سعيد بن سعد بن قربان
~ شـاعـر ~
- إنضم
- 10 أغسطس 2011
- المشاركات
- 2,151
- مستوى التفاعل
- 4
- النقاط
- 38
مناسبة هذه القصيدة عندما دخلت سوق الاسهم و خسرت أكثر من 6 مليون ريال
[poem=font="simplified arabic,5,black,bold,normal" bkcolor="transparent" bkimage="backgrounds/33.gif" border="none,4,gray" type=2 line=0 align=center use=ex num="0,black""]
افتكر في قصتي يوم حدتني الظروف=صار بعض الناس تنهش بروس انيابها
كم تجمع في يدي من ملايينٍ والوف=جبتها يوم ان ربي هو اللي جابها
من دخل في سوق الاسهم دخل من غير خوف=مادرى انه داخل السوق بين اذيابها
طحت أنا في سوق الاسهم كما أعمى ما يشوف=قلت ابتكسَب مع طيرها و ارقى بها
ست مليون الذي جبتها طوفا بطوف=قالوا ابشر قد عرفنا طريق احسابها
لكن الاقدار تجري و عبده ما يشوف=راحت الدنيا بها مع جميع اجنابها
قلت يا قلبي تصبَر بشي من الحروف=و اكتب الاشعار بحروفها و اقطابها
ماوجدت بمجتمعنا ولا واحد عطوف=يفتلون الشور من بعد فتل اشنابها
وان طرى طاري عليه ابتدا فينا يحوف=قال يا ربعي وش المشكلة و اسبابها
ودي اساعد وهو بالخبر وده يطوف=مثل شجرة ما تظلل على من جابها
يا عسى مثله من الناس يغدي للذلوف=ان حضر وان غاب ما ينحسب بحسابها
لو يشيلونه على النعش من فوق الكتوف=المقابر تشتكي منه هي واصحابها
و الله اني ما تكلمت من باب الحسوف=واعرف اللي مخطية قبل يفتح بابها
دايم احسب في حسابي لتجميع الصفوف=وما يفرق بين الاحباب غير احبابها
[/poem]