ديوان الشاعر/ نايف الشويب

إنضم
1 سبتمبر 2015
المشاركات
37
مستوى التفاعل
0
النقاط
6
سلام / بقلمي

سلام ياهل المرجله والنواميس==احلا من الشهد المصفى بمذاقه
بني مالك للطيب رمز ومقاييس=صغيركم يحمل سمو اللباقه

والحر لاشهر يجوب الرواميس =ولامن تحدَّر لابرق الريش عاقه
حنا نصيناكم ضيوفٍ عواسيس= محبةٍ فيكم ولا فيه فاقه

انواركم في منتداكم مقابيس= لاشافها الشاعر يزود اشتياقه
وانا الذي تسوق فكري هواجيس= وياما جزيل القاف غرَّد وساقه

طاروق شعري دق كل النواقيس= لاضقت وصار البال مامن رواقه

نايف الشويب السليمي

 
التعديل الأخير بواسطة المشرف:
إنضم
1 سبتمبر 2015
المشاركات
37
مستوى التفاعل
0
النقاط
6

رجلٍ عريب الساس / بقلمي

طيب الرجل يحسب وتاجٍ على الراس= والا الردي قله ملايين كوبه
رجلٍ ينومس من يجي له تنوماس= ورجلٍ حسوفه فيه تفصيل ثوبه

رجلٍ تشوفه كنه الطير قوناس = ورجلٍ كنه ذيك الرحول الركوبه
رجلٍ عريب الساس مبداه من ساس= ورجلٍ ردي الساس مامن خصوبه

رجلٍ ترى بنته يخطبونها الناس =ورجلٍ ترى بنته ما هي مخطوبه
رجلٍ على ماقيل تلقى به احساس=ورجلٍ عديم احساس يشبه لطوبه

رجلٍ على ربعه ذعاذيع نسناس = ورجلٍ على ربعه تصافق هبوبه
رجلٍ ماعمره ماشين درب الانجاس = ورجلٍ على درب النجاسه دروبه

رجلٍ عندك اغلا من اللول والماس = ورجلٍ عليه النفس ماهي رغوبه
رجلٍ على ماقيل مامثله اجناس =ورجلٍ على نفسه وغيره عقوبه

ومشكور ياقافٍ هندسته تهنداس= فيه المعاني تتجه للصعوبه
واختم كلامي عقب دقات الاجراس=والبحر لاجيته تحس الرطوبه

نايف الشويب السليمي

 
التعديل الأخير بواسطة المشرف:
إنضم
1 سبتمبر 2015
المشاركات
37
مستوى التفاعل
0
النقاط
6
الله يعز الاسلام / بقلمي

انــا يــوم انــي شـفــت الاحـــداث ملـتـمـه=لبِّيت معنى القاف وحـرك لـي احساسـي
ودعيـت فـكـري وهوجـاسـي عـلـى القـمـه=ومن شان عيني حضر فكري وهوجاسي

جانـي طـاروق الشعـر فـي عالـي الهـمـه=سلم عـلــي الـطــاروق ومنـبـعـه راســـي
احكـي لـه ويحكـي لـي عــن واقــع الأمــه=والأمه تحكـي لنـا عـن وضعهـا القـاسـي

الله يــعـــز الإســـــلام ويـكــشــف الــغــمــه=وينصر جنـوده ويهـزم جنـد الانجـاسـي
وعــلــى وطــنــا يــديـــم الامن ويـعــمــه=ويحفظ لـنـا قـايـداً مـثـل الجـبـل راســي

سـلـمـان سـلـمـان يـقــول الـقــول ويـتـمــه=ولامن تنهـض عـلـى راس الـعـدو داســي
ورجـالـه الـلـي رقــوا فـــي عـالــي الـقـمـه=الشعب فــي حكمـهـم مــاذاق الاتعـاسـي

والـلــي لـبــس ثـــوبٍ وعـــزه عـلــى كــمــه=مهبول مــن يجـهـل الاطـــوال وقـيـاسـي
والــداب مـاهـو عـلـى امــه يـقـذف بسـمـه=والفاهم يشوفـهـا مــن بـيــن الاقـواســي

بـعـض البـشـر جـاحـدٍ يـانـاس حــق امــه=من عـقــب مـاغـذتـه مـلـعـون الاتـراســي
مايـجـحـد امــــه يـاغـيــر خــالــي الــذمــه=الله يـلـعــنــك يــامــعـــدوم الاحــســاســـي

نايف الشويب السليمي



الحيَّة الرَّقطاء / بقلمي

الحرب تطحن والبشر هم حطبها = حسبي على من حاكها واحتطبها
معمته من فوق راسه عصبها = سواد قلبه مثلها كالح اللُّون

كل الحروب الشامله مفتعلها = بين العرب بالذات حقده شملها
باارض اليمن والشام ناره شعلها = ومن قبلها البصره بها جروح واطعون

ومازال جرح العرب ياناس ينزف = بحر الدماء له مدةٍ ماتوقَّف
ومليار المسلم باقين شارخ الصف = مدري متى كل العرب بس يصحون

الحيَّة الرَّقطاء تحرِّك ذنبها = وانيابها كل العرب من عطبها
تمشي وتلدغ والضحيَّه عربها = في شامنا ياكم ناسٍ يموتون

بشَّار ولد اللَّاش قتَّال شعبه = الخمس سنينٍ ماطفت نار حربه
راع المعمَّه جاعله راس حربه = ملعون واللي يدعمه صار ملعون

صبراً على بشَّار عدَّا حدوده = من يوم حزب اللَّات يدعم جنوده
القدس لو يشكي قساوة يهوده = اخطر علينا من براثين صهيون

الحل وينه ياجميع العروبه = مادام اذناب الفرس صارت عقوبه
الى متى والموت تلفح هبوبه = كم واحدٍ من سبَّة الحرب مدفون

يالله انا طالبك ياكاشف الباس = يالخالق المعبود ياراحم الناس
عليك في سحق الخبيثين الانجاس = عليك في بشَّار ياخالق الكون

نايف الشويب السليمي


 
التعديل الأخير بواسطة المشرف:
أعلى