سلام يالوادي اللي زادني شوقا علـى شـوق
شوق(ن) للاحياء وشوق(ن) للذي تحت الترابي
البارحه امسيت في هم(ن) وانا في غم موروق
النوم جاء في العيون وبات فكري في اكتئابـي
الجسم مني نحل والدمع يتحـدر مـن المـوق
والقلب مني احترق والهم في ليلي سرى بـي
واصبحت مثل الذي ماله غدا نهب(ن) ومسروق
والغبن يطعن على قلبي كما طعـن الحرابـي
عليك يالحلـة اللـي مالقينـا فيـك مخلـوق
مـن اهلهـا مالقيـت الا الحدايـا والغرابـي
هويتها يوم انا في منزله عاشـق ومعشـوق
واليومه ابكي عليها مادرت باللي جـرى بـي
ابكي لجدرانها المتخلخله والسقـف مشقـوق
وابوابها باليه والسام فـي جـرف(ن) عيابـي
والله مابكي لدنيـا فانيـه والحـرث والسـوق
لكني ابكي على دار الكـرم صـارت خرابـي
ضليت اومل في آمالا ومنها عـدت مرمـوق
وراحت آمال ابـو عبد الرحيم مـع الترابـي
يالله يامن وضع سبعا ورافـع مثلهـا فـوق
واجريت مابينهـا نسـم الهبايـب والسحابـي
ياكاشف الضر عن ايوب راس وشفي عبـوق
وحافظ يونس ببطن الحوت في بحـرا عبابـي
اطلبك ياخالقي يـارب فانـك خيـر مطلـوب
تعيضني واسع الجنـات فـي زهـرة شبابـي
والطف بحالي نهار الحشر بعد النفخ في البوق
واغفر ذنوبي وزلاتـي ويسـر لـي حسابـي
وصلاة ربي عدد ماتعاقبت مغراب وشـرووق
على نبي الهدى المنـزل عليـه آي الكتابـي
شوق(ن) للاحياء وشوق(ن) للذي تحت الترابي
البارحه امسيت في هم(ن) وانا في غم موروق
النوم جاء في العيون وبات فكري في اكتئابـي
الجسم مني نحل والدمع يتحـدر مـن المـوق
والقلب مني احترق والهم في ليلي سرى بـي
واصبحت مثل الذي ماله غدا نهب(ن) ومسروق
والغبن يطعن على قلبي كما طعـن الحرابـي
عليك يالحلـة اللـي مالقينـا فيـك مخلـوق
مـن اهلهـا مالقيـت الا الحدايـا والغرابـي
هويتها يوم انا في منزله عاشـق ومعشـوق
واليومه ابكي عليها مادرت باللي جـرى بـي
ابكي لجدرانها المتخلخله والسقـف مشقـوق
وابوابها باليه والسام فـي جـرف(ن) عيابـي
والله مابكي لدنيـا فانيـه والحـرث والسـوق
لكني ابكي على دار الكـرم صـارت خرابـي
ضليت اومل في آمالا ومنها عـدت مرمـوق
وراحت آمال ابـو عبد الرحيم مـع الترابـي
يالله يامن وضع سبعا ورافـع مثلهـا فـوق
واجريت مابينهـا نسـم الهبايـب والسحابـي
ياكاشف الضر عن ايوب راس وشفي عبـوق
وحافظ يونس ببطن الحوت في بحـرا عبابـي
اطلبك ياخالقي يـارب فانـك خيـر مطلـوب
تعيضني واسع الجنـات فـي زهـرة شبابـي
والطف بحالي نهار الحشر بعد النفخ في البوق
واغفر ذنوبي وزلاتـي ويسـر لـي حسابـي
وصلاة ربي عدد ماتعاقبت مغراب وشـرووق
على نبي الهدى المنـزل عليـه آي الكتابـي