۩◄الحب الخالد►۩
مشرف سابق
- إنضم
- 16 مايو 2008
- المشاركات
- 3,747
- مستوى التفاعل
- 52
- النقاط
- 48
- العمر
- 33
- الإقامة
- يهمكم للدرجه ذي..!!
- الموقع الالكتروني
- www.banimalk.net
صباحكم / مساؤكم
خير وطيبة
طبعاً القصه طويله واللي فايق يقراها
بداية القصة ...!!
كنت منسدح بالصاله وقمت أقلبها وأصلقها
وفجأة طلعة علامة إستفهام كبيره على راسي
بالضبط زي أفلام الكرتون ...!!
والفكرة إني أروح الخرج وبالتحديد في القاعدة الجوية عند أخواني
بس لازمني خوي والله ورحت كلمة جارنا((رحيم أخوي))اللي خاطب عندهم <<< لازم بالتفصيل
المهم مالكم بالطويلة
وقلت للرجال العلم وطبعاً الريوس عنده مفصول ...!!
وعلى طول النهار الثاني رحنا المواقف مافي وقت مستعجلين
والله وركبنا مع كداد <<< كدو لحي أبليس
عتيبي <<< والله والنعم فيه
بس المشكلة قبل ما نركب معه
صارت هوشه بيننا وبين شلوي في المواقف
يقلنا كم تحمل ورى قال 3 أنفار قلنا تم ...!!
وبعدين قال لا بحمل أربعة والله ونزلنا ما الحن ببهايم ...!!
أربعة ورى لييييييييييييه ....؟؟
ولقينا العتيبي وقال 3 ومشينا
على أساس خوينا الغامدي قدام هذا واحد من الحارة بيروح عند خاله
وأنا وجاري وواحد ((شيعي من الحساء)) ورى
ما كنا دنري عن غبير إنه شيعي
المهم مشينا والعتيبي هو والألتيما حقه ما شاء الله 200
ولا يسمع لأحد
والشيعي له صياح ورى هد هد
وإحنا كما أباليس ((لا يوقف لا يوقف))
وخصوصاً بعد ما عرفنا إنه شيعي
وصوت الأعاني بيفجر أذانينا
ووقفنا للعشاء في محطة البراكـ قريب القويعية
وتوقعوا من حصلنا ...؟؟؟
صاحبنا الشلوي اللي بغينا نتضارب معه في المواقف
وإلا الرجال قام يهايط <<< يا الليل الأقشر
والله ونتماسكـ وش عندكـ ما عندكـ وخلاص أبيس في وجهي
الرجال معه سكين <<< ماهو بصاحي
وإلا العتيبي خوينا معه هراوة والله والله كان مبركه بعير
وجوا الناس اللي بالمحطة وفرعوا
وأنت وشبكم يا خليقه ذولا ...!!
المهم تعشينا اللي الله قسمه لنا
ومشينا ووصلنا الرياض ولقينا الأخوان في إستقبالنا
حدود الساعة 12 ليلاً
وقالوا نزلنا الخرج قلنا تعرفونها مو الحين
لازم نأخذ جولة وبعدين ييسر الله خير وهاتكـ كما المجنن
أول ما رحنا التحلية سبحان الله ما خليت أحد في حاله
وإلا وأنا قاط معه وهاتكـ خلع ولفتين على الدانوب
وحديقه ما فيها إلا سوريين يعسلون
وتعشينا مرة ثانية في ماما نورة
المهم نزلنا الخرج ووصلنا البوابه قالوا
ماتدخلون أخر حد لتصاريح الزوار الساعة 12 ليلاً
والحين الساعة 4 الصباح
وبالقوه بعد ماحصلنا واحد من زملاء أخوي القديمين مشانا
المهم قعدنا هناكـ 21 يوم ما بين الرياض والخرج
وحصلي موقف لايمكن أنساه
طبعاً دوام أخواني يوم دوام ويومين راحه 24 , 48
المهم في يوم كانوا مداومين فيه طلبت أنا وخويي غداء
وجاء معه فلفل بس بارد مع أنه من النوع اللي يشبه الحار
وأكلنا ولا هو بحار
والنهار الثاني كانوا أخواني عندنا بالسكن
وطلبنا نفس الغداء بس المرة هذي الفلفل حار
وأخذ الفلفل أخوي وقال من يا كل منه والله
وبكل ثقه أخذت الفلفل وأكلت الأول سريع سريع
وأكلت الثاني <<< بكل شحطه
ولحضات وأنا ما أقدر إتمالكـ نفس والدموع أربع أربع
وين الببسي وين الماء والله ولا ينفع ...!!
قاعد أصيح من الحرارة <<< حرقان صح
وأخواني وخويي ماتوا ضحكـ
وأنا مت من الحرارة
والله وما قعدا ولا يومين ومشينا نبي الطايف
وطلع معنى أخوي بس في سيارته ((أفالون 2009))<<<محد قدنا
وتقريباً وصلنا ضلم حادث
بقدرة الله عز وجل
أنفكـ العكس الخلفي أخوي الله يهدية مسرع
وإحنا مثل البله كاشرين وزالله ما حد تعدنا سنايدي
والحمد لله جت في الحديد ولا فينا مشت غلى بطنها ورتطمة بالشبوكـ اللي على يمين الخط
من جهتنا تقريباً الساعة التاسعه ليلاً
وإستغفر الله ما طفينا المسجل إلا بعدين بعد ما وقفت السيارة
ولطع بنا أمن الطرق تقريباً ساعة أو أكثر لين جاء
وكلمنا ناس أخوينا بالطائف وجولنا في ظلم وأخذونا
والحمد لله على سلامتي ....!!
تبون الجد طلعتي من أولها إلى أخرها
منحوسة × منحوسة
طبعا الكلام ذا بالصيف بشهر 8