مع التحيه للشيخ سلطان الصر صر

ابو معيض الطيب له صار عنوان=سلطان ياليت الردي فدوة ٍ له
الضيف يلقى له كرامه وسفطان=في مجلس ٍ من يحضره ما يمله
شيخ على ربعه مثل ظل الاغصان= وظل ٍ على الي عزوته ما تظله
قدامهم في كل مبدى وله شأن=يشهد له الله ثم انا شاهد ٍله
عرف وشجاعه والفتى قلب ولسان=واذا ارتجلها كن أحد كاتب ٍله
نبدي له الرايه على رأس بيضان=ذيك الجبال الشامخات المطله
يستاهل اللي شامخ ٍ بين الاعيان= شموخ رأس ٍ مايعرف المذله
عزالله انه لانزل كل ميدان= شيخ يشرف عزوته والأخله
كم واحد ٍوده ينافس ولا بان=وده يصل مثله وهو ماحصل له
لكن ما طال السما مثل شيهان=تخشى الجوارح كلها غارةٍ له
هذي هواجيس ٍطرت لي وقيفان= مع الطيور الحايمه مرسلٍه
ياطير يا الي مدك الله بجنحان=بلغ رسالتنا ودربك تدله
اسلم وسلم لي على الشيخ سلطان=رد السلام وبلغه في محله​

صح لسانك ويستحق الشيخ حفظه الله المدح والثناء
فـــ سيرته العطرة قد جعلت الجميع يشيد به