مشعل بن شويل
مراقب سابق
- إنضم
- 10 أبريل 2010
- المشاركات
- 12,422
- مستوى التفاعل
- 62
- النقاط
- 48
هذي سالفه طريفه للأعمى والمحرول
كان فيه ناس عندهم واحد أعمى والثاني محرول ( مقعد )
المهم .. كانوا ربعهم ناوين يرحلون من مكانهم إلى مكان آخر
تشاورا وقالوا والله الأثنين هذولاء بيبلشونا اللي هم الأعمى والمحرول " شيلهم نزلهم "
وانحن منحن فاضين لهم ..
فكروا العرب وقالوا .. وشرايكم نبي نرحل وهم نايمين ونتركهم
حياتهم وموتهم بيد الله .
المهم .. رحلوا ويوم صحى المحرول
وقام يطالع يمين يسار هنا هنا وإلا ما فيه أحد إلا الأعمى
أنا لله وبين يديه من الصابرين
قال عميان عميان قال هاه وش عندك
قال قوم قوم .. قام عميان وش فيه .. قال جماعتنا رحلوا وتركونا ..!!!!!!!
قال خير يا رجال ؟؟؟؟؟؟
قال العلم وما ترا .. !!!!!!!
قال الأعمى طيب وش الحل ؟؟؟؟ قال المحرول الحل عندي
تشيلني على كتوفك هههههه . وأنا أقول لك لف يمين
لف يسار . حتى نلحق عربنا
قال توكلنا على الله .حكمت على الجمل وساق . شال الأعمى المحرول وهم ماشين
لف يمين لف يسار قدامك شجره قدامك حصى قدامك حفرة وهكذا
وصلوا لأرض فيها أشجار كثيفه ( غابه )
يوم دخلوا في الغابه شوي وإلا وذاك الأسد قدامهم
قال المحرول يا عميان الظاهر انك ما تسمع آخر فوق أنك ما تبصر الله لا يعمينا . أنت وشبك يارجال .
قال الأعمى هاه خير الله ان شاء الله
قال وين الخير والأسد قدامنا
قال الأعمى هاه وهو من شدة الخوف يرمي المحرول على الأرض
وهو يجيك شارد ما يدري وين يروح يا حنيه يا طنيه وإلا وقدامه شجره والرجال مايشوف والخوف وصل منتهاه وهو يصكها براسه
وهو يجيك اتوماتيكياً مغير إتجاهه وإلا الشجره الثانيه تنتظرة
وهو يصكها براسه
قام الأسد يتفرج في هذا الفيلم من الأعمى اللي يصادم براسه في الشجر وهو يضحك الأسد ضحك ضحك ضحك حتى مات من الضحك .
قال المحرول ياعمياااان ياعمياااان
رد عليه وش فيه قال الأسد مات قال قل والله قال والله
قام المحرول يوجه الأعمى
يمين يسار .. يسار يمين .. لين وصل عنده..
وإلا وجبهة الأعمى متورمه من قوة الصدمات في الشجر هههههههه
قال المحرول هالحين يالمهبول ترميني للأسد وتبي تنجى بنفسك
قال أعذرني يأخي والله ما كان قصدي لكن يوم قلت الأسد ماذكرت إلا نفسي .
قال المحرول في قرارة نفسه طيب ولا يهمك
والله اني لأردها لك .. المهم قام الأعمى يشيل في المحرول
ذابحهم الجوع والتعب والضماء واثناء مسيرهم شاف المحرول أرانب
تردد لها وصكها ماقدروا يصيدون إلا هي وحده , فكّر المحرول
قال الأرنب ماتكفيني لحالي وهذا المصيبة ياكل الأخضر واليابس
وش أسوي بعميان هيا تقدم يمكن نلقى غيرها
المهم
انهم مشوا وإلا وذاك الداب تحت الشجره قال للأعمى وقف وقف نزلني نزلني في الأرض ابشر بالخير
المهم نزل وذبح الداب وشب النار وشوى الأرنب والداب
ويوم إستوت قام يقطع من لحم الداب ويعطي الأعمى
وهو يأكل من لحم الأرنب
قال الأعمى اقلك يا فلان قال هاه قال ماشاء الله تبارك الله
أرنبك هذي سمين كلها شحم وما عمري اكلت كماها
قال المحرول كل يارجال بالعافيه الله يهديك
انت ما تخبرني ما أصيد إلا السمين كل كل
أخذ الاعمى ياكل ويدهن وجهه من شحم الداب فشافاه الله
طالع يمين طالع يسار وإلا وهو يشوف كل شي قدام العين يامن له دين
سكت ما علم خوية المحرول أنه يشوف قال أعطني لحم
طالع وإلا وهو يقطع له من لحم الداب قال كل بالعافية
قام الأعمى قال تحسبني ما أشوف تعطيني من لحم الداب وأنت تاكل
من لحم الأرنب وهو يشيل خوية المحرول ويرميه في النار
قام المحرول يترفس في النار من شدة الحراره
صاح آآآآآآآآه أحوه احوه ليه أويه أ ما .. قال خلك تستاهل
وهو يطير فوق كأنه طير من شدة حرارة النار اللي حسها
وقام يسعى يمين يسار وإلا وهو يوم انطلق ماعاد فيه شي
قال ياعمياااااان
أبشرك أمشي على رجليي الثنتين شافاني الله
قال أحمد ربك
لو ما الله ثم انا حطيتك في النار كان إلى هالحين باقي محرول
قال وأنت أحمد ربك
لو ماالله ثم أنا اعطيتك من لحم الداب كان إلى هالحين أعمى
المهم
مشوا ووصلوا إلى عربهم شافوهم أهلهم
بسم الله الرحمن الرحيم أنت عميان
قال الله الله كنت عميان
وأنت المحرول قال الله الله كنت المحرول
تركتونا ولكن الله ما يخلي عباده
وسلااااااامتكم
كان فيه ناس عندهم واحد أعمى والثاني محرول ( مقعد )
المهم .. كانوا ربعهم ناوين يرحلون من مكانهم إلى مكان آخر
تشاورا وقالوا والله الأثنين هذولاء بيبلشونا اللي هم الأعمى والمحرول " شيلهم نزلهم "
وانحن منحن فاضين لهم ..
فكروا العرب وقالوا .. وشرايكم نبي نرحل وهم نايمين ونتركهم
حياتهم وموتهم بيد الله .
المهم .. رحلوا ويوم صحى المحرول
وقام يطالع يمين يسار هنا هنا وإلا ما فيه أحد إلا الأعمى
أنا لله وبين يديه من الصابرين
قال عميان عميان قال هاه وش عندك
قال قوم قوم .. قام عميان وش فيه .. قال جماعتنا رحلوا وتركونا ..!!!!!!!
قال خير يا رجال ؟؟؟؟؟؟
قال العلم وما ترا .. !!!!!!!
قال الأعمى طيب وش الحل ؟؟؟؟ قال المحرول الحل عندي
تشيلني على كتوفك هههههه . وأنا أقول لك لف يمين
لف يسار . حتى نلحق عربنا
قال توكلنا على الله .حكمت على الجمل وساق . شال الأعمى المحرول وهم ماشين
لف يمين لف يسار قدامك شجره قدامك حصى قدامك حفرة وهكذا
وصلوا لأرض فيها أشجار كثيفه ( غابه )
يوم دخلوا في الغابه شوي وإلا وذاك الأسد قدامهم
قال المحرول يا عميان الظاهر انك ما تسمع آخر فوق أنك ما تبصر الله لا يعمينا . أنت وشبك يارجال .
قال الأعمى هاه خير الله ان شاء الله
قال وين الخير والأسد قدامنا
قال الأعمى هاه وهو من شدة الخوف يرمي المحرول على الأرض
وهو يجيك شارد ما يدري وين يروح يا حنيه يا طنيه وإلا وقدامه شجره والرجال مايشوف والخوف وصل منتهاه وهو يصكها براسه
وهو يجيك اتوماتيكياً مغير إتجاهه وإلا الشجره الثانيه تنتظرة
وهو يصكها براسه
قام الأسد يتفرج في هذا الفيلم من الأعمى اللي يصادم براسه في الشجر وهو يضحك الأسد ضحك ضحك ضحك حتى مات من الضحك .
قال المحرول ياعمياااان ياعمياااان
رد عليه وش فيه قال الأسد مات قال قل والله قال والله
قام المحرول يوجه الأعمى
يمين يسار .. يسار يمين .. لين وصل عنده..
وإلا وجبهة الأعمى متورمه من قوة الصدمات في الشجر هههههههه
قال المحرول هالحين يالمهبول ترميني للأسد وتبي تنجى بنفسك
قال أعذرني يأخي والله ما كان قصدي لكن يوم قلت الأسد ماذكرت إلا نفسي .
قال المحرول في قرارة نفسه طيب ولا يهمك
والله اني لأردها لك .. المهم قام الأعمى يشيل في المحرول
ذابحهم الجوع والتعب والضماء واثناء مسيرهم شاف المحرول أرانب
تردد لها وصكها ماقدروا يصيدون إلا هي وحده , فكّر المحرول
قال الأرنب ماتكفيني لحالي وهذا المصيبة ياكل الأخضر واليابس
وش أسوي بعميان هيا تقدم يمكن نلقى غيرها
المهم
انهم مشوا وإلا وذاك الداب تحت الشجره قال للأعمى وقف وقف نزلني نزلني في الأرض ابشر بالخير
المهم نزل وذبح الداب وشب النار وشوى الأرنب والداب
ويوم إستوت قام يقطع من لحم الداب ويعطي الأعمى
وهو يأكل من لحم الأرنب
قال الأعمى اقلك يا فلان قال هاه قال ماشاء الله تبارك الله
أرنبك هذي سمين كلها شحم وما عمري اكلت كماها
قال المحرول كل يارجال بالعافيه الله يهديك
انت ما تخبرني ما أصيد إلا السمين كل كل
أخذ الاعمى ياكل ويدهن وجهه من شحم الداب فشافاه الله
طالع يمين طالع يسار وإلا وهو يشوف كل شي قدام العين يامن له دين
سكت ما علم خوية المحرول أنه يشوف قال أعطني لحم
طالع وإلا وهو يقطع له من لحم الداب قال كل بالعافية
قام الأعمى قال تحسبني ما أشوف تعطيني من لحم الداب وأنت تاكل
من لحم الأرنب وهو يشيل خوية المحرول ويرميه في النار
قام المحرول يترفس في النار من شدة الحراره
صاح آآآآآآآآه أحوه احوه ليه أويه أ ما .. قال خلك تستاهل
وهو يطير فوق كأنه طير من شدة حرارة النار اللي حسها
وقام يسعى يمين يسار وإلا وهو يوم انطلق ماعاد فيه شي
قال ياعمياااااان
أبشرك أمشي على رجليي الثنتين شافاني الله
قال أحمد ربك
لو ما الله ثم انا حطيتك في النار كان إلى هالحين باقي محرول
قال وأنت أحمد ربك
لو ماالله ثم أنا اعطيتك من لحم الداب كان إلى هالحين أعمى
المهم
مشوا ووصلوا إلى عربهم شافوهم أهلهم
بسم الله الرحمن الرحيم أنت عميان
قال الله الله كنت عميان
وأنت المحرول قال الله الله كنت المحرول
تركتونا ولكن الله ما يخلي عباده
وسلااااااامتكم