ابو عبدالله الشبّاني
مراقب
سر يانديبي فـوق زيـن المواتيـر
رنج(ن) جديـد وتوهـم مشترينـه
صاوب رجال الجود في بيت ابو خير
بيت الشـرف والديـن ياعارفينـه
تلقـى بمجلسهـم كثيـر التباشيـر
المجلـس اللـي بالتقـا عامرينـه
سلم عليهـم عـد ماغـرد الطيـر
واعداد من زار الحـروم والمدينـه
سلـم عليهـم كلهـم دون تقصيـر
وسلم براس العود واقصـى جبينـه
قله ترى له في حشا القلـب تقديـر
راعي الوفا والطيب تسلـم يمينـه
امثمن اعلـوم الرجـال المناعيـر
حلحيل راسي مثل مرسى السفينـه
لاجاء نهار الميـل قـاد الطوابيـر
وخصمهم بـاذن الولـي هازمينـه
اليـا مدحتـك مامدحنـاك تزويـر
معروف يانسـل الرجـال الفطينـه
وختامهـا منـي سـلام ومعاذيـر
لهل البيـوت النايفـات الحصينـه
صح لسااااااااانك ياااقيصر الكلمة
وبيّض الله وجهك بياض الشاش
ونعم والله ملاييييييين ولا يكفون بمن مدحت بيت آل ابو خير بيت عز وطيب وكرم
وجاه وعلم ودين نحسبهم كذلك والله حسيبنا وحسيبهم وطيبهم من طيب ساسهم
ما نعرف منهم الا الطيب والمذهب العريب
وانت ونعم يااقيصر الكلمة ولا يمدح الوافين الا وافي مثلهم وانت وافي ؛