أمير الشعراء
مشرف العرضة والمحاورة
- إنضم
- 13 سبتمبر 2010
- المشاركات
- 2,507
- مستوى التفاعل
- 14
- النقاط
- 38
الشاعر المنشد
عبدالمجيد الدهيسي المالكي والملقب ( سيف بني دهيس )
شاعر مبدع ومتميز له قصائد في غاية الجزالة والابداع وله صوت شجي
قام بإنشاد عدد من الشيلات لقصائد كثيراً من الشعراء أشاد بشعره وبشيلاته
الجميع أقدم لكم هنا مجموعة من قصائده في متصفح واحد ليسهل على
المتابعين والمتذوقين لقصائده الرجوع اليها في إي وقت
[poem=font="Times New Roman,6,darkblue,bold,normal" bkcolor="transparent" bkimage="http://www.alboshran.com/mwaextraedit2/backgrounds/196.gif" border="none,4," type=0 line=0 align=center use=ex num="0,black""]
((( روائع )))=
المجلس اللي في عيون اهله تشوف انك ثقيل=سلّم عليهم واشرب الفنجال الاول وانسحب
من دون لا تترك لهم تحليل لاسباب الرحيل=غلطه ولا تنعاد واللي صار مكتوب انكتب
حتى ولو فنجالهم يحرقك مثل الزنجبيل=اشربه دفعه واحده لا ابوك ياشر انشرب
انه يحبونك جميع الناس هذا مستحيل=يوم الرضا غايه ولا ادركها مطانيخ العرب
هذا الكلام اللي هبوه اهل الحكم باول رعيل=قالو بعد لا تقرب الجربا وتبليك الجرب
على الاصل دور واذا جار الزمن تلقى الاصيل=يعني على سقف الطموح اللي تهب حظك يهب
ترى البلا لا من وثقت بمن تصنّع للجميل=مثّل عليك المسرحيه وانت تصرف له ذهب
هذا اللي اخفى الاستقاله لين قرّر يستقيل=من طاردين المصلحه ماجا على شانك طرب
ولا ابتليت بمن فتح سمعه على قالن وقيل=وجهه غدى شكلين من كثر المحبه والعتب
ولا راح اصحابك شلل كلن مع الاخر يميل=اختارو الميثاق الاسهل بعد ميثاقن صعب
لا ياوجودي عالرجال اللي مشابههم قليل=اللي يعزون الخوي لا ثار دخان الكرب
يوم الحمول الجايره ماينتقلها الا شعيل=ماضر سمحان المسمى قولهم يابو حدب
هذا الزمن لا فزت بالصادق لا تبحث عن بديل=والكامل الله لا تسلط لك على الغالي رقب
لا زل زله عدها وارشيفه العامر يشيل=اكبر خطيه حطها الشيطان من باب النشب
استثمر المعروف وبتجني من ارباحه حصيل=هذا تحدي .. هات مستثمر بهذا ماكسب
حاولت افنّد تجربه مرت على جيلن وجيل=اما الثقيل اللي في اول بيت حلقه ملتهب
(((( %%%% ))))=
الخوي عد زلاته يامال الغناة=وافتح ابواب صدرك للرضا والسماح
المسامح كريم وبالسعة ياهناه=والغضب مايشابه نشوة الانشراح
لا تكابر وتمنع خافقك من مناه=وصفة العفو تشفي داميات الجراح
لا تدور بعد هذي لطوق النجاة=في رسوب المظاهر موجبات النجاح
(((( %%%% ))))=
علق مثبت هوانا في طريق الغرام=لبيه ياحي تعليقه على دزته
دامي مع الحب ماحسب لكل الزحام=عاشق وقلبي يصفق لي على سرعته
ماني بحاجة لدورية لضبط الهيام=تصج سمعي بصوت الون والوتوتة
حي الله اللي على خصره ربط للحزام=خلاني اصك طبلوني على هزته
ماكن ربي خلق له حول خصره عظام=فاتح قزازه ومن ضحكه ذرف دمعته
تطاير الشعر والطرحة وحتى اللثام=حتى وبان القمر كامل على طلته
اقول يابنت حسي بالخطر ياحرام=الموت بتقابليني به قبل حزته
قالت معك ماعليه لو نروح عدام=دوووس وتجاوز لساهر لا طرق لمعته
في كل حالة توجهنا لبرد وسلام=هذا المثبت بتكتب بالذهب قصته
(((( %%%% ))))=
العب ومتع يافريق البطولات=العب ومتع يازعيم النوادي
لاجلك يالازرق كم قطعنا المسافات=عادي على عشان ازرق اللون عادي
ياحبنا اللي مامحته السنوات=متربع الازرق في اقصى فوادي
تعرفك يالازرق جميع المنصات=والكاس لك يالموج الازرق ينادي
يالملكي مره ومره و مرات=تفرح جماهيرك بكل البلادي
ارقامك ابلغ من عظيم الشهادات=لون الذهب سطر لك اغلى مدادي
ازرق وابيض مثل لون السماوات=اللي تسيل بالمطر كل وادي
تحتار في وصفك جميع القنوات=يالفارس اللي ماعثر به جوادي
يهديك جمهورك من الورد نفحات=والعود الازرق يالزعيم الريادي
صدارتك منذ اعلنو للبدايات=تبقى سمة لك يازعيم النوادي
(((( %%%% ))))=
لاصرت تنشد وش علوم الرياجيل=لا تلحق الزينة وانا اخوك شينة
خلك على طول المدى رجل حلحيل=يوم الردي عادي معه كسر عينه
اعرف خويك واحذر القال والقيل=ترى الخوي زبن الوجوه الحزينة
احفظ صلاتك واقر الايه بترتيل=وابوك لا قابلك قبل جبينه
ابوك فخر اسمك ومن دونه يميل=افخم اسم والناس دونه تهينه
وامك حذاريك ان تبدل بتبديل=اعني الغضي يغلب بقلبك حنينه
ماكررت ثلاث مرات تكميل=لا على عشان العقول الذهينة
واخوك لا تمسح دموعه بمنديل=امسح بصدره موجبات الغبينة
اخوك بحضوره دروبك تساهيل=يوم الوحيد الله ربي يعينه
واخيّتك داري عليها من الويل=وافزع لها لا قالت اخوي وينه
بعض العرب سجل لها رقم ترحيل=يوم احترت للباب تطرق يدينه
والضيف قله مرحبا حسبة السيل=افرح وقل ياحي من جا بحينه
اشهد شهادة حق ياذابح الحيل=رابح ولو يقضي الكرم بالمدينه
واخلاقك جوازك تعديك ياهيل=جعل الخلوق الله يطول سنينه
يوم الكبر شر العقول المهابيل=يجعل خفيف الطينة ثقيل طينة
والعقل لاتجره لاهل التهاويل=احذر توافقك النوايا اللعينة
صل الفروض ولا تناسى التهاليل=مالك ومال الحرف عينه وغينه
هذي نصايح عابرة في طرف ليل=بعد اختلط قاسي زماني ولينه
(((( %%%% ))))=
بسم رب الكون نبدا اللحن والقافية=قدح شعر ونظم فكر ابجمله وتفصيلا
حبك حرف وسبك وصف وفكرة مبنية=علها تجمل وانا ضاري على التجميلا
ياسلام الله على روس الرجال الحية=والتحيه جيت اقدمها بلا توكيلا
ماوسعني عذر والدعوه لها جابية=والكفو ماله سوى التقدير والتبجيلا
عند من قدم لضيفانه من البرية=عادة اهل الجود ماقد بدلت تبديلا
فاح ريح العود الازرق ماولا ركنية=من ركون القصر مافاحت بعود وهيلا
الكرم يمطر مثيل المزنة الوسمية=والتراحيب اللي اعلنها طلق كالسيلا
هذا ابو عادل عرف باقواله الفعلية=اي نعم قول وفعل ماعد تبي تاويلا
رحب وسهل وعدى حاجز الالفية=ضيفة الصفطان ماهي كذب ولا خيلا
لا غرابة والجعيد الجود له مارية=قوم ماتبخل من اول جيل لا ذا الجيلا
شاهده شقصان ذيك الديرة المعنية=بالرجال اللي حمو الحدان يوم الميلا
يامحارب حق لك تفخر بوقت الهية=بالجعيد وعزوة العتبان قوم الهيلا
الهضاب اخوالك اعني مية على مية=خذت من بوك وخوالك ميزات تهيلا
اجعده ياحي فعل المطلق وطاريه=مدحهم واجب ولا في غيرهم تقليلا
الوفا والطيب بين الرجل وابن اخيه=من علامات الرجوله فضلت تفضيلا
ياعسى الافراح في دور العرب يومية=والكدر جعله كما بعد السما بالميلا
والسعودية وطنا والبلد محمية=دونها نرخص رقاب ونردع التضليلا
نفتدي هذا الوطن بالمال والذرية=عندنا دستور واضح محكم التنزيلا
العدو يرضخ لنا بالقوة الجبرية=لين عن غيه يعود ويعلن التبطيلا
الذي يمشي بنهج الملة الشرعية=كبر وصلى وهلل ساعة التهليلا
ياصلاتي عالنبي من ردنا عالسية=خاتمتها والسلام اخير ماقد قيلا
(((( %%%% ))))=
يالله ان اطلبك في مبتدى اعلامي=قبل لا ازوع المثايل والحنها
ياسلام الله على الموقف السامي=وقفة الاد القثامي نعم منها
هات يالهاجوس واحكم بحكامي=من مجاهيم القصيد ومزاينها
يوم بيت الشعر كالميسم الحامي=والكفو لا جاب الابيات سمنها
انا في حضرة مطانيخ واعظامي=قوم صلفات الزمن ماتلينها
عسكر البارود يا لا د القثامي=وقت الافعال انروت يامعينها
ال خلف الله لهم خير الاقسامي=المراجل والشيم دوم ديدنها
من عتيبه والعتيبي لو ايامي=امدحه محصي لعتيبه محاسنها
بالعدد فاقو على كل الارقامي=نجد للطايف حماها ومسكنها
والقبايل كلها فوق الاوهامي=كل ديره يحتميها مواطنها
ونعم بحرب العريقه والارحامي=حرب يكفيها اسمها يوم نعلنها
حرب ياشر الروادي والاغشامي=واللوازم حي رجال ثمنها
وبقبايل غامد اخوال ضرغامي=يوم قيل الخال والد تبينها
هذا عبدالله بطل وابن عزامي=ون نخى اخواله لقي قوم يزبنها
وانا شاعر مالكي حر وعصامي=لا بتي كل التواريخ تضمنها
كلنا دون الوطن سهمنا دامي=روس عباد الملالي نحسنها
دامنا نمشي على الدين الاسلامي=المقاصد واضحه مانبطنها
حربنا ماتنتهي ضد الاقزامي=تابعين ايران من شان تدهنها
فاليمن وفي العراق وفي الشامي=الشياطين المريده بنلعنها
السعودي للشهادة ورد ظامي=يطلب الجنه وغيره بعد عنها
بامر سلمان امتثل قايد نظامي=والجيوش الله ربي يعاونها
والختم صلو على سيد الانامي=مارسم رسام لوحة ولونها
(((( %%%% ))))=
ياسلام الله على ابن دخيل تسليمة مودة =والتحية حسب نص الواجبات العسكرية
ياصبي قحطان مثلك من هل العليا نعده=بامرك القوات يتحرك لواها والسرية
كاسب الامداح من قحطان نعم الجد جده=اهل صوله في ميادين الشجاعة والحمية
تشهد لهم نجد وجنوب البلاد المستمدة=شورهم مسموع عند الحاكم وعند الرعية
وانا شاعر مالكي وقبايلي عزوة واشدة=من بجيلة هازمين الفرس يوم القادسية
ياسعد والله ان مدح الكفو يعجبنا نرده=باللحون العرضوية واللحون السامرية
كان تبغى الصدق اشوف النور من مده لمده=والمواقع حددت له بالديار الدوسرية
اثره ابن دخيل وجيوش البلاد المستعدة=ينصر الله جيشنا وصقورنا الحرة الابية
(((( %%%% ))))=
الشياخة ماتجي لاصحابها بالساهل=من حسبها بشت وعقال وصحن لا والله
قسمة وحكمة وصبر ومدرسة للعاقل=شيخ ماله ذكر ... مايسوى الحثل فالدلة
(((( %%%% ))))=
في خضم احزاني اتذكر صور محفوظة=راسخه في بوك عقلي ماقدرت امحيها
كل ماعاينت صوره للنظر معروضة=تمتلكني فرحتي واعيش في ماضيها
(((( %%%% ))))=
تمهلي يا نظرة العين لحظات=لا تخطفين الشوف من دون تركيز
مايكفي العشاق ياعين لمحات=لا صار مابعد اول الشوف تعزيز
ماودي ارجع من طريقي بحسرات=والصوره الحسنى بليات تبريز
بعض الصور ماشالها فيض عبرات=حطت على سطح النظر ختم تمييز
(((( %%%% ))))=
الحب قصة تعترف بالبدايات=لكن يابو وافي بلاك النهاية
اشوف خلي في جميع لمرايات=واتوه وانا اطرد همومي واسايه
كنت احسبنه من لذيذ الهوايات=واقول لا مليت اكبه ورايه
اثري بديت اكتب معه للحكايات=حتى النظر مالدمع عاف القراية
عبدالمجيد الدهيسي=
الحب قصة ما تعرف المسافات=ولا تعرف من الوشاة الوصاية
شف قيس كم عانا من الحب حسرات=واصبح في الدنيا لحاله حكاية
الحب اذا ما كان اساس العلاقات=تصبح عدام وغاية الحب غاية
الحب تاليه الندم والحسافات=ان كان ما له بالشريعة رعاية
احمد الاعفر=
(((( %%%% ))))=
عجبت من هذي الدنيا وبعض البشر=حتى بديت اكتب ابياتي بدون انتظار
الموت ماعاد له معنى مجرد حضر=صار العزا فالثلاث ايام روتين مار
فجأه يجينا من اصحاب البيان الخبر=واقول من حزنهم يمكن يطيح الجدار
هذاك من قال لي جرد سيوف الحبر=واكتب لنا نص يفرح به كبار وصغار
واذعنت له وابتديت انشد بكل النبر=عساي البي طموحه والبدار البدار
يوم انتهينا وحذرني عظيم الحذر=اخفي حروف القصيده وامنع الانتشار
قالو لي فلان ودع دنيته واحتضر=ما يطلب الا السماح بساعة الاحتضار
اسودت بعيني الدنيا وضاق الصدر=يادوب رديت عيني لا تهل العبار
وايقنت في ساعة الفرقا بحكم القدر=والموت ماحد يرده ياطبيب العقار
اسبوع واحد وجاني من قريبه نظر=ينشد عن ابياتي اللي شلتها في نهار
ذهلت واصبحت بين امرين والكل امر=ميت توفى ومطلوب الشقيق الدمار
ارسلتها والخجل ماهو منه مالصبر=اللي يقل كيف ياعبدالمجيد المسار
ياوقت وش عاد باقي مالعجب ماظهر=يالله تلطف بنا من هجرة الانحدار
(((( %%%% ))))=
افتخر ياسعودي ياولد هالبلد=بالشريعة وبالقايد وجيش الوطن
فاحتفال الكويت تلوح ذكرى فهد=ساطعة مثلما سلمان بارض اليمن
المسيرة على نفس الفكر والجهد=ماتغير لاساسياتنا يازمن
كل من يفتزع بالمملكة ما وجد=غير شجعان تعلن للحمايا علن
(((( %%%% ))))=
انفلات الفكر في دوله بحجم الشاعر=يجبر السامع يمر النقطة الشعرية
يسلم اذانه لمنطوق البيان الساحر=دوب حانت للقصيد الساعة الفعلية
نرجس البسمة على وجه الحراك الطاهر=يسجن الضيقه ويمنعها من الحرية
يعترف بالصدق من يخفي هموم الحاضر=لين تطلع حرقته بالقوه الجبرية
العتيم ارخى سدوله في عيون الساهر=صب للملتاع ياصباب مالبرية
ربما حنّ الهوى في بوتقات الهاجر=لو عجز ينطق ويظهر لامه الشمسيّة
السنين تمر وبلوغ المطالب قاصر=والامل جمره على كف الوصل نارية
كلما حط الشفق عند الصباح الباكر=احرقته الشمس باشعاعاتها الصيفية
ترعد الذكرى وصب المزن دمعن ماطر=يغسل نفود الجروح اللي بهيئة كيّة
ماهقيت ان البحر لا مد موجه غادر=لين عاينت الجثث عالواجهه البحرية
انسحب ولا اتقدم للخطر واغامر=القرار الصعب بيد الحاله النفسية
(((( %%%% ))))=
ياطرفي اللي ساهر الليل مجبور=من سبة الذكرى تمردت عالنوم
على ايش تفتح جرح فالصدر مقبور=بعد الرضا باللي مقدر ومقسوم
احاول انسى واتقمص لك الدور=وتردني في بضع لحظات مهموم
تستعرض الماضي على قلب مكسور=ماتدري انه صار مالنبض محروم
قصر الهوى اللي في نواحيه معمور=من يوم فرقا سيد الحسن مهدوم
اللي تركني بعدما كنت مسرور=لا ساق لي عذره ولا كثر اللوم
معذور ياسيد الغنادير معذور=رحلت قبل اقول انا فيك مغروم
من شيمتي غمضت عيني عن النور=كنت احسب ان البدر محروس بنجوم
اثر الفرص ماتنتظر مجلس الشور=مثل الطيور تطير لا ارادت الحوم
ليت المشاعر رقم جوال محضور=مايتصل به كل من خمن رقوم
ليت الزمن يرجع واباشره بالفور=واعود رابح يوم انا اليوم مهزوم
لاحد يصدق ماوصفته من الجور=شاعر من اعراض الهواجيس محموم
(((( %%%% ))))=
الحسد خصلة دنية وصاحبها دني=واجهة تعكس لك النقص في شخص الرجل
والمصيبة لا حسدك اخ ولا من بني=عمك اللي تعتبرهم عزاويك الاول
الذي في حزة الزحمه تجيك تعني=ولا في وقت الرخا لابسه ثوب الجهل
ياهني اللي يصاحب موفق ياهني=لو من اقصى الارض لكن على النخوه عجل
والذي وقت الله الله عن الموقف وني=ياحسافه من يركز على راسه عقل
(((( %%%% ))))=
نحمد الله عالسلامة يابو فيصل ميات=مافرحنا غير في شوفتك يا احمد بخير
بالسلامة جو يهنوك من كل الجهات=وانت صيتك عند كل العرب ما له نظير
طول الله في سنينك على صدق وثبات=انت في ربعك رجال الوفا قايد وامير
ربعك اللي لابدو حزة الزحمه ثقات=عزوتك لا قمت تدعي في اليوم الخطير
وانت قيدوم المطاليق والناس الدهات=نظرتك فوق السحاب المهله للمطير
انت من وصيت ونحن مشينا عالوصات=وانت لا وصيت يالشيخ ابو فيصل جدير
قلت نبغى الصف واحد ولا نرضى الشتات=طالما انا كلنا نشترك نفس المصير
يالدهيسي بارك الله لك هذي الصفات=مابنيت الجدر ياشيخنا الغالي قصير
جنبك اخوانك حزامك بوقت المكربات=وان طلبت اولادك اهل الرضا باول واخير
والعذر لاخرت ياشيخنا بالتهنيات=تعرف الدنيا مشاغل وساعتها تطير
والصلاه على محمد بهذا الوقت جات=جعلها توصلك ياللي من الساعه نذير
(((( %%%% ))))=
اشهد ان الشجاعه ماتجي بالكلام=ماتجي الا بهذا الشكل ولا بلاش
قالها نايف وجاب الدليل الهمام=واجه الموت والناسف ورمي الكلاش
يقدم ابطالنا للموت نحو الامام=دون ذله ولا صاب الكفوف الرعاش
ابمسدس طرحهم لين صارو عدام=تحسبون امننا ياهل الضلاله هشاش
ياخفافيش طارت في سكون الظلام=باقي الله يفنيكم وتغدو طشاش
ذي رساله لمن يمشي طريق الحرام=واقتفى سكة الشيطان حتين داش
السعوديه ابعد من مزون الغمام=يحتميها رجالاً ماتطيل النقاش
(((( %%%% ))))=
بسم ربٍ خلقنا كلنا من عدم=جل سبحانه المعبود في كل حال
ربنا اللي بغيره مايحل القسم=ماخلقنا هباءً بل خلقنا امتثال
امتثالاً لوحيه لا لوحي القلم=المنزّل باعجازه عظيم الجلال
الذي علم الانسان مالا علم=خالق السبع والسبع ومرسّي الجبال
مرسل المصطفى يدعو العرب والعجم=للعباده وان الدار دار ارتحال
بين جنه ونار الاختيار الاهم=طالب الجنه اولى عالحرام الحلال
مايجي شك من يسمع لاذان الحرم=ان للخلق خالق وان باقي سوال
اشهد الا اله الا الله لا لا ولم=يتخذ له شريك ويتخذل له بدال
ياسلامي عليكم يارجال الهمم=قالها الشاعر اللي ماطرق للهزال
فرحته لاجتمع ربعه على علم اشم=كل رجال يتنومس بذولا الرجال
التواصل فضيله والتنافر ورم=ينخر الجسم حتى يرسله للزوال
ملتقانا وصل ذا الليل سابع رقم=يوم وان النوايا صافيه مايزال
يا بني مالك اهل الحجز واهل التهم=اسال الله يديم المعرفه والوصال
يشهد الله فيكم مايضيع العشم=والتراحيب تمطرنا على كل جال
انتم اهل الكرم لا جا نهار الكرم=يوم دمع البخيل انهل فوق الريال
وانتم وفاية السلمان الى من ضرم=نار تصلى على العدوان يوم القتال
الطناخه لكم ياربعي من القدم=يوم الافيال جروها المجوس الحثال
انفصل راس رستم وانشطر وانقسم=وتمثّل زهير الباجلي بالجزال
مانذم القبايل كلن وله قسم=وانا يوم افخر بربعي محقق ودال
واحسن اللي يقال اذا نويت الختم=صلو على الرسول ان جا لهذا مجال
(((( %%%% ))))=
ياسيدي ياوزير الداخليه وصلك=اللي تناقله خلق الله بهذا الصباح
تعليمنا ياولي العهد كله قصدك=تقتص من شرذمه متعوده عالصياح
ياللي تشيل السلاح الله يخيب عملك=مهايطي منت كفو انك تشيل السلاح
لو فيك خير اتجه للحد ماهو لاهلك=في صرح للعلم والتعليم والارتياح
على اقتحام المدارس يالردي وش حملك=كثر الفضاوه بلا ياشلة الانبطاح
قلي بربك في الدنيا طموحك واملك=لا بعد بكره روى اقرانك قصص للنجاح
لو كان ربي خلقك بهيمةٍ وسط شبك=تسرح وتضوي ويحدونك رعاة المراح
اما تروح غدا ولا عشا خيره الك=تلقى من اللي قلط فوق الصحون المداح
(((( %%%% ))))=
يالله يالرب العظيم ادعوك دعوه صادقه=يامن تكفلت ان دعاك العبد تعطيه الجواب
حلب تباد وفي عيون الشام دمعه حارقه=مابين ويلات الضما والجوع وانواع الخراب
سلّط على العدوان قوات العذاب الساحقه=الماحقه يامن بيده يصب سوطاً من عذاب
باستديو الاخبار جتنا اخبارهم متسابقه=من دون يتحرك لهم ساكن فأمتنا غياب
العدل ضاع بكل قمّه محوريه ناطقه=من مؤتمر في مؤتمر والكذب توأم للكذاب
وين الجيوش المؤمنه وين القلوب الشافقه=وين الذي خافو من الديان في يوم الحساب
الملحدين الروس وايران اللعينه حانقه=سوى لهم بشار في ارض الفتوحات انتداب
حلب تباد وفي ركام الحقد طفله عالقه=تستنجد النخوه وتتغطى بفستان التراب
مليار مسلم لو يروح النصف شله مارقه=يبقى ملايين البشر يبغون للجنات باب
الشام صارت منطقه فاللون الاحمر غارقه=ميدان للعبه السياسيه ومرسول العتاب
ماغير دولتنا وقوات التحالف فارقه=ماهو تعصب للسعوديه لكن هذا الصواب
حتى لو الجبهات عده كل هقوه شاهقه=لازم يصلها كل متوكل يخاف من العقاب
يارب اذا يوم القيامه له علامه فارقه=اكتب لنا زلفى ووفقنا الى حسن مئاب
(((( %%%% ))))=
طالما ان المزح مشروع والضحكه بلاش=فلّها والله رب العباد يحلها
ماحد بياخذ على حاله الرسمي معاش=السنين تمر من دون لا نفطن لها
مد جسر الود مالك وما للانكماش=واطرد البسمه وحذراك لا تركل لها
لا يكن وجهك مظّلم ومحروق الفلاش=اوتر الضحكه ولا باس من شفعاً لها
(((( %%%% ))))=
اخلاقك العليا مع العالم تذاكر للدخول=لاسماعهم وابصارهم وعقولهم وقلوبهم
اصدق ولا تكذب ولا تصنع صنيع ابن سلول=اسوأ بشر من لمّعو لاخلاقهم بنفاقهم
احذر تكن شقرا اللي ارهقها ملاحقة الخيول=على عماها تطرد بميدان حاكمه الوهم
ماهو ذكا تلبس قناع يبيّن الوجه الخجول=والله ماعز الرجال الا كريم اخلاقهم
(((( %%%% ))))=
اواه من بعض الهجوس اللي على بالي سرت=مسرى الذياب اللي ذبحها الجوع لاجنّ الكرا
يوم المشاعر دكها زلزال في وقت احترت=تلقى الامان وبهجة استقبال والساري سرا
برهه من التفكير باعت كل حظي واشترت=البيع كاش وماربط قلبي يكن سعر الشرا
ليه الوجوه الباسمه في ظرف لحظه كدّرت=حتى اجبرتني كل ما اتقدم شوي ارجع ورا
اشواقنا فاحت بها اثواب الوصل وتعطّرت=واشواقهم مايوصف الموقف لها ويعبّرا
كيف البيوت اللي على سيسان صدق تعمرت=تنهد عالسكان دون انذار سابق يذكرا
كيف العيون اللي محقّق شوفها لا ناظرت=ماتلمح الصوره ولا توصف جمال المنظرا
لا تسألون اشلون لحظات الشعور اتصبرت=وقت الخيار الصعب بين موردن ومصدرا
مستودعات الطيب من قدحة شرار تفجرت=راحت مكاسب ماتوقع من ربحها يخسرا
لا عادها الله فكره بوقت العصير تحررت=دعتني اسيّر وانا ما كان ود اسيّرا
بانت ليالي العيد والارصاد فيها بشّرت=لكن صلات الصدق تمنعنا نصدق ماجرى
دقيت باب الصمت لين اهل الفراسه قدّرت=في وقتها قارنت مابين الثريا والثرى
الناس فالدنيا معادن لو عليك تمنظرت=احذر من البطّال وامسك في رجا الونعم سرا
لا مانع من الدرس وظروف الحياه تغيّرت=لا صار ماعد تعرف اهل الحق واهل الافترا
هذي سحابة صيف ترعد وسط صدري وامطرت=ماهي متاهه والمصوّر للحقيقه صوّرا
(((( %%%% ))))=
وش هالزمان اللي تغير علينا=صار البعيد اقرب لنا مالقرايب
لا وا حسافه بالقريب اعتزينا=واليوم ندفع من عمرنا الضرايب
يا ما تعنينا ويا ما بدينا=واثره يدس لنا سيوف الحرايب
يا ليتنا ندري وش اللي جنينا=عشان يصبح باب الاقراب عايب
للاحترام وللمحبه لقينا=عند البعيد وعدنا مالحبايب
واللي تذكرناه يا ما نسينا=وين الوصاه اللي مع كل شايب
وش حالنا لو صار بكره قسينا=واقفى وفانا مع نسيم الهبايب
يالله يارب الخلايق تعينا=لاشب في قلب الخفوق الشبايب
ان كان ملا دمعة لا فنينا=لاحط من فوق القبور النصايب
ماعد لها حاجه خلاص انتهينا=لو الدموع تسيل سيل الشعايب
(((( %%%% ))))=
صباح البطولة ياحماة البلد والدين=ياجند الله اللي عالحدود الجنوبية
صباح العلم والنخله ولمعة السيفين=صباح الفخر يامملكتنا السعودية
صباح الدموع اللي تصب الفرح مالعين=على اكفان ضمت للغوالي بحنيّة
مابين الشهاده والنصر يحصل التمكين=ظفرتم باذن الله بهذي وهاذيه
(((( %%%% ))))=
العتب مالمحبة والصراحة وضوح=تجتمع عند من يملك لقلبن سليم
كان تبغى السعاده والهنا والفروح=التزم بالسماحه والمسامح كريم
جرب اصفح ولا تنظر لكبر الجروح=ذق حلاوه تعوّدها الكريم الحليم
ذكّر النفس بن الهجر مشقاة روح=يمنع اعمالك ان ترفع لربن عليم
عمّر اكبر مكانه شامخه كالصروح=في نفوس الخلايق ماتغادر تقيم
خذ مثال وعليه تقيس وبلا شروح=العفو شانه اعلى من قصاص الغريم
(((( %%%% ))))=
والا ياحمام الورق ياللي تطيل النوح=على ويش هذا الحزن يازين الاوصافي
بكى النون من سجعك وجددت في جروح=دمحها الزمن واصبحت سالي عالاسلافي
اذا كان خوفك تغدي من الغصن مطروح=لصيادك اللي مالقى عنك مصرافي
انا قبلك ارداني بنظراته المملوح=على الرغم مرسال النظر كان خطافي
حمامه تدني راسها والخجل مفضوح=عليها من الخلقه تقاسيم يا كافي
ترنم وانا من صوتها العاطفي مذبوح=شف النوح ذكرني ترانيم عزّافي
(((( %%%% ))))=
اذرفي يادموع القدس في كل عام=ليّني قبة الصخره ومنبر عمر
بعد كنتي عصيّه في عيون الهمام=تحت ظل الخليفه والامام الاغر
ياحكايه طويله مارواها السلام=تفتح جراح الامه بالاسى والكدر
كل راوي رواها مايسعه المقام=جيل من بعد جيل ولايزال القهر
جنة الله في ارضه حولوها ركام=غرقد الحقد طلعه فالبلاد انتشر
بدل الشيخ بالحاخام رمز الظلام=غايته يهدم الاقصى وجد وحفر
شب نار الفتن حتى بدى الانقسام=في صفوفن من اول ماتهاب الخطر
ماتوطّن بحرب ولا بسل الحسام=بالخيانه وخدعه من بعيد النظر
امة محمد محمد شفيع الانام=استفيقو من التخدير بان الخطر
حانت الانتفاضه واجتناب الكلام=نقطع الكف ونولّع شرار السعر
جهزو للرواحل وامسكو بالزمام=واستعدو لفرحه عارمه بالنصر
ان سكتّو سكوت اللي سبقكم حرام=حرب صهيون مكتوبه وهذا قدر
(((( %%%% ))))=
ياحبال الصوت حشرجك الخيال الفكري=كل ماجيت انطق الكلمه عجزت انطقها
الخطر يرمي على الافكار رمي الجثري=وانا مابين اني اسجنها وبين اطلقها
واهتديت الراي لو عسره غلب عاليسري=لنها وحده من الثنتين وانا افرقها
باكتب حروفي واغني لين صوتي يسري=يوصل اهل الغرب ويرج الصدى مشرقها
وانا شاعر نجم لكن كنت احب النثري=والقريحه كلما للنثر مايسرقها
دوب ما هالوقت صرت اتذكر اللي يجري=واجمع شتات الحكي والجمله انسقها
والذي يسمع قصيدي قال بدري بدري=لو من اول كان كل اهل الحكم تسبقها
دون لا تظطر تبني للعلاقه جسري=واليمين ان قربت لشمالها تصفقها
قال تذكر يوم اقول اسمع لصوت القمري=وانت معجبك الغراب ونعقتن ينعقها
قلت لا والله لكن كنت اعمّر قصري=والقصايد هامشيه لا بغيت اطرقها
مارجعت الا لشاعر يتقاصر جدري=قرب الشلفا ووده لحيتي يحلقها
قال لي بيتين قبل اعوام عودت اسري=واثره يحسبنا الرقاب العوج مانشنقها
عدت والعوده عساها للمتابع تبري=صار واجب كل يوم المعرفه مدرقها
والبلا بعض المعاني من رداها تهري=واضحه من قبل راع الحفل يتلحقها
ماتجي الا فالزمل لا احسبتها ماتطري=غمر مالجمهور ماندري عنه يزهقها
يالله ان كان الشعر لي خير ماهو عسري=يسر الطرقه وصفيان القصيد افلقها
ون يكن لي شر لا تجعل يضيع عمري=والكتب ماعاد بقراها وباطبقها
(((( %%%% ))))=
دعني اتامل عن اذنك باطياف السراب=لاتقاطعني والا باموت من العطش
القراب اغراب واغراب في حلة قراب=وان عقدت الشور يقلون لي طنش تعش
ياصديقي كيف ماعاد تتحمل عتاب=ضاعت الهقوه وغريت والريش انتفش
تحسبن الوضع عادي ولا تلقى حساب=وين عايش ونت تدري عن الحظ ارتبش
من ضلوعي قدت نارك وحللت احتطاب=غير ماقلطت ضيفك وضيعت الكبش
ياوجودك وجد من شاف له 200 باب=قام يتخير وصكت وابى يلقى مخش
في زمان الصدق ماعاد يغرينا الكذاب=الذكا للعبقري والغباوه للدبش
لاتوزع لي ميرندا ولا ابغى سفن اب=ماذبحنا الا مقولة تذوّق وانتعش
ياطبيب المخ عندي في العقل التهاب=من كريات الدم الجسم سخّن وارتعش
مادرست الجامعه غير بنظام انتساب=والشهاده قشها اللي تلقف للمقش
اقربو لي زاد ماعاد ادوّر للطلاب=حظ من للزاد يقعد وللذبان نش
(((( %%%% ))))=
ديرتي فوق هام السحب ياغلى ثرى=والثريا درت معشوقتي ديرتي
حب منذ الطفوله في عروقي جرى=ياسمو انتمائي حيّها اميرتي
جادليني !! معك ودي يطول المرى=لاجل ابيّن لشخصك حجمها غيرتي
ماسهرت الليالي ماعرفت الكرى=لنّك النور في صبحي وفي ليلتي
هل خلق غيرك الله فالبرى ياترى =جاوبي او افضّل ابقى في حيرتي
كلما اتوه واتحول بفكري ورى=اصدفك والتقي بك واكمل مسيرتي
دين الاسلام في دارك نمى وازهرى=قرب مكه وطيبه مهتني جيرتي
يحفظك يابلادي رب كل الورى=انتي العشق الاول وانتي اخيرتي
عبدالمجيد الدهيسي=[/poem]
