا بني مالك زهابه
عندنا الاسواق سبعة في تهامـه والحجـازي=ماتقـول الا عكـاظ وذي مجنّـه والمجـازي
امّنوها في سنيـن الخـوف فرسانـاً عـزازي=ياااعذاب الي بغى يسـرق طرفهـا ياااعذابـه
يوم جانا زيد بـن فـواز فـي غـزوة فلاحـة=ولد فواز الشريف الـي محـد يكبـح جماحـه
حاكماًُ ماينهـزم جيشـه ولا يسلـب سلاحـه=عصّب الاشراف والاتـراك ثـم قـاد العصابـه
ثم جونا عصبـة الاتـراك والمبعـوث حاكـم=قائد الأشـراف قـال بساعـه ابحكـم قراكـم
وتعزووا بنـي مالـك قالـوا يالعنـة لحاكـم=وستفزوا من شموخ اجبالهـم كِبـر وصلابـه
والربابـه والـدِّلال يضنهـا ترفـع مقـامـه=يوم جا بمؤخرة جيشه يبـي ينصـب خيامـه
خيّـب الأبطـال فالـه قبـل مايبلـغ مرامـه=لاحمي زير المعـارك ينقطـع حبـل الربابـه
ثم جونا مـن عفـف بالفزعـه اولاد الهلالـي=شدوا الأكفـان والرايـات بظهـور الجمالـي
مايعوقهم عـن الموقـف صعيبـات الجبالـي=واقبلوا بارودهم مثـل السمـاء ينثـر ضبابـه
شامخين الروس مافي عندهم شطر اقتصـادي=نقصهم في زودهم لاعـودوا نفـس الأعـدادي
قالوا نبغى الدم يسبق مايقـول اهـل المـدادي=ونصحـح نظـرة المرتـاب ونزيـل ارتيابـه
حملوا حلمة رجل واحد وكني اشـوف قومـي=لانطلـق قرناسهـم يفّـرق افلـول الرخومـي
قال زيد الموت عند المالكي ضمن السلومـي!=يالهـذا الجيـش ياهـذا العجـب ياللغـرابـه
وانهزم جيش الشريف وجا موجِّه صوب مكـة=يوم تبعناهم تقطـع جيشهـم فـي كـل سكـه
ومسـك زيـداً زمـام الأمـر وهـرب وفكـه=وجا بيكتم خبره لكن لقي الساري سـرى بـه
ثم رفـت رايـة التوحيـد بالعهـد السعـودي=واختلفنـا واتفقنـا وامِّنـت كـل الـحـدودي
ثم بايعنا وصرنا مـن صعـود اليـا صعـودي=وانتهى عصر التشرذم وابتدى عهـد الرقابـه
كلمة التوحيد يخضـع تحتهـا سيـف العدالـه=ماخضع سيف السعود الا تحت لفـظ الجلالـه
ووردنا العلم وانسانـا سنيـن مـن الجهالـه=الجويهل صـار عالـم والمغفـل صـار نابـه
والمؤسـس وزع الثـروه علينـا بالتسـاوي=ياعسى الله يرحمـك يامامنـا الحـر النـداوي
مابقي الا اسمه وقال اخذوه ياشعـب العـزاوي=وانتسبنـا للملـك بالأسـم شّبـان وشيـابـه
ثم صرنا شعب واحد والهدف والأسـم واحـد=الوطـن نبنيـه بالاذهـان وافعـال السواعـد
سائليـن الله يحقـق للوطـن كـل المقاصـد=الوطن قلب المواطن فـي حظـوره واغترابـه
واستمر المجد ينقـل كابـراً مـن بعـد كابـر=الذي فوق البسيطـه نومسـوا مـن فالمقابـر
بالكرم والجود والناموس و اسلـوم المخابـر=مايموت الشهم وفي النفس شـي مـن الكآبـة
والقبــايل كلهم ونعــم علــى كل الطواري=الشهـامه جــاريه بدميهــم والــدين جاري
والمجـره دايره بالمـجد في عـرض الــمداري=والفضــاء ماضــاق لويصطك نجمه في شهابه
في عرب قحطان عاش المدح واختال وتصمّل=من بقي منهم جنوبياً ومن انجد وشمّل
وربيعه وتميم المجد يالعز المؤمّل=ومضر ياقوم سيد الخلق وكبار الصحابه
وانا ماني عنصري ياسامعي واستغفر الله=التعنصر صنعة الجهّال وعقولاً مظله
نحمد الله الذي نزل علينا خير مله=والرجل من دون هذا الدين مايسوى ذبابه .
والعذر يامن قرى هـذي القصيـدة او سمعهـا=شاعراً من واقع التاريـخ و افكـاره جمعهـا
عن قناعه فـي مكانـة ربعنـا قـام وبدعهـا=واعذروني لو حصـل فيهـا ملـل ولا رتابـه
أي نقـد ابقبلـه اذا حصـل تقصيـر مـنـي=حول معلومه خطاء او حول بيتـاً مـا يغنـي
وانـا مانـي لاملاكـاً كامـل ولانـي بجنـي=شاعراً واتحمل الي قـال وش حضـرة جنابـه
والذي ما يعجبه شعـري فهـذا شـي عـادي=ما معي جتنا سعاد ولا معي بانـت سعـادي
والذي زعلان من شيئاً حصل حسب اجتهـادي=يرتقي هامة جبل بيضان ويناقش هضابـه
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( يتيم وعمري ) =
يتيم وعمري أكمل فالزمن عقداً ورى عقدين = ثلاثين أجتمعن وعاش معنى اليتم في بالي
تقبـــلت الحقيقه والعمــر مايقبـــل التخميــن = وانا لحد( ن) سألنـــي قبل هذا اليوم مابالي
لأني عشت في حضن المرؤه والكرم والحين = تيقنت اني اصغــر طفــل بالــدنيا وذا حــــالي
على معنى الابوّه قمت أغني بالشعـر لحنين = ورحت أبكي وقمت استرجع الذكرى بمــوالي
وانا من عقدي الثالث الى ذكراي بالتكـــوين = على ذكـرى الامل لازلت أعيش ابذكر الآمالي
لأني بعد ودعتك صرخ في مهجتي طفليــن=طفل يبكي عليك وطفــل ودع لهــو الاطفالي
وداعـاً يالذي تتقــن فنــون الرســم والتلوين=على لوح الحكــم والجود ترسمها وتبقى لـي
رحلت... وذا طــريق وكلنــا يم الفنــا مقفين =ولانقدر نــوخر فالقـــدر واوقــات الآجـــالـــــي
وشوقت المصلي في مماتك والقبر والطين =حيــاتك مصنع ارجــال ومماتك مضــرب امثالي
وانا محتـار بعــدك والقصائد بعُـدها بعُــــدين=وش أكتب وأنت بعــد اليوم غائب كيف تقرالي
أحبك واعشق أصفاتك مع الغـادين واللافيـن = واحس إني كثر مااحب ذكرك سـولف إظلالي
أروح اطارد اطيوفك وانادي فين شخصك فين =تجــاوبني طيــوفك يامعـــوض خيــر فالغـالي
يبوي اليا اختصرنا فالمشاعر فاض دمـع العين =ولا فاضت دمــوعي لجل قـــدرك يرتفع جالي
مضى دمع الفرح والعشق وتبدل بدمـع البين= تدفـق مـن عيـونٍ ناظــرتك ابحــب واجـــلالي
يبــوي المعـذرة.. ويني ووينك وين وين الوين= أنا مــاني على خبرك ضحوك وخاطر ي سالي
أنا قــدامي أمـرايه وشكلي صــار فيهـــا زين =وقــدامي مـــرايه صـــامته يرثى لهـــا حـــالي
مرايه تعكس أفعالك واشوف إني غديت اثنين= ومــرايه تثبت إنــي عاجــز أوفـيـــك مثقــالــي
لأنــك تتعب اللــي جا بعـــدك بصفحــة الحيين =علوم أتكســر اظهور الجمــال ابجور الاحمــالي
عرفتـك ياعظيم المعــرفه ياسيــف ذو حــدين = بحــدٍ تقطـــع الباطــل وحــدٍ ترضــــي الــــوالي
عرفتك هــادي الطبـــع وصفاتك تزعج الهادين= تفــوّز بالعـــلــوم الطيبـــه وتــفــور بالتـــالــــي
حليم .. الله اكبر كـم عجـز في ثقلك الـواشين=وياكــم من عقــولاً جنب عقــلك صــارت ازوالي
صدوقاً في كلامك منعرف في موقفك قولين= بصــدقك تكشف الباطــل وتخـــذل كل محتالي
مصلــي صايــم امــوحد وتــرفــع لله الكــــفين =مع أهـــل العقــد وأهــل الحــل فتــالاً وحــلالي
تعاظــم حولك إجــبال الهمــوم وتنضــب العــدين= وتفــتل شــورك وتجــري زلال وتنسف إجــبالي
تلبست التواضــع فــي ثياب المــرجله والـــدين =وعشت العمر متعلي .. حشى ماكنت متعالي
ترحــب بالغنــي وتفـــــز للــمحتــاج والمسكــيـن= إذا غيــرك يطــيـــــح هــامتــه للجــاه والمـــالـــي
مواقفــك العظيـــمه باقيـــه يشهـد بها الوافين =وطيـــبة خاطـــرك يشهد بها عاقــل وجهـــالــي
وتشهد لك يمينك والقــدر والصحن والسكيـــن =وتبكيــك المــراجل يامــخــلد بيــض الافعــالــي
وتبكيك الطيــور اللي تغــذت بالعنـــب والتيــن =وتبكيك الديـار اللي غــدت من بعـــدك إطـــلالي
مرضت وعادة المرضى تسـاوى زينهم والشين = ولكنــك علــى المبـــدأ تعيش ابكـــل الاحـــوالي
تسالني عن مدى طغيان واشنطن وسوق الصين =وعـــن حال العـــروبه والضميـــر الميت البــالي
وعـــن غــزه وعــن بغــــــداد والتــرحيل والتــــوطيـــن=واسالك عن وجع جسمك ولكن ترفض اسوالي
تمنى أقــول يابويه صـــلاح الــدين فـــي حطـــين =وتغمــض عينك وترحــل وتنسى عصـــر الاذلالي
درسنا مــــن طبــاعك وانطبــاعك سيــرة الجـــديــن =ومن سيــرتك ياراس المــروه يــولــــد أجيـــالي
وغبت بعالــم البـــرزخ وفقــدك فالــوجــيه يبيـــن =عسى المــولى الهــى ينزلك في خير منــزالي
قضيت العمــــــر واخــلاقك تــونس راعــي الهميـــن=عســــى قبـــــرك يؤنس بالنعــم وبخيــر الاعمــــالي
شهيــــداً والله القــائـــل وبــــلــغ سيــد الثقليـــن=عسى الله يرفع أجــرك فـــي ثنايا المنــزل العالي
سندت القوم من سن العشر لاسبعه وسبعين = واســـال الله يشفعهـــم بفضلك يوم الاهــــوالي
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( نفوسنا إخفاف )=
نفوسنا إخفاف واعذب من نسيم الاصيل=واعقولنا اثقل من اجبالاً مشينا بها
ناخذ صلابة جبالاً ماسكنها الذليل=يحمر وجه السماء في حب مرقابها
أرض الكرم تبتهج مابين سيلاً وسيل=مواسم الخير ماقد انقفل بابها
دام الكرم طبعها وش لون يحيى البخيل=فيها وهي بالعطاء تتدفق اشعابها
ترحيبنا اذوق من اقدور العسل والصميل=واصدق من الشمس لاطلت من أحجابها
حتى السحاب اقترب من روسنا والدليل=ان البشر حولنا عاشت على اعصابها
قوافل الحج تشهد يوم دم القتايل =لارخص من الكاسده في سوق جلابها
كنا لحجاج بيت الله عون ودليل=نزود القافله ونكرم أصحابها
يوم غيرنا يقتل الحجاج وابن السبيل=ويقطع السابله مايحسب إحسابها
ديارنا عامره مابين سيفاً وخيل=يوم الصحاري لسارقها ونهابها
مانطلب الحاجه الا من عزيزً جليل=المله اللي نبي الله وصى بها
من عزة انفوسنا مختارنا الا سهيل=اسلوم عاشت على ايدينا وعشنابها
لاصاروا أهل الشحاذه بين رأساً وذيل=في باب قصر الذوات تمرغ اشنابها
تبيع شيمه وقيمه بالقليل القليل=من حفنة قروش تحني راس طلابها
دافعت عن ديرة ماذل فيها الدخيل=جنوب شبه الجزيره ماجهلنا بها
أرض الاصاله وعز النفس يوم الصقيل=يضرب رموز الطغاه وينسف ارقابها
بيدين من مبتغوا عن دين ربي بديل=بيوت كسرى وقيصر هدوا طنابها
الشام وبلاد فارس والعراق المهيل=والاندلس صلوا إجدادي بمحرابها
خفاف عند الحروب ويكرهون الثقيل=والعالم الفارغه لاجرت اثيابها
نورد على حكمة ينبوعها السلسبيل=الحكمه اللي رسول الله وصفنابها
نبحر على الذائقه في كل معنى جميل=ونلم داناتها باشعار نزهى بها
نغني الشقر فالعرضات والشقر ويل=وويل وادي بنار الشعر يصلى بها
حاله من العفرته تنقل الى كل جيل=وجنون الابداع على طول ينتابها
حزامنا النافعي والسيف وابو فتيل=من قبل ماتظهر البلجيك وازهابها
يامنطق العنصريه فجرك ارتد ليل=نتيجتك فاشله من علة اسبابها
واللي يمثل مقامك بالكلام الهزيل=هذاك ودى المعاني مثل ماجابها
راس القزم ماوصل لانصف ساق الطويل=واللاش يكره سلوم الجود ويهابها
إذا أنكسر بيتك السامج دعيت الخليل=يقوًُم بيوت تكسرها وتلهى بها
ذاك الخليل الفراهيدي ونعم الاصيل=أفتح مقاماته علمه واحفظ اكتابها
من صلب زهران مشفين الفواد الغليل=لاجات بقعا تقود الجن واحزابها
وانعم بنجد العريضه والشمال النبيل=ونعم بحضر البلاد وينعم اعرابها
قصيدتي ماغزت عقلي لقالاً وقيل=الانتما الجنوبي سير اركابها
دياراً اعشق هواها والعنب والنخيل=اعيش في دمها واتلحف اترابها
ماشفتني ياعريب الجد جسمي نحيل؟؟=يقتات عقلي من عروق اتغذى بها
فيها الوفا والمحبه والحدا والصهيل=ترسل مشاهيبها وتوزع اطيابها
لكل شاعر يجمع من فتات الحصيل=ويطعن في ظهور ناساً عزت القابها
يشب نار الفتيل ويحترق بالفتيل=يجهل فعول الرجال ويجهل انسابها
بدعتها ماعلى عقل الهواجس وكيل=وارسلتها والعرب تدري بكتابها
زفيت فيها الثريا عند مبدا سهيل=واخرجت من حفلة النجمين سبابها
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( ترى ماعمرنا )=
ترى ماعمرنا شفنا عروساً عطرها دخان = ولا شفنا عروساً تزعج المحفل بريحتها
ولا شفنا عروساً بالفرح ترقص لها الغربان = ولاشفـــنا عروساً ناقشه بالطين راحتها
ولاشفنا عروساً حولها الناموس والذبان = ومن رعشات حمـــــاها تردى حال صحتها
ولا شفنا على الشاطي عروساً والبحر عشقان= يرقصها وتضحك له ويتجاهل شقاوتها
وترى ماعمرنا شفنا عروساً شقت الفستان= ترى هم العروسه تجذب العالم بــفتنتها
وترى ماعمرنا شفنا عروساً تفتح البيبان= لمـــن جاها بلامــــــاذون وتشـــــرع دريشتها
ياجده ياعجوز البحر شاب الاسم والعنوان= مثل ماشابت الخطـــــــــه في ابداية كتبابتها
تغير حولنا اوجوه المدن وحيان بعد احيان= وجـــده تأكــــل الايــــــام روحتهـــــــــا وجيتها
تقلد امرها العرسان لكن خانها العرسان= وعاشت مخلصــه ماعاشقــــــاً يعرف خيانتها
الاول نصّب الميدان والثاني لغى الميدان= وثالثـــــهم زرع نخله ونور جــــــذع نخلــــــتها
ورابعهم صبغ لون الرصيف وغمق الالوان= وخامسهم حفــر بعض الشوارع بعد سفلتها
وعاشت والمرض في كبدها والقلب والشريان= مــــرض قلب العجوز تجاوز حدوده لزينتها
وهلت من تجاعيد العجــــوزه دمعة المرضان=رجــــاها في طبيبٍ مايفكــــر في سلامتها
غريبه يالعجوز اللي تسابق يمها الفرسان= تداعو بالهــــــوى والحب والمقصــــود تركتها
غنيه بالذهب والــــدر والياقــــوت والمرجان= ومن يشري هواها عاش في نعمه بثروتها
نخبر أن المدن تفرح ببشرى السيل والهتان=ومن بعد المطر تخرج وهي بــ ازهى حلاوتها
وجده ترتعد بالخــــوف وتعلق في الحيطان = وحيطان المدينه ماتهقــــــوى في قساوتها
ولاغرقت عجوز البحـــــر يركبها مية شيطان =عسى بقعا تصوعك يالذي ترضى بصوعتها
مدينه حالمه وحلامها الكابوس والاحزان= ولافســـــر كوابيس المـدينه غيـــــر امانتهــــــــا
ياجده ياعروس البحر هذا كان ياما كان=ياجـــــده يالعجوز اللي تبكيـــــــنا بمشيتهــــــــــا
تعثر بالعصــــاه الخاثره بالشــارع الغرقان= ولاتبكـــــي ولاتغضب ولاتـــــرفع عصــــــــايتها
صباح الوايت الاصفر!! وريح الزفت والدخان= مساءات إنقطــــاع المـــــــــاء وزحمتها ورجتها
وجده غير!!! فعلا غير!!! ياللي زارها فرحان= تلثم وانت فــــي جده قبــــل تكتمت ريحتــــها
تلثم وانت في حضن العجوزه مطمع الفرسان= وميـــدان التنافس مــــن ذهبـــها لاقمامتها
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( حكيك كنافه )=
حكيك كنافه وبسبوسه تفوق الحلا =تقدمت للعريس ابقاعة( الارجوان
تعبت عليها (أم عبدالله) يادفع البلا = شغل اهل مكه ماهي شغلة (مخابز جيان
عجوز دانت لشغلة جدها بالولا = من عايله تفهم اسرار الحلا من زمان
تكتب عليها بلوز الفُرس كلمة هلا = لاذاقها راعي السكر تزيده جنان
لو تمنعه حرمته ترقد في اقصى الخلا =لوكان يدخل في الموضوع كوفي عنان
مع دلهٌ تحتفل فيها فجاج الفلا = فاحت علينا بريح الهيل والزعفران
من ضحكتك شب فيها جمرها واصطلا = ثلاثة اللي شربها - غصب - تصبح ثمان
يروق لو كان ما يلقى لذوده كلا=سكران من دلته ويشوف ذوده سمان
مشيتك مشية مفكر في خياله سلا= كنه مضيع مكانه والمكان ،، المكان
الخصر كن الذي مشرف عليه ابخلا= يشكي مجاعة تزيد الردف عنف افتتان
الردف لارز نفسه وارتفع واعتلا= قام ايتكبر على خصراً شعر بالهوان
والصدر كنه يقول ارحب ويامسهلا = يبرز بروز المقاتل ، والمناظٍر جبان
أحلى صفات الجمال امتوجه بالغلا = في حضرة اللي تزينها بزود الحنان
كذا رأيتك وانا ابلياك مامن شلا = وانتي تزيدين طعناتي بسيف وسنان
أرضي غروري بقطعه من فنون الحلا = واكرمك من دلة اللي ينحرون السمان
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( ليتني صاحب )=
ليتني صاحب سعاده ليتني صاحب معالي =وامتلك مايملك اصحاب المعالي والسعاده
يطرق أبوابي ميةمحتاج لكن لاأبالي =وافتح ابوابي لتاجر مهتني شربه وزاده
واحتمي بالمنصب الممتاز ابن عمي وخالي =والوظايف بالحميّا مافي داعي للشهادة
كرسي المنصب يساعدني ويخدمني ريالي =والشعار ان التفاني للعمل فضل وعباده
بالظهر يبدا دوامي / وانصرف بعد الزولالي=والله إنا في زمان الخير كبرنا الوساده
خطة الروتين جت من قبلنا وعلى التوالي =جامده ومعلبه لانقص/ فيها/ لا زياده
وافتخر بـ/ اني نظامي وادعي بـ / اني مثالي=واكثر اكثر زهد م الفاروق في عام الرماده
وفي مدراس تضمن المستقبل ادرس عيالي =لو يكح الورع نحجز له طبيب افخم عياده
وفي بداية شهر اغسطس يبتدي شد الرحالي =لاشواطي ( سندياقو،،،) هيه يابعد النكاده
واجعل المليون عشره لاحسيب ولا سوالي =وغداً يذكرني التاريخ ضمن أهل الريادة
مثل مايذكرني الكاتب على راس المقالي =يالذي صان الامانه وحفظ ثروة بلاده
وانا ماني لاشيوعياً ولا ني راسمالي=شاعت افكاري بليا راسمالاً واستفاده
شاعراً وامشي واغني بين لال وبين لالي=في شعورٍ مختلط بين الطفاقه والركادة
الطموح المنكسر يظهر لغيري من خلالي =وانتعاش الهم يمنح جرحي الموغل سياده
والزعيم الروحي اللي بين جسمي والظلالي=علم احزابه على فن التمرد والقياده
مكسبي / مثل الخساره / مخسر الا كل غالي=جايراً وقتي عليّ وعزتي تكسر عناده
صرت مثل اللي سرح للصيد واخطاه الغزالي=واستبد الجوع فيها وقام وتغدا جواده
والله اني ماوردت من العدود الا الزلالي =ولا زبنت الا لرباً يفرح بتوبة عباده
في حياتي ماعشقت الا القصائد والدلالي !!! =طول عمري ماجهلت الا الدعاوي والشحاده
لكن اللي مايحبون الصراحه والنزالي =كم تمنوا بـ ان سيف الحق يبقى في غماده
وان تذكرت ان دنيانا نهايتها الزوالي =وان خير اعمالنا واختاما نطق الشهاده
انتسبت لجامعه عليا موذنها بلالي =وعميد الزهد فيها كان جندب بن جناده
واترك ابواباً تقفل بالسعادة والمعالي =كلمة اصحاب المعالي تخدم اصحاب السعاده
لاطلبنا اصغر بعيراً نوعد بسيد الجمالي =والنتيجه صفر !!! يعني لابعير ولا جراده
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( فتحتي الباب )=
فتحتي الباب وآنا ماضربت الجرس = كن اصبعي بينه وبين اهتمامك سباق
وغرقت في زحمة استقبالك المفترس = ،،، حرق جميع المراحل وابتدا بالعناق
سلام ياضحكة الصادق بوقت الونس = اللي على طارف عيونه يموت النفاق
من قبل ضمة جنونك كان ليلي نحس= والحين ليلي من أوهام الكوابيس فاق
ضميني اكثر ترين الصدر من قبل امس= يزيدني بردة الضامي عنا واشتياق
لاعسعس الليل وتورط بوقت الغلس = يصير ليلك بلياشوفتي مايطاق
اسري لعينك وعزمي للمواصل فرس= وآجيك والشوق في حالة فرح واختناق
واحضنك وتشب جمري همهمات النفس = ويذوب شمعك وتزداد المحبه مذاق
وابحر بدنياك وتجاوز حدود الهوس = وانساق وانتي بحضني سهلة الانسياق
ولاتفجر بعينك دمعك المنحبس = مايطفي الا تباعدنا ونار الفراق
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( ياشيخ ليه )=
ياشيخ ليه الحسد مادمت شاعر كبير = قدر حضور الشعر بالذوق يبن الحلال
تفاعلك مختنق والناس كادت تطير = من كثر ماصفقت للذائقه والجمال !!
آثارها شاعراً مغمور لكن خطير = اقصوه باسم الحسد والمصلحه والجدال
شله تحارب ابو الطيب وتقصي جرير = ويلمعون اسم (باقل) لاهذر بالهبال
في جو الابداع ( برطمت ) وقتلت الضمير= ملامحك ذكرتني باحتدام القتال
عيونك عيون من جافاه شوف البشير = وجلستك جلسة اللي يشحدون الريال
كآبة الانكسار اخفت بريق الوزير ! = والقلب الابيض عطا للمنحرم راس مال
ماهي ترى المشكله في ورد عطره عبير = لكنها المشكله ف اخشوم بعض الرجال
كاد الحسد يرمي بزرياب في قاع بير = وكاد يدفن ابو تمام تحت الرمال
لكن الابداع متفرعن وفارس يغير = ويمتطي صهوة الواقع وظهر الخيال
يسوقه المبدع وقلبه لعقله نصير = بعبقريه تحطم شامخات الجبال
يطول ثوبه وثوبك بالتكبر قصير = ويسجل اسمه على الجوزا وقوس الهلال
قعود الاشعار يتفحّل ويصبح بعير = يقود ذود الشعر وتصير خلف الجمال
يالشاعر اللي توترك اوقعك فـ الهجير = والناس مستمتعه بالفاكهه والظلال
رميت صاع الذهب في وسط صاع الشعير = ماضر سعر الذهب ميزان فيه إختلال
لاصرت شاعر كبير وصار ذوقك صغير = معناة عند خلل فـ الذائقه والجمال
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( ياثقل دمك )=
ياليل ياثقل دمك في عيون الصباح =ارحل ترى النار ملت من ضجيج الحطب
ياليل ياسيد الحمى وامير الجراح =وجهك سواد وتعابيرك سحايب غضب
مازينك نجمك اللي في دجاياك لاح =ولا هدى اللي عثر في ظلمتك وانكرب
نجماً حداه الملل من سطوة ايدك وطاح =ونجماً حمى هامة ابليسك ونجماً غرب
عطفك ذئاب اتعوي في وجه من جا وراح =وبذلك كوابيس وآهات وطعون وشهب
تسربل القوم من عتمة سوادك وشاح =سترتهم بالرضا الكامل ومات العتب
وتباشروا بالولد واثره نتاج السفاح =في ليلة (ن) ذاب فيها الشمع فوق العنب
جادوا بزيف المشاعر والايادي شحاح =وعاش حب الرغيف اللي فقده المحب
وحنا سهرنا على ضؤ الفزع والنباح =ونطمن قلوبنا بالفارس المرتقب
خيالنا يزرع الورد برماد المراح=ونشم ورد الخيال بواقعاً مغتصب
والعين تكشف سرايرها لمن جا وراح =وتشح باسرارها من دون علم الهدب
بعنا المزارع لجل نشري حبوب اللقاح !! =وبعنا القناعه ولا نلنا كنوز الذهب
يااااكم لنا ننتظر تكبيرة ابن رباح =ضاعت عن آذاننا في قرقعة بو لهب
ياليل يكفي رثا ،، ياليل يكفي نياح =ياليل يكفي غثا ياليل يكفي لعب
فيك السروق الخفي واللي سرق بالمزاح =والقمع سوّق خرافاته بسوق الشغب
ياليل لاغاب صدق القول والكذب فااح =تغلب وجوه المنافق نية المحتسب
واللي يجيّر نجاحه باسم قتل النجاح =مثل الذي يطلي الجربا بدم الجرب
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( ياطامحاً )=
ياطامحاً فالمجد قلنا لك على الدنيا السلام=دام اعوجاج الوقت يبدو مثل حد المسطره
قلناالخطأ بعيوننا ولا في الدنيا ظلام=ولا ظلام الليل ساكن في سنينه واشهره
وش حيلتك فالغارب اللي طاف من فوق السنام ؟=وش تحتري واقلامنا غاصت في اقصى المحبره
واوراقنا بادراجنا وآخر نتايجها ملام=متلحفه باوجاعها باوهامها متغبره
الوقت يقبل والفرص تلبس نياشين ووسام=تفرح بها ترسم هدف باقصى فوادك تضمره
ولا من دخلت ابصجة ارضاء الخواطر والزحام=طار الهدف والحلم في ظهر الليال المدبره
ترجع تناقل خطوة المحروم في روح انتقام=في درب ودك توصله لكن - غصباً - تقصره
في عين غيرك تفرح الدنيا وتضحك في هيام=وان جيت تضحك صارت الدنيا بعينك مقبره
حزن وكآبه كيف تضحك ؟ والله انك ماتلام=صعباً عليك اتجمع النظره بعين امبعثره
بين الحسافه ، والندامه ، والقهر والاحترام=والقاب ، واحساب ، ووجاهه ، وانتقاص ومقدره
ناراً تشضت مالقلوب وطاحت اسراب الحمام=وغصان زيتوت المحبه ميته ومنثره
واوراق توت الستر طاحت وانكشف داء الجذام=وتعرت عيوباً من اول بالقيم متستره
ناساً تمرغ بالوحل واذكارها فوق الغمام=وناس ابدعت واعمالها تحت التراب مدثره
وايداً طغت وافعالها دائم هداماً في هدام=ماتت وبيِض أعمالها فوق النجوم امسمره
والمبدع اللي ينتقص عقله خواله والعمام=هاجر وصار اكبر شيوخ المعرفه في مهجره
إذا خسر حضن الوطن واحلام يدفنها الركام=معد بقى في حوزة الحرمان شئياً يخسره
واحلامك اطول من جبال الثلج واسوار المنام=وش فايدة حلمك إذا واقعك مايستشعره
والواقع اسود من ظلام الليل والبشرى عسام !=ترجع تقاوم واقعك والحلم صعب اتفسره
ياااااااااحسرة النفس العزيزة لاحداها الانهزام=يم الزمان اللي تنكر في عطاه ومنظره
مثل المقاتل لافقد خيله ورمحه والحسام=واقفى تحت رحمة عدو في كل لحظه يقهره
وان قالوا ان عصام نفسه سوّدت معنى عصام=هذا الزمن ضلع العصاميه صعيباً تظهره
ماغير واحد تغدي الدنيا لجل عينه عدام=صغير لو تستكبره ، كبير لو تستصغره
اللي بنا من (سادس حروف ابجد ) بيوت وخيام=ذاك الذي يقدر على الضلع الصعيب ويكسره
إذا انتقدنا الوضع كم روس اسبقت روس النعام=ولا قبلنا الوضع كم روساً بنا مستهتره
ياحسرة الكلمة إذا طابت وغطاها الثام=ويامقبح الكلمه إذا شانت وجت متبختره
ياراعي الحكمه تنح الصمت وشلك فالكلام=دام الحكم تجلس تحت فيّة جدار المسخره
ناظر دراويش الفقر واغبط رفيعين المقام=أهل الحياة الكادحه واهل الفلوس المهدره
اللي سكن في قريته ،، اكبر تمانيه الطعام=واللي تجول في مطاعم (مينهاتن ) (وانقره)
هذا انعدم شوف الرغيف وذا جمع كل الحطام=شوف التناقض واطلب الله الستر والمغفره
لاتطمح الا ف العبادة من صلاتك للصيام=واترك زماناً تأكل جذوعه عناقيد اثمره
إن جيت تطلب مجد قالوا لك على الدنيا السلام=وان مت قالوا غير مستوفي شروط المقبره
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( وقف )=
وقف على بردون واسترجع كوابيس الدهور = وانصب على هامة ثلاثين آب تمثال الحداد
وافتح صحايف شاعراً زار الكواكب والقبور=مابين تفكيره وبين الذاكره خيل وعتاد
قطف من أعناب اليمن واخذ من الشام التمور = وغاص في تاريخ يعرب من هنا لاقوم عاد
جمع تنافس ( كرب ) و(الفينيق ) من صنعا لصور= واخذ من الانصار حب التضحية والاتحاد
واخذ صفات العنف من سيل العرم وانهد سور= بناه طغيان البشر في وجه عشاق الجهاد
واستنفر اجيال التمرد وانفتح باب العبور = ثم انقفل باب التسلط والتشتت والبعاد
وتوقد الذهن الفطن واشعل حضارات البخور = واشتمها الجيل للحديث وصار للمجد امتداد
يامنقذ الشعر العروبي في نهايات العصور= ياما تفجر منك ينبوع الشعر في كل واد
مديت من جسر التراث اللي تمايل في عثور= جسور من تشييد الابداع المشيد بالعماد
فلو قرت ( جاثا كرستي) مفرداتك بالسطور = تمنت ايصير اسمها بين العرب جاثا سعاد
نزلت ف المربد وفاجيت المحاضر والحضور = نار الشعر شبيتها وافكار من حولك رماد
غنيت مجد المعتصم والشاعر اللي مايثور =الا على فزعة ملوكاً توقض احلام الهجاد
ناديت ابو تمام من خلف الهزايم والدهور= وجاوبك طيف الحماس الحر واهداك السهاد
دخلت متواضع وذوبت التكبر والغرور = تركتهم يحبون خلفك وانت طاير بالجواد
القيت في سمع الصدى المفقود تجبير الكسور= لين استفاقت مفردات الشعر في حضن المهاد
تنزف متاهات الصعاليك وتضيق بها الصدور= وانت الجروح الخافيه والظاهره وانت الضماد
إذا امتطيت القافيه كنك على نفسك تثور= واليا تعقبت المشاهد يصبح اغربها وكاد
ماغاب عنك النور مادام انفجر داخلك نور = يكشف جمال الصوره الي عانقت قلب السواد
صنعت للثورات ساعد ماعرف طبع الفتور = الين رفت راية التحرير في عرض البلاد
رهنت للمحبس علامات التفاخر والظهور = واختارك الجمهور يارمز الصراحة والحياد
ومن أرض بلقيس اليمن مثلت بالاشعار دور= تشبه صراحة (شهريار بحب عشرة شهرزاد
وترجمت ( لاعراس الغبار ) أجمل سواليف العطور= وتمتم الحايط وحرك فكرك اسكون الجماد
في قوة المعنى تذكرني بهجمات الصقور = وفي وفرة أفكارك تذكرني بهجمات الجراد
أهدبك ياعبدالله البردوني أبياتاً تدور = على مجرة فكري اللي فكرنا منه استفاد
منك واليك تغني جذور القوافي للبذور= وافرغت في فم القصيد أجمل ترانيم الحصاد
ياملهم الروح الكئيبة كيف تحيا في سرور= باحساس شاعر يقطف الازهار من خرط القتاد
ضيقت لارباب الترف وسع الحدائق والقصور= وأوسعت في عين الفقير أضيق بيوت الاضطهاد
بينك وبين ايد الامير المانحه بعد ونفور= وبينك وبين ايد الاسير الحُر جذباً وانقياد
زرعت حوض المعتقل للمعتقل ورد وزهور =واشهرت للجلاد سيفاً ماعرف بطن الغماد
واثبت ياصاحب سهيل ان المعاني والبحور= إبداع يقرب صاحب الابداع من رب العباد
يوم ان غيرك غاص بالتفكير في وحل الفجور= كسيت الابداع الجميل ،، أجمل ثياب الاعتقاد
دعيت للحشمه ولكنك تبنيت السفور = لاقاموا أصحاب الضمير الميَت يخفون الفساد
تثور في وجه الحداثه لاتخلت ع الجذور= وتثور في وجه الجمود المرتبك حب وعناد
لاصار تسطيح الشعر مرهون في حضن الفتور = تنهض خيالاتك مع واقعك في ركض وطراد
أذا لمع برق الحماسه ،،يرعد الشعر الجهور = وان نسنس البوح استمات الشمع في حضن الزناد
كفُّت عيون الوجه وتحول بصرها للشعور= وتكحلت عين الشعور الحي جهداً واجتهاد
وش حاجة المبدع لعيناً تبصر أنواع الثبور =سوق المشاهد فاق مفهوم التضخم والكساد
في عالماً محصور مابين الذيابه والنمور= يصنع رياح الخوف خوفاً من سحاب الانتقاد
كنك تنادي شعبك المسحوق من خلف القبور= كن المشاهد حسب تفكيرك على العالم تُعاد
مات البصر في عين شاعرنا ولا مات الشعور = دام أختزل عمق المشاهد عنفوان الارتداد
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( يازيدون )=
يازيدون اباسولف عن اديار نهب استان = ولا من بديت العلم لاتقطع السيره
إذا قامو البزران يدعون فـ البزران = تسند على اللي يفتل الشعر ويديره
في ابلاد نهب استان ياسيد الخلان = مزاجي يفورني وانا احب تفويره
ولا ضاق صدر أبوك سند على الدخان = ويزداد ضيقة صدر ويزيد تعميره
ولا جاع فكره للشعر ينحر القيفان = ولا يشبعه لاجاع بيتين تصبيره
ترى ابلاد نهب استان ماهي بباكستان = تشابه فـ الاسما واختلافات فـ الديره
في إسلام اباد العالم تقدر المهران = وفي دار نهب إستان مانال تقديره
تراها بلاداً شاسعه تتعب الازمان = من أعلى ضنون الضلع لاشاطي الحيره
بها الكاذب الصادق مع الصايب الغلطان = تشكل ظلاماً يتعب العين تنويره
بها السارق المزاح والسارق الفنان = هذا نفخ بكيره وذا يشتعل كيره
وهي تكره اسِم خان وتحب فعل الخان = ولافيه أمل تسعى لسجنه وتشهيره
وفيها بحوراً تغرق البيد والضلعان = ولكنها ماجادت ابحبة اشعيره
شياطينها ملائكة ترضي الشيطان = وقُداسها تمشي بفعله وتدبيره
تبارك فساد الشيخ وتحاسب الورعان = وتشبع عيال الناس وتجوّع الديره
ترى أولادها يبكون جوع وعطش واحزان = ولكنها تحرص على رابط الجيره
بلاداً مثقفها يهرج بنصف السان = تشوف الشلل سيد مواقف تعابيره
شعوره شعور الخائف الناقد الطمعان = وبين الطمع والخوف ضحكه وتكشيره
هواميرها طعامهم لقمة الجيعان =،،، مساكينها زاد الخداع وهواميره
تقبل يد التاجر وتدعس على الطفران = ويزداد فقره كلما زاد تحقيره
بشرها يعانون انفصام انتج الحرمان = شف المجتمع وش لون فهمه وتفكيره
يصارع على الخبز ويضيفك بالقعدان! = يزوّد جشع لو زاد فـ الخبز تسعيره
يازيدون ركز وافهم العلم يـ كحيلان = أنا داري ان الفكر تتعب مشاويره
إذا شفت ابوك بيوم في كان ياماكان = تقبل شروره غير لاتنتظر خيره
ولا مات ف اجمع كل ماقال في ديوان = وريعه تبرع به لجمعية الغيره
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( حكايتك )=
حكايتك طولت واحتر دم الكفوف =وازريت اصارحك بـ احوال الفرح والشجن
الحمل جاير عسى ربي يعين الكتوف = والساعة الواقفه ماغير ت فالزمن
لكن توقف زماني عند رمش الهنوف = وانا اتحرى سواله بين ليش ولمن
جيتك ولكن طيفك صار عدة طيوف = وطاااال سرداب ليلي مالحقت الوسن
عجزت اوصل شعوري والخلايق تشوف = والانتظار اتعب احلامي وهد المتن
يذكى ذكيه ويالقلب الطروب الولوف = انا كتبت الشعر وانتي فوادك فطن
والله ماني بذئب اغبر ولا انتي خشوف = لكنك المهرة اللي ماحداها رسن
لي شف اسوسك بمضماري واشق الصفوف= وافتح مدائن فوادك واحكم ارض الوطن
وابني لك العرش وجيوش المشاعر وقوف= لوكان تحسدك بلقيس وتشب اليمن!؟
ياهييه دلي متاهات الوعد والصدوف = جات العصافير لكن ماقبلها الغصن
لازلت اعايش صفاتك من خلال الحروف = رقه ، نعومه ، ذكاء ، ضحكة بنبرة حزن
جيتك وانا بين زحمات الامل والحسوف = بالعقل والقلب وهياج الفكر والبدن
اذا قبلتي حضوري صار نبضي دفوف = وانفاسي العاشقه تعزف لك أحلى لحن
وانما قبلتي حضوري ياحلاة الوصوف = برمي خيالي على طيفك واضم الشجن
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( تريني مانسيت )=
منى مرعي تحياتي عسى رب الملا يرعاك = تريني مانسيت اكتب ورى اسمك دال مكسوره
تركتي هارفارد وعزة ابلادك تحث اخطاك = خبيره في علوم الطب واستاذه ودكتوره
شهادة هندسات الانسجة تختال في يمناك = وفي عقلك فكر والدرج فيه ابحاث مسطوره
تركتي سكة الورد وسلكتي سكة الاشواك = لعلك تزرعين الورد والآمال ممطوره
طمحتي في مراكز بحث لجل تحققين مناك = بساحة جامعة متشامخة بالدعم معموره
لقيتي سلطة المكتب لو أنه مدّحك واطراك = ولكنه بيروقراطي والاصل يصدق الصوره
نعم لكن ! شعر الدبلوماسي لو يكون افاك = ولكن لا! شعر يردنا للجهل والبوره
جلستي تشرحين الوضع في هذا وفي هذاك = عزيمتك اقهرت كل الصعاب وجات مقهوره
تقولين الخلايا تنزرع في جرحك الفتاك = ولا به داعي انشوف القدم واليد مبتوره
يسالك من بنا خوفو ؟ وهل تعلم ؟ وماادراك ؟ = مشفتي المسرحيه ؟ كان فيها ست امووره
تركتي غربتك لكن توجهتي الى منفاك = ومن غربتك لامنفاك شي اشبه بالاسطوره
كنستي غرفتينك فوق سطح الجامعه واهداك = مدير الجامعه دفتر وطبشوره وسبوره
كتب فيها (كرومر) قبل ميّة عام من ملفاك = مشاكل شرقنا الرجعي حسب قوله ومأثوره
رفيدة قرننا الخامس عشر موطنك مايشناك = لو انك راقصه بالاوبرا او لاعبة كوره
هذيك اللي تمايل شعرها والصدر يالولاااك = يزف الها الوطن شكره وتقديره ودستوره
طموحك فوق واحنا دون من تطمح لهم عيناك = نفاخر غيرنا مجداً مضى بالوقت وعصوره
صحيح انا اكتشفنا الصفر ، هذا شي مايخفاك = ولكنا تجمدنا بجنبه وابتدا دوره
دعانا الرقم واحد ثم قلنا مانبي دعواك = ويوم انا بغينا الرقم راح الرقم وكسوره
وحنا كثر مانحرق سجاير نكره التنباك = وكثر مانعشق الدخان نكره موقع اصدوره
ارادتنا في الادراك مدري خارج الادراك = وادارتنا جبور الكسر مدري كسر الاجبوره
خريطتنا كبيييره والعقول طيور في شباك = وش اللي حادّك تغدين بالشباك عصفوره
رحلتي للوطن ماجاوبك مره ولا ناداك = وحنا أكثر مرض وأكثر مشاكل وأكثر اخطوره
سمعنا ثورة العلم وخشينا يختلف مبداك = تجاهلنا المعارف والسبب : خوفاً من الثوره
وحنا ماسمعنا بك ولا قد مرةً شفناك = حشا والله منتي جاهله لكن مغموره
انا بنصحك في كلمة تصل لك ثم تتعداك = نصيحة شاعراً قدر جهودك واقبلي شوره
تشدين الرحال لديرةً تحضنك في مرساك = تشوفين الديار اللي تشيد العلم وقصوره
إذا الجاهل عدو نفسه فقولي لارحم مثواك = وذا العقال رضيت بالجهل ماهي بمعذوره
يادكتوره لو ان الامر بيدي كان ساندناك = واجيب الدعم من مينا الجبيل وراس تنوره
أنا ماغير شاعر راس مالي سبحه ومسواك = ولكن ماحداً قبلي كتب في علم دكتوره
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( يبو عابد )=
يبو عابد اشهد انك بعد قولك تطول = فعلكم خلا دخولي يضيع مخرجي
واشهد انك ياكحيلان شيال الحمل = والصقر مايختبي في غصون العوسجي
والله يبارك لعابد عسى ايامه سهول = بعدما جاه الجمل يدلج بالهودجي
جيت في ميقاف الانصار والعقل امغسول = انغسل من سنة المصطفى قدام اجي
كان عقلي غافل وصار يوزن بالعقول = اركدي يـ افكار شعري وروقي وانضجي
عند قوماً تعشق الجد لو مل الملول = ويعشقون الهزل واللعب والصوت الشجي
قالها سيد البشر وارتضاهم بالقبول = اغنجي يابنت الافكار ولا حدرجي
والمثل شفته بمطلق على فعلاً وقول = طيبته تحرج مثقف وتحرج عربجي
وانا معكم ع الهوى وانقل الصوره نقول = ياقناة الحق هات المشاهد وانتجي
يادعاة الحق مختاركم غير الرسول = ماهو اي لاجي سياسي ،، محمد ملتجي
استند بالله وكفار مكه في ذهول = وخيّب الله رامي السهم واعمى المحتجي
لادعاهم سيد الخلق ف اليوم المهول = مابقى خيلاً للانصار ماهو مسرجي
واقبلوا يرجون من ربهم خير القبول = ياعظيم المرتجى شوف صدق المرتجي
والمهاجر لالفى دارهم همه يزول = شارك الاوسي واخذ نص بيت الخزرجي
ذولي الانصار لاشافوا الباطل يصول = ينفرون ويزعل الاب لو ولده نجي
الشهادة مبتغاهم وميراد النهول = مايغيب اعماهم ولا يغيب الاعرجي
ياللي عمرتوا في اقلوبكم بيتاً يطول = ساسه الايمان وجدارته حق ابلجي
حبكم صميم الايمان يالله القبول = ماكرهكم غير واحد منافق وهمجي
وانا لي فيكم قرابه معانيها تطول = أم ابونا مذحجيه واخوكم مذحـجي
عشت روحانية الشعر صدق ابلا فضول = الشعر يحلى بالانصار ويزيد ادرجي
شاعراً ماحب الانصار اسميه امخذول = واي شعر ابغير الانصار يدخل فالهجي
واسمحو لي بعد هذي القصيدة يالزحول = ارجع اتحدى عنادي ومارس منهجي
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( البارحه )=
البارحه ياوليف الروح حالي سمج = والليل درهم بحملات الشكوك وبرك
ليه الشكوك؟ وحياتي داخلك تبتهج = واضلوعي الحدب صارت كلها دفترك
واعطيتك الحب وفواد العنا والمهج = ماعاد عندي عتاد ادخل به المعترك
علمتك الصبر ومن ايديك اخذت الفرج = واعقد نتيجه فهمها القاسم المشترك
غبتي ولكن حضورك من غيابك خرج = واجبر غيابي على طيب اللقا واحضرك
اذا ذكرتك بلحظات العتب والغنج = ماكن شيئاً على وجه المدى يحترك
واذكرك لاطقت اقدامي عتاب الدرج = واحضوري المرتقب بذا الخفا واسهرك
واضيع مابين نظراتك وسرد الجج = وانتي تقولين يا بن الناس مين أخرك ؟
نظراتك العاتبه في وجهك المبتهج = خلتني اقول سبحان الذي صورك
يتقاطر الورد من خداً غزاه الحرج = فرحت عيونك بشوفي زينت مظهرك
لا.. مقدر اذكرك لان القلب مايزدوج = وش لون يذكرك قلباً عاش يستشعرك
إذا لقيتك هنا .. عيني هنا تندمج = مابين هزفة خُطاك .. وعنفوان اشعرك
صلافتي ..رقتك ... ضحكتك لون انسج = في لوحة الروح مابين احمري واصفرك
ناديت باسمك على طيفك وطيفك هرج = من بعدما غصت ف العزله الى آخر درك
غبتي .. حضرتي .. ترين الوقت بك يختلج = ميرادك القلب ... وعيون الغلا مصدرك
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( يابحيرة المسك )=
يابحيرة المسك انفجر صدري غضب فيه انتقاد = واستوحشت خوف وترقب كل لحظات الغروب
عسى فوادك يابحيرتنا يجانبه العناد = عسى دروس الكارثه تلقى في الرحمة قلوب
شكراً خذي دم الغزاله واشربي دم الجواد = بس احفظي دم الخلايق وابعدي يــا - ام الذنوب
اللي حصل في الكفايه.. صارت الجمرة رماد = والموت صار وفار تنور التلاعب بالخطوب
الله عطى للسيل سكة في مداريج البلاد = وان عاند ابن ادم طريق السيل وراه الدروب
يالفارسي صباحكم سيل العرم يوم الحداد = ياللّي ماتلفحك الشموس اولا تناوشك الهبوب
ودي نعوّد للورا مدة عقود الاعتماد = يوم كان وجهك للشمال وكان ظهرك للجنوب
اعطيتنا اعظم در س ف التوفير واجمعت الحصاد = واخذت مفتاح السما فالدرج وافرغت الجيوب
وقلت كلمه تستحي منها ثمود وقوم عاد : = (( عشان ماطر نصف ساعه نهلك الضرع الحلوب
وشربتوا الضرع الحلوب وخيركم بالشر زاد = واعقرتوا الناقه واكلتوا لحمها في كل صو ب
واليوم جات الكارثه كلم لنا رب العباد = وامسح مداميع الرجال او شف لنا ليلة هروب
خوفي على نادي الربيع الا فنادي الاتحاد = مدعوم ومحصن وله راس امتعزوي ومعصوب
لاهمّ يتضرر جداره يرتفع صوت الجهاد ! = توقف جماهيره حوالي حايطه وقفة شعوب
يمهندسين الساحل الغربي بليا ادنى اجتهاد = شغل المهندس ماهو ابمكتب وطفايه وكوب
أنا من ادياراً يجيها السيل في صبح وهجاد = بعضه يروح العرج والآخر يحدّر للجبوب
اجدادنا اللي عاشوا ابوقت المزارع والشداد = بنوا مساكنهم وشادوها على صم اللبوب
بيوتهم ماعمروها ف المسايل والوهاد = فطره وفطنه من تصاريف العقل ومن القلوب
لو هندسوا جده بفطنتهم ماغطاها السواد! = لو عمروا جده بطاعتهم ماهدتها الذنوب
وش فايده (هرفرد) و ( اكسوفرد ) والموسم كساد = لافرّغت قوس الفراغ وجابت امهندس كذوب
لكن ليه الوم سومطره وباد وعشق اباد؟ = اللي على حب الجزيره ولدها غير امغصوب
كانت (شعوبية) بني العباس تمشي باعتقاد = ان العرب شلة همج وعقولهم يادوب دوب
واليوم بذتنا (طروشية) عيال ابني سعاد = يتلبسون البشت والعادات لعب الهيب هوب
واسعد عمر قلي مايخدم ف الحياة الا فواد = ( والماي باخ) الله حفظها عن متاهات ( الجيوب
والاودية هاجت بقوة عنفوان الارتداد = تتوب ،، وتجف ،، وضمير الغش لايمكن يتوب
ياسد (خارب) وش نبي من ثورتك والجرح زاد = ثورتك عميا ماتفرق بين انساناً وطوب
أرفق على أهل الجنتين اللي مزارعهم سهاد = والجنة الاخرى سنابل كلها امراض او عطوب
لاهاجروا لرض اليمن ماحصلوا معنى المراد = وارض اليمن صارت مجاعه وانفصالات وحروب
يااهل جده زاد حجم الجرح وانشق الضماد = الثلج يتجمد بلبنان ومطر جده يذوب
نتواكل ونعلق ونتعالق ونتحول جماد=لوكان نعقلها ونتوكل تفايدنا العيوب
العذر ياطفلاً غشاة الطين واصبح له مهاد = والعذر ياشيخاً ثوى بعد اشترى للعيد ثوب
والعذر يانسوه تبدلن الغطارف بالحداد = والعذر يللي مابقى في حوزته بيت وركوب
والعذر لبيوت اشعلت للعيد لنباتاً جداد = ثم اظلمت ماعاد فيها لالعوب ولا طروب
يـ _ ام الرخا ياللي تقاسين المصايب والشداد = يـ _ ام الشدايد ليت عقلك يمّ سكانك يثوب
قبلتي اجذور الفساد وطالت أغصان الفساد = ولا فزع لك يالغريقه غير علام الغيوب
بطلت اكن شاعر يهيم بقصتك في كل واد = وافحولة الشعار تصمت عند زر (اليوتيوب
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( من اول ظهور )=
من اول ظهور الشعر بالشكر والعرفان=مروراً بالاحداث الجسام العصاميه
الى قبل واما بعد لا قبل لين الان=من ابدايه التاريخ لهذي الالفيه
يزهران ياهل المجد ياصفوة العربان=اقوله وانا قدامكم صادق النيه
كلامي حقايق تفتح الباب للبرهان=فعول النشاما ماهي احلام ورديه
شهدنا لكم بالحق غصباً عن الزعلان=وشهدتو لنا بالصدق رغماً عن العيه
سطينا على الحيه وجرتو على الثعبان=وطينا على الثعبان ودعستو الحيه
عقدنا لكم بيشان وعقدتو البيشان=وروس النشاما بالدخاخين معميه
زرعنا غروس المجد والفخر بالحدان=وطابت مغانيها بصيفاً وشتويه
اذا همهمت بقعا سرجنا لكم شيطان=ونلقاكم شياطين في ظهر جنيه
وبخروش حارو في مجاراته العربان=وتاريخنا يحفل بعايش بن غبيّه
وعايش مت الملّك وبخروش من زهران=رجالاً خذو من حامي القنتري فيّه
وراشد هزم حيدر وحملة علي عبشان=وثنّى رقاب الترك بيداً هجوميه
ومن بعد هذي المعركه حزّن السلطان=وعم الفرح كل الديار الجنوبيه
وصالح ابن مهدي جمع ربعه الفرسان=وصبح بهم ريع الفلاحه علانيه
عثر زيد بن فواز والترك بالميدان=وكسبنا نتاج الحرب ميه على ميه
قفز مسفر ابن شتير في عصبةٍ شجعان=على خيمة القايد بلحظه فجائيه
وخلاً خيامه دون طنباً ولا عمدان= عدت به نموراً ما تهاب الشواويه
وفي شبرقه ونخال حادو بهم عقبان=وشربو من ادميّ الجيوش الشعوبيه
وعام الفاً وميتين باوّل شهر شعبان=من العام ثلاثه وخمسين هجريه
لفتنا كتايبهم على خطةً واتقان=وفي قصدهم كسر الديار البجيليه
وقامو بني مالك سراةً مع تهمان=بفزعات معهوده وعرضات حربيه
وخلّو جثث لتراك فالضلع والوديان=تخلّد لنا الامداح والترك مرثيه
ومن قبل مبعث سيّد الرّسل ابن عدنان= وحنّا وياكم اهل مبدأ وقوميه
وفي منبع انوار الهدى زالت الاحزان=وشّدت مظاهير الوفود اليمانيه
بجيله بني مالك ودوس ال بن عدثان=وزهران الازديه والازد العمانيه
بداها الطفيل الدوسي الثابت الاركان=وقابل رسول الله وبايع على نيّه
وجاب العصاه اتشع بالنور والاحسان=كرامة نبي ماهي فروقات فرديه
ومنّا جرير البجلي راسي البنيان=شديد العزايم واليدين العصاميه
تباشر به المختار في حضره القران=وأهدى جرير البرده اعجاب وتحيه
حكمنا العراقين وحكمتو على اخراسان=حكمنا خراسان وحكمتو العراقيه
ولا مر ذكر اهل الكرم طالت الايمان=رجالاً اكراما تذكر اهناك واهنيه
من احمد بن مغطي لراع الكرم حمدان=تجّمعهم اصفات بعلاقات وديه
وعايد ابن شعتور وبخيت ابن شلوان=رجال العطايا والكفوف النداويه
ولا انسى مطير العيش ونعم يبن ديحان=نزل مثل حاتم بالديار التهاميه
وعلى امحمد اسعيد المليكي بكت ضلعان=تذرت بجوده بالديار الحجازيه
وبن عايد الشاعر غدا للكرم عنوان=يكرم وفود السوق في روحة وجيه
ذكرت امثله لجواد في غابر الازمان=سنيناً تموت بجوعها ناسها الحيه
وفيها حلالاً يلتجي جالها الضيفان=شيوخ وجبر وجياعا وناس طرقيه
ولو جبت ذكر ابوي والربع والجدان=تحول قصيدة مدح وتسمى الالفيه
ولو جبت روّاد الكرم في قرى زهران=تصير القصيده ملحمة جود شعريه
ولا مر ذكر الشعر تتراقص القيفان= على سطوة الابداع سيرة ثنائيه
ابن مصلح الشاعر وحوقان ابن زربان=تهيزع لهم صم المعاني بقافيّه
وعيضه ولد منصور لقبل ولد بيضان= توقف فنون الشعر في قَدر رديه
ولا هاض عبد الواحد ورد بن حوقان=يهيم الشعر في ذاك ويهيم في ذَيّه
ومن قبلهم بن ثامره ضابط الاوزان=بنو هو وبن شعتور خصمه ونديه
تقابل ببن شعتور في فايت الآوان= ودامت معانيهم بمعنى وشعبيه
وقفنا بميزان الشرف كفتي ميزان=اذا ميلت هذي توقف لها ذِيه
لقيتو طوال ايمان وانتم طوال ايمان=تثور الجنوبيه تهيج الشماليه
جمالاً تهادر لاهدر بينها سمحان=وسمحان يركد والكرامات محميه
ذكرت الحقايق والحقايق لها برهان=فعول النشاما ماهي احلام ورديه
وانا لا سرجت الفكره اختار اصيل احصان=صهيله بصدري وانطلاقه في ايديه
ليامن جمح ياصل لسطح القمر كسبان=ولامن كبا نال النجوم المداريه
عليّ الطلاق اني احب امتدح زهران= وانا منهم وفيهم وهم مني وفيّه
لان الكرام امداحهم ترفع الانسان=ويبني بهم في قمّة المجد ماريه
اذا ذكرو الجيران هم صفوة الجيران=ولا ذكرت الهيّات هم عزوة الهيّه
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( سد مارب )=
من قبل مايسقط حجر سد مارب = ومن قبل ماتغرق نواحيه بالسيل
وانتم هل الوقفات عكف الشوارب = جيلاً ورى جيلاً وجيلاً ورى جيل
اصغر ولد فيكم يسمى محارب = لاسرجت وقت الوغى ضَُمر الخيل
العابهم بندق يشد المناكب = ماهي بلستيشن ولعبة مصاقيل
اشبال من نسل الاسود النواجب = والليث من قرب حماه اطعم الويل
نابه يوفَي ضربته بالمخالب = يصدق إذا خابوا هل القال والقيل
وأخباركم مابين قاري وكاتب = لها في اصدور المطاليق تبجيل
من نسل حرب ابن علي ابن عارب = من صلب مالك وافي المد والكيل
لاقيل ياحربين جات المطالب = تتسابق ايديكم لشرب الفناجيل
تطوعون البحر بليا قوارب = والضلع الانصب تاخذونه مداهيل
واعيونكم ماجا عليها حواجب = احجاجها نجم الثريا مع اسهيل
ترحيبكم لاسم المراجل مصاحب = وكفوفكم ماخالفت مرحباً هيل
لو الزمن يقسى جعلتوه دارب = وشلون يقسى في يدين الحلاحيل
لفيتكم للحفل والقلب طارب = مايطرب الا من فعول الرياجيل
حضورنا ذالليل حقاً وواجب = وغيابنا ماله عذر في ذي الليل
في حفل ابن محفوظ نلت المكاسب = كني شربت النيل من منبع النيل
في قدر خصَام الملوك النواجب = م الجايزه لاضم لامهور الخيل
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( يامسرفه )=
يامسرفه في خيالاتك لحد الجنون = جودي علينا من الواقع عساني فداك
البارح اقفيت وجروحي تجر الغبون = من عقب ماجفت ارضي والسبب من سماك
جاعت فصولي وانا اتحرى لعطف المزون = وانساق نو (الذراع) وغاب نو (السماك
جوع المشاعر تسبب في جفاف العيون = والسمع مايستجيب الا بقايا صداك
كل المتاهات في درب المواصل تهون = في عين عيني مادام ان المطامع لقاك
لازال قلبي على صد الموالف حنون = يازاهده في عدودي كم لي اطرد ضماك
اروي ثمر هاجسي لايبسته الغصون = هنا يعيش الغصن واصغر جذوري هناك
احيان تثمر فرح واحيان تثمر شجون = واحيان تبخل على عمري بهذا وذاك
مرات اجدني محارب وامتناعك حصون = نشوة هجومي هلاك وفي رجوعي هلاك
واحيان اشوفك خناجر واندفاعي متون = تحمل طعونك وترجع ترتمي في حماك
ياكثر ماصغت لستدراج قلبك فنون=وافشل وارد الملامه للحبل والشباك
وياكثر ماكنت اجاذب فرحتك في غضون = حزنك واهيج نوادر ضحتك في بكاك
واطرب على كرنفالات الحيا والمجون = لاستّرتها عيونك وافضحتها شفاك
واقول لو طرفي الغارق بوجهك يخون = ويلتفت في ظلالك - لنحره في هواك
لاجيت اودعك وحزاني تحط الضعون = في مطلع الفجر ،اقول: اهلين يسعد مساك
الكلمه الصادقه ماتنثني للظنون = والصمت حسره وتعبير الوداع ارتباك
واليوم حالك تغيّر والسبب وش يكون؟ = وقفت اناشدك وصدودك كشف مبتغاك
جيتك وصار الجفا قاضي وليلي سجون = رفضتي الموجبات وصار حزني عشاك
واطلقت من بحة احزاني بقايا لحون= من صوتي اللي في الماضي يسمى دواك
وش لون ابنساك ياروح الصخب والسكون= من بعد ماصارت ايامي تنفس شذاك
إذا بقيتي على ذمة غلاك المصون= والله لدفن ( لعلّي ) في مقابر (عساك )
ولا صبرتي على الفرقا ونزف الطعون = أخذي جميع المواجع واحفظيها معاك
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( كـــــل يــومـــاً )=
كـــــل يــومـــاً وذاحــالـــك وذا حـــالـــي=حـالـتــك مـاتـســر وحـالــتــي قــشـــرا
يـاصـديـقـي يـاصـدّيــق أنــــت بـنـغـالــي= وانــا مــن روس قـومـاً تعـطـي البـشـرى
واجتـمـعـنـا فــــي الاوجـــــاع يـالـغـالــي =كــل ليـلـه ولــك مـسـرى ولـــي مـســرى
شــفــت الامــــراض فـالـدنـيــا تـعـنـالــي =مــن صفـيـر الـصـدر لاعـيـنـي الـيـسـرى
رغـــم هـــذا الـتـعــب شـفـتــك تـويـالــي = ياعسى عـلـتــك يــالاجــودي تــبــرى!
تـدعــي لـــي بالـشـفـا ثـمــن تـوصـالــي =بالـعـلاجـات وتـوصــي عــلــى الـصـبــرا
وانــا اتفـيـهـم عـلـيـك وتـسـمـع اقـوالــي = واكـتـب لـــك وانـــت ماتـكـتـب ولاتـقــرا
نجـتـمـع بــالالــم فــــي بــــاب الآمــالــي = غــيــر مـاعـنـدنــا خـمــســاً ولاعــشـــرا
كــــن فــــي رئـيـتــي رعــــداً وزلــزالــي = وانـــت وجـهــك يـشـابــه لـيـلــةً غــبــرا
جـيــت مـعــدم وراك إجـيــاع وأهــوالــي = واستلـمـك الـمـرض مــن عـهـدة الـفـقـرا
وانــا امــرك وبـالـي ضــاق مـــن بـالــي = اشـعـل الجـمـر واتخـطـى عـلــى الـجـمـرا
شـلـت جــرح السـنـيـن وهـــم الاجـيـالـي = ابـكـي الـقـدس واتـوجــد عـلــى الـحـمـرا
مـاقــدرت أنــصــف الاول مــــن الـتـالــي = اشــغـــل افــكـــار تـشـغـلـنـي ولاتــــــدرا
زاحـمــت مـابـقـى مـــن راحـــة إعـيـالـي = فــي مـجـال الفـكـر شـقـت لـهــا مـجــرى
ضيـق صـدري ينافـس ضـيـق الاحـوالـي = واطــري أعـلـوم عـنـد الـنـاس ماتـطـرى
الـقـلــق عـــــاش يـسـبـقـنـي ويـبــرالــي = وان تـعـديـتـه امــســك يــــده الاخـــــرى
جابـتـي تـخـرج اســـوالاً مـــن اسـوالــي = والقـنـاعـات مـــن كـثــر الـجــدل تـعــرى
وفكـرتـي مـــن كـثــر ماتـتـعـب اجـدالــي = صــارت الـواحـة الـلـي حـولـهـا صـحــرا
يـاصـبـي بنـغـلاديـش الــوطــن غـالــي = غصب نرضى عنه ف العسر واليسرى
لاتـدلــبــح بــراســـك مـــنـــت لــبــرالــي = لا ولا انـتــه بـمـومـن عـالــي الـقــدرا
قــاعـــد اتـجــامــل وتـســمــع لـمــوالــي = واكـثـر ماتبتـسـم لــي ف آخــر الـشـهـرا
تنتـحـل (مرهـبـا بــك ) يـابـري (هـالـي ) = والــبــلا فـاضـحـتـك الـفـوطــة الـصـفــرا
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( ياصالح )=
ياصالح البارحه شرب الشعر من دمي = زار ايتعشا وانا رحبت في جيته
دمي تفجر وشريان القوافي ضمي = ورّد وصدّر واخذ شفه واخذ نيته
وانا طبيعي ولكن لمتلا محزمي = اخرج عن الطور وانهض واقرب الفيته
واحمي من اطرف شرايين الشعر ميسمي = واكوي جبين المعاني واحيي الميته
واقول عودي لقبرك وارقدي وانسمي =واخلق معاني جديده ماهي امبيته
مالي مع العالم المتقدم اهل وسمي = من راس ماليته لآخر شيوعيته
أنا هنا يعربياً في ثياب اعجمي = مادام فكري تحرر من عبوديته
لاني زرعت المبادي واستوى موسمي = واما المهرج تعدى وقت وسميته
شعري تفاخر بحد حسامه الصيرمي = وضحك على جاهلٍ ماحد شبريته
والناس والله لتقرا شعري الملحمي = مادام له شكله الفارق وشخصيته
ومادام بعضي يشد الحزم من معضمي = شيطان شعري وقع في حب جنيته
مزجي احد من فكري وراس اقلمي =تصلاه شمسي ويفرد لي ردا فيته
نزلت واد الشعر ولا نقص مقسمي = وشربت من سم ثعبانه ومن حيته
الماس والدر والياقوت في منجمي = ماهمني راعي الصره وربيته
واللي لبس فكر غيره يعجز بمعجمي = يحتار مابين تنوينه ونونيته
النص متبعث رالافكار وململمي = ثقافة اصالته تدعم حداثيته
لاني كتبت الفرح عصباً على ميتمي = وابكيت ضحك الشعر واضحكت مرثيته
مهستر افكار لكن شكلي مهندمي = شاعر تمرد هواجيسه على هئيته
حالة تحدي الي المستشعرين العمي = ومقلدين الشعر ولا حراميته
ياصاحبي طولة السان الحسد ترتمي = في حضن الاحقاد وتربى بتربيته
وانا عزمت اقطع لسان الردى المنتمي = للحقد والعن ابو جده وذريته
عمر الحقود الحسودي ماثنى معصمي = حتى البطل ماثنت يدي عصاميته
مايثني ايدّي غيرالجيد المحتمي = بالجود والطيب لارهقني بحنيته
يحرك القلب واترجم غلاه بفمي = ومن مدحي الناس تتحدث بشعبيته
وانا لو اهجي عظيم المخطيه يندمي = يمشي مركب عقاله تحت طاقيته
لكن أبي كان ينصحني وابي ملهمي = يفرض على العرف تفكيره وحريته
وتمكنت كلمته واستوطنت بلحمي = يقول لاتهجي المسكين وتصيته
وسولف عليه وانا بالعمر في مقدمي = عن جدي اللي تفانا دون قوميته
يوم كلاً يقول : يانفس اركدي واسلمي = والسيف متجاوز حدوده وشرعيته
جدي ضرب نايب الحمله وهو محتمي = وتحدث الناس عن مبداه وحميته
كسر بها هيبة المتعجرف المنعمي = من بعد مانكّس عقاله وكوفيته
نثر سحوره بمشعابه قبل يهضمي = وبغى يكمل على القائد بجنبيته
مرحوم ياضيغمياً خلفه ضيغمي = المدح من دونكم يفقد صلاحيته
كسيتني فخر من راسي الين اقدمي = وانا اكسي الفخر من شعري وقافيته
وانا بغيت اهجي الهابي وافوّر دمي = لكن قريت آية الكرسي على نيته
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( خلقن/ي )=
خلقن/ي الله فالدنيا مكابد=تعاندني واجاريها واعاند
وامشيها مادام الوضع ماشي = وانا للخالق الرزاق عابد
قضيت العمر في جود وشهامه = وأنا لازلت للطالات صامد
قريت الشعر منذ بزوغ حرفي = واتقنت المصادر والموارد
يسّهرني كتابي كل ليله = ويدفا عالمي والجو بااارد!
والقى في رحابه طيب خاطر = حشا ماحصلوه اهل المراقد
كبر فكري وجاوز حد عمري = ثلاثيني لكن العقل راشد!!
تثقفت ودهشت أهل المعارف = اسكّت بالثقافة جمع حاشد
على أنقاض الفشل ابني نجاحي = وابالغ في نجاحاتي واجاهد
أرى العزله ملاذي وانتمائي =على قدر التقارب والتباعد
ولا صار إجتماع الناس (فارغ ) = فأني فـ اجتماع الناس زاهد
كتبت الشعر بافكاري ودمي = وجنن نزف شعري كل حاسد
واروض بالغزل عشرين مهره = واسيرها على كل المقاصد
يذوب فواد نّقاض الجدايل = إذا سمعتها ،،،،، لو بيت واحد
لأن الشعر في همسي وحرفي = ماهو شعراً لنبض الروح جاحد
يشرفني قصيدي فـ المحافل = ويدهش كل متذوق وناقد
وجمهوري يثمن لي حضوري = وامتّعهم بأنواع المشاهد
ولا اتلفت الى سقط المجالس = آراهم في عيوني كالمساند
شهد لي سيّد الشعار عيضه = ويكفي عيضه ابن طوير شاهد
(درر فخر) الشعر تاج الملاحم = بذلت بها الى القوم الاماجد
بني مالك بجيله تاج ر اسي = ومحزم جنبي ودعم السواعد
ولاستّرت نفسي باسم ثاني = لاني ماحضرت بفكر كاسد
فلا ينقص مقامي قول كاذب = ولا يرخص قصيدي زيف حاقد
لاني قد ملكت الناس شعراً = وحبوني ويبقى الحب خالد
لأن الشعر لو مااثمر محبه = فمعناة أن ذاك الشعر فاسد
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( طمنيني )=
طمنيني كيف حالك ياغلاة اليوم وامس= يالذي ماسج بي نوم(ن) وانا أعاني غيابك
صرختي دوت يجاوبها من الخفاق همس= صرخة(ن) بسمك سرت والهمس جاوبها هلابك
لك حزن في داخلي لو شفت بالنظرات عرس= وابتعادك عن مدى عيني يبرره إقترابك
منطقك الحان تحدث في صدى الاسماع جرس= والحواس الخمس حول المسمع الهائم تشابك
البصــــــــر وده يعود سمع والملموس حس= والشعور الداخلي يازين روح لك وجابك
لختفيتي مالحقيقه تختفي وتصيـر حــدس = تطردك بالوهم وتناشدك وتسابق جوابك
ودي أصبح في ثنايا قلبك الخفـــاق همس= النفس فيها انا وأكون مفتاحك وبابك
وكتبك سيره تخلد للوفاء معنى ودرس =إسمك العنوان فيها وابتساماتك خطابك
ناظرت من نصف عين امناظرة شك(ن) ولبس= ورددت وش قلت؟ سمعني عجزت اطرد سرابك
برد الفنجال ...اشــــرب قهوتك وارتاح وانس = كيف أصدق وأنت يالمغرور تزهى في ثيابك
قلت شانت قصتي يوم اصبح الطربان نحس= انفضح فيها عنادي واتضح فيها عتابك
كنت افكرصايبك من خطوة الشيطان مس= اهيه آثر الشيطان ضيع خطوته ثم أهتدى بك
اقنعك لاقلت لك إنتي الغلا وحدك وبس=وترجعين تبعثرين القصة بنظرة عذابك
ممكن اناقشك يالغالي بلا سيفاً وترس= ونزع آخر مابقى من شك نفسك وارتيابك
لاتخافين الكواكب تختفي والشمس شمس = ماتشوفين الكواكب وقت مشرقتي تهابك
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( ناقة عمر )=
ناقة عمر مالقت بعراقها عثره = وناقتي عاثره في ديرة أجدادي
وناقتي لامشت يحدونها عشره= وناقة عمر مالقت في دربها حادي
أداهم الحس واتعمق في النظره= واشاهد اسهيل قام يعانق السادي
دوب الفكر ميز التمره عن الجمر= واليوم يجمع رموز السين والضادي
والبعض منا تجاوز خطوته متره= والبعض تاهت خطاه بخطوة الهادي
واليوم صندوقنا بالصدق ياكبره= لكـــن صندوقنا مقفــــــــول مافادي
ماتفتحه حيلة(ن) ماتفتحه خبره=لانه علـــــى حفظ سر الناس معتادي
متى جفاف الصحاري يقبل البذره؟= لاغنت الحنظله في محفل الكادي
ياسيفي اللي تثلم وانثنى شذره = مالي معك في زمان الشك ميعادي
ابغمدك مثل ميت(ن) يحضنه قبره= وبعثك لاضاق بك ياسيفي اغمادي
وحاسبك عن سنين التيه والحسره = واركزك في مسرحاً وانصبك في نادي
عاش الهدف بين فعلي وآخر الفكره= ومات الهدف عقب ماشديت الاوتادي
بقفل ملفات عزم(ن) ماوفا نذره= مــن قبـــل تخذل حبالي باقي اشدادي
لاصار وضع البشر عشره على عشره= ماضن يبقى لفرسان الشعر وادي
برجع لناقة عمر واحفر لها حفره = عشان تعثر ويصبـــح وضعنا عادي
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( نفوسنا )=
نفوسنا إخفاف واعذب من نسيم الاصيل=واعقولنا اثقل من اجبالاً مشينا بها
ناخذ صلابة جبالاً ماسكنها الذليل=يحمر وجه السماء في حب مرقابها
أرض الكرم تبتهج مابين سيلاً وسيل=مواسم الخير ماقد انقفل بابها
دام الكرم طبعها وش لون يحيى البخيل=فيها وهي بالعطاء تتدفق اشعابها
ترحيبنا اذوق من اقدور العسل والصميل=واصدق من الشمس لاطلت من أحجابها
حتى السحاب اقترب من روسنا والدليل=ان البشر حولنا عاشت على اعصابها
قوافل الحج تشهد يوم دم القتايل =لارخص من الكاسده في سوق جلابها
كنا لحجاج بيت الله عون ودليل=نزود القافله ونكرم أصحابها
يوم غيرنا يقتل الحجاج وابن السبيل=ويقطع السابله مايحسب إحسابها
ديارنا عامره مابين سيفاً وخيل=يوم الصحاري لسارقها ونهابها
مانطلب الحاجه الا من عزيزً جليل=المله اللي نبي الله وصى بها
من عزة انفوسنا مختارنا الا سهيل=اسلوم عاشت على ايدينا وعشنابها
لاصاروا أهل الشحاذه بين رأساً وذيل=في باب قصر الذوات تمرغ اشنابها
تبيع شيمه وقيمه بالقليل القليل=من حفنة قروش تحني راس طلابها
دافعت عن ديرة ماذل فيها الدخيل=جنوب شبه الجزيره ماجهلنا بها
أرض الاصاله وعز النفس يوم الصقيل=يضرب رموز الطغاه وينسف ارقابها
بيدين من مبتغوا عن دين ربي بديل=بيوت كسرى وقيصر هدوا طنابها
الشام وبلاد فارس والعراق المهيل=والاندلس صلوا إجدادي بمحرابها
خفاف عند الحروب ويكرهون الثقيل=والعالم الفارغه لاجرت اثيابها
نورد على حكمة ينبوعها السلسبيل=الحكمه اللي رسول الله وصفنابها
نبحر على الذائقه في كل معنى جميل=ونلم داناتها باشعار نزهى بها
نغني الشقر فالعرضات والشقر ويل=وويل وادي بنار الشعر يصلى بها!
حاله من العفرته تنقل الى كل جيل=وجنون الابداع على طول ينتابها
حزامنا النافعي والسيف وابو فتيل=من قبل ماتظهر البلجيك وازهابها
يامنطق العنصريه فجرك ارتد ليل=نتيجتك فاشله من علة اسبابها
واللي يمثل مقامك بالكلام الهزيل=هذاك ودى المعاني مثل ماجابها
راس القزم ماوصل لانصف ساق الطويل=واللاش يكره سلوم الجود ويهابها
إذا أنكسر بيتك السامج دعيت الخليل=يقوًُم بيوت تكسرها وتلهى بها
ذاك الخليل الفراهيدي ونعم الاصيل=أفتح مقاماته علمه واحفظ اكتابها
من صلب زهران مشفين الفواد الغليل=لاجات بقعا تقود الجن واحزابها
وانعم بنجد العريضه والشمال النبيل=ونعم بحضر البلاد وينعم اعرابها
قصيدتي ماغزت عقلي لقالاً وقيل=الانتما الجنوبي سير اركابها
دياراً اعشق هواها والعنب والنخيل=اعيش في دمها واتلحف اترابها
ماشفتني ياعريب الجد جسمي نحيل؟؟=يقتات عقلي من عروق اتغذى بها
فيها الوفا والمحبه والحدا والصهيل=ترسل مشاهيبها وتوزع اطيابها
لكل شاعر يجمع من فتات الحصيل=ويطعن في ظهور ناساً عزت القابها
يشب نار الفتيل ويحترق بالفتيل=يجهل فعول الرجال ويجهل انسابها
بدعتها ماعلى عقل الهواجس وكيل=وارسلتها والعرب تدري بكتابها
زفيت فيها الثريا عند مبدا سهيل=واخرجت من حفلة النجمين سبابها
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( يــادرة التــاج )=
يــادرة التــاج المتــوج هامة النطق الجميل = ياواسطة عقد اللغه في جيد تاريخ العرب
يامنطـــق القــرآن ياهـــدياً من الــرب الجليل= ياناســخة بجمــــل تعابيرك قديمـــات الكتب
يالضـــاد يـــم العــالميـه يوم كان الجهل ويــل = كنتي وسيط العلــم مـــابين النتيجـــه والسبب
أشعلتي المصباح باطـــراف الظلام وفــز ليـل = ينفض رمــاد الجهــــل والتهميش وتـــراب الغضب
ياموت سيبويه مــــن حتى وفعـــــال وفعيـــل =ياعشــق بن ســلام ياحـــب الفقيـــه أبـــن رجـــب
يافاتنه ياساكنه فـــي مهجة عــــروض الخليل = ياللي تغنــي بك بحـــور الشعـــر والحــــون الطرب
كنتي عروس أعكاظ ياعشق القوافل والرحيل =نقوش حنـــاك القصيد وعطــــرك أنفـــــاس الخطب
يزفك المبدع علـى سمـــع القوافــي والصهيـــل =واللــي خطــب ودك ينال أعلـى المنـــازل والـــرتب
ويفــز لك عقـــل الحليم وقلـــب نقــــاض الجــديل= في عمـــق فكـــر الفيلسوف وفــي بدايات الطـــلب
من بعد ماغنى على إبداعك وغنى بك سهيـــــل = ناخــت ركابك فــي مضـــر رجـــوى نبياً مــــرتقب
ويــوم أنزرعتـــي نخلــة الابــــداع يــــــاأم النخيــــــل = المفــرده عـــذقاً جنى المبـــدع مـــن احــــروفه رطـــــب
ثم أتســـع صـــدرك لعلـــم الترجمـــه يجمـــل بديل = تستبدلين أســـوأ نحــــاس وتخـــــرجين أغلـــــى ذهــــب
اثبتي أن المسجــــد الاقصـــى وغــــزه والخلـــــيل= ديــــرة بني كنعـــــان والشـــــاهد نقـــــوشك فالنـــــــقب
كـــانت قواعــد نحوك البن وعلــوم الصـــرف هيـــل = فــــــــــي دلـــة النقـــد المـــزعفـــــر بالبـــلاغـــه والادب
كنتـــي مــــراتع جـــنة العـــراف والظـــل الظليـــل =ياحســـرة الــــوقت الـــذي فـــرط بتينــــــك والــــعــــنب
شيمـــة عــربنا تشعل الفزعه على صوت الدخيل =لكـــن ماقـــدروا يـــردون الـــدخيــــــل المغتـــــصـــــــب
شوفيني أمجــدك بالشعبي ولا لـــي فيــك حيل = لانه أســــــتاذي عجـــــيب ومنهجـــي فيـــــه العــــــجب
يرفــــع مفـــاعيلك وينصب فاعــــلك مـن هالقبيل = هـــذا ليــــامنــــــــــه تكلــــم والـــمصيبـــــــه لاكــــــتــب
أدخـــل بعقـــلٍ دائـري واخـــرج بعقـــلٍ مستطيل = يطلـــب مثـــال أمضــارع(ن) مرفوع واكـــتب لــــه ذهــــب
لكـن ذهــب فعلاً مضى .. مضى مــع ذاك الرعـيل = وأنتـــــي بقيتـــي بالغـــه رهـــن الحــــديث المقتضــــــــب
ماعــاب فيـــك الا قليـــل المعـــرفه حطـــاب ليــل = وماســـانده فـــي منهجــــه يكــــود حمـــــال الحطـــــــــب
تبقين رغـــم اللي حصــل ذروة سنـام المستحيل= كــــرامة (ن) لفصــــح نبيــــاً ينتســب لفصـــــح نســـــــب
ذاك الـــذي ردد نهـــار أحنـــين والـــدنيا تخيــــل =أنـــا النبــــي لاكــــذب أنـــــا ابـــن عبـــــدالمـــــــطــــــلب
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( ياصدري )=
ياصدري المختنق ياعيني الدامعه =ياعقلي المحتفل باعجب فنون الصداع
صرنا فريسه بعين القوة الطامعه =نثير شـــهوة ســـباع ونلتجي للسبـاع
وأول عمل للتضامن هيكل الجامعة=واخطر قــرار اندفن في قـــاعة الاجتماع
تتعارض المصلحة بخطوط متقاطعه=وبعد البيان الختــامي جفـــوةً وانقطاع
ستين عام انقضت واجيالنا قابعه=في وحل الاوهام تهجر قاع وتحل قاع
والقمة العاشره والقمة التاسعه =ماوصـلت شعبنــا للمجــد والارتفــاع
وآمالنا المحبطه وابطوننا الجايعه =تستفــرغ الكـذب تعبيــراً عن الانطبـاع
والقاعة الفاخرة والخطبة اللامعه =نكته ضحكنا عليها مـن سنين الرضاع
نبغي قرارات مفتوحه ومتسارعه=يامغلقين إجتماع الموتمر باصطناع
اعقولنا بالطرايف ماهي بقانعه=نشبع طرايف ولانلقى قرار اقتناع
يمضي قطار الزمن باحداث متسارعه =وانتم بعد ماتفهمتوا جذور الصراع
والشاطي المرتهن لمواج متدافعه = لاعاش من دون مرفا صار حقاً مشاع
في مجلس الامن كلاً يرفع اصابعه =وحنا نسد الاذاني خشية الاستماع
عالم عجز كيف يتعامل مع واقعه =ويعلــم الجيــل كيف يرممون القلاع
قلاع تحكي عن أياماً ماهي راجعه=واليوم صارت ملاجي للقطط والجياع
ودفاعنا المشترك نعرات متدافعه =نقرا الوثايق وتحفــظ في ملف الدفاع
تملا ملف الدفاع آرانا البــارعه =وهناك تبحــر سفينتنا بليــا شراع
نفسر النــازله ونحلل الطالعه =مابين عبداً مطيع وبين سيد مطاع
واموالنا المهدره وجهودنا الضايعه =ماسترت عيبنا السافر بربع القناع
والراي والخاتمه والكلمه الجامعه=مصير مايحسمه حفل اللقاء والوداع
وقلوب متفرقه واعقول متشاسعه =وسنه وشيعه وبدعة مجتمع واتباع
يضيق منا الفضاء لين السماء السابعه=واعلامنا جلجل الدنيا وسد الشعاع
عند الفصاحة تحد اسيوفنا القاطعه =وتدوسها جزمة ايهودي بخير البقاع
فرعون عايش طباع الشر واقفى معه =واليوم يتوارثون الفرعنه بالطبـاع
وأعيوني الناظره واذاني السامعه=ماهي برهن الغثاث اللي يبث ويذاع
شاعر واجيب الشعر من غيرةٍ نابعه =من قلب هاجس حماسه يوقد الاندفاع
شاعر عروبي يشوف الهم في شارعه =يقــرا رصيفـه ويتعمــق فــي الاطــلاع
ياعمرو موسى نصيحه قفل الجامعه =واكتب على لوحة المدخل دليل الضياع
أو حــولو منتداها ســـاحة مصــارعه =ممكن تثير الحمــاس وتكسبــون الصراع
؟؟؟؟؟؟؟؟؟=
؟؟؟؟؟؟؟=
؟؟؟؟؟=
؟؟؟=
؟=
( انهض )=
انهض انهض لعنة الله عليك = لامتى نايم بهالمعمعه
الله الواحد ولا له شريك = وانت تعبد كل يوم اربعه
مالك فالدنيا ولكن عليك = أن تقدم كل ماتجمعه
عمّك بوقت العشا يحتريك = بس مايدعيك تاكل معه
والفتات اللي نشب في يديك = اتحدى خاطرك يبلعه
كادحاً مابين باشه وبيك = ذاك تعطش له وذا تشبعه
الشقاء يبدا بك وينتهيك = وانت باقصى همّتك ترضعه
ودعك عقلك وابى يرتجيك = من خذا عقلك عطاك اصبعه
قرن ثور الارض من بيض ديك =صارت اصدق حجةً مقنعه
العمى لــ اسوأ مصير ايهديك =وانت في درب العمى تتبعه
من سماعك للنظر طز فيك = للكتاب اللي في المطبعه
كلها عن كان جدك وابيك = وابن ابي واهب وابن صعصعه
والصدى والصوت منك ويليك = ممكن تقوله ولا تسمعه
والحقوق الضائغه ترتجيك = مدصوت الحق لاتقطعه
العرب راحت بالارزاق ذيك !! = وأنت للضبّان والجربعه
لارضيت بكل ذلٍ يجيك = تحلق الحاجب ولا ترفعه
آآآآآآآآه ياذ ( الدلخ ) تبت يديك = لارحا ،، لاحب ، لاجعجعه
لين صرت بعين من ينتميك = سعر براد اشربوه اربعه

 


        

من مواضيع  أمير الشعراء  في المنتدى

0 بدع للشاعر حسن الدوسي وردود عدد من الشعراء عليه
0 وفاة اخي أحمد بن جنيدب البشراني المالكي (قرية البشرآن)
0 أضحك مع الناس عاقلها وطافوقها
0 ملخص القارعة التي جرت بين الشاعرين بن طالع والاكاديمي
0 اختصار المحاورة التي جرت بين الشاعر بن مستور والشاعر الاكاديمي

التوقيع:
رد مع اقتباس
قديم 13-09-2014, 19:16   رقم المشاركة : [3]
 

ريمآآ

~ عضو ماسي ~

 

قـائـمـة الأوسـمـة

عدد التقيمات : 14375


ريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond reputeريمآآ has a reputation beyond repute
افتراضي

والنعم بالشاعر نواف
قصائد بمنتهى الررروعه
كعادتك امير الشعراء
مواضيعك مميزة وجميله
فشكراً لك من القلب


Array

        

من مواضيع  ريمآآ  في المنتدى

0 فقدت عضو ؟؟ اسال عنه هنا .........
0 اعصر مخك وجيب كلمة بدون نقط
0 ارتاح لا مني تواصلت وياك​
0 تمخطر بالحشا ( لبّى ) ......
0 خ ـذטּـي ع ـلىّآ قد قلبّي وأفهّمْ إح ـسآسيّ

ريمآآ غير متواجد حالياً  

 

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
صورة رخصة الملك عبدالله بن عبدالعزيز ابو نواف 2009 منتدى الصور وهواة التصوير 15 02-06-2019 15:49
بيني وبين نواف بن جارالله :) عبدالرحمن الشملاني منتدى الشعر والمحاوره الشعريه 7 19-12-2013 23:03
بني مالك تتعرض لعوامل تعرية ( سروقراطية) .. للشاعر القدير نواف بن جار الله ابو نواف 2009 أخبار بني مالك - حداد والقريع وصياده 9 21-10-2013 00:01
لقاء رائع مع شاعر النظم المثقف نواف جار الله المالكي على صفحات مجلة اليمامة الدكتور/محمد بن حمدان المالكي منتدى الشعر والمحاوره الشعريه 6 17-12-2012 00:46
نبارك للعضو ابو نواف 2009 الاختيار المتميز حجلاوي ملتقى التهاني والمناسبات للأعضاء 12 14-04-2012 21:03


الساعة الآن 05:38.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd

هام //ليس بالضرورة ان تعبر جميع المشاركات عن وجهة نظر المنتدى بل تعبر عن وجهة نظر صاحبها

مراسلة الأعضاء الغير النشيطين عبر البريد تعريب منتديات مازال