مدح قبائل بني مالك بجيله

همسة احساس قال:

بسم:


السلام:
​

انقل لكم قصيدة الشاعر / حنش بن عايض العمري المالكي ( رحمه الله ) والتي امتدح بها جميع قبائل بني مالك بجيله ......

الا يالله طلبـتـك يالـطـيـف
تسامحني في اللحـد القصيـف
تراني مـن عذابـك مستخيـف
وتغفرلـي وترحـم والـديـه *
الا امسيت اللحـود المظلمـات
وشفـت الصـادره والـواردات
تثبتنـي علـى قـول الثبـات
وروحـي لا تخليهـا شقـيـه *
والا يالله يامنـشـي الـريـاح
طلبتك ياإلهـي فـي السمـاح
الا منه هـوى نجمـي وطـاح
وقادتنـي حبـالـي للمنـيـه *
واسالك يـا مجيـب السايليـن
تثبتنـي علـى دنيـا وديــن
وتعطيني كتابـي فـي اليميـن
ويلقاه المحاسـب فـي يديـه *
تمنـى يافتـى عمـرك يطـول
ترى الدنيا ومـا فيهـا يـزول
وينـزل فـي منازلنـا نـزول
وتاليهـا تبـي تقعـد خلـيـه *
وياجاهل تـرى الدنيـا غـرور
تحوفك وانت في زين القصـور
وسلك الموت من حولك يـدور
ولا تامن تـرى الدنيـا دنيـه *
ولايعجبـك عمـرك ياشـبـاب
بعد لا بد مـن يـوم الحسـاب
تنظر في القصور اللي خـراب
غدوا منها وراحـت هوجليـه *
قصـوراً مابناهـا الا شــداد
بنـوا فيهـا شماريـخ الحـداد
نساهم والرجـال اقفـوا خمـاد
ولا يبقـى لهـم فيهـا بقيـه *
وارد الهيظ في مـا جـا وراح
من هجوسٍ كما العـد القـراح
وفي كبدي كما السـم الذحـاح
وفي صدري كما نـار الوريـة *
خذانا الوقـت واقفينـا ذهـاب
وبيعنـا المواشـي والزهـاب
وينشلنـا كمـا نشـل الذيـاب
الا ظلت تناشـل فـي الرعيـة *
وعودنـا جليـنـا ماالـديـار
نصافق من يمين ومـن يسـار
عسى بعض المنـازل بالدمـار
شربنـا شربـةٍ ماهـي هنيـه *
ثمان سنين بـي شـرٍ عظيـم
ورا شهرين فـي حليـة مقيـم
ومن ينزل على الـواد السقيـم
كما اللي ينتزي في نـار حيـه *
وشدينـا وقلنـا يـا معـيـن
وجينـا مـن تهامـه طالعيـن
وهذا ما كتب لي فـي الجبيـن
وانـا تعبـان والحالـه رديـه *
ضوينـا بيتنـا وانـا مريـض
ودمعي من على خدي يفيـض
وقلبي مـن زمانـه مستغيـظ
ولا ندري بعد ويـش القضيـه *
وطال الوقت واخطتنـا البـلاد
وهـذا ماكـتـب رب العـبـاد
ومن يزرع يخسر مـا استفـاد
وباح الما مـن البيـر الدقيـه *
ودورت السلف عنـد الرفيـق
وكني يوم اهـرج لـه يضيـق
كما لوكـان سديـت الطريـق
وذاك الحـب عـود مكرهـيـه *
وحتـى يـوم ارده بالـسـلام
تقـول انـه مقـدم للنـظـام
يقود الجيش من بيـن الخيـام
لفيصل يوم يطلع فـي الحويـه *
وانـا قنطـار ميزانـي ثقيـل
ولكـن العسـر يعمـي الدليـل
ويوقفني علـى بـاب البخيـل
وعنـده راح قنطـاري وقيـه *
صبرنا لين باح الصبـر بـاح
واعد الوقـت ليلـه والصبـاح
والا كان الصقر مالـه جنـاح
تبي تلعب علـى راسـه عليـه *
وشديـنـا وجيـنـا باتلـيـن
نبـي عنـد الرجـال الطيبيـن
وانا جاهل بهم طـول السنيـن
وعنهم كان قلبـي فـي نحيـه *
تلقونـا بترحيـب البـشـاش
ومـدوا قبلنـا زيـن الفـراش
وللخطـار يرهـون المـعـاش
والا جا الضيف يلقى مسفطيـه *
وقالوا مرحبا من حيـن جيـت
وانا ظليت جاهـل مـا دريـت
وجا معروفهم مـن كـل بيـت
وزال الهم عنـي فـي شويـه *
رياجيـل النديبـي يـا رجـال
رجـالٍ كنهـم جـرفٍ هـيـال
حموا ترعـه بمنقـي السـلال
حموها يـوم حـرب الجاهليـه *
هل الناموس من عهد الجـدود
رجالٍ يوم يقسـى كـل عـود
محاجيهم علـى حـد الحـدود
كما سـورٍ ومـن سـده قفيـه *
عليهم رايـة البيضـا تسـوق
ونبديها لهم فـي كـل سـوق
تلامع كنهـا صفـق البـروق
وصف القـوم ليـه سـد ليـه *
ومن يهبط في البنـدر يشـوف
ثقيف الهوج لا ظلـوا صفـوف
وهم في ظلها عسكـر وقـوف
لها بين السمـا والارض فيـه *
وسبعه رووس قسم الحاضرين
وشي راسيـن قسـم الغايبيـن
ومن جا من جميـع المسلميـن
لهم راسين من عنـدي هديـه *
وتبـدي للعوانـي والحلـيـف
وننشرها على دعـوى ثقيـف
رجـالٍ كنهـم نـواً مـزيـف
الا دن الرعـد وانشـا نشيـه *
بني يوسف ودعـوى جاهليـن
رياجيـلٍ يـضـدون الفتـيـن
وجيراني قذى فـي كـل عيـن
وسعد الضيف يـوم المعسريـه *
لقيت المدح شاعـات الشجيـع
وميزانـه ومكيـالـه يـريـع
من اللي يشتري واللـي يبيـع
وراس المال عنـد الصيرفيـه *
كتب عنـد المفاتـي والقضـاه
من اللـي حبـه الله وارتضـاه
وكـلاً مالعـرب يعطـى ثنـاه
الا جـروا عليـه المطـرويـه *
قلـوا يستاهلـون البيـض لام
لحيـث انـا لقيناهـم حشـام
وروح يـا نديبـي فــي ولام
ومنصـاك الديـار المالكـيـه *
تولم من طـرف ترعـه وروح
على اللي لا مشى ساقه طموح
تبي تلقـى رياجيـل الفـروح
وشد الزاد فـي ظهـر المطيـه *
ومنصاك الغفيري مـن صـلاه
سعود الضيـف لا منـه دعـاه
وراع الطيبـه يلقـى جــزاه
ودايـم للعشـايـر زوحلـيـه *
ترا في كر وفـي بخيـان قـوم
نهار المكربـه ماهـم رخـوم
وجوا بالمال من عنـد البقـوم
وعدوا به ضحى والشمس حيه *
ومنصـاك المحاميـد القـرون
قـرونٍ قاسيـه مـا ينثنـون
وفي يوم اللقـا حمـر العيـون
نهار اللاش يمسي فـي تعيـه *
سعود الضيف لا حف الزمـان
يجونه بالصحـون اللـي رزان
ويلقى بعدهـا ذيـك السمـان
وهم فـي خيـر والا معسريـه *
ودعوى الصفوني نار الشبـوب
يضدون العـدو حتـى يتـوب
نهار الـلاش ياخـذ لـه دروب
وقفـا مانشـد واعـلا نويـه *
رياجيل الكـرم واهـل الجميـل
ولا فيهـم خبـرت ولا ذلـيـل
ولا فيهـم خطـل والا بخـيـل
ولا فيهم لصـف القـوم اويـه *
وصوب الجاملي سعـد الرفيـق
حزاة الخصم والضايق يضيـق
ويا جاهل تـرا علمـي حقيـق
الا قالـوا مشيـنـا للسـريـه *
نقوا في ضيفهم والـرا سريـع
بمدلوكٍ بـدوا بـه راس ريـع
بدابـه كـل رجـالٍ شجـيـع
في الجفرة وفي ريـع الحليـه *
ولفوا كلهـم دعـوى عفيـف
وجيش الثابتي ما هو ضعيـف
نهار الضيق والبنـدق صفيـف
كما لو كـان دولـه عسكريـه *
وحربين التقوهـم بالرصـاص
وللصبيان صاعـق وارتقـاص
بغوا فيمن غدا منهـم خـلاص
وحطوا لـه رقـب ومحافظيـه *
وعود يا نديبـي فـي حظـاظ
وقص الدرب واطلع من هضاض
وعلمك لا يجي فيـه انتقـاض
يجي بينـي وبينـك مشنويـه *
وعـود يـا نديبـي بالشمـال
وصوب اهل المزارع والحـلال
تربوا فـي شماريـخ الجبـال
كمـا البـارود قـدام الوشيـه *
وفي وادي بـوا تلقـى نمـور
حزاة الخصـم والبنـدق يثـور
وبن سلمان في ذيـك القصـور
قصـورٍ بينـه ماهـي غبيـه *
على حـد الطـوارف نازليـن
وهرج الصـدق لا بـده يبيـن
وعـود يـا نديبـي باليميـن
ومنصاك المطاعي صوب نيـه *
عن اول بيت لا تغدي تصـوف
رجال الفعـل ذربيـن الكفـوف
وخلـك فـي قبايلنـا تشـوف
وتروى مـن قهـي الشاذليـه *
تريض في المناحي واستريـح
ترانا لا اصبح الصايح يصيـح
نداوي كل مـن قلبـه جريـح
دوى ماهو علاج اهل الصحيـه *
ولكن ما بعـد جانـا الطبيـب
ودعوى كنهـا تبغـى خطيـب
وابى واحد من المرضى يطيـب
ويستملـك وياخذهـا صبـيـه *
والا جانا من المشـرق هبـوب
ترانـا قبلهـا لبـس الجنـوب
نصدرها مـع وقـت الغـروب
وتمسي في الديـار الحارثيـه *
وخص اربـع قرايـا بالسـلام
تبـيتلقـى رياجيـلٍ شهـام
ولدهم في المخافـة مـا ينـام
ولا هو لاش وعظامـه ونيـه *
ويا سعدك بنا فـي كـل حـال
الا قالـوا مشيـنـا للقـتـال
يطون الخاصمي وطي النعـال
وينزونه على حـوض المنيـه *
ودربك من طرف وادي قريـش
تبي تلقى بني مخـزوم جيـش
وبندقهـم صويبـه مايعـيـش
وكم من واحـدٍ لاقـوا صليـه *
ومنصاك اهـل شوقـب دار دار
رجـالٍ كنهـم مشعـال نــار
تبـي تلقـى جبرهـم والكبـار
كما حـد السيـوف الصيرميـه *
تبـي تلقـى رياجيـلٍ فـهـود
على حد الطرف ماهـم رقـود
يقودون العدو في الريـع قـود
وراس الغامدي جوبـه هديـه *
ترانا مـن رحـب لا شوقبيـن
لباس الجنب والـدرع المتيـن
وسيـر يانديـبـي باليمـيـن
وخلـك يـوم تمشـي بالدنيـه *
تنظـر فـي قـرايـا بنعـيـم
بنوها فـي بجيلـه مـن قديـم
ولدهم في اللقا ضـد الخصيـم
رجال الجود هم واهل الحميـه *
وجينا عندهـم قبـل الخـلاف
وقالـوا لا تكـلـم والكـفـاف
ترانـا مالنـا عنكـم مصـاف
ولو تعطون كـلاً عشـر ميـه *
ورحنـا للقـريـب والبعـيـد
من اربـاع الخيالـه لا حديـد
وجانـا قـوم والزايـد يزيـد
كما نـواً تزاحـف بـه رهيـه *
ومن حين احنم البنـدق وثـار
غـدا منهـم ثلاثـه بالنـهـار
على راس العزيـز المستشـار
وحتى الطير شربت من دميـه *
ومحجاة النعيمـي مـا تطـاع
ولو حطت على رووس الضلاع
تعبينـا لهـم مثـل السـبـاع
ومـن دور شقانـا مـا هنيـه *
وجونـا كنهـم نـواً يـقـود
وبندقهم كمـا حـس الرعـود
وقام النصر في ريـع العمـود
وصدر كل واحـد مـن عشيـه *
غدا فـي شيخهـم منـا كمـاه
وهـو منـا ويعجبنـا وفــاه
وانا والله مابخـص فـي ثنـاه
عساهـا قاطـره والا خطـيـه *
وجيش بني علي زرب الخـصوم
يصالون العدو فـي كـل يـوم
مع زهـران يقضـون اللـزوم
ويكوون العدو عشريـن كيـه *
وديرتهـم حموهـا بالمـروت
وقالوا من وفا عمـره يمـوت
بغوا حتـى يشبـون البيـوت
وتقعد عنـد خلـق الله رويـه *
ولا تنسى بني حـرب الثقـات
رجـالٍ ينزحـون المخطيـات
وفي الحجره نهـار المكربـات
بدوا فـي كـل رجـالٍ شفيـه *
تنازوا مـن ورا سـد الـزراب
وجيش المفضلي ماله حجـاب
وقالـوا يـا عذابـك بالعـذاب
رموهم في الحصون اللي قريـه *
وخامسنا رجـال بنـي هـلال
تربوا فـي وطاهـم والجبـال
مثال الروزه اللـي مـا تشـال
وذيب الخبت عبـوا لـه تكيـه *
ترانـا مـن تهامـه للحجـاز
رياجيلٍ كمـا السيـف النجـاز
ومبنانا علـى الحـزم العـزاز
عليه السـور ودراجـه عليـه *
تعلم يـا فهـم زيـن العلـوم
عن اللي في اللزوم مع اللـزوم
ثقيف اللـي يجلـون الهمـوم
نهار الضيق في ريـع الحنيـه *
حدادتنـا وكـل لــه حـديـد
ولا حـد الحديـد الا الحـديـد
عليهم رايـة الثـوب الجديـد
تجيهم من قصـور الجودريـه *
ثياب البيض تشـرى بالجبـور
لقيفٍ فـي قطيـره مـا يبـور
تعم الحي واللـي فـي القبـور
واخصـه بالسـلام وبالتحيـه
* وشيخـان القبايـل يحضـرون
ونبديها لهم رووس الحصـون
علشـان القبايـل يسمـعـون
بذكر اهل الوجوه اللـي نقيـه *
كما ان الشيخ مصباح الظـلام
يبـات الليـل مـاذاق المنـام
يفكر فـي الدعـاوي والختـام
ويعرفهـا جـذع والا ثنـيـه *
فـذاك الشيـخ لا رد الـكـلام
يبان الصـدق ويسمـى غـلام
مـع ربعـه كمـا قايـم مقـام
وشيخٍ عارفـه ماهـوب عيـه *
وبعض الناس قال انـي فـلان
اخذ مشلح ومطـرق خيـزران
كما العكوز مـا يغـدي سنـان
يبيع اللي في الطرقـه خويـه *
والا منه قعد جـوف المضـال
وهو ينقض ويفتل في الحبـال
ويفـرح يـوم يعطونـه ريـال
كما لـو كـان جالـه جامكيـه *
والا منه ضـوى بيتـه بـلاش
قشع هو والجماعه في هـواش
ويسرح للطلايب مـن غبـاش
وهو ماله في الدعـوى دعيـه *
والا قالوا تبصـر يـا بصيـر
يظلي مثـل الاعمـى يستديـر
وقـومٍ مالهـم غيـره مشيـر
كما اللي يحسب الحيـه ذكيـه *
يجي عندك وعند اللـي غشيـم
وينزيكم على شـوك الهشيـم
ولا يحـزا ولا هـو يستشيـم
ويوقفكم علـى بـاب الزريـه *
لقيت اللي يسب النـاس عيـب
على طول المـدى والا قريـب
وهرج اللاش يخطي ما يصيـب
وعنـد النـاس مالـه قابليـه *
يـدور واحـدٍ منكـم يهـوش
علشان ايش يبغي لـه قـروش
ويزهم من يقود ومن يحـوش
ودعواكـم تـروح الفارسـيـه *
وانا شاعـر وللشعـار بـاب
وافكر في خطاهـم والصـواب
بغيت احسب وضيعت الحسـاب
وانا عارف صوابـي والخطيـة *
وانا ما همني هـرج الضعيـف
يسب اللي كما البفت النظيـف
والاقالوا ترى مالـك وصيـف
يقودونه كمـا شـاة الضحيـه *
يتلونـه ويبغـونـه يطـيـح
وهو ما حسب الهـرج القبيـح
ولا يكسب ولا هـو مستريـح
ولقـوه الـدروب اللـي عنيـه *
يتلونـه وهـم يتضاحـكـون
وقالوا مانت من حمر العيـون
ترى الشعـار بكـره يفرحـون
وتغدي فيـك مثـل المحقريـه *
وبعض الناس وده لـي بكيـد
وانا دايم حزاتـه فـي الوريـد
وهو دايـم يخسـر مـا يفيـد
بغى ما فيه يرمـي بـه عليـه *
واحس الشينه اللي مـا تقـال
تجيني مـن خناذيـل الرجـال
واخليهـا ورى سمـط النعـال
ولا جاني مـن الشينـه رزيـه *
واختم هاجسي باحسـن ختـام
بذكر المصطفـى سيـد الانـام
وانا كثرت مـن زيـن الكـلام
وصلى الله على سيـد البريـه *




همسة احساس

يعطيك العافية على هذا النقل الراااااقي لهذه القصيدة الرائعة للشاعر حنش بن عائض رحمه الله
وننتظر ابداعك وما سيجود به نزف قلمك عبر صفحتك الراااااقية
تقبيل مروري وحضوري

دمتي في حفظ الرحمن

اسير النسيان
​

أنقر للتوسيع...