من قديم مطر القشوعي و راجح البقيلي

البدع مطر القشوعي

اهلين يابو محمد قـلـتها من صفى روح
ترحيبتاً صدق ماهي ضحكاً او محقريه
واللي ضحك بالرجال الوافيه مــاتجمل
لا بد له من مواقـيـــفاً بهــا شــدة امرا
وايام تغلب على روحه ويـنــحاس منها

الرد راجح البقيلي

لو كان وجهتني للقــاضي المنصف اروح
لكن وجهـتنــي للــــظـــلع والـــمــح قريه
واصبحت مثل الذي عنده جمل ما يجـمل
واللي يقل من مزارع بيشه قد شــد تمرا
لا يحسب ان الجلايب هزل وانحا سمنها

البدع مطر القشوعي

سقي زماناً مضى قــدام فيه المصابيح
رجال يبدون للـزحـــمــات والبيــرزيه
رجالهم مايقل في كل ماقف وش اعمل
نهار صيح الميازر له وروداً وصــدرا
ياكم صفوفاً يصـــدرها ولا انهــازمنها

الرد الشاعر / راحج البقيلي

ظلامة الليل يجلا ها ضـــياح المـــصــابيح
وانا صحيحاً فـــي الـــدنـــيا ولا بــي رزيه
ما اشبح لمن شب نيران المصايب وشعمل
انا معي قلب يرشدنــي وللـــعـــلم صـــدرا
وهجرة الـــشر واصـــلـــنا لمـــنــها زمنها

بدع راجح البقيلي

استمع منـطقــي وانا من العــلم ادير
الميادين فيها شر واحــصـــاد روس
لو وصفنا نهار المعــركه مايــوصف
والخناجر على روس البشر مسطره

الرد مطر القشوعي

البلـيد الـــمـــدرس يـــقــدمـه عالمدير
ولبيب العقل من وقته احـــصا دروس
ياحليل الذي ضيع من الدرس والصف
يقعد يلا عب الاقـــلام والــــمســـطره

يعطيك العافيه
وشكرا على المشاركه والابداع