شهداء حرب الوديعه ومجاراتي للشاعر القدير حمدان بن فريج البقمي

[poem=font=",6,black,bold,normal" bkcolor="white" bkimage="" border="solid,1," type=0 line=1 align=center use=ex num="0,black""]

يــالله يــا معبـود يــالله يــالله = يافارج الشــدات جــالي الهمومـي
يالله في نصر ن نهار الملاقاه= بعشــر رمضـان التـاليه يا رحـومـي
ضلع الوديعة بذ حمدان واشقـاه= سبـار للقـــوات قبـل الهجـومـي
لاقيل للشجـعان ما من مـراواه= وتلافتوا بعض النشـامى كظـومي
صبرت بأمر الله وحكـمه وبلـواه=وكتبت مالي قبـل أعدي الـرجومي
وصبرت صبر اللي على النار تصلاه=وآمنت بالمعبود منشي الغيومي
وعديت راس الضلع لو كان ما ابغاه = نار ن وطيـارات فوقي تحومي
لا جيت ادور عـذر ما والله القـاه = العــذر يبقـى للهـزالا الرخـومي
والله لاعدي الضلع واطاه وارقاه =و ابقى براس الضلع لو طال يومي
واصبر على حـره ومــره وبلـواه = والصبر مفتـاح الفـرج للقــرومي
لا من كل ن نام بغطـاه و ادفـاه = أنا براس الضلع سـاهر ما انومـي
أمسي أنا والضلع والذيب وعـواه=من العشـا حتى تغيب النجـومـي
كله أدور حشمة العـود ورضـاه = وعن ماقفي ما يعـذرون البقـومـي
أرض مطير وحاضر سبيع نرضاه=وارض الشهادة من اخويانا عمومي
ان كان هـرجـي لاوصل ما حمينـاه = تحـرم علينـا حانيــات الرقــومي
ويحــرم على حمـدان لا مد يمنـاه =ياخـذ من البن المهيـل طعــومـي
هرج ن ليا قلته على الصح نقداه = ولا بد عنــا ياصـلن العـلـــومــي
معنا من الشجعان سالم وشرواه=وعسل ولدسوقان راسه يدومي
وعبدالله زايد عزوتي لا عدمناه= سيفٍ يقص الروس حده صرومي
وابن مـرشد ماقفه ما نسينــاه =في ساعة طيب الرجـال معـدومي
من روس شجعان ن نهار المثاراه= تنّـزح الحــدان يــوم القســـومـي
الكل منهم وصّل الطيب قصياه = وقرار للشجعان يـا اهل السلـومـي
واللي كتب له رب موسى مناجاه=مثـل البحـر بالمــوج ظـلا يـزومــي
و هذا وتم النصـر و الحمــد لله = رِفـع علمنــا في عــلاوا الرجـومي
اللي ذبحنا مات واللي مسكناه=واللي يــارط منهم يطيح ويقــومي
وصـلاة ربي عـد نو ن نزل مـاه =على شفيـع الخلق يـوم القـدومـي[/poem]
[poem=font=",6,black,bold,normal" bkcolor="white" bkimage="" border="solid,1," type=0 line=1 align=center use=ex num="0,black""]
يا الله ياللي بيدك الأمر ياالله=يامن له المسلم يحج ويصومي
ياواحد(ن)كل الخلايق ترجاه=حتى وعبدك ماشكر به رحومي
لامن رجع وأبدء خضوعه وشكواه=تغفر له الزله وتجلي الهمومي
إلى سأله العبد من قلبه أعطاه=ولايدفع المؤمن عليها الرسومي
وبعدها مني تحيه موداه=تأصل لأبن حمدان ولد البقومي
الشاعر اللي يهزم اللي تحداه=شاعر كريم ومن رجال(ن) قرومي
أسمح لمتمعرف كمايه بمبداه=معبره عني وعن كل قومي
للي غدوا مالرب رحمات مجزاه=فدا الوطن راحوا كبار العزومي
حب الوطن بقلوبهم صاغ ماطاه=ربوا عليه وزاد وقت الهجومي
ماهو بحب ابن الملوح وليلاه=لا. حب(ن) رقى باللي عرف للنجومي
رجال ما أهتموا بمال(ن) ولاجاه=الروح باعوها مقابل سهومي
وياحي سهم(ن)مثلهم جاءوباراه=سهم(ن) في الجنه صّعب عالرخومي
سته رجال اللي قضوا نحبهم ياه=ياسعد من مات بجهاد أمحشومي
اولهم النايب ولد حرب مغلاه=في حرب عند أهله وكل الحزومي
وثانيهم ابن مطير عياش حياه=من علمه حب الوطن والقدومي
وثالثهم الشهري حسن جعل مثواه= جنات عدن اللي تدوم وتدومي
ورابعهم ابن العم يا ليتني فداه=ماهو حسد إلا محب إلعمومي
وأبوي يوم إنه فزع من خبر جاه=وطاح وغدى بالكف يشر ويومي
ويقول مستور الوفي ما بنسخاه=وشبه من أبلغه الخبر طير بومي
وقال الجميع الله ياصعب فرقاه=وبيمانهم عرفوا إن ذا شي أمحتومي
وخامسهم ابن سبيع راجح عرفناه=من صيت ربعه لنتخوا باللزومي
وسادسهم القحطاني حسين رباه=تسكنه بالجنه بيوم القسومي

[/poem]

رحم الله شهداء حرب الوديعة واسكنهم الفردوس (اللهم آمين)
الشاعر القدير ابن مستور لله درك على هذه المجاراة السامية وصح لسانك وصح لسان الشاعر حمدان البقمي على قصيدة السامية وتقبل تحياتي واعجابي وكل عام وانت بخير

رحم الله شهداء الوطن وسكنهم فسيح جناته

مجاراه من شاعر قدير اكثر من رايعه وصحت السن الجميع

صح لسانك كفيت ووفيت

صح لسانك وبيض الله وجهك

مجاراة أكثر من رائعة وكفيت ووفيت

نسأل الله أن يرحم عمك وجميع موتى المسلمين

رحم الله شهداء حرب الوديعة واسكنهم الفردوس (اللهم آمين)
بيض الله وجهك ووجه الشاعر حمدان بن فريج
بدع ورد من النوع الثقيل
لك تحياتي وتقديري

الشاعر القدير
المراقب
ابومشاري
رحم الله شهداء حرب الوديعة واسكنهم فسيح جناته (اللهم آمين)
مجاراه رائعه وإبداع لايستغرب من أهله .. لله درك ياقدير ,,
صح لسانك وبيض الله وجهك ,,

[align=center][tabletext="width:60%;"][cell="filter:;"][align=center]رحم الله شهداء حرب الوديعة واسكنهم الفردوس (اللهم آمين)
الاخ القدير والشاعر الكبير ابن مستور لله درك على هذه المجاراة السامية وصح لسانك وصح لسان الشاعر حمدان البقمي على قصيدة السامية ،،وتقبل تحياتي واعجابي وكل عام وانت بخير
[/align][/cell][/tabletext][/align]

رحم الله شهداء حرب الوديعه وجميع اموات المسلمين
وصح لسانك