ديوان الشاعر : [ زايد عوض المالكي ] ..!!

[poem=font="simplified arabic,7,darkred,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
اهلين يا نور (ن) وصلني سلامه = عقب غياب (ن) طال واشقى فوادي
يا مرحبا ليلي تلاشى ظلامه =وزان لي وقت الهنا والسعادي
عالج فؤادي من سقومه ولامه = وقمت بعده رغبه اسرج جوادي
ليلي ورى وصلك هنيته وانامه = وافراح قلبي ما عليها زوادي
هواي في قلبي يزيد احترامه = هذا حبيبي ما بيخطي القوادي
اليوم زايد سار راعي زعامه= يا شبه ضيًّا من سمى الكون بادي
متى ويامرني فريخ الحمامه=وازهم لفرحتنا الحضر والبوادي
[/poem]

على طريق السعد في يوم قبلت=لكنها رفة حجاج اخلفتني
شان البخت باقدار بالغبن نطت=منها غرب نور الفرح واحرمتني
لا عشت مثل الناس ياخي و لا مت=اقـاوم الدنيـا بعـد مـا بلتنـي
احزان وهموم(ن) بقلبـي تلاقـت=حتى عن اهدافي وامالـي ثنتنـي
حافت ومالـت وانهكتنـي وذلـت=حتى على درب المخاطـر رمتنـي
واصحابنا بعد انوبت كيـف قفـت=الحال ضاقـت والرفاقـه شنتنـي
وانا عظامي مـن بلايـه تحنـت=وعاذلي بيـن الخلايـق شمتنـي
رباه من نـار(ن) بقلبـي تـورت=رباه مـن دنيـا بـلاوي لوتنـي
يا جارنـا يـا سيـدي لا تنصـت=خلاصة المعني ظروفـي حدتنـي
عوذاه من دنيـا تولـت وصفـت=وانـا حياتـي باثرهـا كرهتنـي
لو ان ربعي عن علومـي تقصـت=ما كان لانيـاب الخطـر سلمتنـي
محاجر عيوني من الدمـع جفـت=والناس تعلن كيدهـا واسمعتنـي
يا هيه انا دنياي فرت وكرت=واضحت مثل صفق البحر واشرقتني
دنياي من لحمي تغدت تعشت=عضتني ايام الشقأ واسقمتني
قضت على حالي وحيلي وتمت=اعوام مرت من وجودي نفتني
[/poem]

[poem=font="simplified arabic,7,firebrick,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
يا من لقلب(ن) كلما سلهب الليل = من عام واكثر في دواليب وشجون

لا جت تعدل ينقلب عدلها ميل = وبان سر(ن) كان فالقلب مكنون

لا عن له تذكار الاحباب تنكيل = تشب فيه النار وهموم وغبون

قربت له فنجان بن(ن) على هيل = مبهر(ن) بالكف للكيف موزون

ثلاث حمسات(ن)لها قمت بالحيل = ريحه على جمر يغذيه باللون

فنجانها كايف ولا فيه تعديل =اصفر كما الياقوت يطرب لها النون

عطت بريح(ن)فاضح(ن) شم عن كيل=عطت بريح(ن) يقعد الرأس مفتون

دقه بنجر(ن) يسمعه كل حلحيل=راع الهوى يطرب ليا دق بالحون

في دلة(ن) تسمو عن الهرج والقيل=رسلان منصوبه لها فن وفنون

وفوحها للروح يا ناس تعليل = الى طفح له جوهر(ن) غض مصيون

مثل الزمرد كان للطفح تمثيل=وذايقين الكيف بالطيب يثنون

خمس(ن) لها بالعون تكفي وتكميل=هيلا(ن) ومسمار(ن)بالاسباب مطحون

يجي لها في شافة الذوق تجميل=بزعفران (ن)فوق عنبر يكفون

وشي شمطري يعطي الكيف تبجيل=يا زينها لامن توالت بقينون

لا صب تبصر جوهره في فنيجيل=لون(ن) غزى الفنجان ساعة يصبون

هذا وصلوا عالنبي يا رجاجيل=عداد خلق(ن) للفرايض يصلون
[/poem]

[poem=font="simplified arabic,7,darkred,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
يا زين لك مني ســــــلام وتحــيه=مقرونة بواجــــد الحب والـــــــشوق
يازين شوفك يسعد القلب يثريـــه=ياحالي المنطوق ياعالي الــــــــذوق
يانور بدرا في دجى الليل يــــبهيه=يانور شمسا لحظةغروب وشــروق
حبك تمكن فالحشا ما اقدر الغيــه=حتى لو اغسل دم يجري بالاعـروق
قلبا تاْمل وارتجى لا تــــــــــــعـنيه=اظن ما غيرك على قلبي اشــــفوق
تراني اكتب وااجزل الشعر واعنيه=وانا على تعبير ما اكن مــــــحقوق
ارجع كما ما كنت ولفاك نـــــبغيه=ما فات شي وكل مطرود مـــلحوق
[/poem]

[poem=font="simplified arabic,7,darkred,bold,normal" bkcolor="transparent" bkimage="backgrounds/14.gif" border="outset,4,gray" type=3 line=0 align=center use=ex num="0,black""]
الا يا هوى البال ما قلت لي وش فيه=
لو قلت لي يا حبيب القلب وش فيه وش فيه=
تركتني وحدي اعاني وانا مدري وش فيه
هذا بلاك يا الغالي بلاك=
بلاك ما ترحم من لا يسيّر بلاك=
والمثل قال بلاك يا عقاب بلاك=
يا ليت ريحت لي بال وتقول وشفيه=
[/poem]

[poem=font="simplified arabic,7,darkred,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
هـب النسيم وطلعة البر زينه=وشبت الضي عين روس النشاما
طلعه مع من حب قلبي ثمينه=انا اشـهـد انـه ما يساويـه لامـا
ابـي شـراب الـبن مـدة يمينه=في روضةٍ بين السكب والخزاما
فـي ليلـةٍ براقـهـا حــد عينه=رذاذهـا يطـيـب فـيه الكـلامـا
مع شبيه الخيزرانه ولينه=الله يا زين الهوى والمقاما
بعيد عن عين الحقود اللعينه=هاني بريمًا ما عليّه ملاما
الليل هذا ما يعوّد وزينه =يا زينها لو طال وقته وداما

[/poem]

[poem=font="simplified arabic,7,darkred,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
يا بو مهند عاشق الريم تعبان=يطرد وراهن مثلنا يا خساره
يحرقن لب اللي على شانهن لان=ولا بغيت الصدق فيهن شطاره
انا عليك اليوم يا خال شفقان=مالك ومال البيح شيحه وشاره
انشدني انا لي تجارب وبرهان=الحب هذا الوقت لاشي قراره
الحب هذا الوقت تعبير بالسان=راعيه بين الناس حافظ عباره
الحب هذا اليوم ما عرفه انسان=كله غشش في وردته والصداره
ما عاد عندي للذي قلت ضيفان=ومثلكم يفهم وراعي جداره
[/poem]

[poem=font="simplified arabic,7,darkred,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
همي وكربي وغمي ما انت داري به=لو انت داري بحالي فـك جوّالـك
تسال عن قلب زايد وانت غادي به=من يوم شفتك وذا يا زين موّالك
جاني خبر جاك خطّي وانت قاري به=يا زين يكفي تهوّالك وعوّالك
يا هيه تنقذ فوادي من عواذيبه=كلّ القناديل يا الغالي تضوّالك
ليل العنا طال وافكاري سماري به=طويتني مثل قرطاسًا تطوّالك
حبك غزاني وسهم الغش مالي به=اكيد مالك عذر في قلب يهوالك
غيرك ما الد النظر يمه ولا اجيبه = يهمني يا الغضي يوم اسمع اقوالك
[/poem]

[poem=font="simplified arabic,7,darkred,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
ياضـي بـرقـا تــلآلآ فــي مناصيـبـه=ذكرتـنـي ديـرتـي واهـلـي وخـلانـي
ياضي برقا فوادي قمت تنحي به=صوب الديار الذي بالحيل تعناني
يابـرق يالـلـي عـلـى قلـبـي لواهيـبـه=زودت شوقي وزدت القلـب نيرانـي
يابرق ماهو عجـب صوتـي واغنيبـه=لـكـن حـبـي لـــداري زود الـحـانـي
يابـرق هـون عـلـى قلـبـي عواذيـبـه=مع وضوحك ونورك زادت احزاني
يا برق ذالليل هذا النو تسري به=على ديارًا زهرها اشكال والواني
على بجيله ديار العز والهيبه=يا حيّها ما حماها غير شجعاني
[/poem]

[poem=font="simplified arabic,7,firebrick,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
يا نحيل الخصر يقهرني جفاك=والله ما غيرك بقلبي والعيون
يا حبيب الروح يسعدني غلاك=ما ولا غيرك على قلبي يمون
يا شبيه البدر قلًي وش هواك=لا تطيع اهل الوشايه والفتون
يا خفيف الظل هات ايدك وهاك=يا رشيق القد يا راع الفنون
يا حبيب الروح يعجبني حياك=عشت جنب اللي لحبك ما يخون
الله انه يا الغضي يسعد مساك=منزلك يا زين في قلبي ونون
لا تعذب قلب مخلوقًا شراك= لاتشمت به مع اللي يشمتون

[/poem]

[poem=font="simplified arabic,6,indigo,bold,normal" bkcolor="transparent" bkimage="backgrounds/14.gif" border="inset,4,gray" type=2 line=0 align=center use=ex num="0,black""]
الله من شيا علـى القلب يلويـه=يجيه من بعض الصواديـف لاوي
ادرى واداري مير مانـي بقاويـه=ماني على بعض الصوديف قاوي
كم واحـدا حظـه قويـا ومغنيـه=عايش ومرتاحا وحظـه غنـاوي
وكم واحدا حظه هوينـا ومشقيـه=يسعى ورى حظا تعيسا شقاوي
ما كل رجـالا بياصـل هقاويـه=حتى ولو انـه قريـب الهقـاوي
الرجل من فعله وطيبـه وطاريـه=دايـم لعادات الرياجـيـل هــاوي
الطيب والمعروف والجود راعيـه=ولا بيصغـي للـدروب الدنـاوي
ولا ناضت الهيجا ولد النظر فيـه=يبدو لها عاشق ومجنـون غـاوي
ولا اعتزى يقدر يوفـي عزاويـه=يوم ان غيره ما يوفـي العـزاوي
ولا دعى يقـدر يثمـن دعاويـه=لا جات بالمجلس ثقـال الدعـاوي
وراع الردى يدفن ببطنه بـلاويه=يضحك وضحكاته وراها البلاوي
من خلقته كل العرب مـا تدانيـه=على الحسد عايش كثير الحكـاوي
ما كل واحد في طريقـك تخاويـه=ان كان تفهم تعرف اللي تخـاوي
كم واحد امنته وضعت الثقـه فيـه=دري بسدي واظهـره بالهقـاوي
مبدى ما هو لك مانت مجبور تبديه=جنب عنه خلـه لعشريـن هـاوي
واما خوي الجنب بالـروح نفديـه=اللي معك في كل ما قـف فـداوي
واللاش ما حيا من الناس يرجيـه=رخيص الماقف قليـل الرجـاوي
واللاش لو عنـد الثريـا توديـه=يجيك متنكـس لمثـواه ضـاوي
وقت السعه بالحيل ينفـخ علابيـه=صوته كما صوت الحمار الحساوي
ولا نخيته يندرق مـا تـلا قيـه=يندس ما بين الرمـث والخـلاوي
وجرح الحشاما كل طبـا يداويـه=ولا كل من يكتب علاجه يـداوي
واللي بخافي الصـدر لله اباشكيـه=ربي على غيره حـرام الشكـاوي
[/poem]

[poem=font="simplified arabic,7,firebrick,bold,normal" bkcolor="transparent" bkimage="backgrounds/14.gif" border="inset,4,gray" type=2 line=0 align=center use=ex num="0,black""]
انا ذاليل لو غــنيت مهجوســـي وطاروقـي=على شان الحبيب اللي كحاله يوزن اعيونه
الا يا ليت يسمعني والا يا ليت ياروقي=ولا يحرمني القبله ولا يحرمني ازيــونـــــه
ابي منه الوفاء وابيه ياجيني على ذوقي=يجي في كامل ازيونه وقلبي يجبر اليونــه
انا في صحبة المجمول ياعالم برد شوقي=وهي لحــظة هــناء مـا جابــها التاجر بمليونــه
احبه حب ما يوصف وهو بالحيل مرموقي=عليه اخاف من ربعه على شاني يذلونه
تروا باب الـوشـايـه بــيـنـنا يـا نـاس مغـلوقــي =كــفى من هــرج يفتن بيننا ياللي تـقـولـونــه
انا لوذعت مكنونــي واباهــي به من حقوقــي =على شاني على شاني حبيبي لا تزعلونه
[/poem]

[poem=font="simplified arabic,7,darkred,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
ســـــلام رديه عــلى باهــي الخــد=ما هبت انسام الصبا والعوالــي
من هاجسا موزون فالبدع والــرد=قدر المليح اللي شبيه الغزالـــي
ســلهوبة العينين ممــشوقةالــقــد=والقول مثل الشهد صنع النحالـي
لا ســلهمت باعيونها نار توقـــــــد=تحرق بها مثلي عشيق الجمالي
من يعترض في دربنا جعله الحد = من مرهف (ن) حده صنع للقتالي
تبغي كلام الصدق يا زين والجد =ما غيرك اول يا حبيبي وتالي
ياليت ســلك الوصل يازين يمــــتد=واهـديك يالمزيون روحي ومالي

[/poem]

صور

[poem=font="Simplified Arabic,7,darkred,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
يا عين سيدي خذي لي صورةً تذكار من غير امر=هلّي دموعك وداوي قلب زايد بعد سهمك قصاه
عن طلعتك يا رفيع الذوق زايد ما يدير النظر=آمر ومثلك يطاع انت الحبيب اللي نحقق مناه
يا زين يا كامل الاوصاف دونك لو يروح العمر=يا مرخصه دون مثلك يا الغضي قلبي رضي وانتقاه
يا نور يا نور يا نورًا يضي يا نور ليل القدر=يا شبه نور القمر بين السواهر لا بدى من سماه
غزيت واحكمت قبضاتك على قلبي وكل الفكر=بشراك وابشر بما يرضيك يا حيًّا لقلبي شراه
جفيت واخطيت وانا من جفاك اعمى عيوني السهر=اسهر وافكر وبعدك يا هوى بالي فوادي قصاه
غيبت واطولت غيباتك وانا كني بصالي الجمر =حرام تحرمني الحب الذي قلبي برغبه نحاه
[/poem]
صور[/U RL

[poem=font="simplified arabic,7,darkred,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
شف يا نديبي غيبة الزين وينه=خمسة عشر لا عنه علمًا ولا اخبار
لا اوصيك واي علم الثقه مرتجينه=لا عاد بي قدره ولا عد بي اصبار
ما هو على قطع الوصل خابرينه=يا هيه هيّا قم بنا شبة النار
وش لون اريّح خاطري مشغلينه=لا عاد ابا الوادي ولا عاد ابا الدار
يا من خلقت البرق في موج عينه=يا من سقيت الارض من غزر الامطار
رد الذي خمسة عشر فاقدينه=وارحم عيونًا ساهره ليل ونهار
وارحم فوادا والعرب حاسدينه=طرق الحسد منهم على عين واجهار
[/poem]

[poem=font="simplified arabic,7,firebrick,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
يا ارضي بجيله يسقي السيل اراضيك=من حايز(ن) لاناض برقه يهلّي
يسقي الغروس اللي تزيّن مرابيك=على منابتها جبالا(ن) وتلّي
يا ارض السكب والشار مشتاق وابيك=عسى نهار اجيك به ما يولّي
قريت مقطوفات جاشت بطاريك=واحيت بنا ذكرى حبيب(ن) وخلّي
جهزت يا الانسام موتر يباريك=ابي ديار(ن) عيشها ما يملّي
يا دار ما فيني صبور وتماليك=جلوس باحضان الطبيعه يحلّي
يا اميرة الملك انا اشكر معاليك=عداد من في كل فرض(ن) يصلّي
[/poem]

[poem=font="simplified arabic,7,firebrick,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
قالوا جديدك قلت تعبان تعبان=قلبي طريح سهوم سيد العذارى
اللي هدب عينه رمى دون نيشان=حلاه فايق شبه فرخ القمارا
يا الله انا طالبك يا عالي الشان=رحماك من شوقٍ تولع بنارا
مليت من بعدٍ ووعدٍ وجبران=وعيون يعنيها شقاها سهارا
عشقت واي غيري من الناس عشقان=لكن انا عشقت من غير ما ارى
حبيت حبًا ما مضى به ولا انسان=على حبيب القلب يكتب وانا اقرا
أواه من حبٍ غدى فيه شيهان=شواه في صالي لهيبه توارا
[/poem]

[poem=font="simplified arabic,7,firebrick,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
تباها يا قصيدي لا بدى للفخر ميداني=انا ادري ما عليك خلاف والقالات راعيها
انا ادري بك سواة البحر يم اللي تحداني=الى جاشت هواجيسي تكمل في معانيها
انا من لابةً في طبعها ما تنتحي الداني=بني مالك تجملني وترفعني مباديها
اسابق فخر والفرسان تتعب ما تعداني=مكاني فوق سطح البدر روحي وش يباريها
الا يا فعل قوما بالفخر والعز وداني=رقابي نايفات الطول عاليها وساميها
بني مالك مثل نوا ورعادا ودنداني=تنظر غشنة الامطار وش يعقب مساقيها
اقل يا بعدهم بعد السماء عن كل نقداني=على وضح النقى المجرود بالقالات طاريها
انا لا قلت قولي بين حباني ونداني=شرحت البال وارويت الكبد من كيف ياريها
نزلنا في منازلنا وعشنا في تمداني=وقمنا في بيوتٍ شامخاتٍ في مبانيها
وانا شاعر وعندي يكتمل مزحي وجداني=وروحي من شرور اهل الحسد ربي يكافيها
الا يا الله عدد ما هل همالا ووداني=تجنبنا وتبعدنا عن الفتنه واهاليها
[/poem]

[poem=font="simplified arabic,7,darkred,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
مريت قبل امس يا الغالي وهذا اليوم مريت=ما شفت لك حوم يا سيدي ولا جاء عنك طاري
وان كان لاليت يا شبه القمر وان كان غنيت=ما هو عجب لكن الاشواق يا طير الحباري
حيّاك ربي تراعي من على قلبه توليت=حيّاك ربي ترد الروح يا سيد العذاري
يا زينها يا حبيب الروح لا منك تغليت=لكني ارجوك يالغالي على روحي تداري
يا باهي الخد يا راع الوفاء والطيب والصيت=جفيت وابطيت وانا يا الغضي ماني بضاري
تراك ولعت نار الشوق يا الغالي وشبيت=وانا لك الله ما ارضى لك تعوب ولا كداري
المره الثالثه لو جيت لا عندك وصديت=شبيت روحي لقات الخلق في وضح النهاري
[/poem]

[poem=font="simplified arabic,7,firebrick,bold,normal" bkcolor="transparent" bkimage="backgrounds/14.gif" border="outset,4,gray" type=2 line=0 align=center use=ex num="0,black""]
يقول زايد آه يا ليل يا ليل=كرهت ساعاتي وقلبي وذاتي
ظلمني الغالي وبالحيل بالحيل=ظلمه وهجره هو سبايب شتاتي
ما كانت الهقوات يا جور ويميـل =حتى ويرميني رماة الحصاتي
سيدي مناره في حياتي وقنديل=لو مات والا غاب شانت حياتي
صحيح جسمه لا نهض كنه الخيل=لمعة خدوده لمعة المرهفاتي
ومبيسم(ن) فواح بالمسك والهيل=ومشرب(ن) كنه رحيق النباتي
يطيح باسبابه قرون(ن) حلاحيل=يسلم حسين الدل جميل الصفاتي
خجول واخلاقه بعيده عن القيل= يا غصن زاهي بين كل النباتي
[/poem]