ديوان الشاعر : [ عبدالله الساعدي ] ..!!

إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بسم الله الرحمن الرحيم =
..............................................................................=
إخواني واخواتي يسرني أن اقدم لكن ديوان يحتوي على قصايدي =
وسوف اطلعكم على كل جديد =
وإن شاء الله يحوز على رضاكم واستحسانكم ويرضي ذائقتكم الشعرية =

[/poem]
 
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
هاجس شاعر


[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
بسم الله الرحمن قدّام ما أقول القصيد = الواحد اللي ارواحنا في قبضته وادرى بها
سبحانه اللي مطّلع ومقسّم ارزاق العبيد = متعلياً فوق العروش اللي وسيع جنابها
واصلي اعلى المصطفى والمنذر بيوم الوعيد = اللي دعانا للهدى ورسالته نومن بها
قمت اتمثل بالمثل وابني مثايل من جديد = مثايلاً ما صاغها شاعر ولا حد جابها
تحيّر اذهان العقول اللي في الموقف تجيد= وتهد روس النايفة لا من نويت ابدى بها
وتشيّب الطفل الرضيع وتكسر القلب الشديد = ما تاخذ الإ الأولة يا سعد من يولى بها
بعض القصايد ما تقال ولا تذاع ولا تفيد= مثل البضاعة البايرة بارت على جلاّبها
لو كل يوم اعرض بها واسعارها ما عد تزيد=صديت عنها وابتعدت ولا حسبت حسابها
من قالها ما له مكان وما معه رأياً سديد= قصيدة ما ترقى بنا للمجد وش نبغى بها
والبعض منها وافيات وكل يوماً في مزيد=تحيي القلوب الميتة .. ترفع بقدر اصحابها
تضفي على الموقف حماس وتشعل النار الوقيد=مثل السيوف البارعة تقصف حدود نصابها
فعل الرجال الطيبة مثل القصور اللي تشيد=يا ويل من هو ذمها يا ويل من هو عابها
أفعالهم نسمع بها والله على قولي شهيد= مثل السيول الجايرة لا حدّرت باشعابها
تشهد لهم ماضي العصر ويشهد الماضي التليد= أهل الشرف وأهل المدوح اللي عريب أنسابها
ناساً على وضح النقا ينخاهم الحظ السعيد = لا جاء نهار المكربة ما عد نسي الإ بها
والإ الردي ما نامنه لو من قريب ومن بعيد= الشارة اللي شافها في خاطري ما صابها
إن عاش ما حد يذكره وإن ما اعدّه فقيد = في مقصده يخلق فتن ويقوم يفتح بابها
وأهل الردى ما يامنون وما لهم عماً وسيد=لو شابت حروف القوافي ما قريت كتابها
كم من رجالاً حاضرة ما تنطق الإ بالوكيد = وكم من رجالاً ميتة ما احياها طول اشنابها
هذي نهاية ما نقول وخاتمة هذا النشيد= عسى السنين المقبلة تخطيني قبضة نابها
[/poem]
 
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
ثلاث وصايا


[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
صكات بقعاء من قساها يا خلايق نستدير=نرجع ورى مية قدم والسِبّة من صكاتها
نحمل لها بصدورنا كيداً وشراً مستطير=وهي تذوّقنا العنا وتزيد في طعناتها
اللي فهيم وينتبه يوقف مع الأول وأخير=ويرد خنجرها لها وارغم عليها سكاتها
يصبر على جور الليال ويجبر العظيم الكسير = لإن الليالي وين ذا يصبر على صفقاتها
واللي ترك بقعاء تحوم ويحسب إن العلم خير = جته الأمور المعظية والمتعبة وسواتها
يا عاقل احذر وافتهم من قبل ما عمرك يطير=لا تترك الدنيا ترّوح وأنت خذها هاتها
خذها ثلاث من الحِكم ما مثلها بأيّة نظير = اغلى كثير من الذهب والنقد وجنيهاتها
الأولة قارب خطاك وترّك الماضي المرير=عيش العمر ما دام لك ساعة بعد ما جاتها
اجبر زمانك بالغصوب يصير والإ ما يصير = لو طعت وقتك لانتهيت ورحت في طياتها
والثانية خاوي الفهيم اللي من اعلامه بصير = لا حوّلت روس الفتن صوبه بهرجة ماتها
يعرف يداوي الماكنة ما يترك الفرصة لغير=يوم إن بعض الناس باقي يا عرب باسباتها
إلى ابتسم من ساعته رد السعادة في صدير=واليا زعل مثل البحور الثايرة موجاتها
وابعد وجنّب عن ردياً لا يجار ويستجير=في وقت ما صان الرجال الإ يكن شيماتها
والثالثة خلك عزوم وفي مواقيفك جدير =واحسب حساب الواردة والصادرة وجهاتها
حذرى تروغ وتبتعد وتطيح في نار السعير = واللي انتزى جوف القبس بيذوق من لذعاتها
حذرى يضلّي موقفك ما اصغره في عين الطوير=وتروح عُرضة للهروج اللي عَوَج ميقاتها
ولا تسّمع للهروج اللي من اصوير وعوير =ما قصدهم غير الفتن والمشكلة واحياتها
يقولها اللي ما نقص قدره وميقافه قدير =ولا انتحى للهينة ويجوب في طرقاتها
وصلاة ربي ع الرسول اعداد همّالاً غزير=واعداد ما لاحت بروقاً بالسماء ضيّاتها
[/poem]
 
التعديل الأخير:
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
الغريب

[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
مع غياب الشفق لاحت هموماً ترسم العــبـــرات = على وجه الغريب اللي فؤاده زادت أوجاعه
يلوح الضيق بعيونه وميقات السعــــــادة فــــات = تعلم يصنع الفرحة لأجل ما يكشف قناعـــــه
ظلام الليل وسكونه يجدد صــرخة الآهــــــــات = ويحكي قصة الواقع وكيف الناس خداعـــــة
وجودي ع الغريب اللي على حد المخاطــر بات = يشوف الناس بعيونه خلا دارت به اسباعــه
يلم السعد بيدينه ولحظة كـــــل شــــي شـــتــات = قلوا كيف السعد يُرسم ما دام النفس ملتــاعة
يحاول يثبت وجوده ولكن مــا نــفــعـــه إثـبــات = اذا مد الذراع شوي حظه يكــســــر ذراعـه
يقاسي لوعة الماضي وتتجـدد مـــــع الأوقــــات = على ضحكة ولو مرة مناه وغاية أطمـــاعه
يسولف عن تعب قلبه وتظهر من صمــيـم الذات = علوم تهدّم جبالاً لها ندرة ومــــــــطــــلاعه
ترى أكفانه على أمتانه حسب عمره من الأموات = بقي له ساعة المكتوب اذا جت ينقصر باعه
[/poem]
 
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
يا صاحبي


[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
يا صاحبي تدرج عليك النوايا =من ناس للشينات والشر ناوين
داريت لاجلك والنوايا مطايا =كلاً يبي قربك وبالحيل غاوين
في طرقتك لا عد توصي وصايا=أنا معك في ساعة العسر واللين
لا احتجتني تلقى كفوفي نشايا =وأنته على كيفك توجه على وين
تبرق وترعد لك مزوناً همايا =من حيث ما وجهتها يسار ويمين
لكن نصيحة خل عنك القضايا =بعض القضايا ما لها حبال ويدين
شفتك كذا مرة تسوق العطايا =في ناس ما تسوى في السوق قرشين
ترى العطايا للخطالة خطايا =تجلب لك الدينات يا رعبة الدين
وش مكسبك لا ارسلت بعض الهدايا =الا خسارة للمواثيق يا زين
كثر الزرايا والخطاوي بلايا =مثل العمى لا اقبل وصاوب على العين
ابعد وخل البهرجة والدنايا =ولا تغرك ضحكة ابليس وتشين
وراك ياما ناس قالوا حكايا =هرج القفا كالسم ما بين نابين

[/poem]
 
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
الهوى غلاّب

[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
عجزت اباري الهوى وابادل شعوره=ما عد معي قلب يهنى به ويبرى له
الحب يبغي قلوب مؤدية دوره=وأنا فؤادي صويب وحالته حالة
شاهد همومه معي بالصوت والصورة=وشلون غطى عليه الهم واحتاله
أخاف كثر التعب يطلعه من طوره=ويذوب شريانه وتتقلب أحواله
وأسبابه إنه مفارق بنت مأسورة =أسيرة في حبها ما تبكي الإ له
تجلس تحرى طلوع اليوم وظهوره =من شان يملي بصرها طلـّة اقباله
تزعل كثير العرب وتضايق حضوره =ما غيري أنا تدنـّي الراس لاجلاله
فيها الحلى زاد دلوعة وشطورة =محدن وصل قلبها غيري ولا طالة
هي الربيع الذي ينبت به زهوره =وتهل ديمة منه وتخضـّر جباله
هي الهوى يوم طار العشق بطيوره =وهي هي كل شي ما هيب مختالة
طاري الوداع يدق بالقلب ويزوره=وأنا السبب في المفارق واتعنى له
هذا زمام الزمن والوقت ودهوره =فارض علينا ولازم نتحرى له
يا بنت هذا القدر يقسم لنا جوره=ما في يدي حيلة الإ نتهيا له
حتى ابتساماتنا بالحيل مكسورة =نضحك ووسط الصدر نيران شعالة
واحلامنا من كثير الضيق مذعورة =ادنى سبب تفتز من زود ما جاء له
ابكي ودمعي على خدي من شهوره=ما فادني غير زاد القلب غرباله
حظوظ متيسرة وحظوظ معثورة =يا ويل من كان حظه يذبح آماله
كلْ ساعة اقرا على قلبي ولو سورة =واكايد الهم فيني واحلل اغلاله
ما لك يكون الصبر ..........=غيري كثير يحل من بعد ترحاله



[/poem]
 
التعديل الأخير:
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
حبيبتي


[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
مجبور يا عاشق من الوقت مجبور =هذا قسم روحك وهذا قدرهــــــــا
هذي الليالي لفّت القلب وتدور=والروح يا روحي تزايد كدرها
مفارق اللي بالحسن يشبه الحور =حورية يُذهل لمن هو نظرهـــا
الشمس تأخذ من حلا وجهها النور=حتى الليالي المظلمة هي قمرهــا
الشعر مثل الليل مفرود منثور =على ردايفها تساقط شعرهـــا
صدراً عريضاً به كما الطلع منظور =وإلى نزلت أسفل تضايق خصرها
وعيونها لو يدرج الكحل ويجـــور=يُخجل رموش العين لمحة بصرها
وجهاً حلو وسموح وخدودها زهور =على عنقها طوق غطى نحـــرهــا
أُوصف ولكن بالوصف نقص وقصور =أوصافها أكثر من كذا يا كثـــــرهـــا
جالس أسلي النفس والقلب مكسور =حيله قليل وكسرته ما جبـــرهـــا
الشاهد الله أني من الوقت مقهور =أموت وأنا ما افتكرت بهجرهــا
أحبها يا ناس بإحساس وشعور=ما هي بكلمة في لساني يجرها
من كثر ما أعشقها ظننت أني مسحور= يا ما حلا روحاً هنيت بسحـــــرهــا
ما أقدر افارقها ولا ني بمعــذور=هي سارقة قلبي وقلبي احتكرها
وإن جاء قدرها قبل ما أموت بالفور=لألبس كفوني وارتمي في قبرهــــا
[/poem]
 
التعديل الأخير:
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
يا زين ﻻ وقتي و ﻻ خاطري طاب
هجرك صنع للحزن فيني علامة

حاولت ابرر صدك ببعض اﻻسباب
لكن ما منك اﻻ حسوف و ندامة
 
التعديل الأخير:
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
حرّمت أحب غيرك

[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
حرّمت أحب غيرك ولو صار ما صار =مجنون أنا ادوّر بديل لحياتي
وضعت لك في داخل القلب مقدار =انتي السعادة و انتي كل امنياتي
[/poem]
 
التعديل الأخير:
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
آسف حبيبي


[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
حقك علّي لا من تماديت بخطاي = جيت اعتذر وابغى العذر والسموحة
ادري عليك أخطيت والحق منجاي = تكفى فؤادي لا تزوّد جروحه
 
التعديل الأخير:
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
ثلاث شهور وأنا في غياهيب الفكر وجهول = أوّدي فكرتي وأجيبها وطلعت خسراني
حداني الوقت واهواله يورّدني العد المنهول = وامدّ الكف لأجل اروى وقلبي حيل عطشاني
اهوجس لا دنى ليلي واسابق هاجساً منقول = واعيد ابني من أفكاري شعر وأمثال والحاني
 
التعديل الأخير:
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
بنت بقعاء


[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
في نصف ليل البارح الناس هجّاد =خذتني الخطوة على عد مورود
اراقب النجم الذي ما بعد عاد =واقفيت في درباً وتاليه مسدود
وردت مثل اللي على العد ورّاد =واطفي ظماي بشربةً تبري اكبود
سمعت صوتاً ما عرفنا له ابعاد =واطالع يميني ويسراي يا كود
سويت نفسي ما اسمع الصوت لا ناد =واتجاهل الصوت الذي صاح بي زود
فكرّت بالمصدار والحس يزداد =اثره على المنهل مواليه ويرود
ظهر قبالي واحدة راكبة اجواد =ومجرّدة سيفاً من الغمد محدود
تنشد تقل وش جابك الحين ترتاد=ما تدري المنهل حمى جدي العود ؟؟
قرون واحنا نحتمي دور وبلاد=عن كيد عدواني وعن زَرْق بارود
وانته بلا استئذان ورّاد منقاد =واحنا معانا صك للعد وعقود
قلت العذر تكفين يا بنت الاجواد =تاهت بي الخطوة في الدرب وحيود
طرقي بذي الديرة ولا اعرف بها اسياد =والليل ما يرحم ملازيم موعود
ضايع ولا اعرف طرقتي اشلون تنعاد =يا ليت وقتي من قبل ساعة ايعود
قولي وش انتي لاعرف انساب الاجداد =ابي تفاصيلك ونرقى بك اسنود
قالت باعلمّ لك اذا كنت نشّاد =واسمع كلامي جاك منظوم مسرود
أنا من اللي ينحسب روس الاشهاد =يبدون بالاشوار والعلم معقود
جنية ما تحسب اقوال الاحقاد =ما حسّبت عاذل ولا ضيق محسود
مير انت علمني عن اهلك والابداد =يمكن اسامح ع الخطا واحلل قيود
قلت اسمعي يا شامخة فوق الانقاد =انا من اللي حرروا كل مضهود
لابة عزايمها في الحرب وجهاد =تدكم على روس المشاريف وتنود
يوم الوغى تبدي بقوات وعتاد =ورجال عشقانة على الموت وجنود
لا درهمت سود الليالي بالاعياد =تثبت في الموقف كما النايف الطود
من جورنا نكسر صليبات الاصفاد =من عدلنا تنهّل هذاليل وتجود
قالت دخيلك لا تكمّل لنا عاد =وش الذي باقي مع الناس منقود
نِزْلتْ وسجّينا من الوقت ما جاد =واخذت وياها سواليف وعهود
مرة تسولف لي عن الجن لا ساد =ومرة تقول ان البشر ما بها فود
صارت نجوم الصبح في وضع الاعداد =واصبح مفارقنا كما كسرة العود
غابت وانا كني في سبات ورقاد =حتى العد اللي خابره صار مفقود
رجعت اقول إن الصدف خير ميعاد =واللي حصل نلقى له اثبات وردود
لكن حقيقة ما هي اصرار وعناد =إن الشعر يُكتب في عيونها السود
لو شفتموها كان غيري بها انصاد =وخصوص الى شاهد حلى التوت وخدود
الزين ما هو للاوادم ومرصاد =اجمل بنية عندها سهود ومهود
يا بنت بقعاء ما لنا عنك مشراد =زينك في العينين ما هو بمجحود
[/poem]
 
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
غلطتي


[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
غلــطتـــي يــــوم إني عديــتك وليف = واعتبــرتك لــك مـكــان ومـنـزلــــة
كـــنــت أظن إنك وليــف بلا وصيف = وأحـسـب إن الحـب هــذا وأفـضـلـه
كـــــل يوم أحـــلام فــكري تستضيف = الـــطــيــوف اللـي يسابقها الـــولــه
كـــل يـــوم أجــدد أحـــــلامي بطيف = لـــو تــعــّدي كـلها مســـتــعـــجلــة
كثر ما كنــت أعشقه قلبـي رهــيــــف = والمشاعر رهن قلبه مــــقــــبـــلـــة
مــــا انــقــصر لو كان مطلوبه كليف = لــو يـشــّد عــلـى الـمـتـن بـاتحمله
وإن طــــلبــــني نعدل الضلع المنيف = اعــدلـه بالغـصـب يعني لاعــدلــه
يــبــدي الـقسوة وأنا ابدي له بــ ريف = وأنا أقل مــو زين ســيــدك تزعله
زاد يـــخـــطــي والعشق كذبة وزيف = وإن تــعــاتـبـنـا يـزيـد المشـكـلــة
كــيـف يلعـب بالمشاعر كيف كيف ؟؟ = الله يـــغــــربــل حـياته غربــلــة
كــان قـــلبــي في هوى روحه نظيف = وإثر قلبه مثل ســــود المكحـــلـة
كلها أيامي معـه كانـــــت خـــريـــف = ما لحقت على الربــيـع ولا أوّلـه
هرجه أقسى من طعن خنجر و سيف = من يدينه لا فــــؤادي مرســــلـــة
وش جـــزاة اللي مــــلاميحه لطيف = غير مكنونه ســــواة الحنظـــلـــة
إن تركته قالوا العالم ضــعـــيـــــف = وإن رفعت ايّدي ما هـــي مـرجلة
[/poem]
 
التعديل الأخير:
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
حبيبي وين ؟


[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
الا يا وقت خبرني وش اللي صار بالمضنون=ترى نار الهوى تضرم وحبي ثار دخانــــــه
ضلوع الصدر حطّابة تجّلى شوقها المكنون=تشب النار في صدري ويكوي القلب نيرانه
وروحي من رحل عنها على جمر الوهم وظنون=تبي شوفه ... تبي قربه ... عليه اليوم ولهانـــة
ثلاث شهور ما شفته ولا أدري حالته وشلون=مراسيل الغضي انقطعت وهد القلب وجدانه
حسافة يا زمن ضيعت أعّز إنسان في هالكون=ولا ندري عن أحواله ولا ندري عن أوطانـه
ذبحني الشك بغيابه وحالي دون ودون ودون=أقل يمكن تناساني وما عد لي معه خــانـــة
نساني ؟ كيف ينساني وأنا قلبي معه مسجون=اذا لحظة تناساني قليبي ثارت أشجانــــــــه
عهدت إن البشر تقسى واذا زاد القسى يقسون=وسيدي لا طغت قسوته يزيد ركود وليانــــــة
اذا قاد القدم ع الأرض تحيا من خطاه غصون=ربيع القلب والدنيا ومروي قلـــــــوب ظميانة
واذا طالع نجوم العرش ناظر للقمر بعيون=خجل منه القمر واغتاظ خايف يأخذ امكانه
حبيبي مملكة عظمى سكن فيها مية مليون=مية مليون تحت ايده تكل تتعب على شانه
بساط العشق يجمعنا رضاة لحبنا الميمون=مواكب حبنا تبحر بدون جروح وخيانة
وفجأة كل شي اقفى وحبي في حشاه يهون=سمع لهروج غدّارة وتتكدر بي ألوانـــه
ولو كلمة أنا تنحب لا أقله تضحيات وعون=عشان يحس باللي بي ويعرف كبر خسرانه
كفاه إني علشانه تجرعت التعب والهون=وذقت الموت بلساني لأجل ما يتعب لسانه
كثر ما أتعبني غيابه يحسبوني البشر مجنون=جنون الحب ما مثله الا يا ما أحسن جنانه
يمر الليل وأجفاني تناثر دمعها المدفون=على خدي نزل ماها وليلي دارت أحزانه
حبيبي غاب عن عيني الا يا بشر تكفون=تودوا له مراسيلي على بيته وعنوانه
[/poem]
 
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
بيني وبين دمعي


قلت للدمع :

[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
البارحة دمعي على الخــد هـــمال =عيّا يـكــف وزوّد القـلـب لـــوعــة
حاولت اكفكف دمع من مقلتي سال =ما أبيه ينزل لأجل روحاً قـطـوعة
حرام يا دمعي على الخــد تنـــهال= لا تـنـزل الإ لـيـن تـبـصـر دموعه
ادري نــزولك عـندما غيابها طـال =العيــــن مشتـاقـــة و نفسي جزوعه
اصبر ترى الدنيا مواطن وترحـال =يمكن رحل عنّك ولا أعرف ربوعه
[/poem]



قال الدمع :

[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
البـارحـة قـمـت افـتـكـر ريـّف الـحـــال =حالي الوصوف الله ما أحلى طبوعه
يطري على الخاطر ويطري على البال =مثل البدر لا من تجّـــلـى طـلـوعــه
نــزلـت مـن عـيـني بلا اشـــعور ميّـال =واجـليــت قلـبـك من هـمـوماً تروعه
أنـتـه تـنـاديـنـي و طـيـفـه مـعـي جــال =مـنـظـر يـشـوق العين من جد روعة
و إن كـان خلي راحل و قاطع وصـال =لا أنـتـه ولا ايـديـنـك لــ مـايـه نزوعه
[/poem]​
 
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
نجمة سهيل


[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
جيتي على الميعاد يا نجمة سهيل =من بعد ما اظلم ليلي وأرخى سدوله
بدى شعاع النجم في تالي الليل =من قبل نجم الصبح يظهر حلوله
ما هي كراهة في النجوم المنازيل =الا أنت لك منزال محدن يطوله
طلة سهيل تغيب أنجم مضاويل =واشراقته تضفي على الكون زوله
جاني وأنا وارد لعذب المناهيل =قطع ضما بالقلب ورد النهولة
في ليلة ظلما بسود الغرابيل =مالت عليها المكربة والعدولة
اتذكر اللي قاطعا بالمواصيل =اللي عشقته من زمان الطفولة
اللي علشانه كتبت احسن القيل =اللي من اول ننتظر في وصوله
مدري وش اللي صار في الخل تبديل =مدري وش اللي عارضه عن ميوله
مدري وش اللي صار في الوقت تعديل =قمت اتقبل شي ما به قبوله
يتعب كفوفي الحمل والحط والشيل =واتوقع المكتوب لا جاء حصوله
اتعبني المحبوب يا ناس بالحيل =ما هو مثيل اول يعاتب ويوله
دونت من شانه خيار التماثيل =واغتالني وامنعني دور البطولة
ورضيت بالمقسوم يا خير يا ويل =وأشقيت روحي في الزمان وفصوله
وش في الحبيب يجازي الحب تنكيل =هانت عليه أيامنا اللي عجولة
يهون حبي بدون معنى وتحليل =يكسر قلوب بكل يسر وسهولة
راصد على الأيام بابً وتقفيـل =وأنا زماني سيرت به رحولـه
أقول وأنا صادقاً بالاقاويـــل =اسمع كلام العاشق اللي يقوله
من قبل ما ارحل وابتعد واسرج الخيل =ترفقي بي يا العيون الخجولــة
[/poem]
 
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
قسيت يا الصاحب عليه ملايين=وانا الذي قدمت روحي هدية
أهديتها لك وأنت عذبتها ليـــــن=صارت من يدينك سواة الضحية
 
التعديل الأخير:
إنضم
2 أبريل 2008
المشاركات
537
مستوى التفاعل
22
النقاط
18
الإقامة
الجائزة
وادي الذيابة



[poem=font="simplified arabic,5,blue,bold,italic" bkcolor="transparent" bkimage="backgrounds/30.gif" border="double,5,darkred" type=0 line=0 align=center use=ex num="0,black""]
يا خاطر الرحمن لا حدّك الليل = في وادياً قامت عليه الذيابة
مربى الذيابة من سنيناً مضاويل = واللي نزل وادي تحمّل عذابه
لا تُصدر الضجة ولا تكثر الويل = قبلك ذيابة من شباب وشيابة
حث الخطى .. لا تلتفت للمخاييل = اللي تخيّل لك عيونه تهابه
لا تستريح ولو بقلبك معاليل = الموت والعلة ابد ما تشابه
قبلك قروماً في المبادي حلاحيل = راحوا واضاعتهم شجاعة حرابة
غرّتهم القوة وخِلّة مفاتيل = صارت دماهم مثل وبل السحابة
الذيب ما يترك لك طريق وتحيل = لزوم تغدي لقمةً بين نابه
كثير من يكذب كما كذبة ابريل = ويقول بإنه قادراً للمجابه
وهو على بيته سواة المضاليل = لا يهتني زاده وحتى شرابه
وادي الذيابة ما هو البن والهيل = والا بـ ليّة للذراع للعطابة
اللي من أولها خرابة واباطيل = اكيد تاليها بيغدي خرابة
علم الوكاد افضل من القال والقيل = واخير من قولاً يضلّي طلابه
الذيب ما يبغى وفا تالي الجيل = يبغى وفا قامت عليه الذيابه
[/poem]
 
أعلى