قصيده للشاعر مساعد بن سيال في وفاة ابنه نواف والرد كان من أحد أخوانه !!!!!

[poem=font="simplified arabic,6,darkred,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
قصيدة : ابونواف=
مابقي في بيت أبوك الا صور وثياب يانواف=
الصور وثيابك اللي هزة الوجدان وانا صابر=
مثل صبر ايوب حنه للبلاء صابر ومحتسب=
وقضيت العمر وانا وأنت في غمرة رضاء ومحبه=
تركض الايام وانا محسب الايام والساعات=
يوم اشلت النعش كن الروح من وسط الجسد منزوعه=
والا كن الروح بين الناس مادار أكسجينها=
وزفيري مثل صوت الراعد اللي في قدوم الناوي=
ياغبوني يوم ريضت الجسد في القبر يانواف=
انا فارقتك ونيران اللضى وسط الكبد شبابه=
نهر دجله لا ورب البيت مايقدر يميتها=
يالله عوضني بخير وتسكنه يارب في جناتك=
جنة الفردوس والكوثر شرابه مايجي ضما=
ماخبرت انه زعل مني ويخدمني نهار الحاجه=
وجناح الذل طول العمر مخفوضآ لوالديه=
بعد نواف الحياه . سارت جحيم او علة(ن) في عله=
والقصايد والمحافل بعد نواف اعتزلتها=
الرد من : صقر الصقور=
العرب تنفي وتثبت واعرف الاثبات والنواف=
احنا مانقدر نقيس اعمارنا محد(ن)عليها صابر=
سبحان الي يحسب اعمار البشر صابر ومحتسب=
انشاء الله في جنة الفردوس لك مزرع ملاوم حبه=
يانواف ان كانت الدنيا قصاف الجنه وساعات=
القبر ماهو سجن للمومن الي زوعنا من زوعه=
المقابر سجن للكفار يدارك سجينها=
طالما في نيتك يالشيخ ابونواف تصبر ناوي=
والله ونعم ثم ونعم ونت مثل الشامخ النواف=
مامعانا قدره ذا كان القبر مقفول منشب بابه=
المقابر مالها ريموت يتقدى اريميتها=
قمنا نحثى بالتراب الين ظلا كالعجاج الناتك=
يوم كنا فوق راس القبر كالعقد المنظما=
قال ابونواف هيا نغلق القبر الحكيم إلحاجه=
ولسانه مثل حد السيف قاطر ملوي لديه=
لااله الا الله رددها لسانه علة(ن) في عله=
اعتزى يشهد عليه الله مايوم اعتزى التها=
[/poem]

ركّزت على البدعة المؤثره لئنها من اب مفجوع في ابنه رحمة الله على نواف ومكّن ابوه وامه
من التمسّك بحبال الصبر واحتساب ذالك عند الله الذي يجزي الصاير على صبره الجنّه الله يرزقك
الجنّه يابو نواف الردود كان مكمل صحت السنتكم الف شكر لك اخوي الشاعر مبتدي على النقل
الرائع

الله يرحم من صار لله وهذه سنة الحياة


شكرا لك مبتدي

قصيدة مؤثرة وقوية ورد في مكانه

ولكن لله ما اخذ وله ما اعطى

شكرا مبتدي

رحمك الله يا نواف وادخلك فسيح جناته والهم اهلك الصبر والسلوان
قصيده محزنه فعلن

الله أكبر سالت دموعي من البدع الذي آلمني ألم شديد
اللهم أرحم نواااااف والهم أهله وذويه الصبر والسلوان
وعوضه خير منه ياكريم

الشاعر القدير
المبتدي
رحم الله نواف والهم اهله وذويه الصبر والسلوان ولله ما اخذ ولله ما اعطاء .
شاكرين لك هذا النقل الرائع .

الشاعر مبتدي شكراً لك على هذا النقل
ونسأل الله الرحمة لنواف وأن يسكنه فسيح جناته
وأن يلهم والديه وجميع الأهل الصبر والسلوان ويجعلهم من الصابرين
لك تحياتي وتقديري