سلام /بقلمي

[poem=font="tahoma,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

سلام / بقلمي

سلام ياهل المرجله والنواميس==احلا من الشهد المصفى بمذاقه
بني مالك للطيب رمز ومقاييس=صغيركم يحمل سمو اللباقه
والحر لاشهر يجوب الرواميس=ولامن تحدَّر لابرق الريش عاقه
حنا نصيناكم ضيوفٍ عواسيس=محبةٍ فيكم ولا فيه فاقه
انواركم في منتداكم مقابيس=لاشافها الشاعر يزود اشتياقه
وانا الذي تسوق فكري هواجيس=وياما جزيل القاف غرَّد وساقه
طاروق شعري دق كل النواقيس=لاضقت وصار البال مامن رواقه

نايف الشويب السليمي

[/poem]

صح لسانك
وبيض الله وجهك
ونحن نرحب اجمل ترحيب
ونتمنى لك الفائده
وفي اتظار مشاركاتك

أسيرالشوق قال:

مرحباً بك تراحيب المطر ​

​

نتشرف بك وبأمثالك فأهلاً وسهلاً بك بين إخوانك وربعك ​

​

متمنين لك طيب الإقامة وأن تفيد وتستفيد .​

​

الشكر الجزيل لك على القصيدة الرائعة وأبشر بمن يرد عليك​

​

فالمنتدى ولله الحمد ينتسب له العديد من الشعار الكبار .​

أنقر للتوسيع...

صح بدنك ولاهنت على الترحيب الحار لاعدمتك /

تحياتي لمقام سموكم الكريم :

حصن شريان قال:

صح لسانك
وبيض الله وجهك
ونحن نرحب اجمل ترحيب
ونتمنى لك الفائده
وفي اتظار مشاركاتك

أنقر للتوسيع...

صح بدنك وبيض الله وجهك على الترحيب لاهنت /

تحياتي لمقام سموكم الكريم :

نرحب بك أجمل ترحيب وياهلا وسهلا يا نايف

الذويبي قال:

نرحب بك أجمل ترحيب وياهلا وسهلا يا نايف

أنقر للتوسيع...

الذويبي / فيك البقا وعادتك الترحيب بالضيوف لاهنت /

تحياتي لمقام سموكم الكريم :

ابوعبدالعزيز الشوقبي قال:

صح لسانك
وبيض الله وجهك
مرحبا مليون

أنقر للتوسيع...

ابو عبدالعزيز / صح بدنك وبارك الله فيك نارك مشبوبة وقهوتك مشروبة فالك الطيب والكرم لاهنت /

تحياتي لمقام سموكم الكريم :