ذباح الحيل
حزام الجنب
- إنضم
- 21 فبراير 2007
- المشاركات
- 833
- مستوى التفاعل
- 14
- النقاط
- 18
ذباح الحيل وش علومك ومنور المسرح
بما أنك صاحب تجربة في الحياة ياليت توجه نصيحة للشباب المقبلين على الزواج والذين يكلفون انفسهم وابائهم امور مادية
لا تعود بالنفع على حياتهم بعد الزواج ، خصوصًا اننا مقبلين على فترة الصيف القادم والذي تكثر فيه مناسبات الزواج
وايضًا طلب آخر لا هنت
وش تشجع ريال مدريد وألا برشلونه
وهل تلعب بلايستيشن وماهو شريطك المفضل
وشكرًا
يامرحبا تراحيب المطر يافقيه ،،، الله يرحم جدك الله محبني فيه ويشفي ابوك ،،، الشباب المقبلين على الزواج اوصيهم بتقوى الله ،،، الابتعاد عن التكاليف والتكلف الزايد ،،، بعد التقوى اقول ان التكاليف تهون ولا انها موجعة ،،، لكن اوصي الاباء قبل الابناء انهم يثقفون اولادهم وبناتهم عن الحياة الزوجية ،،، الزواج يالربع ماهو سيارة اشتريها اذا ماصلحت لي بعتها ،،، الزواج حياة وتكوين اسرة اذا فقهناها ابشروا بالحياة السعيدة
اما اللي يتزوج علشان يقول اني تزوجت ويلاقي اكله جاهز وملابسه مغسولة واذا قصرت في واجب حدحدبها وقالت انتي طالق هذا اللي مايصلح ،،، وهذا اللي حاصل في كثير من الاسر ،،، مايمدينا ننسى سالفة الزواج الا وقالوا فلان طلق
الله الله ياصدقاني في تقوى الله واتباع السنة الكريمة ،،،
اما الكورة لعبناها يوم هي شراب محشي جعول ولا ( رين) اللي مايعرف الرين ينشد الدميري ولا حميان ولا ابو ماجد وابن دمغان
سقاها الله ذيك الايام نشوت الكوره ولا الحجر سوى الرجل اصلب من الحجر ،،، ماهو كما اليوم لو ينتكب الواحد في بيضه طلع دمه
البلا يستيشن اظن ان له من اول اسمه نصيب ،،، اعمي الورعان من كثر ما يشبهرون ويتشبحون فيه بتتبلقس عيونهم ،،، وزادهم جهاز ايبود مدري ايباد ماينزل من ايديهم ،،، ابو 4 سنوات والله انه مايمشي الا متعبطه ،،، الله يصلح الحال يابو عبدالله ووخلفين عليكم زين
