الناس اجناس
الشـــــــعر له مقصد وغايه ونيشان
والشعر فكر وذوق وشعور واحســـــاس
والناس فيهم من تبيعه بقرشــــــان
وبعضهم يســـــــوى مداين من الماس
به ناس في وقت الشـدايد لهم شان
بيض الوجيـــــــه علومهم ترفـع الراس
وناس يا حمدان قلبي لهم شـــــــان
علومهـــــــــم وافعالهــــم كلها ادناس
وناس بتبيع الاخــــــــــوة على شان
المصلحة ولا لقــــــــــــوا غير الافلاس
وانا معاهم صرت حاير وبلشـــــــان
من كثرهم غطوا على خيــــــرة النـاس
يعجبك منهو لجزل الفعل حوشــان
ان فز مثل الذيب او طيــــــــــر قرناس
ندمان من يتبع كســــــولاً وعمشان
من كثر نومه يشبه لســـــــود الاكياس
اذا جلس صابه نعوســـــــه وهرشان
كن به جرب والخبث من ذيك الانفاس
وقت الصلاة يصيب اذانيه طرشـــان
ما يسمع المذن وبه موتت احســــاس
نفسه على خشمه على طول هوشـان
كنه يصيبه لا طرى الذكر وســــــــواس
الشاعر / فهد عامر المالكي
رد الناس اجناس
من الرجال اللي كما الصقر نيشــان
ومنهم رهيف القلب دايم وحسّاس
ما كـل من يملك دراهم وقـرشــــان
يشـري من امواله كنوز(ن) والماس
ولله في خلقه حكايم وله شـــــــــان
سبحانه الواحـــــد وله نحني الراس
ياخوك ما كل الخلايق لها شـــــــأن
منهم حكيــم ومنهم اللي به ادناس
واللي دعاء لله دايم علي شـــــــــان
بين الخلايـــــق كلمته ما لها إفلاس
واللي بدرب الشـــــر ضايع وبلشـان
يعيش متعذب وهو اتعــــس الناس
مشغول بـ الدنيا وللمال حوشـــــان
ما يدري ان الموت كـ الصقر قرناس
ما يخطي الموعد ولا هو بـعمشــان
ما ينفعـــــــه مال(ن) عبا به اكياس
نمام ، متبلي ، و للناس هرشـــــــان
عســاه في نار(ن) بـلا موت وإنفاس
واللي غدا مثله في الدرب طرشــان
غافل في الدنيا ومعدوم الاحســاس
مثواه نار(ن) لها لهب هوشــــــــــان
اجســــادهم تغدي لها روح و آساس
الشاعر / حمدان الساعدي