يابو البدر والله ماهي غريبه=إنك تجيب اللي تبيه الجماهير
كمن لقاءات(ن) بعيد وقريبه=سويتها مع رجل علم وهوامير

القدير ابو البدر شكر الله لك هذه السابقه الغير مستغربه منك
الحقيقه الكثير من المتواجدين هنا تمنا أن يكون ه صاحب هذا اللقاء
وأنا أولهم ولكن أنت دائماً سباق لكل علم غانم
أما أنت يابو سلطان فليس لي إلا إستذكار هذه القصيده

الله يابو سلطان يجزاك بالخير=عاللي تقدم لأجل خير القبيله
أسست صرح ولا توقفت عالسير=بذلت مجهودك لرفعة بجيله
أهديتهم منبر تعارف وتنوير=صرح(ن) حشا ماحد يدور بديله
غيرك يقل مالي أصرفه ليش تبذير=بوفره لأجل الليالي الجميله
وأنته بذلت الجهد والمال من غير=تحسب كثير المال ولا قليله
كل يوم لك ميزه وبشرى بتطوير=شرواك كيف إنرد شي من جميله
ياكثر من يحمل معزه وتقدير=ويقول ابو سلطان ما في مثيله
حقيقت(ن) مابه مجامل وتزوير=فضلك بعدي ربي علينا نشيله

لقاء رائع بحق واجابات تدل على ثقافة عاليه لدى مؤسس هذا الصرح الغالي علينا جميعاً الذي له الفضل بعد الله سبحانه وتعالي ان جمعنا نحن ابناء قبيلة بجيله في هذا المنبر الاعلامي فله الشكر والتقدير ونتمنى التوفيق لهذا الموقع .
تحياتي لك ابا بدر