وزاد الجود دايم مودماني

[poem=font="simplified arabic,6,black,normal,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black""]
يقول اللي هجوسه ما تبيح=وقوله واضح المعنى صريح
ويدري ما يصح الا الصحيح=ويبدي في جزيلات المعاني
***=
يقولون الجهل قدّام كان=وانا اقول الجهل هذا الزمان
الا يا وجد قلبي والغبان= وانا اسمع فالكلام الهازماني
***=
الا يا اهل المثايل والهجوس=انادي كان للشيمات روس
تعدون الحكم عد الفلوس=بلاش من الشتايم واللعاني
***=
لنا تاريخ ماضي ما يظام=ومجدًا قرّروه اللي عظام
ترون اللي يهدّون النظام=مخالفة الشريعه والقراني
***=
انا ودّي تعيدون النظر=ولا تغدي معانينا لظر
يقودونا مغمضة النظر=على درب الخطر هذا جناني
***=
خطابي ليت يقراه المدير=ابو سلطان وادري به بصير
ويبعدنا عن الخط الخطير=ولا ناثم وهو ما ياثماني
***=
الا يا زين مشروب القراح=والا يا زين منطوق القراح
والا يا زين حضّار القراح=ولا سار الحمى والفيض اماني
***=
كتبت بفكر واخترت اليراع=ولا باخذ على وجهي قناع
وانا ادري بالنصايح ما تباع=وساري الليل لا بدّه يباني
***=
هدية شاعرًا يبغى الصلاح=لشيخانًا يريدون الفلاح
بعدها لا يزيدون الجراح=وزاد الجود دايم مودماني
***=

[/poem]

صح لسانك يابو سالم

صح لسانك يابو سالم على هذه الابيات الجميله التي حوت رسائل قيمه من شخصكم الكريم الى الشعراء والى مدير المنتدى ابو سلطان واتمنى ان تجد القبول من الجميع

يعطيك العافيه على هذا المجالسي الرائع

القدير ابوسالم

صح الله لساااااااااااانك وبيض الله وجهك ابدااااعك في كل الاتجاهات كما الشهد المصفى لاهنت يابوسالم