محاورة بيني وبين ابو ضيف الله .....

محاورة بيني وبين الاخ العزيز والغالي سحيم العتيبي المعروف في منتدانا باسم (ابو ضيف الله)



[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صقر تهامه=

تفضل يالعتيبي ودي انشد عن هذاك اليوم =ترى اللي صار من صوبك يابن عمي ماهو عادي
انا خصمي طلع قاضي وانا والله مانا متهوم =اجنب عن طريق السيل وانت تصيح وتنادي

ابو ضيف الله=
والا يالمالكي مانته من اللي يكسرون القوم=يابعد الفرق مابيني وبينك يابن عبّادي
ليا صار الخطاء منكم علينا مايصير اللوم = تحل المشكله والا ترى ماعنك نشادي

صقر تهامه=

تبي تحكم على العربان وانته مثلهم محكوم=هذا ذنبك مادام انك عكست اخبار الاجدادي
انا عارف صقور الجو من وقت الهدد والحوم =ومثلك بين شعار العرب سرداد مردادي

ابو ضيف الله=
ترى ماعندي الا سيف حده مايجي مثلوم=ولو يلمسك حده رحت في ممشاك متحادي
علامك ليش هز الريش ريّح ياطوير البوم = ومثلك مايبى له في المواقف حرب وجهادي

صقر تهامه=
لو انه سيف به نفعه نفع في الفرس والا الروم = ولكن رد سيفك في غماده يابن الاجوادي
إلك مدة تحاول يالعتيبي تخلق المعدوم = تحسْبك مثل ابو زيد الهلالي وابن شدادي

ابو ضيف الله=
عيونك يالتهامي في جنوبك مار صح النوم = ولا للسيف غيرك غمد دامك هيس وربادي
انا عمك وانا همك وغصب بدوم حب خشوم = وصبرك لين اجهز للمطية خرج وشدادي

صقر تهامه=
بعد مادن رعادك وغيّم في سماك غيوم = اظنك مانت مستور العصيمي وابن عوّادي
والا ياليتني موجود ساعة يومك المشؤوم = يجيك السيل من روس النوايف حادر الوادي

ابو ضيف الله=
هذا ميراثنا من عهدنا يالساري المنجوم = إلي صوله وجوله وانت سد الضلع من غادي
تضيعك الهقاوي وانت لامعطى ولا محروم = يبا يركبك حق ولايفيد الملح والزادي

صقر تهامه=
إلك جوله وصوله في ديار الجمش وام الدوم = ديارا مرها ابراهيم والشيخ ابن عيادي
تحمد ربك ليا طال عمرك لين شهر الصوم = وانا ادري عن كثير الناس لو خسر ولا فادي

ابو ضيف الله=
شبابه كلهم شجعان وانتم شجرة الزقوم = والا يالخنذفي ماقدمك الا سم الاكبادي
تذكر لاتناسى فعلنا في جدك المرحوم = وصل بْمسجد العباس والا مسجد الهادي

صقر تهامه=
نصحتك مرتين وقلت لي عفوا مافي معلوم = ترى سد الشفاء نقاد ماهو بأيّ نقادي
تعيّب جدنا وانته من شيوخ الحكم مدعوم = ولكن بانت النيات يالعتبان من غادي

ابو ضيف الله=
تراني مانويت ازيد فرك خشيمك المعروم = وصدفه جابك الله ياولد من غير ميعادي
لا بالله مايفرق شملك الا رمحنا المسموم = ولو غبنا نهار الكون يمكن مانت منصادي

[/poem]

محاورة رائعة بينكما وصحت السنكما على هذا الابداع

والله يعطيكم العافية يالغالين

صح لسااااااانك ياصقر تهامه انت وابو ظيف الله والله يعطيكم العافيه على هذا الفتل والنقض
ولكن (( طـــو يـــر الــبـــوم )) ؟؟؟
عموما محاوره في قمة الروعه
لكم مني اجمل تحيه

شكرا لتواجدكم
والاخ مجرد شاعر يبدو ان لديه ملاحظات
فالهجاء حق مشروع لاي شاعر
وافضل شيء عندما يقترن الهجوم بالرمزية
شكرا

صقر تهامه قال:

شكرا لتواجدكم
والاخ مجرد شاعر يبدو ان لديه ملاحظات
فالهجاء حق مشروع لاي شاعر
وافضل شيء عندما يقترن الهجوم بالرمزية
شكرا

أنقر للتوسيع...

ابو مسلم الله يحييك انا في تعقيبي على المحاورة لم اتطرق لااحداث المحاوره
بل اعترضت على مفردة طوير البوم
بحيث ان الطوير طائر لا يمت للبوم باي صله
وشاعرنا ابو ظيف الله يقول بان اسم فرخ البوم هو الطوير

وصحت السنتكم مره اخرى

صح لسانك
ياصقر تهامه والله إنك شاعر متميز
وانشدنا بقصايدك الحلوة...

شكرا على تواجدكم جميعا ايها الاحبة