عبدالواحد في قصيدة بنات الرياض

نمر

Active Member
إنضم
7 أكتوبر 2007
المشاركات
1,995
مستوى التفاعل
21
النقاط
38


عبدالواحد في قصيدة بنات الرياض

البنات من الرياض اللـي حكايتهـن حكايـة

أهدروا لي دم قلبي واشعلوا في الراس شيبي

البداية فـي النهايـة والنهايـة فـي البدايـة

تشرق الشمس وتغيب وتشرق الشمس وتغيبي

جمعت فحشا علـى منكـر وسمتهـا روايـة

تصنع من الذيب حمل وتصنع من الحمل ذيبي

دون حد الاحتـراف ودونهـا حـد الهوايـة

بابعد من ابعد بعيد وباقرب من اقرب قريبـي

في شريعتها زواج بـدون مهـر ولا ولايـة

ذيك عداها القطار وذيك ما جاهـا النصيبـي

وذي تقول ارضى بكاين من يكن يطلع معايـه

احتفل به واكتفل به شرط ما يطلـع خطيبـي

وذي تقول أهتك شرف نفسي واشهر به نكاية

في أبوي وامي وعمي وأخوي وفي خطيبـي

صورت هـذا البلـد للعالـم الغربـي مرايـة

الثمامة تعكس الصورة من البحـر الكاريبـي

ما دري ليش تفوح من صفحاتها ريحة وشاية

خبث صهيوني مغلـف مرتيـن بحقـد ليبـي

أنشهرتي يا رجا الصانع بمـا فيـه الكفايـة

إنما ظنـك وظـن اكبـر شياطينـك يخيبـي

الرياض الراية الخضـرا تحـدت كـل رايـة

واقفـة بالنـد والمرصـاد للغـزو الصليبـي

دار ابو متعب وابو متعـب تسلمهـا وصايـة

من فهد من سالف أخوانه من الجد العريبـي

أصبح أول من رماك اللـي تعلمـه الرمايـة

واصبح أول من طعنك أخوك ماهوب الغريبـي

يمكـن الإرهابـي التقليـدي يفجـر بنـايـة

والا يطلق في الهوا طلقة تصيب أو ما تصيبي

لكن إرهاب العقول أحـق وأولـى بالرعايـة

والسهام اللي تصيب الفكر مضربها عطيبـي

هو صحيـح ان الروايـة رجعتنـا للقرايـة

مير جرح سوته في القلب لا يمكـن يطيبـي

وفرت بأسلوبهـا المقـذع تكاليـف الدعايـة

ولبستك البشت بالمقلوب يا غازي القصيبـي


 

متيم بحب بجيله

مشرف سابق
إنضم
5 سبتمبر 2007
المشاركات
13,154
مستوى التفاعل
237
النقاط
63
الإقامة
عروس المصائف
بارك الله فيك أخوي نمر والله يعطيك العافيه
وتشكر يالغالي على ما بذلته من جهد
وأبو متعب شاعر البصمه وشاعر الحدث
وهو من يحمل هم وأحاسيس المواطن.
ونتمنى له دوام الصحه والعافيه..
دمت في أتم الصحه والعافيه
 
أعلى