درر الفخر في تاج المجد ( قصيدة تاريخ بني مالك)

نواف بن جارالله المالكي

شــــاعر وناقـد
إنضم
1 سبتمبر 2007
المشاركات
1,221
مستوى التفاعل
53
النقاط
48
كما وعدتكم أيها الاخوه بان أوافيكم بقصيدة (درر الفخرفي تاج المجد ) فهاهي القصيده بين أيديكم عسى أن أكون قد وفقت في إستعراض جزء من تاريخ هذه القبيله العظيمه .. أتمنى أن ترقى الى مستوى جمال ذائقتكم .. وأنا مستعد لتقبل كل الملاحظات .


[poem=font="traditional arabic,7,black,normal,normal" bkcolor="white" bkimage="" border="double,4,gray" type=0 line=0 align=center use=ex num="0,black""]
(قلت) يابيضان ياللي من عرفتك وانت واقف=منت لجبال العرب ياعالـي القامـة موالـف
جئت لجل أنشدك عن ماضيك عن كل المواقف=عن حروب وعن قلوب ومترفين وعن غلابه
قال قدر !كم مضى خوفو وهو واقف محلـه ؟=وكم جلس عاشق وتايه واستراحوا تحت ظله؟
وكم حوى ملوك و كنوز وناس محداً قال يالله=استكنوا تحت ظله واحتواهـم فـي ترابـه
عمُر خوفو في حياتي خمسة أيـام ودقائـق=وأن عطا بعض الحقائق قلت لك كل الحقائـق
قامتي فيها شخوص وقمتـي فيهـا وثائـق=وانفتح صدره وسيل العلم حدّر مـن شعابـه
ياوجوهـا ماتكذبهـا العيـون ولا المـرايـا=ماخبرناكم تجـون الا علـى روس السرايـا
انتم اللي تنصرون الحق فـي يـوم العطأيـا=تعدلون الميل لاجـا وقـت شـده وانجذابـه
وأنا لو قد شفتكم في نقص ولا فـي تنـازل=كان غيرت المكـان وكـان هديـت المنـازل
واشتعل من قمتي بركان ولا صـرت عـازل=دونكم طيلة سنين العمر في عشـق وصبابـه
قام وثق لي مقدمـة القصيـده يـوم قراهـا=واندهش يوم ابتداها وانذهـل يـوم انتهاهـا
شاهد أعصورا احتمل كل المواقف واحتواهـا=وشاعرا قدر جبل شامخ ووقف واعتـزى بـه
صدّق أقوالي جبل بيضان واقفيـت وتركتـه=يتعصب بالسحاب ويرهـب العالـم بصمتـه
وكتب هذا الكلام أللـي مضـى لمـا سألتـه=والله اعلم كم عدد من مر به ومن احتجى بـه
دامي اكتب عن ديارا والشهود اكبر شواهـق=لاتجلت في حللها يصبـح الشايـب مراهـق
ينسى علات الكبر ويعود قلبه قلـب عاشـق=وارتجال الشعر يرقص به على ايقاع الكتابـه
استقـي الأشعـار يامـن لوزهـا ولاعنبهـا=من مناحل شهدها ولا مـن سنابـل قصبهـا
في تهامة جودها بالشـوق يتساقـط رطبهـا=واستهل الشعر دربه في رباها واعتنـى بـه
يادياراً عاش فيها الجود مثل الضلع الانصـب=شدوا بوسطه حزام وهامته تاجـاً ومعصـب
ماضياً يقرا وحاضر من يدين الجيـل يكتـب=والشعر ينساب من فكري وقـدرت انسيابـه
قلت بكتب بالمروبع سيّـد اشعـار الملاحـم=وأبشارك في مواقع ربعنـا واسهـم واساهـم
لاني أولهم ولا اخرهـم ولانـي فـي تلاهـم=شاعراً وامشي بدرباً مانقفـل بالوجـه بابـه
عبدلياً مـن هميـل اهـل المـروّه والعوايـد=وافتخر مادام ابـوي الشيـخ حـلال العقأيـد
اقتدي به في العسر واللين واوقـات الشدايـد=والقصيد يموت في نحر القلم لو ماشدى بـه
ياسلامي يابخور الشعر اشوف الجمر حامـي=قمت اشم ابداعكم من قبل ابـادر بالسلامـي
ثم وقفت احتـرام لهـذا الانجـاز العصامـي=افرحي يارض الشعر ياللي تباشر بالسحابـه
افتخر في منزلة ربعي وربعـي بنـي مالـك=لو سألني سائلاً و ش منزلـة ربعـك وآلـك
قلت للسائل بـلاش اتعيـد وتكـرر سوالـك=وابشـر اجاوبـك بالاشعـار ولا بالخطابـه
ماهي غريبـه وعمـر بـن شعتـور جـدي=كانت العُّراف من شعـره وعرفـه تستمـدي
لو مدحته كلهم قومي معـي مافيـه ضـدّي=ماتشوف ان الروافد تعشـق النهـر وتهابـه
من اول التاريخ ببدا مابـه افكـار امحظـوره=وابشر اسقي لك جذوره لين تجني من بـذوره
واكبح اجماح العواطف والفواد انهي غـروره=وابشر احمّل جمال الفكر واسرّج لـك ركابـه
اصلنا يعود في عز النسب فـي قسـر عبقـر=ابن انمار ابن كهلان وسبـاءُ الجـد الأكبـر
وتسمينـا بجيلـه وقتحمنـا كـل مصـدر=وانشدوا عنا أهل خندف وانشدوا عنا شبابه
وبجيلة بنت شيخـاً وهـو سعـد العشيـره=من رجال الازد ياقوم البصر واهل البصيره
الرجال اللي اسكنوا الجنوب من شبه الجزيره=جدنا شاهد سهيل اليمنـي ثـم اقتـدى بـه
ورحلنا (م) اليمن من بعد طيحة سـد مـأرب=وضربنا للمعالـي كـل بطـن وكـل غـارب
ثم عصّبنا العمايـم قبـل تفتيـل الشـوارب=لين حلينا وصار البيـت واثـق مـن طنابـه
وطـردنا ثابـراً مـن كل ضلع وكـل وادي=بالسيوف المرهفــات وبالرمـاح وبالعوادي
بعـدما كانـوا يسيدون الحواضـر والبوادي=مابقـي في قـوم ثابـر لاسـوال ولا إجابـه
وسكنا من جنـوب الطائـف لـوادي تبالـه=ونزلنا الخبت واستوطن بعضنا فـي مجالـه
وتكاثرنا سلاله مـن سلالـه فـي سلالـه=لين صرنا قوم ذو منعـه وذو عـز ومهابـه
والنسب يجمع معانا ف الجـدود اولاد خثعـم=نسباً يؤمن به الحاضر ويومـن فيـه الاقـدم
واصبحوا ذا الوقت شمراني وشهراني ولدهـم=والنعم ياخير لابه تنتسـب فـي خيـر لابـه
وتعـددنـا قبـائـل وفصـائل وعشـائـر=واقتتلنا ثم لاح الحـزن مـن بعـد البشائـر
تركوا خثعــم مواطنا وهـذا الامـر سايـر=وبقي قومـي يشـدَون المحـازم والعصابـه
وبجيله عدة ابطـون ومنازلهـم حصينـه=احمساً والغـوث وفتيان والــرابع عرينـه
ومالـكاً هو قسـر المذكور لوطالت سنينـه=وبجــاله وبنـو قيس بني عـم وقرابـه
لفتخر غيري بشخصاً واحـد وكـرر كلامـه=جبت له ميّة مثل لهـل الكرامـه والشهامـه
في سراة المجد نلقاهم وفـي ساحـل تهامـه=والذي يفخر بـزور وكـذب ماينفـع كذابـه
لو بدينا بك يااسد بن كرز ونعـم يالمسمـى=يازعيم القـوم باليـوم الرخـاوي والملمـى
كـان لامنّـه ذكِـر للخصـم يتـولاه حمـى=لاتلوم الشاعر اللي جاب ذكـره وابتـدى بـه
لان هذاك الاسد سموه اسد والنـاس تشهـد=حرم الخمر القبيحـه والعـرب فيهـا تعربـد
ثم وافق منهـج التحريـم فـي ملـة محمـد=قال خمراً يذهب اعقول البشر وش ينبغى بـه
ثـم سمـوه العـرب رب بجيلـه فالقصائـد=لجل نفيه بان كاس الخمـر جـلاب الفوائـد
وغـدت عـاده لقومـه ماتغيرهـا العوائـد=ثم ساروا خلف اسد ساعة سلامه واحترابـه
سالفه وحده تبيّـن كيـف وثـق هالجسـاره=يوم جوا (سحمه) وغاروا واخذوا ابلاً لجـاره
فزّ من وقته ورد الأبل فـي جيشـاً وغـاره=قال بالفزعه لنا دعـوه وبالسيـف استجابـه
وامتدحه السحمي القتّـال واعفـاه وتحمّـل=وتأبـط شـراً الفهمـي مـدح فيـه وجمّـل
قال اسد يقري الضيوف ويعتق اغلال المكبـل=والـذي ماجـت بمثلـه لا تفاخـر بالنجابـه
بعدها أو قبلها قامت حــروب ابطى دهرهـا=بين غوثٍ وأخيه احمس حضرها من حضرها
وتأذى البعض الاخـر ثـم سافـر وهجرهـا=ثم هجوا عندمـا صـارت مواطنهـم خرابـه
واستمرا الوقت واحنا فـي شتـات ومهميـة=جاهليه ويش ترجـي مـن ظـلام الجاهليـة
غيـر مـوت الادميـة وارتفـاع العنصريـة=والتنافـر والتشاتـم والتفاخـر والسبـابـه
واستكنوا فالقبايل مـن شتاتـاً فـي شتاتـي=يفزعون افي الصباح وينهضون في المـباتي
لين جا جرير واجمعهم على حسن الصفاتـي=يوم قال الكلبـي ان البجلـي ماينتخـى بـه
قام فاخر خالد الكلبي وسـوق عكـاظ عامـر=وافتخر في قومه الغُـر المياميـن الكواسـر
وفاز بالفخر الكبير وعـوّد المهـزوم خاسـر=واعترف كل العرب في فخر قومه وانتسابـه
ثم شع الفجر واقبلنـا علـى عصـر الهدايـه=واعترفنا بان سيد الخلـق جـا للنـاس آيـه
والنهايـه فالبـدايـه والبـدايـه فالنهـايـه=وتزهبـنـا لـديـن الله يانـعـم الـزهـابـه
ثم سـار الفخـر بالتقوي وتصفية العقيده=والدليـل أعظـم نبي والدرب دعوته المجيده
والهـدف مرضاة رب الكون في همه شديده=والطمـع في رحمته والخوف من شدة عقابه
وجرير اقبل يبايـع والنبـي فالنـاس يخطـب=قال في معـناه يأتيكم رجـل من عز منسـب
ونـزل مسجـد رسـول الله واسلـم وتقـرب=وكساه البـردة وشكّـر فـي الله يـوم جابـه
كـان سيد فـي سنين الجهـل والاسلام سـيد=لاوقـف بين القصـور الشامخه قصـراً مشـيد
يوسفـي الوجـه مؤمن والنسب والاصـل جـيد=واجتمـع نـوراً على نـوراً وقداه ومشـى به
وبجيله بايعـت والكـل منهـم صـار مسلـم=وناصروا الدين العظيم بعزمهـم والكـل يعلـم
شيّدوا فـي هامـة التاريـخ للنامـوس معلـم=جاوز احدود الوصوف وجاوز احدود التشابـه
وجمعهم سيدهم وانهى سنيـن مـن التجافـي=قال ياقومي كفـى هـذا الجفـا ياقـوم كافـي
وابتدا عهد التكاتف وانتهـى عهـد الخلافـي=مايعيب القـوم مـادام النمـر يجمـع ذيابـه
حاربوا المرتد في دور اليمـن وارض اليمامـه=قدمهم عوداً هدر واشتال حملـه فـي سنامـه
وصنم ذي الخلصـه هـدوه لا يـوم القيامـه=خلعوا عصر الظـلام ولبسـوه اجمـل ثيابـه
ودعـى نبينا سـيد الرسـل بالـيوم الاعمـس=لرجـال أحمس وخيل أحمس ومن سـار باحمس
يــوم هدوا ذا الخلص والظلم بالانوار يطمس=وأنتـهى وقتـاً يهد العـزم مـن صيحـة غرابه
وجريـراً قاتـل اجيـوش البـلاد القيصريـه=وهـزم رستـم بربعـه فـي نهـار القادسيـه
واقتحـم بـاب المدائـن ثـم قدمهـا هـديـه=لمـة الإسـلام قالـوا ياعساهـا مستجـابـه
ولهـم فيهـا بطـولات ومواقفهـم نظيـفـه=قادهم فارس يشوف ان الجهاد اعظـم وظيفـه
سجلوا تاريخهم بالـدم فـي وجـه الصحيفـه=والقلم سيفاً غرس بالخصم لين اخـر نصِابـه
يومنا الابيض يسمى عندهـم باليـوم الاغبـر=لارزم راعـد نهـار المعركـه نقبـل ويدبـر
مايوخرنـا يكـن سـرج الفـرس والله أكبـر=لانطقناها يفيـض البحـر وتضيـق الرحابـه
وزهيــر ابن سبيعًٍ صاحب السيف الصقيلا=قـال انا قومي بجـيله والذهب هالـوه هيلا
مابقـى للمـرزبان الفارسي جيشـاً وخيلا=اربعـة آلاف هـدوا عشــرة آلاف مجابه
واقـبل يبشـر عمـر بالنصـر في شعراً معبر=وكـبر الـفاروق والعالـم غدت بعده تكــبر
وزهيـر أعظــم منفذ وجــرير أدهى مـدبر=وعمــر يدعـي لقومــي وشكرهم في خطابه
وانتخب جرير مابين الصحابـه فـي جماعـه=يوم حرب امعاويه وابو الحسن سيد الشجاعة
مالقي حل وأتراجع وابتعـد واعلـن وداعـه=مارضي يدخل طرف في فتنه أخيار الصحابـه
وانتقل من بعدها وعـاش فـي ديـرة بجيلـه=وغمد سيفه عن الفتنه وشـدّ ارسـان خيلـه
في سنة واحد وخمسين اندفن بـارض القبيلـه=بعد ما جاهـد لديـن الله مـن زهـرة شبابـه
ويزيـد البجلـي انعـم بـهِ ذاك الصحـابـي=وانا سميّت الولد بسمـه سجـلاً فـي كتابـي
طلب المختار دعـوه قـال بمـي انـت وابـي=ادع لي ثمن دعا بالخيـر يبقـى فـي اعقابـه
وانحن اجداد سيـف الله ولـد ابـن المغيـره=جدته صخـره وهـي مابيـن اجـداده كبيـرة
والعنـوّة بيـن مخزومـي وقسريـاً شهيـره=وأبو صخره هو الحارث وخالـد لـه مشابـه
وحكمنـا بالعراقيـن الكبيـر أيــام خـالـد=والنعم به من حكيم ومن زعيم ومـن مجاهـد
خالـد القسـري ذاك القائـد الحـر المعـانـد=كان مضرب للمثـل لهـل العطايـا والذرابـه
يوم ضحى في نهار العيد بالجعـد ابـن درهـم=يـوم قـال الله ماخـذ لـه خليـل ولا تكلـم
طاب سيفك طاب عقلك طابت ايدك يابن العـم=وعسى الله يرحمك عنده ويجـزل لـك ثوابـه
وفتحـنا قرماسييــن وحــلوان المنيــعه=بعــد صبحـنا جلـولا بالصماصيـم البريعه
ودعينـــا للعقــيده ثم حكمـــنا الشريعه=نكســب العليــا بعز وناخــذ الدنـيا غلابه
رستم الاكبر غزيناه وضحينا بالاصغر=يوم عزربه زهير البجلي بالسيف الابتر
السيوف البارعه تنسف صغيّرهم والاكبر=واستدارت في لظى حلوان روساً تصطلى به .
انتثر عقد بني ساسان لارحمو مجوسه=ونظمناه بعقد الدين واحسنا لبوسه
والمحارب ماخلع سيفه ولا همّل تروسه=رغم طيب العيش مابين الولايه والحجابه .
وحكمنا في خراسان ارض فـارس وانتصرنـا=تحت رايات اسد القسـري غزينـا واجتمعنـا
ابن عبـدالله اخـو خالـد ولدنـا بـن ولدنـا=الأراضي تفتخر به والسمـاء قالـت هـلا بـه
وافتدينا بالملـك خاقـان واغرقنـا جحوشـه=في نهار الحج الاكبر صاح اسد واطلق جيوشه
والطيور الجارحه ياكيـف تعسرهـا الكدوشـه=قيِّد ابحلقـة حصانـه وانقتـل باقـي كلابـه
وانفتح بارض الخزر والترك وديـانً واماكـن=وانطلـق فيهـا عبـاد الله يبنـون المساكـن
ويشيـدون المسـاجـد ويعـلـون الـمـأذن=وكل من يسمع بدين الله سـارع واهتـدى بـه
وبديل البجلي قاد الجيوش اليعربيه=وغزى فيها بلاد السند في همه قويه
وقتل منهم ثمانين بكفيه النديه=وانتقل الى جوار الله في عزم ونجابه .
يوقف الابطال تقديراً لقيس ابن هبيره=ماخشي من جيش قيصر ونذيره وصفيره
اخذ الثار لأبن اخيه في عزماً وغيره=وقتل ستة عشر علج بسيفاً يرتقى به .
وتولــى مسلمــة البجــلي حكم ارض الكنانه=وسليمــان ابن غالب جـــا من بعـده وعانه
وغزى برقه وطوع كـــل عاصــي في زمانه=والنعـم بالجيـش واللـي جهزه واللي غزى به
ويزيد ابن جريراً قاد صنعا والمكلا=ساد في ارض اليمن حتى تمكن وتعلا
رشحه للمنصب - المامون - ساعة ماتولى=وتوجه لليمن وعاد كلاً في نصابه .
وانتشرنا في ركاب المجد في ظهـر البسيطـه=نبنـي التاريـخ والجغرافيـا فـوق الخريطـه
اصعب اصعاب الأمور تصير ميسوره بسيطـه=نتّبـع منهـج كتـاب الله وامـره واجتنـابـه
وظهر فينا رجـال اعلـوم وأفكـارا شـدادي=مثل أبو يوسف وقيس الحازم أصحاب المبادي
في دمشق وفي مصر وارض الجزيرة والسوادي=في علوم الدين وعلوم الفلـك وأهـل الطبابـه
تعتـرف بعلومهـم وآدابهـم كـل المـراجـع=الرجال إلي تريـح القلـب وتزيـل المواجـع
لو بغيت أعدهم بتعب وانـأ أصحـح وراجـع=من بحث عنهم لقاهم في ثنـا العلـم ورحابـه
ويمثلنـا فـي الأشعـار عمـر أبـو الخثـارم=والشمر دل ابن جابر كـانفالاشعـار صـارم
وذريحاً والضريـس البجلـي راعـي المكـارم=والفتيــاني محمـد شاعــراً يحسـب حسابه
وابن بطــوطه ذكـرنا في ميادين ارتحــاله=وذكــر عنا حقائــق ما اعتسفــها من خياله
في حــوادث قــرنه الثامن وفيـ سيرة رجاله=كـل مـن يقـراء كتابه كــن قاريه التقى به
وتحــدث عن بجيله وســراة أهل المحامد=وذكـر زهــران واوفى مدحـهم واوفى لغامد
والنعــم ياللي تطيح خصومهم من رأس صامد=الزمــان الصعب تكســـر من عزايمهم نيابه
وتحــدث عن ســراة الخيــر وانواع الزراعه=والديـار اللـي تجنبها تصــاريف المجــاعـه
سوقـها ماينكســر مـده ولا ينـكب صـــاعه=وكل مــزرع ينتهض بالخيــر من ماه وتــرابه
ووصــف فرسانهم واسلــوب تنظيم القوافــل=وكيف تخشــاهم لصوص الدرب لو كانــوا جحافل
ووصفهـم بالطــواف وبالسعـــي فرض ونوافل=قال يدعـون الـله بداعـي ياحظ اللـــي دعى به
وخصهـم ابوالـعلا عمـرو بمـــيدان الفصاحه=وبن بطــوطه ذكــر هذا بتوثيق وصـــراحه
والحقائــق واضحه والحــق يتجلــى اتضاحه=والـذي شكـك بقـولي يرجـع لدفـه كـــتابه
ونزلنــا المغرب العــربي قبل ياجـي ابن غانم=وقـبل يرحــل لها أبو زيد حــراب ومسالــم
ونزلنــا الاندلــس يالانــدلس يــم المـعالم=قــبل ماتمســي شــتات وقـبل ماتصبح نهابه
ونــزلنا في مصــر وفي قطــر دار ابـن ثاني=وبـلاد الشـام وأعلـى نجـد والضلــع اليمــاني
والعــراقين ودبـي الــى المــدينه لاعــماني=ونــزلنا سهــل جــده ثــم حقــقنا سرابـه
وآل ياسيــن انزلوا بارض الكــويت مــع آل راشد=والــفراهيد لهــم بالدوحـة أعـــلام ومــراشـد
وبجــاله فــي جنــوب الليث صــاروا جمع حاشد=والنقــيبي نــاخ فالســـبع الامـــــارات ركابه
وتسمـينا بنـي مالـك وصـار الاسـم شامـل=عام تسع اميه من الهجره حصل هذا التكامـل
هكذا الأنساب تتـوارث حسـب عـدة عوامـل=وبقي التاريخ يحكـي حاضـره فتـرة غيابـه
مــالك أبن أنمــار هو قســر غدا مجمـع نسبنا=اكبــر بطون بجيله حســب ماجـــــا في كتبنا
وتسمينــا بمــالك وافتخــرنا وأنتسبنـــــا=والنــعم ياللــي تسمى بافخم إسماً وأعتنــى به
وتشكلنـا بعدهـا خمسـة ابــدود وقبـائـل=بالنعيم وداعـي الحربـي رجاجيـل الحمايـل
والهلالي في عفف والعلـوي راعـي الجمايـل=وداعي العمري سكن بالخبت والشامخ رقى بـه
حــدنا مصيون من شامه وغـــربه وشرقه=وجنـــوبه جاوب شـــماله ليـامن لاح برقه
والـله انا عـزوه الشاعــر ليامن جـــر طرقه=والله انــا مزبــن الخايف ليا رجت عصـــابه
أنكســر بخروش دون احــدودنا وانهـــد حيله=يوم جــانا بالخيــول وبالمداقيــل المهـــيله
وقتلــناهم عن آخــرهم علــى ماي النجــيله=بعد ما جــاء في حــديد ابجيش عسفنا رقــابه
قال شـاعرهم( تمـور اضـم باكلـها بلاشــي)=قال شاعــرنا( تمهل لاتعــزوى بالدباشــي)
(ماشـرينا البندق الا لجـل تفقـيع الكــراشي )=وانحسم موقف وخاب الجيش واسم اللي غزى به
وفي شهر شعبان عام الالف بعد الميتينا=وثالث وخمسين ياحساب في عدالسنينا
ربعنا جادوا وسادواواحتموا داراً ودينا=يوم جيش الترك من ضرب اللظى ضاق الفضا به
شنعوا بالعسكر وجافي رجولتهم هشاشه=وطيحوا (الصغقول) و(الجاويش) جنب (اليوزباشه)
نارهم جت بالعدو مثل البعوضه والفراشه=والمخِطط وقت ماجاه الخبر غص ابشرابه
قاتلوا واهدو لغازيهم من البندق حرايق=وحاول القايد يغير بالقلم بعضالحقائق
راسل اسيادة وبينضعفهم حبر الوثائق=وانكسر جيش العدو واخذوا بين مالك زهابه
عندنا الاسواق خمسه في تهامـه والحجـازي=ماتقـول الا عكـاظ وذي مجنّـه والمجـازي
امّنوها في سنيـن الخـوف فرسانـاً عـزازي=ياااعذاب الي بغى يسـرق طرفهـا ياااعذابـه
يوم جانا زيد بـن فـواز فـي غـزوة فلاحـة=ولد فواز الشريف الـي محـد يكبـح جماحـه
حاكماًُ ماينهـزم جيشـه ولا يسلـب سلاحـه=عصّب الاشراف والاتـراك ثـم قـاد العصابـه
ثم جونا عصبـة الاتـراك والمبعـوث حاكـم=قائد الأشـراف قـال بساعـه ابحكـم قراكـم
وتعزووا بنـي مالـك قالـوا يالعنـة لحاكـم=وستفزوا من شموخ اجبالهـم كِبـر وصلابـه
والربابـه والـدِّلال يضنهـا ترفـع مقـامـه=يوم جا بمؤخرة جيشه يبـي ينصـب خيامـه
خيّـب الأبطـال فالـه قبـل مايبلـغ مرامـه=لاحمي زير المعـارك ينقطـع حبـل الربابـه
ثم جونا مـن عفـف بالفزعـه اولاد الهلالـي=شدوا الأكفـان والرايـات بظهـور الجمالـي
مايعوقهم عـن الموقـف صعيبـات الجبالـي=واقبلوا بارودهم مثـل السمـاء ينثـر ضبابـه
شامخين الروس مافي عندهم شطر اقتصـادي=نقصهم في زودهم لاعـودوا نفـس الأعـدادي
قالوا نبغى الدم يسبق مايقـول اهـل المـدادي=ونصحـح نظـرة المرتـاب ونزيـل ارتيابـه
حملوا حلمة رجل واحد وكني اشـوف قومـي=لانطلـق قرناسهـم يفّـرق افلـول الرخومـي
قال زيد الموت عند المالكي ضمن السلومـي!=يالهـذا الجيـش ياهـذا العجـب ياللغـرابـه
وانهزم جيش الشريف وجا موجِّه صوب مكـة=يوم تبعناهم تقطـع جيشهـم فـي كـل سكـه
ومسـك زيـداً زمـام الأمـر وهـرب وفكـه=وجا بيكتم خبره لكن لقي الساري سـرى بـه
ثم رفـت رايـة التوحيـد بالعهـد السعـودي=واختلفنـا واتفقنـا وامِّنـت كـل الـحـدودي
ثم بايعنا وصرنا مـن صعـود اليـا صعـودي=وانتهى عصر التشرذم وابتدى عهـد الرقابـه
كلمة التوحيد يخضـع تحتهـا سيـف العدالـه=ماخضع سيف السعود الا تحت لفـظ الجلالـه
ووردنا العلم وانسانـا سنيـن مـن الجهالـه=الجويهل صـار عالـم والمغفـل صـار نابـه
والمؤسـس وزع الثـروه علينـا بالتسـاوي=ياعسى الله يرحمـك يامامنـا الحـر النـداوي
مابقي الا اسمه وقال اخذوه ياشعـب العـزاوي=وانتسبنـا للملـك بالأسـم شّبـان وشيـابـه
ثم صرنا شعب واحد والهدف والأسـم واحـد=الوطـن نبنيـه بالاذهـان وافعـال السواعـد
سائليـن الله يحقـق للوطـن كـل المقاصـد=الوطن قلب المواطن فـي حظـوره واغترابـه
واستمر المجد ينقـل كابـراً مـن بعـد كابـر=الذي فوق البسيطـه نومسـوا مـن فالمقابـر
بالكرم والجود والناموس و اسلـوم المخابـر=مايموت الشهم وفي النفس شـي مـن الكآبـة
والقبــايل كلهم ونعــم علــى كل الطواري=الشهـامه جــاريه بدميهــم والــدين جاري
والمجـره دايره بالمـجد في عـرض الــمداري=والفضــاء ماضــاق لويصطك نجمه في شهابه
في عرب قحطان عاش المدح واختال وتصمّل .=من بقي منهم جنوبياً ومن انجد وشمّل
وربيعه وتميم المجد يالعز المؤمّل=ومضر ياقوم سيد الخلق وكبار الصحابه
وانا ماني عنصري ياسامعي واستغفر الله=لتعنصر صنعة الجهّال وعقولاً مظله
نحمد الله الذي نزل علينا خير مله=والرجل من دون هذا الدين مايسوى ذبابه .
والعذر يامن قرى هـذي القصيـدة او سمعهـا=شاعراً من واقع التاريـخ و افكـاره جمعهـا
عن قناعه فـي مكانـة ربعنـا قـام وبدعهـا=واعذروني لو حصـل فيهـا ملـل ولا رتابـه
أي نقـد ابقبلـه اذا حصـل تقصيـر مـنـي=حول معلومه خطاء او حول بيتـاً مـا يغنـي
وانـا مانـي لاملاكـاً كامـل ولانـي بجنـي=شاعراً واتحمل الي قـال وش حضـرة جنابـه
والذي ما يعجبه شعـري فهـذا شـي عـادي=ما معي جتنا سعاد ولا معي بانـت سعـادي
والذي زعلان من شيئاً حصل حسب اجتهـادي=يرتقي هامة جبل بيضان ويناقش هضابـه ..![/poem]






نواف بن جارالله المالكي{ ابويزيد }
ربيع الاول 1428هــ
 
التعديل الأخير بواسطة المشرف:

مستريح البال

Active Member
إنضم
19 أبريل 2007
المشاركات
1,135
مستوى التفاعل
4
النقاط
38
الإقامة
جــــده
والعذر يامن قرى هـذي القصيـدة او سمعهـا
شاعراً من واقع التاريـخ و افكـاره جمعهـا

عن قناعه فـي مكانـة ربعنـا قـام وبدعهـا
واعذروني لو حصـل فيهـا ملـل ولا رتابـه

=============================

صح لساانك اخوي نواف

وبيض الله وجهك على هذه القصيد
 

صقر تهامة

مراقب منتديات بني مالك
إنضم
11 مايو 2007
المشاركات
14,149
مستوى التفاعل
172
النقاط
63
الإقامة
الجنوب
الموقع الالكتروني
www.banimalk.net
ابداع وكلام صارم وتاريخي سيظل محفوظا لدينا وسنظل نردده في المجالس
اشهد لله بان ماقلت ليس الا الحق ولاغير الحق
صح لسانك
اصيل بن اصيل طال عمرك
 

نواف بن جارالله المالكي

شــــاعر وناقـد
إنضم
1 سبتمبر 2007
المشاركات
1,221
مستوى التفاعل
53
النقاط
48
حــدنا مصيون من شامه ومن غـــربه وشرقه
وجنـــوبه جاوب شـــماله ليـامن لاح برقه
والـله انا عـزوه الشاعــر ليامن جـــر طرقه
والله انــا مزبــن الخايف ليا رجت عصـــابه


ملاحظه/ كتبت في النص الاصلي هكذا:
حــدنا مصيون من شامه وغـــربه وشرقه

والصحيح كما هو موضح بأعلاه .


الاخ / مستريح البال أشكرك على المرور ووجهك أبيض .

الاخ/ صقر تهامه .. أشكرك على الاطراء ... ماعليك زود .


 
إنضم
22 يوليو 2007
المشاركات
7
مستوى التفاعل
0
النقاط
1
ياخي بيض الله وجهك ثم بيض الله وجهك ثم بيض الله وجهك وصح لسانك ورب الكون انها ولا شي عندك ... انا مادري وش ارد عليك بس والله اني اتمنى انك قدامي ياشيخ والله لأسلم على راسك وان لأحب يدينك ..

والله اني احسد بني مالك لوجود شاعر مثلك من ابنائها ...

مشكور اخوي وماقصرت والله لايهينك ..

منصور العتيبي
 

نواف بن جارالله المالكي

شــــاعر وناقـد
إنضم
1 سبتمبر 2007
المشاركات
1,221
مستوى التفاعل
53
النقاط
48
أخوي منصور العتيبي / حياك الله ومرحباً بك ...

,اشكرك من الاعماق على الاطراء والاهتمام .. وعساني أكون أفضل مماتراني وتحسبني ..

ووجهك أبيض .. والله إنك أحرجتني .

وبني مالك رجال كفو ولاتهون القبائل .. ,ان مدحتهم فهذا واجبي .ساعدتني مواقفهم ومدني بالافكار تاريخهم . والله ماأتيت بغير الواقع الذي حصل مع الاختصار ..

تحسد بني مالك . على شخصي المتواضع !!!. وأنت من قوم الشعر والعرف إذا فخروا في الشعر أتو بالزلامي وكديميس ومستور .. وخلف ,, وابن حميد .. ........................................ الخ



يقول ناصر دغش القحطاني /

أبرقت برقا وبرقا الاوليه ..... وارعــدت روقاً تجاوبهـــــا وصــــــــال

والتقى السيلين من صافي ابرديه .... تمطر اعتيبه مداغيش الرجال

أشكرك ياأخ منصور ولاتحرمنا من طلتك الجميله ...
 

شاعر بني حرب

شاعر ومشرف سابق
إنضم
14 أغسطس 2007
المشاركات
3,930
مستوى التفاعل
46
النقاط
48
أنكســر بخروش دون احــدودنا وانهـــد حيله
يوم جــانا بالخيــول وبالمداقيــل المهـــيله
وقتلــناهم عن آخــرهم علــى ماي النجــيله
بعد ما جــاء في حــديد ابجيش عسفنا رقــابه
*****
قال شـاعرهم( تمـور اضـم باكلـها بلاشــي)
قال شاعــرنا( تمهل لاتعــزوى بالدباشــي)
(ماشـرينا البندق الا لجـل تفقـيع الكــراشي )
وانحسم موقف وخاب الجيش واسم اللي غزى به



وانـا مانـي لاملاكـاً كامـل ولانـي بجنـي
شاعراً واتحمل الي قـال وش حضـرة جنابـه

الاخ الفاضل
نواف بن جار الله
لك كل الشكر والتقدير على هذه الابيات الرائعه في تاريخ قبيلتك
وان دل هذا على شيء فإنه يدل على شاعر وسيع الاطلاع ومتمكن
اتمنى من المشرفين تثبيت هذه القصيده الرائعه
حفظك الله
 
التعديل الأخير:

أبو محمد

مشرف سابق
إنضم
3 أغسطس 2007
المشاركات
10,465
مستوى التفاعل
55
النقاط
48
الإقامة
جـــــــــــــدة
الموقع الالكتروني
www.banimalk.net
صح لسانك وعلا شانك وبيض الله وجهك والله يعطيك العافيه أخوي نواف ع القصيده الرااااائعه والجهد المبذول وأبدعت بس لوكانت القصيده في ملتقى العرضه والمحاورة الشعريه أعتقد أفضل في الواجهة وخصوصاً للزوار الكرام مشكوووربارك الله فيك ما قصرت وننتظرجديد إبداع قلمك:)
 

ابو هااجر

المراقب العام
إنضم
31 أغسطس 2007
المشاركات
30,700
مستوى التفاعل
188
النقاط
63
الإقامة
الرياض
وانـا مانـي لاملاكـاً كامـل ولانـي بجنـي
شاعراً واتحمل الي قـال وش حضـرة جنابـه

.........................................

صح لسانك وبيض الله وجهك ابويزيد

ويكفيني شرف انك من اخوالي الهمله
 

الحبصي

مشرف سابق
إنضم
10 سبتمبر 2007
المشاركات
2,633
مستوى التفاعل
11
النقاط
38
الإقامة
الـريـاض
صح اللسانك و بيض الله وجهك
مشكور ابو يزيد
والشكر في حقك قليل

تقبل مروري
وجزاك الله الف خير
 

ابن الوطن

Active Member
إنضم
23 سبتمبر 2007
المشاركات
2,453
مستوى التفاعل
6
النقاط
38
صح لسانك ياابو يزيد وبارك الله فيك .
وعمر بن شعتور لابد ان يطلع له احد من ابنائه او ابناء ابنائه واعتقد انه حان لنا ان نقول انت دالك الرجل .
 
إنضم
7 سبتمبر 2007
المشاركات
153
مستوى التفاعل
4
النقاط
18
ابو يزيد بيض الله وجهك وماقصرت ووافي

والله يعيننا على حفظها
 

العمدة

مشرف سابق
إنضم
1 سبتمبر 2007
المشاركات
924
مستوى التفاعل
3
النقاط
18
اخي نواف بن جار الله المالكي
لن اقول كلمةٍ واحدة
<< بل أقف تقدير واحترام لشخصك العظيم >>
بيض الله وجهك
تقبل احترام
اخوك
777
77
7
العمـــ:601:ـــدة
 

نواف بن جارالله المالكي

شــــاعر وناقـد
إنضم
1 سبتمبر 2007
المشاركات
1,221
مستوى التفاعل
53
النقاط
48
الاخوان /

شاعر بني حرب

الشولاني

أبوهاجر

الحبصي

أملاك الصفوه

ولد الديره

العمده

جريح الفؤاد



أشكركم على الاطلاع

وأشكركم على التفاعل

وأشكركم على الاطراء

إذا كانت أعجيتكم القصيده فقد آسرني إطلاعكم وتفاعلكم .

دمتم بخير .
 

مفرح

Active Member
إنضم
25 يوليو 2007
المشاركات
2,401
مستوى التفاعل
4
النقاط
38
الإقامة
جيزان
يسلــــمو​
ننتظر ما تنثره لنا...,...

ودام حسك ونبضك ودامت حروفك العطره...,...

لك كل الإحترام والتقدير...,...

تقبل مروري البسيط والمتواضع...,...

...ودمت بألف خير وصحه...,

 
إنضم
6 أكتوبر 2007
المشاركات
163
مستوى التفاعل
2
النقاط
18
الإقامة
شرق المملكه الجبيل
عبدلياً مـن هميـل اهـل المـروّه والعوايـد
وافتخر مادام ابـوي الشيـخ حـلال العقأيـد

اقتدي به في العسر واللين واوقـات الشدايـد
والقصيد يموت في نحر القلم لو ماشدى بـه

ونعم بخوالي والف مليون نعم . مالها الا رجالها

صح لسانك ياعزوتي على الحراااااااااااااااام انك كفو .
لاهنت وبيض الله وجهك ......
 

نواف بن جارالله المالكي

شــــاعر وناقـد
إنضم
1 سبتمبر 2007
المشاركات
1,221
مستوى التفاعل
53
النقاط
48
الاخ / بن دهيس أشكرك على الاطراء والثناء الجميل والعبارات العطره


ماعليك زووووووووووووووووووووووووووود
 

ريمية

مجموعة حواء
إنضم
12 سبتمبر 2007
المشاركات
213
مستوى التفاعل
2
النقاط
18
الإقامة
أطهر بقعة
صحححححححححححححح لسانك مليار على هذي القصيدة الجزلة ..
وهذا السرد التاريخي الرائع..
دمت وسلمت .. تقبل مروري
 
أعلى