جرح العمر

هذي ثمانية عشر عام ولت

وهذا بياض الشيب في عارضي لاح

والعين من ماها على الخد هلت

وامسيت باحزاني ولا شفت الافراح

جرح العمر وامعاند الهم ملت

منه القوافي سرها للعرب باح

حاولت لكن سبحة الهم فلت

ما عاد ينفع نجمع العقد لا طاح

جرح الخفوق الي عليه استدلت

كل السهام وما يداويه جراح

وعن نظرة الحساد روحي تعلت

مجبولة في ريحة الطيب لا فاح

هذي حقيقه والحقيقه تجلت

مثل القمر في ظلمة الليل وضاح

ماني من الي يكثر العجن والت

والاني من الي يكشف السد فضاح

حبر القلم خلا الدفاتر تملت

بعد انتها من ضيقة الصدر وارتاح

والي مع المولا وروحه تخلت

عن زينة الدنيا معاليه مرتاح
​

صح لسانك الشاعر القدير نزف الحروف على هذا الابداع الجميل تقبل مروري​