قصصائد .. لـ عبدالرحمن بن عبدالله المالـكي ..

الحويسي

مشرف سابق
إنضم
19 نوفمبر 2009
المشاركات
4,420
مستوى التفاعل
169
النقاط
63
الإقامة
جـــــدهـ
بسم الله الرحمن الرحيم

السسلام عليكم ورحمة الله وبركاته ..



صبآحكـــــم / مسآكــــم . . . ورد




سأطرح هنا مسساحه خاصه لـ عبدالرحمن بن عبدالله المالكي .. صديق وعزيز ..
وان شاء الله عن قريب يششرفكم هنا
له عدة قصائد حبيت اطرحها لـــكم .. وان شاء الله تنال على اعجابكم
تحياتي لكـم

v
v
v
 
التعديل الأخير:

الحويسي

مشرف سابق
إنضم
19 نوفمبر 2009
المشاركات
4,420
مستوى التفاعل
169
النقاط
63
الإقامة
جـــــدهـ
زمان الرذيله


منت بزماني يا زمان الرذيـــله=وقتي رحل مـن قبل لاصير موجـود

هذاك وقت المرجله و الفضيــله=راح وتركنا من سـواد الردى سـود

وصرنا على يد الطموح البخيـله=نبغيك يالما من حشا صخـر جلمـود

نطمح بمستقبل وجمـع القليـله=من زينة الدنيـا ومـا صـار منشود

نزرع خبال وننتظر وش حصيله=الشــوك ياللي تزرع الـورد مردود

ونكتب على خد الفعال الجليـله=ان الرجولـه فعل مـاهو بمعهـود

وان الوفا فينا مضيع سبيــله=ياكثر مـن يجحد ولاهـو بمجحـود

نضحك على انفسنا ولافيه حيله=نرقى بهـا عن كـل زلـه ومنقـود

نمشي ورا الآخر باشيا دخيـله=نتبع خطاه ولو دخل جحر مسـدود

ناسين عادات الرجال الاصيـله=ونقول حاضرنـا مجمَّـل و مشهـود

امحق حضاره يالعقول الهزيله=حضارة المظهر لهـا وقت محـدود

واما الحضاره بالعقول الدليـله=ابقـت بنو العباس لعقـود وعقـود

ما كننا من نسل خالد وجيـله=نلهث ورا الشهوه علـى دقت العـود

نعجب بنظرات العيون الكحيله=ونترك قضايانا علـى الـرف بوعود

امحق سوايا تنتهي بالفشيـله=ما دام قول الحق خــافي ومـوؤود

نحسب قصصنا الف ليله وليله=ما ندري ان المـوت له يوم موعـود

والخل في قبره بينسى خليـله=واللـي زرعـنا ذلك اليوم محصـود

نفسي ونفسي ما ادور بديـله=هذاك يـومٍ كلنـا عنَّه ارقـود

وش تنفعك لا مت ذيك الخليله=والا عيالك لا شهـق قلبك العــود

والا فلوسك او رجال القبيـله=لا صرت تحت الارض في صحبة الدود

ولاضاعت الدبره ولالك وسيله=الحين تذكر كل مـا كـان مهــدود

يامن ترا ظلك برمضى طويله=ودك بظـلك تحـتمي بـه فـ لا زود

اصبحت مثلك اطلب المستحيله=واتخيل الماضي علـى ريحة العـود

اشم ريحه بالرياح العليــله=واتنفسـه ضيقه علـى كل مفـقود

واقول باكر يالعقول الصقيـله=نمحا عجــاج الذل ونتحول اأسـود

هذا قصيدي والحروف الجزيله=نذراً علـي اوصل بها كل مقصـود

واشغل بها عقل الذكي وارتكيله=ونفتح سوا هالباب لو كان موصود

ونقول يكفي يالحياة الذليــله=خلاص عفنا الضيم ما عاد به زود
 
التعديل الأخير بواسطة المشرف:

الحويسي

مشرف سابق
إنضم
19 نوفمبر 2009
المشاركات
4,420
مستوى التفاعل
169
النقاط
63
الإقامة
جـــــدهـ
صالة الرحلات



ا
في صالة الرحلات ! لحظة وداعه
ناظرت من قلبي تقطع يناديـــــــه

شفته و هو راحل و كله قناعـه
اني انا خنته على كثر ماغليــــــه

ما يدري اني امتلك لي مناعـه

عن كل دربٍ بالرذيلات طاريــــــه

و ما يدري اني للمواجيب طاعه
وافي ودربي بالفضيلات امشيــــــه

لكن رحل ! والقلب اعلن ضياعه
والدمع ما صدق من العين ابكيـــــه

وحتى الجسد ما عاد فيه استطاعه
يحمل بقايا انسان روحه تنافيــــــه

رحت التفت والناس حولي جماعه
كلٍ هموم الوقت جوفه تكفيـــــــه

احدٍ يناظر للمواعيد ساعــــه
و احدٍ تأخر ينتظر من يخاويــــــه

و احدٍ يخاف يفوت وقت اجتماعه
و احدٍ تشوفه ينتظر بس داعـيــــه

وناس التقوا في خير بعد القطاعه
وشخصٍ وحيدٍ وحدته من بلاويـــه

وانا اقاوم موج عال ارتفاعــه
هموم قلبي كلها اليوم تشكيـــــه

خنقه اليمه والأمل بالشفاعــه
و دموع منهاره على الخد تكويـــه

لو المطار يحس بالهم راعـــه
منظر ذبول الورد من راح راعـيــه

ولو هو يحس اكثر تزلزل و لاعه
منظر حبيبي يوم اعلن تجافيــــه

حالي تدهور ما بقى به سناعه
كني يتيمٍ راح منهو يواسيـــــه

احمل بجوفي بحر يا بعد قاعـه
يموت غواصه ولا احدٍ يعزيــــه

وا بري حالي ما بقى بي شجاعه
لا صار حتى الشعر صعبه يجاريـــه

ولا صار همي اخ منذ الرضاعه
وش فايدة ضحكي مدامه يقويــه

الله يزيل الهم وينهي صراعــه
اما يموت الهم والا انا افديـــه

هذا انا ! والحين لحظة وداعـه
وشلون بعد سنين لاصرت اطريه

ولاصرت وحدي مبتلى بالشناعه
لا حظ مسعفني ولاني ملاقيــه

ولا صار بيتي رغم صاحبه باعه
يبكي على فراقه ولاهو بناسيـه

في كل شبرٍ منه تلقى طباعــه
مابين ضحكاته ودمعه وباقيــه

وريحة عطوره والصور والوداعه
رسالة التجريح من خط اياديـه

حتى الجماد يحس ويذكر طباعه
ويبقى وفيٍ حتى لو راح غاليه

هذي حياتي وانتهت من اشاعه
خلي ظلمني وانتثر دم مغليــه

مجبور دام الكذب اصبح صناعه
وكلٍ على حب المصالح تلاقيـه

كذبه من اهله ولفقوها ببراعه
واصبحت انا الخاين وهم من يراعيه

في هالزمن كلٍ لبس له قناعه
اذا بيدك مصلحه؟ جوك لبيـــه!

واذا بيدك قوت وكِسرة قناعه
سموك خاسي والخسي ما نماشيـــــــه

يا شين درب الهم وياطول باعه
الله يصبرني وشره يكافيــــــــــــــه
 

الحويسي

مشرف سابق
إنضم
19 نوفمبر 2009
المشاركات
4,420
مستوى التفاعل
169
النقاط
63
الإقامة
جـــــدهـ
عقد الكلام






غاب الفرح يا خل و اقفت لياليــه
من يوم عني رحت ياجمل سنيني

ياللي جرحت القلب الله يشافيـــه
وابقيت لي جرحك علامة حنيني

الحزن يضمى في خفوقي وانا اسقيه
وامد له كاسٍ من دموع عـيني

ولامن عيوني يالغلا قصرت فيـه
اعطيه من اقصى خفوقي ونيـني

لاهو بحبٍ للبكى او لطاريـــه
لكن اخاف تقول خلي نسيـــني

مقدر على النسيان والصدق مابيه
ماني بمن اجفى وانسى ظنيـني

اضم قلبي خوف غيرك يخاويـه
والقلب خلقه رد منهو يبيـــني

حبك بقلبي واحدٍ ما اثنيــــه
الشاهد الله كل يوم تجيــــني

كنك بجنبي وانت غيري تماشيه
ذكراك صارت زايرٍ محتويــني

سويت عِقدٍ من غرامك وباقيه
واهديته لطيفك عسى تحتريــني

ويجيك يومٍ فيه ينحاس صافيه
وتذكر عيوني يوم فرطت فيــني

وتدعي لربك حيل وتزيد ترجيه
انه يسهل درب بينك وبيــــني

وتضم قلبي لك وتتبع خطاويـه
وتبيع حسادي وانا تشتريـــني

احلام في عِقد الكلام ومآسيـه
ويبقى كلامي وسط قلبي سجيـني

الخوف من ريح المفارق تمحَّيه
وتبقى لي الذكرى وجرحك قريني

إلحق على خلك قبل لا تعزيـه
وانعم بوصلي او بلمسة يديــني

العِقد خلصته وآخر تواليــه
اني احبك حتى لو ما تبيــــني​
 

الحويسي

مشرف سابق
إنضم
19 نوفمبر 2009
المشاركات
4,420
مستوى التفاعل
169
النقاط
63
الإقامة
جـــــدهـ
يا صاحبي





يا صاحبي جاي وفيني حال ابشكيها
وارجوك اسمع كلامي وقدر اوضاعه

قصة حزينه وصعب اقول ناسيها
ذكراه سيلٍ يتل القلب واضلاعه

النفس نفسي ولكن عفت خافيها
والقلب قلبي ولكن حرت باطباعه

اشوف نبته ضمت من جور ساقيها
الارض جفت وهي للأمر منصاعه

خارت قواها وداع الموت يدعيها
الريح تعصف وهي وجله ومرتاعه

وجدي لنفسي ما دامه جار راعيها
وعزي لقلبن يذوق المر بانواعه

يا صاحبي حرت مدري ويش تاليها
القلب يعشق حبيبٍ سبَّب اوجاعه

ياما ترددت وقلت اليوم بانهيها
اخدع فؤادي وقلبي عاف خداعه

اجاري الوقت والدنيا وملاهيها
واذا اقبل الليل غاب الفرح وقناعه
 

الحويسي

مشرف سابق
إنضم
19 نوفمبر 2009
المشاركات
4,420
مستوى التفاعل
169
النقاط
63
الإقامة
جـــــدهـ
هذي القصصآئد اللي وصلتني منه ..



وان شاء الله تنال على اعجابكم


لكم ودي


الحويسي
 

روح..|~

مجموعة حواء
إنضم
17 أكتوبر 2010
المشاركات
4,860
مستوى التفاعل
208
النقاط
63
الإقامة
بـآلـزآويــهـ
صصح لسسسانه والله وعلى شآنكـ ..
ع كتابتهااهناا..
اخوي /الحويسي..
ماشاء الله أإبــدأإع وحلوووهـ
وبإنتظآر المزيــد..
تششكرآتي لكـ

وهـــــــآأإإأكـ جأإأإكـ ..تقـيـيـم..!
لمجهودكـ بالكتابه .:) وجمال القصائد..:)
أإحــتــرآمي..
 

الحويسي

مشرف سابق
إنضم
19 نوفمبر 2009
المشاركات
4,420
مستوى التفاعل
169
النقاط
63
الإقامة
جـــــدهـ
صصح لسسسانه والله وعلى شآنكـ ..
ع كتابتهااهناا..
اخوي /الحويسي..
ماشاء الله أإبــدأإع وحلوووهـ
وبإنتظآر المزيــد..
تششكرآتي لكـ

وهـــــــآأإإأكـ جأإأإكـ ..تقـيـيـم..!
لمجهودكـ بالكتابه .:) وجمال القصائد..:)
أإحــتــرآمي..

اهلا وسسسهلا . . نورتي صفحتي .. وششكرا لمرورك وتقييم


اسعدني تواجدك
 

حفيد البجلي

مشرف سابق
إنضم
15 سبتمبر 2009
المشاركات
19,429
مستوى التفاعل
774
النقاط
113
الإقامة
بجــيــلة
كل الشكر والأمتنان على روعه بوحك..
وروعه مانثرت.. وجماليه طرحك ..
دائماً متميز فى الانتقاء ..
سلمت يالغالي على روعه اختيارك
نترقب المزيد من جديدك الرائع
دمت ودام لنا روعه مواضيعك


divider32.gif


لك خالص احترامي

غالي الاثمان
ro7y
 

زائر 49

موقوف
إنضم
21 ديسمبر 2010
المشاركات
148
مستوى التفاعل
5
النقاط
18
الإقامة
مكة المكرمة
الموقع الالكتروني
www.youtube.com
الله على الاحاسيس الله على المقاصد السامية سلمت يالناقل والقائل وكم أود أن تسردها كمشاركات منفصلة لتجد الكفاية من النقد الأدبي والمشاكلة ولي وقفة مع بعض الابيات من باب اختلاف الرؤى
ففي قصيدة زمان الرذيلة قول الشاعر
نحسب قصصنا ألف ليلة وليلة فلوقال نحسب قصصنا في الليالي الطويلة لكان أوجه لحركة الكسر فيما قبل ياء القافية وإن كان قد قال الطويلة بعدها بسبعة ابيات فإنه يجوز تكرير الكلمة لو اضطر الشاعر بشرط ان يكون بينهما سبعة ابيات
امحق سوايا تنتهي بالفشيـله=ما دام قول الحق خــافي ومـوؤود

نحسب قصصنا الف ليله وليله=ما ندري ان المـوت له يوم موعـود



ولولا جمال هذا النسيج وقوة معانيه لما انتقدته ودمتم بخير
 

أبو مهند

مراقب المنتديات الشعرية
إنضم
12 أغسطس 2007
المشاركات
10,218
مستوى التفاعل
116
النقاط
63
الإقامة
الـسـعــوديــة
الحويسي
يعطيك العافية وصح لسان الشاعر عبد الرحمن المالكي وانا اوجه له دعوة من خلال هذا المتصفح للإنظمام الينا
شكراً لك ودمت بخير
 

الحويسي

مشرف سابق
إنضم
19 نوفمبر 2009
المشاركات
4,420
مستوى التفاعل
169
النقاط
63
الإقامة
جـــــدهـ
شششششكرا لكـم جميعا


زائر 49 .. شكرا لكـ شكرا ع نقدكـ

ابو مهند شكرا ع موروكـ الغالي وبإذن الله اوجهه له الدعوه

عادل المخشي شكرا لمرورك
 
أعلى