جديد الليلة

السلام عليكم ورحمته الله وبركاته
أقدم لكم هذه المحاورة مع الشاعر
عبدالله المالكي أبو غلا
أتمنى أن ترتقي لذائقتكم
[poem=font=",6,red,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ابوساعد =
ياسلامي والا يالله يامعبود=صخر القاف لي والملعبة لية

بعدها وانت ياساري الليالي السود=وش فوايدك من مسراك ليلية

ابوغلا=
مرحبا جيتنا في وقت المعهود=خلها بيننا خمسين في المية

الليالي بها مكسب وربح وفود=لكن الله يستر ما الحرامية

ابوساعد=

البقا يازميلي والحبل مشدود=وانتبه مامعك روحة ولاجية

ويش قدمت يامخلوق من مجهود=يستحق الإشادة فيك حصرية

ابوغلا=
الحبل يارفيقي في يدك معقود=لازم اعطيك جلساتاً علاجية

وش اسوي ترا تفكيركم محدود=كل شي تبي ياصاحبي زيه

ابوساعد=
لاح براقكم واوحي دوي ارعود=عادتك والسحايب دوم صيفية

والله اني لا اطلع سرك المفقود=بعد ذا اليل مافيها محنية

ابوغلا=
انتبه لاتمس النار والبارود=والسحايب تهل امطار شتوية

هد نفسك ترا الليلة سهود امهود=وانصحك يارفيقي صفي النية

ابوساعد=
هد روعك علامك مانته بمطرود=فاوله الليل قيفانه بعد حية

سالفة عابرة يبغالها منشود=ودي انشدك والأفكار مخفية

ابوغلا=
شاش راسي وفكري من هبوب النود=وانت شاعر وقيفانك حماسية

كل ماتطلبه ياصاحبي موجود=هات علمك مع دله وتمرية

ابوساعد=

كل موتر صحيبه يسكن المحدود=يطرحونه على المفرق بدورية

باح كل الرجاء ياحظه المقرود=جاك علمي وعلمك متعبه غيه

ابوغلا=
انت علمك ياياسر ماعليه اشهود=ويش دخلك بين الداب والحية

العرب بالشجاعة تنعرف والجود=وانت ضيعتها لاذي ولا ذية

ابوساعد=

عدل الوضع ياللي ماسك العنقود=العنب لا يسبب لك حساسية

لا يوسوس لك الشيطان فالمعدود=كل ربطة عليها اختام رسمية

ابوغلا=
وضعكم مايطمن والخطا مردود=والعنب يارفيقي للكبارية

اسرع ان كان ودك فالعدد مجرود=العميل المميز له خصوصية

ابوساعد=
عذرك انك معي ياصاحبي محسود=مير هذا العذر ماله صلاحية

انا قاضيك وانته ياولد مجلود=صك جلدك عليه أحكام شرعية

ابوغلا=
العذر للنشاما مثل دهن العود=ياخسارة وجودك في السعودية


انت قاضي وهذا عقلك المقصود=يمكن اذبحك واكتب فيك مرثية
[/poem]​

وسلامتكم،،،،​