الشتاء دافي
Member
- إنضم
- 10 مايو 2008
- المشاركات
- 484
- مستوى التفاعل
- 12
- النقاط
- 18
عاد مثلما حشت لكم بعدها بنهار والا كماه روحنا عند سالم في قرية القرارة ,مشينا من مع الصلاة بغنمنا ومعنا ذيك البقرة الكبيرة في سنها وفي عمرها وهي هرية يوم تمشي مع الدرب وهي تبي تطيح مغير ندف بها دف ومعنا جمل اسمه صخران كان ابوي مسرحه في حمى جبل عاتق له يجي شهرين ولا جابه إلا العشوه اللي سبقت ممشانا حملنا عليه شمله كانت معنا سوتها امي صفقتين من كبرها لكانت فارشة حاير المرْبَع ومعنا زنابيل فيها حب من بقايا معاقب وسعنه فيها تمر من بلح تهامه نتقوت به ومعنا قريشيعات مواعين ومخمر ودله عصبيه وصحن غرب ! ابوي ما كان عنده مثل ذاك الصحن ماخذه من عند جارالله ابو حجل من قرية العمدأ وهو كان مشهور بنجر الصحون ولا كان احد يسوي احسن منه, ايده خفيفه وماخذ الصنعه من ابوه يقلون صحونه مشهوره في سوق الربوع وابوي من محبته في ذاك الصحن ما يشيله ويحطه إلا هو.
لا تقول إلا وصلنا عند الرواجح قبيل المغرب مع مقطاعة الفية واستقبلنا سالم من راس القزعة السوداء اللي تبدي على بيتهم ورحب بنا تراحيب قام يهلهلها يوم عرفنا وعرف ابوي واثره عرف الجمل وانحن محدرين من الريع اللي مقابلهم لكن ماهو متأكد لين قربنا منه واستقبل ابوي كما لو كان انه اخوه صريره مره يحب ابوي بينهم صدقة ومحبة من ايام كانوا جمالة وبينهم جيرة من اول وقط جانا سالم العاني في دارنا بس انا ما الهم اظن قبل اجي أو ان صغير مرة, المهم امسينا عنده في بيته وذبح لنا نعجة سفعاء من غنمه كنها في عيني ذلحين الجاهل ما ينسى انحن في صفقة المغرب وبسرعة شرحها وصلخها ما تخالطت الأضلام إلا وهي في قدرها وذيك الأيام ما كان يذبحون الذبيحة إلا للضيف العزيز إللي مره والا النايبة إذا مرت عليه مع جماعته حسب الدول .
المهم تعشينا على عصيدة شعير واللحم في ذاك الوقت قسمة كفية وكل جماعته حضروا والله وسوالف وقصايد وسمرة محبة الله يعيد ذيك الهجرة
لا تقول إلا وصلنا عند الرواجح قبيل المغرب مع مقطاعة الفية واستقبلنا سالم من راس القزعة السوداء اللي تبدي على بيتهم ورحب بنا تراحيب قام يهلهلها يوم عرفنا وعرف ابوي واثره عرف الجمل وانحن محدرين من الريع اللي مقابلهم لكن ماهو متأكد لين قربنا منه واستقبل ابوي كما لو كان انه اخوه صريره مره يحب ابوي بينهم صدقة ومحبة من ايام كانوا جمالة وبينهم جيرة من اول وقط جانا سالم العاني في دارنا بس انا ما الهم اظن قبل اجي أو ان صغير مرة, المهم امسينا عنده في بيته وذبح لنا نعجة سفعاء من غنمه كنها في عيني ذلحين الجاهل ما ينسى انحن في صفقة المغرب وبسرعة شرحها وصلخها ما تخالطت الأضلام إلا وهي في قدرها وذيك الأيام ما كان يذبحون الذبيحة إلا للضيف العزيز إللي مره والا النايبة إذا مرت عليه مع جماعته حسب الدول .
المهم تعشينا على عصيدة شعير واللحم في ذاك الوقت قسمة كفية وكل جماعته حضروا والله وسوالف وقصايد وسمرة محبة الله يعيد ذيك الهجرة