سامي بن سعيد
Member
- إنضم
- 13 مارس 2010
- المشاركات
- 37
- مستوى التفاعل
- 1
- النقاط
- 8
ابومساعد : الاب ومتقاعد
ام مساعد : الام به منزل
مساعد : الابن الوحيد عاطل عن العمل
حصه : هذي حصه البنت الكبيره تدرس في الجامعه اول سنه مستوى ثاني لغه عربيه
نوره : خلصت الثانويه وجلست في البيت لاكنها بعد جهد كبير درست في الجامعه اول مستوي لغه عربيه <<< لعبت عليها حصه تقول ادخلي هذا القسم تراه زين هههههه
نوف : طالبه في ثالث ثانوي علمي
ام مساعد : الام به منزل
مساعد : الابن الوحيد عاطل عن العمل
حصه : هذي حصه البنت الكبيره تدرس في الجامعه اول سنه مستوى ثاني لغه عربيه
نوره : خلصت الثانويه وجلست في البيت لاكنها بعد جهد كبير درست في الجامعه اول مستوي لغه عربيه <<< لعبت عليها حصه تقول ادخلي هذا القسم تراه زين هههههه
نوف : طالبه في ثالث ثانوي علمي
.
( القصـه )
.
نوره : تصدقين ياحصه احس مافيني نوم عشان بروح الجامعه بكره
حصه : اقول حتي انا مافيني نوم
نوف : نوره اذا جيتي قولي لي ايش يصير معك
نوره : هذا الي شاطره فيه تحبين السوالف والهذره الي مالها سنع
حصه : تراكم ازعجتوني انتي وياها
نوره : اقول بس بروح اكوي تنورتي عشان البسها بكره
حصه : اليوم شفتك تكوين التنوره الرماديه الي فيها فصوص !!
نوره : صح بس ودي اروح اكوي احس ودي اروح الحين الجامعه <<< حماس قوي مررره
حصه : طيب نامي وخلصي
نوره : مقدر والله من الفرحه تصدقين ودي اصيح بس مدري وشلون
نوف : عادي انا بظربك كف عشان تصيحين
نوره : معد الا هي بعد
نوف : امزح معك ودي اغيب واجي معكم بكره
حصه : لاوالله اجلسي في المدرسه بس
.
( الساعه 5 ونص الصباح )
.
نوره : يلله الصبح طلع قوموا عشان نمشي
ابو مساعد : وجع وجع لجيتينا يامال اللجج على ذا الصبح
نوره : والله اني مانمت من الفرحه يبه
ابو مساعد : يلله مشينا عجلوا
نوره : يمه وين بلوزتي البيضا الي لها ابه ؟
ام مساعد : شوفيها معلقه في دولاب اختك حصه
ابو مساعد : يلله تري الساعه 6 وربع
نوره : يلله بسرعه لانتأخر يلله مشينا
حصه : والله انتي مزعجه مررره يانوره
نوره : هذا شارع الملك فهد مافيه زحمه ياحصه
حصه : اصبري شوي شوفي الي قدام والله انه زحمه مررره
نوره : ياويلي ياويلي ياربي ياربي والله الي تأخرت اليوم بياخذون عني فكره اني راعيه تأخير
ابو مساعد : اووووووص خلاص
حصه : يلله انزلي بسرعه خلصيني
نوره : ابي احط عطر وامشط رشعري خلي البنات يقلون وش ذا المزيونه <<<< عندها امل كبير
حصه : عن جد تري بديت اعصب
نوره :طيب طيب خلاص بنزل
ام مساعد : هاه بشر نزلت البنات ؟
ابو مساعد : انتي شايفه البنات معي !! نزلتهم وخلصت وجيت <<<< معصب
ام مساعد : تعال الفطور جاهز يابو مساعد
ابو مساعد : وين مساعد ؟
ام مساعد : نايم له مده ماينام زين وليدي
ابو مساعد : مساااااااااعد قم قامت عصبك وتحنت ركبك قم
مساعد :وش فيه وش صار يبه ؟
ابو مساعد : قم يامنيب قايل جب خواتك بعد شوي وتعال ليش ماترحت تدور لك عيشه مع الرجال
مساعد : والله يبه الرجال الي مثلي الحين نايمين
ابو مساعد : اقطع وخس بس انا متقاعد وقالوا لي لازم عاد تستريح
ام مساعد : وليدي مافيه مثله من الشباب ينشد فيه الظهر
ابو مساعد : القرد في عين امه غزال
ام مساعد : والله انه زين الشباب مساعد
ابو مساعد : هذا ماله غير شغل غير النوم
مساعد : هد اعصابك يبه انا بجيب البنات
ام مساعد : ماتشوف شر ياوليدي , وشفيك على الولد شاب عليه من يوم قام الصبح
ابومساعد : انا ابي ولدي يصير رجال اعتمد عليه في كل شي ابي ولدي يصير احسن مني ابي افتخر فيه والله
ام مساعد : انشالله يصير رجال ولدي
حصه نوره نوف : السلام عليكم
نوره : والله الجامعه انها تهبل ياويلي
حصه : والله يمه انها لزقه فيني والمشكله انها تذب وجها على صديقاتي تبي تعرف بعد كل البنات
نوره : انتي عارفه انا احب التعارف والمرح ياحصه
حصه : والله مابقي بنت الي تبي تتعرف عليها
ام مساعد : خليها تبي تعرف على البنات بنتي وشفيك عليها
حصه : يمه تفشلني والله كذا
نوره : مالك دخل فيني
نوره : يمه احلى شي خواتي كلهم قسم لغه عربيه عشان يحلون لي القواعد
ابومساعد : اقول حطوا الغدا لنا بسرعه
مساعد :والله اني جايع ودي اتغدا عاد
ابو مساعد : عطونا الشاهي يابنات عقب الغدا بس
( الساعه 9 مساءٌ )
ام مساعد : هاه يبنات وش تبون عشا ؟
حصه : أي شي خفيف يمه
نوره : انا ابي من مطعم هرفي ابي وجبه
نوف : لاانا ابي اندومي يمه
ام مساعد : اقول مافيه غير نواشف العشا تبون تعالوا
نوره : اجل وشلوله تسألينا كذا انتي علقتي نفسي في مطعم هرفي
ام مساعد : وين يمك بتروح اجلس تعش معنا
مساعد : والله اني معزوم مع العيال في الاستراحه
ابو مساعد : دايم انتم في الاستراحه هذا احسن من الهجهجه في الشوارع بس
مساعد : اصلن حنا مانبي الروحات ولا الدوران في الشوارع يبه
ام مساعد : الله يستر عليك ياولدي
مساعد : يلله فمان لله
حصه : انا بروح انام معد اقدر والله
نوره : انا بروح اخذ لي دش واستشور شعري ونام
نوف : انا عندي واجب بحله وبعدها انام
ام مساعد : دايم اذا جي وقت النوم قلتي عندي واجب
نوف :والله يمه اني ناسيه اني احل الواجب
ام مساعد : دايم تنسين مهب اول مره ولا اخر مره يمه
ابو مساعد : انا بروح اصلي ركعتين ونام
نوره : حصه سولفي علي لين انام
حصه : اقول انتي رايقه فكيني بس
نوف : معليه نوره سولفي معي انا احب السوالف
نوره : اقول نامي انا جامعيه وانتي باقي في المدرسه مزاجي اكبر من مزاجك
نوف : الله الله قبل اسبوع وانتي تبربرين علي واليوم ماتبيغيني انوم احسن لي
.
وهذلي قصه عائله ابو مساعد في اول يوم من الدارسه
اونتهت قصتنا
تقبلوا تحياتي
( القصـه )
.
نوره : تصدقين ياحصه احس مافيني نوم عشان بروح الجامعه بكره
حصه : اقول حتي انا مافيني نوم
نوف : نوره اذا جيتي قولي لي ايش يصير معك
نوره : هذا الي شاطره فيه تحبين السوالف والهذره الي مالها سنع
حصه : تراكم ازعجتوني انتي وياها
نوره : اقول بس بروح اكوي تنورتي عشان البسها بكره
حصه : اليوم شفتك تكوين التنوره الرماديه الي فيها فصوص !!
نوره : صح بس ودي اروح اكوي احس ودي اروح الحين الجامعه <<< حماس قوي مررره
حصه : طيب نامي وخلصي
نوره : مقدر والله من الفرحه تصدقين ودي اصيح بس مدري وشلون
نوف : عادي انا بظربك كف عشان تصيحين
نوره : معد الا هي بعد
نوف : امزح معك ودي اغيب واجي معكم بكره
حصه : لاوالله اجلسي في المدرسه بس
.
( الساعه 5 ونص الصباح )
.
نوره : يلله الصبح طلع قوموا عشان نمشي
ابو مساعد : وجع وجع لجيتينا يامال اللجج على ذا الصبح
نوره : والله اني مانمت من الفرحه يبه
ابو مساعد : يلله مشينا عجلوا
نوره : يمه وين بلوزتي البيضا الي لها ابه ؟
ام مساعد : شوفيها معلقه في دولاب اختك حصه
ابو مساعد : يلله تري الساعه 6 وربع
نوره : يلله بسرعه لانتأخر يلله مشينا
حصه : والله انتي مزعجه مررره يانوره
نوره : هذا شارع الملك فهد مافيه زحمه ياحصه
حصه : اصبري شوي شوفي الي قدام والله انه زحمه مررره
نوره : ياويلي ياويلي ياربي ياربي والله الي تأخرت اليوم بياخذون عني فكره اني راعيه تأخير
ابو مساعد : اووووووص خلاص
حصه : يلله انزلي بسرعه خلصيني
نوره : ابي احط عطر وامشط رشعري خلي البنات يقلون وش ذا المزيونه <<<< عندها امل كبير
حصه : عن جد تري بديت اعصب
نوره :طيب طيب خلاص بنزل
ام مساعد : هاه بشر نزلت البنات ؟
ابو مساعد : انتي شايفه البنات معي !! نزلتهم وخلصت وجيت <<<< معصب
ام مساعد : تعال الفطور جاهز يابو مساعد
ابو مساعد : وين مساعد ؟
ام مساعد : نايم له مده ماينام زين وليدي
ابو مساعد : مساااااااااعد قم قامت عصبك وتحنت ركبك قم
مساعد :وش فيه وش صار يبه ؟
ابو مساعد : قم يامنيب قايل جب خواتك بعد شوي وتعال ليش ماترحت تدور لك عيشه مع الرجال
مساعد : والله يبه الرجال الي مثلي الحين نايمين
ابو مساعد : اقطع وخس بس انا متقاعد وقالوا لي لازم عاد تستريح
ام مساعد : وليدي مافيه مثله من الشباب ينشد فيه الظهر
ابو مساعد : القرد في عين امه غزال
ام مساعد : والله انه زين الشباب مساعد
ابو مساعد : هذا ماله غير شغل غير النوم
مساعد : هد اعصابك يبه انا بجيب البنات
ام مساعد : ماتشوف شر ياوليدي , وشفيك على الولد شاب عليه من يوم قام الصبح
ابومساعد : انا ابي ولدي يصير رجال اعتمد عليه في كل شي ابي ولدي يصير احسن مني ابي افتخر فيه والله
ام مساعد : انشالله يصير رجال ولدي
حصه نوره نوف : السلام عليكم
نوره : والله الجامعه انها تهبل ياويلي
حصه : والله يمه انها لزقه فيني والمشكله انها تذب وجها على صديقاتي تبي تعرف بعد كل البنات
نوره : انتي عارفه انا احب التعارف والمرح ياحصه
حصه : والله مابقي بنت الي تبي تتعرف عليها
ام مساعد : خليها تبي تعرف على البنات بنتي وشفيك عليها
حصه : يمه تفشلني والله كذا
نوره : مالك دخل فيني
نوره : يمه احلى شي خواتي كلهم قسم لغه عربيه عشان يحلون لي القواعد
ابومساعد : اقول حطوا الغدا لنا بسرعه
مساعد :والله اني جايع ودي اتغدا عاد
ابو مساعد : عطونا الشاهي يابنات عقب الغدا بس
( الساعه 9 مساءٌ )
ام مساعد : هاه يبنات وش تبون عشا ؟
حصه : أي شي خفيف يمه
نوره : انا ابي من مطعم هرفي ابي وجبه
نوف : لاانا ابي اندومي يمه
ام مساعد : اقول مافيه غير نواشف العشا تبون تعالوا
نوره : اجل وشلوله تسألينا كذا انتي علقتي نفسي في مطعم هرفي
ام مساعد : وين يمك بتروح اجلس تعش معنا
مساعد : والله اني معزوم مع العيال في الاستراحه
ابو مساعد : دايم انتم في الاستراحه هذا احسن من الهجهجه في الشوارع بس
مساعد : اصلن حنا مانبي الروحات ولا الدوران في الشوارع يبه
ام مساعد : الله يستر عليك ياولدي
مساعد : يلله فمان لله
حصه : انا بروح انام معد اقدر والله
نوره : انا بروح اخذ لي دش واستشور شعري ونام
نوف : انا عندي واجب بحله وبعدها انام
ام مساعد : دايم اذا جي وقت النوم قلتي عندي واجب
نوف :والله يمه اني ناسيه اني احل الواجب
ام مساعد : دايم تنسين مهب اول مره ولا اخر مره يمه
ابو مساعد : انا بروح اصلي ركعتين ونام
نوره : حصه سولفي علي لين انام
حصه : اقول انتي رايقه فكيني بس
نوف : معليه نوره سولفي معي انا احب السوالف
نوره : اقول نامي انا جامعيه وانتي باقي في المدرسه مزاجي اكبر من مزاجك
نوف : الله الله قبل اسبوع وانتي تبربرين علي واليوم ماتبيغيني انوم احسن لي
.
وهذلي قصه عائله ابو مساعد في اول يوم من الدارسه
اونتهت قصتنا
تقبلوا تحياتي